09:26 - 12 մարտի, 2019
Զինված խումբը փորձել է հատել իրանա-ադրբեջանական սահմանը. փոխհրաձգություն է տեղի ունեցել |lragir.am|
Մարտի 12-ի գիշերը զինված խումբը Յարդիմլիի շրջանի տարածքում փորձել է հատել ադրբեջանա-իրանական սահմանը: Ըստ Ադրբեջանի սահմանապահ ծառայության տարածած հաղորդագրության՝ սահմանապահները սահմանախախտներին հրահանգել են կանգ առնել, սակայն վերջիններս կրակ են բացել:
Պատասխան կրակի հետևանքով սահմանախախտներից մեկը սպանվել է, մյուսները կարողացել են հեռանալ:
Տեղեկացնենք, որ մարտի 10-ին ևս նման դեպք էր գրանցվել. զինված խմբի ու ադրբեջանցի սահմանապահների միջև փոխհրաձգության հետևանքով սպանվել էր 1, վիրավորվել 1 սահմանապահ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)