armenpress.am: Ֆուտբոլի աշխարհի առաջնության երրորդ տեղի խաղի համար միմյանց հետ մրցեցին Խորվաթիայի և Մարոկկոյի ընտրանիները:

«Արմենպրես»-ի հաղորդմամբ՝ Ալ-Ռայան քաղաքի «Խալիֆ» մարզադաշտում կայացած խաղի մեկնարկում խորվաթներն առավելությում ունեին, որը գոլի վերածեց Գվարդիոլը: Ընդամենը 2 րոպե անց Մարոկկոն վերականգնեց հաշվի հավասարությունը: Աչքի ընկավ Դարին:

Գնդակներ փոխանակվելուց հետո թիմերը շարունակաբար գրոհում էին, սակայն առավել սուր ու վտանգավոր գրոհում էին խորվաթները: Ի վերջո եվրոպացիներին հաջողվեց կրկին առաջ անցնել հաշվի մեջ խաղակեսի վերջնամասում՝42-րդ րոպեին: Գոլն իր ակտիվում գրանցեց Օրիշիչը:

Թիմերն ընդմիջման գնացին խորվաթների առավելությամբ՝ 2:1: Երկրորդ կեսի մեկնարկում՝ խաղային իրավիճակներից մեկի ժամանակ, Մարոկկոյի ընտրանու ֆուտբոլիստներից մեկը խախտեց խաղի կանոնները խորվաթների նկատմամբ, սակայն մրցավարը չնշանակեց 11 մետրանոց հարվածը: Մարոկկոյի ընտրանին, սակայն, չէր ընդունում գործող հաշիվը և դիրքային գրոհներ էր կազմակերպել: Ի վերջո Խորվաթիան հաղթեց Մարոկկոյին 2:1 հաշվով և դարձավ Մունդիալ--2022-ի բրոնզե մեդալակիր:

Խորվաթիան պատմության մեջ երրորդ անգամ աշխարհի առաջնությունում մեդալակիր դարձավ: