Հայաստանը հանձնառու է տարբեր հարթակներում խթանելու կանանց օրակարգը․ Զոհրաբ Մնացականյան
05:58 - 15 մարտի, 2019

Հայաստանը հանձնառու է տարբեր հարթակներում խթանելու կանանց օրակարգը․ Զոհրաբ Մնացականյան

Մարտի 14-ին ՀՀ ԱԳ նախարար Զոհրաբ Մնացականյանն ընդունեց ՆԱՏՕ-ի՝ կանանց, խաղաղության և անվտանգության հարցերով հատուկ ներկայացուցիչ Կլեր Հաթչինսոնին:

Նախարար Մնացականյանը ողջունեց Հայաստանում մեկնարկած ՆԱՏՕ-ի շաբաթվա շրջանակներում Կլեր Հաթչինսոնի այցը Հայաստան և բարձր գնահատեց նրա մասնակցությունը մարտի 15-ին կայանալիք «Կանայք, խաղաղություն և անվտանգություն. միջազգային և հայաստանյան պրակտիկա» քննարկմանը:

Նախարար Մնացականյանն ընդգծեց, որ Հայաստանը մեծապես կարևորում է ՆԱՏՕ-ի՝ կանանց, խաղաղության և անվտանգության հարցերով հատուկ ներկայացուցչի օրակարգն ու մանդատը, քանի որ կանայք անվտանգության, պետական կառույցների կառուցման անմիջական շահառուներն են: Նախարարի խոսքով՝ հանրային կյանքում, ազգային և գլոբալ մակարդակներով կանանց մասնակցությունն անվտանգության հարց է, և Հայաստանը հանձնառու է բազմակողմ տարբեր հարթակներում խթանելու կանանց օրակարգը:

Երկուստեք բարձր գնահատվեց ՄԱԿ-ի Անվտանգության խորհրդի «Կանայք, խաղաղություն և անվտանգություն» 1325 բանաձևի դրույթների իրականացման գործողությունների 2019-2021 թվականների ազգային ծրագրի հաստատումը Հայաստանի կառավարության կողմից:

ՀՀ արտաքին գործերի նախարարություն


Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Կարդալ նաև


comment.count (0)

Մեկնաբանել