Միքայել Սրբազանը մոտեցավ ավտոմեքենային, բայց ժողովուրդը թույլ չտվեց նրան նստել մեքենան։ Այս մասին հայտարարել է Մայր Աթոռի Արտաքին հարաբերությունների և արարողակարգի բաժնի տնօրեն Նաթան արք․ Հովհաննիսյանը։ 

«Երկրորդ անգամ ևս փորձ արվեց, նորից չկարողացանք։ Այնպես որ որևէ մեկը չի պահմտվում, որևէ մեկը փախուստ չի տալիս չիրագործած հանցագործությունից»,- նշել է նա։ 

Նշենք, որ Վեհարանի մոտ իրավիճակը պարբերաբար լարվում է։ Ոստիկանական ուժերը հրմշտում են քաղաքացիներին, որոնք խոչընդոտում են անցնել Վեհարանի դարպասից ներս։

«Ազատության»փոխանցմամբ՝ Ոստիկանությունն ուժեղացված հսկողություն է իրականացնում Երևանից Էջմիածին քաղաք տանող  մուտքի մոտ: Ոստիկաններն առանձին մեքենաներ են կանգնեցնում, բեռնախցիկներն են ստուգում, այնուհետև՝ թույլատրում երթը:

Հիշեցնենք, որ առավոտյան իրավապահները Շիրակի թեմի առաջնորդարանում են․ ներսում քննչական գործողություններ էին։ Ավելի ուշ պարզ դարձավ, որ արքեպիսկոպոս Աջապահյանը Մայր Աթոռում է՝ Քահանայից ժողովի համար։