shantnews.am: Ավստրալիայում ահաբեկչություններ են կանխվել: Այս մասին հայտնում է Reuters-ը: Աղբյուրի փոխանցմամբ՝ այս երկրի ոստիկանությունը ձերբակալել է 20, 23 և 30 տարեկան տղամարդկանց:
Իրավապահների տեղեկություններով՝ նրանցից երկուսը մեղադրվում են «Իսլամական պետություն» ահաբեկչական կազմակերպության կազմում ընդգրկված լինելու, մյուսը սոցիալական ապահովության ոլորտում մեքենայությունների մեջ:
Նշվում է, որ ձերբակալված հանցավոր խմբի անդամներն առաջիկայում պատրաստվում էին ահաբեկչություններ իրականացնել ոստիկանական բաժանմունքներում, դեսպանատներում, դատարաններում ու եկեղեցիներում:
Ոստիկանությունն այդ մարդկանց անուններն առայժմ չի հրապարակում: Առաջիկայում նրանք կկանգնեն դատարանի առաջ:
comment.count (0)