16:42 - 03 հոկտեմբերի, 2019
Հանձնաժողովը քննարկել է ԵԱՏՄ միասնական ֆինանսական շուկայի ձևավորման հարցեր |lragir.am|
lragir.am: ՀՀ կենտրոնական բանկը հոկտեմբերի 2-ին հյուրընկալել է Եվրասիական տնտեսական միության Ֆինանսական շուկաների խորհրդատվական հանձնաժողովի 2-րդ նիստը, որին մասնակցել են Ֆինանսական շուկաների խորհրդատվական հանձնաժողովի անդամները, ինչպես նաև ԵԱՏՄ անդամ երկրների ֆինանսական ոլորտը կարգավորող մարմինների ներկայացուցիչները։
Ինչպես տեղեկացրին ԿԲ հասարակայնության հետ կապերի ծառայությունից, նիստի ժամանակ քննարկվել են ԵԱՏՄ միասնական ֆինանսական շուկայի ձևավորմանն առնչվող հարցեր՝ մասնավորապես ֆինանսական շուկայի օրենսդրության ներդաշնակեցման, ընդհանուր գործընթացների իրականացման, ԵԱՏՄ ընդհանուր բորսայական տարածքի ճանապարհային քարտեզի մշակման և այլ հարցեր։ Նիստի արդյունքում մասնակիցները մի շարք քննարկվող հարցերի շուրջ համաձայնություն են ձեռք բերել շարունակել աշխատանքները։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)