21:11 - 19 հուլիսի, 2021
Ադրբեջանի ԶՈՒ վերահսկած տարածքում հայտնված կոմբայնը և կոմբայնավարը վերադարձվել են. ՀՀ ՊՆ
Սյունիքի մարզի Տեղ գյուղի սահմանային հատվածում հուլիսի 19-ին միջադեպ է գրանցվել: Ինչպես տեղեկացնում են ՀՀ պաշտպանության նախարարության տեղեկատվության և հասարակայնության հետ կապերի վարչությունից, համայնքի բնակիչ կոմբայնավարը, ապակողմնորոշվելով տեղանքում, հայտնվել է ադրբեջանական զինված ուժերի վերահսկողության տակ գտնվող տարածքում:
ՀՀ ՊՆ-ից հայտնում են, որ հայ դիրքապահների, ռուս սահմանապահների և համայնքի ղեկավարության ջանքերով կոմբայնավարը, ինչպես նաև կոմբայնը, վերադարձվել են հայկական կողմին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)