aliq.ge: Թբիլիսիում՝ Ռուսթավելի պողոտայում, մեկնարկած ցույցի մասնակիցները տեղափոխվել են Կենտրոնական ընտրական հանձնաժողովի մոտ:
ԿԸՀ-ի գլխավոր գրասենյակի մոտ մոբիլիզացված են հատուկ ջոկատայիններ: Ոստիկանությունը ջրցան մեքենա և արցունքաբեր գազ է կիրառել ցուցարարների դեմ:
Հիշեցնենք՝ Վրաստանի խորհրդարանի հարակից տարածքում Վրաստանի ընդդիմադիր կուսակցությունների ու քաղաքացիական հատվածի ներկայացուցիչների մեծամասշտաբ ցույց են մեկնարկել: Հավաքվածները Վրաստանի իշխանությանը մինչև ժամը 20:00-ն ժամանակ էին տվել՝ ԿԸՀ-ի նախագահ Թամար Ժվանիային պաշտոնանկ անելու ու նոր ընտրական հանձաժողովի կազմ ձևավորելու համար:
Ընդդիմության պահանջներն են.
- Նոր, արդար և ազատ խորհրդարանական ընտրությունների անցկացում,
- ԿԸՀ-ի նախագահի հրաժարական և նոր ընտրական հանձնաժողովի ձևավորում,
- Բոլոր քաղբանտարկյալների ազատ արձակում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)