12:34 - 06 փետրվարի, 2023
Թուրքիայում երկրաշարժի հետևանքով փլուզվել է ՅՈՒՆԵՍԿՕ-ի համաշխարհային ժառանգություն հանդիսացող Գազիանթեփի ամրոցը |armenpress.am|
armenpress.am: Թուրքիայի Գազիանթեփի նահանգում փլվել է ՅՈՒՆԵՍԿՕ-ի համաշխարհային ժառանգության ցանկում ընդգրկված պատմական ամրոցն այսօր տեղի ունեցած 7,4 մագնիտուդ ուժգնությամբ երկրաշարժի հետևանքով։ Այս մասին տեղեկանում Է ТАСС գործակալությունից:
Գործակալությունը նշում է, որ Yeni Şafak թերթի տվյալներով՝ կառույցին հասցված վնասը դեռ պետք Է որոշվի։ Այժմ հայտնի է, որ ցնցումներից հետո պարիսպները տեղ-տեղ փլվել են։
Գազիանթեփի ամրոցը գտնվում Է 25-30 մ բարձրությամբ բլրի վրա: Կառուցման տարեթվի և հեղինակի մասին ստույգ տեղեկություններ չկան, սակայն դրա մասին առաջին հիշատակությունները վերաբերում են II-III դարերին:
2002 թվականից ամրոցի տարածքում հնագետները պեղումներ են իրականացրել, որոնց ընթացքում բազմաթիվ բացահայտումներ են արվել, որոնք պատմում են այս տարածաշրջանի ժողովուրդների կյանքի մասին։
Բերդի տարածքում կա թանգարանային համալիր՝ նվիրված Առաջին աշխարհամարտի ժամանակ ֆրանսիացիներից Գազիանթեփի պաշտպանությանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)