13:49 - 19 նոյեմբերի, 2020
Կորոնավիրուսի պատճառով վախճանվել է Գուգարաց թեմի առաջնորդ Սեպուհ արք. Չուլջյանը, հաղորդում է Մայր Աթոռը
Կորոնավիրուսի պատճառով այսօր առավոտյան վախճանվել է Հայ Առաքելական եկեղեցու Գուգարաց թեմի առաջնորդ Սեպուհ արքեպիսկոպոս Չուլջյանը: Այս մասին հաղորդում է Մայր Աթոռ Սուրբ Էջմիածնի տեղեկատվական համակարգը:
Գարեգին երկրորդ Ամենայն Հայոց կաթողիկոսը, Մայր Աթոռի միաբանությունը խորապես սգում են Սեպուհ սրբազանի անժամանակ մահը, ասված է հաղորդագրությունում:
«Սրբազան Հոր վախճանը մեծ կորուստ է Հայաստանյայց Առաքելական Սուրբ Եկեղեցու, Գուգարաց թեմի և նրա հավատավոր զավակների համար», - նշում է Մայր Աթոռի տեղեկատվական համակարգը:
Սեպուհ արքեպիսկոպոս Չուլջյանը 61 տարեկան էր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)