13:21 - 30 մայիսի, 2019
Վրաստանի դատախազությունը կշարունակի պահանջել Սաակաշվիլիի արտահանձնումը |news.am|
news.am։ Սաակաշվիլիի նկատմամբ քաղաքացիության վերականգնման կամ կորստի հարցը ոչ մի առնչություն չունի իրավական հետապնդման կամ արտահանձնման գործընթացների հետ եւ ոչ մի ազդեցություն չի ունենա ընթացիկ գործընթացի վրա: Այս մասին հայտնել է դատախազ Կոկա Կացիտաձեն, հաղորդում է «Վրաստան- On-line»-ը:
Կոկա Կացիտաձեն նշել է, որ Վրաստանի դատախազությունը սկսել է Միխայիլ Սաակաշվիլիի արտահանձնման գործընթացները եւ այդ իրավական գործընթացները չեն դադարել:
«Ինչ վերաբերում է քաղաքացիության հարցին, ապա քաղաքացիության վերականգնման կամ կորստի հարցը ոչ մի առնչություն չունի իրավական հետապնդման կամ արտահանձնման գործընթացների հետ եւ ոչ մի ազդեցություն չի ունենա ընթացիկ գործընթացի վրա:
Դատարանի կողմից մեղադրվող Միխայիլ Սաակաշվիլին ստիպված կլինի կանգնել Վրաստանի արդարադատության առաջ եւ պատասխան տալ կատարված հանցագործության համար:
Մայիսի 28-ին Ուկրաինայի նախագահ Վլադիմիր Զելենսկին Միխայիլ Սաակաշվիլիին վերադարձրել էր Ուկրաինայի քաղաքացիությունը: Վրաստանի նախկին նախագահը եւ Օդեսայի մարզի նախկին ղեկավարը Կիեւ է ժամանել մայիսի 29-ին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)