Իսրայելը հարձակում է նախապատրաստում Իրանի դեմ: Այս մասին գրել է New York Times-ը՝ հղում անելով ամերիկացի և եվրոպացի անանուն պաշտոնյաների:

Պարբերականի փոխանցմամբ դեռևս պարզ չեն Իսրայելի գործողության մասշտաբները:

Նշվում է, որ հնարավոր հարձակման լուրերը հանգեցրել են նրան, որ ԱՄՆ-ն հետ է կանչել իր դիվանագետներին Իրաքում, ինչպես նաև թույլ է տվել Մերձավոր Արևելքում գտնվող ամերիկացի զինվորականների ընտանիքներին կամավոր լքել տարածաշրջանը:

Իսրայելի և Իրանի միջև լարվածությունն աճել է ամիսների ընթացում: Իսրայելի վարչապետ Բենիամին Նեթանյահուն համոզում էր ԱՄՆ նախագահ Դոնալդ Թրամփին օգտվել այս պահից, երբ Իրանը, Իսրայելի համոզմամբ, խոցելի է հարվածի համար: