13:40 - 26 դեկտեմբերի, 2022
Ճապոնիայում ձյան առատ տեղումների հետևանքով առնվազն 17 մարդ է մահացել |azatutyun.am|
azatutyun.am: Ճապոնիայում վերջին օրերին ձյան առատ տեղումների հետևանքով 17 մարդ է մահացել, ևս 93-ը՝ մարմնական վնասվածքներ ստացել, հայտնում է Associated Press-ը:
Ճապոնիայի հյուսիսում ձյան առատ տեղումները սկսվել են անցած շաբաթ: Երկրի հյուսիսարևելյան հատվածում ձյուն է տեղացել միջինից երեք անգամ ավելի։ Արդյունքում իշխանությունները չեղարկել են տասնյակ օդային և երկաթուղային չվերթներ, հարյուրավոր մեքենաներ արգելափակվել են ճանապարհներին։
Երեկ առավոտյան Հոկայդո կղզում մոտ 20 հազար տուն մնացել է առանց էլեկտրականության: Օրվա ընթացքում տուժած շրջանների մեծ մասում էլեկտրաէներգիան վերականգնվել է։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)