13:20 - 13 ապրիլի, 2024
Սիդնեյի առևտրի կենտրոնում դանակահարության հետևանքով մահացել են 5 մարդ ու կասկածյալը |news.am|
news.am: Հինգ մարդ և կասկածյալը մահացել են Սիդնեյի առևտրի կենտրոնում շաբաթ օրը տեղի ունեցած դանակահարության հետևանքով, տեղեկացրել է АР-ն։
Մի քանի մարդ, ներառյալ փոքրիկ երեխա, վիրավորվել են, տեղեկացրել է ոստիկանությունը։
Մի մարդ սկսել է դանակով հարվածներ հասցնել առևտրի կենտրոնում՝ հարձակվելով ինը մարդու վրա, ինչից հետո նրա վրա կրակել է ոստիկանական տեսուչը, լրագրողներին տեղեկացրել է ոստիկանության կոմիսարի օգնական Էնթոնի Քուկը։ Նրա խոսքով՝ հինգ տուժածներ մահացել են։
Քուկը պատմել է, որ կասկածվողը գործել է միայնակ, և «մշտական ոչ մի սպառնալիք չկար»։
Նա նշել է, որ հանցագորձի անձը առայժմ պարզված չէ, և չկա հանցագործության կատարման որևէ դրդապատճառի մասին վկայող նշան։
Ավելի վաղ հայտնի էր դարձել Սիդնեյի առևտրի կենտրոնում դանակահարության մասին։ Տեղեկացվել է, որ կան զոհեր։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)