tert.am: Թբիլիսիի փողոցներից մի քանիսում տեղակայվել են նախկինում վթարի ենթարկված ավտոմեքենաներ, որոնք դրվել են հատուկ սյուների վրա:
Քաղաքապետարանի համար անհասկանալի կերպով քաղաքում հայտնված նոր «ցուցանմուշների» մասին տեղյակ է Վրաստանի իշխող կուսակցությունից քաղաքային ժողովի անդամ Շալվա Օգբաիձեն, որը խոսել է ակցիայի նպատակների մասին:
«Ակցիայի նպատակը բոլորիս ևս մեկ անգամ մտորելու տեղիք տալն է, որ հարկավոր է պահպանել անվտանգ երթևեկության կանոնները՝ չգերազանցել արագությունը, ղեկին չնստել ոչ սթափ վիճակում, մեքենան վարելիս չխոսել բջջային հեռախոսով և այլն: Նման ձևով ուզում են նախազգուշացնել, որ այստեղ կարող է հայտնվել մեր մեքենան: Սա աշխարհում և Եվրոպայում փորձված միջոց է»,- ասել է Օգբաիձեն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)