«Արդար Հայաստան» կուսակցությունը հայտարարություն է տարածել, որով տեղեկացնում է արտահերթ խորհրդարանական ընտրություններին մասնակցելու իրենց որոշման մասին: Այն ամբողջությամբ ներկայացնում ենք ստորև.
«Քիչ առաջ «Արդար Հայաստան» կուսակցության կառավարման խորհուրդը որոշում ընդունեց մասնակցել արտահերթ խորհրդարանական ընտրություններին և հաստատեց կուսակցության ընտրական ցուցակը։
Պահանջվող փաստաթղթերը վաղը՝ ժամը 14։00-ից 15։00-ի սահմաններում, կներկայացվեն Կենտրոնական ընտրական հանձնաժողով։ Առաջիկա երեք օրվա ընթացքում հանրությանը կներկայացվի «Արդար Հայաստան» կուսակցության ընտրական ցուցակը, որտեղ ընդգրկված են գիտությունների դոկտոր, պրոֆեսոր, գիտությունների թեկնածուներ, փաստաբաններ, տնտեսագետներ, կառավարման մասնագետներ, ուսուցիչներ, լեզվաբաններ, ձեռնարկատերեր և այլ բնագավառների ներկայացուցիչներ։
Վճռականորեն շարժվում ենք առաջ՝ կառուցելու արդար Հայաստան․․․»,- ասված է հաղորդագրության մեջ:
comment.count (0)