12:23 - 27 մարտի, 2019
ԱՄՆ ֆիննախը պատժամիջոցներ է սահմանել Իրանի ՊՆ-ին ավելի քան 1 մլրդ դոլար փոխանցած անձանց, ընկերությունների նկատմամբ
tert.am: Միացյալ Նահանգների ֆինանսների նախարարության արտաքին հաշիվների վերահսկման գրասենյակը միջոցներ է ձեռնարկել 25 անձի, ինչպես նաև Իրանում, ԱՄԷ-ում և Թուրքիայում գործող կեղծ ընկերությունների դեմ, որոնք ավելի քան մեկ միլիարդ դոլար և եվրո են փոխանցել Իրանի պաշտպանության և զինված ուժերի աջակցության նախարարությանը, Իսլամական հեղափոխության պահապանների կորպուսին: Բացի այդ, նրանք մի քանի միլիոն դոլար արժողությամբ փոխադրամիջոցներ են փոխանցել ՊՆ-ին:
ԱՄՆ ֆիննախի տարածած հայտարարությունում նշվում է, որ իրանական ռեժիմի ստեղծած ցանցի նկատմամբ պատժամիջոցներ են սահմանվել: Դրանք տարածվել են նաև Ansar Bank-ի և Ansar Exchange-ի վրա, որոնց միջոցով էլ արվել են փոխանցումները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)