«Իտալիայի ոստիկանությունը առգրավել է «Lady M Yacht»՝ 65 միլիոն եվրո արժողությամբ նավը։ Այս մասին իր թվիթերյան էջում գրել է Իտալիայի վարչապետի մամուլի խոսնակ Ֆերդինանդո Ջուլիանոն։
Ըստ գրառման՝ նավը, որը գտնվում էր Իմպերիայում, պատկանում է Ալեքսեյ Մորդաշովին։ Ջուլիանոյի խոսքով նավն առգրավվել է՝ համաձայն ԵՄ վերջին պատժամիջոցների։
Ըստ Franc24-ի` Մորդաշովը պատկանում է «Severstal» խմբավորմանը և այն գերհարուստ ու հզոր ռուսների թվում է, որոնք ընդգրկված են Բրյուսելի սև ցուցակում Կրեմլի հետ իրենց ենթադրյալ մտերմության համար:
Փետրվարի 24-ից՝ Ռուսաստանի ներխուժումն Ուկրաինա սկսելուց ի վեր, ԵՄ-ն քայլեր է ձեռնարկել՝ սառեցնելու ՌԴ-ի հետ կապ ունեցող օլիգարխների ակտիվները և արգելելու նրանց մուտքը դաշինք:
ԵՄ պատժամիջոցների արդյունքում առգրավված առաջին զբոսանավը Amore Vero-ն է, որը առգրավվել է հինգշաբթի օրը Ֆրանսիայի Լա Սիոտատ նավահանգստում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)