Բաց նամակ
Արդարադատության նախարար Արտակ Զեյնալյանին
Երեւան քաղաքի բնակիչ՝ Գայանե Մարտիրոսյանից
2018 թվականի հունվար ամսին ինձ վրաերթի ենթարկած եւ փախուստի դիմած Մարտին Իսահակյանը չի ցանկանում փոխհատուցել պատճառած վնասները:
Հունվար ամսից մինչեւ ամառ՝ ստացած բազմաթիվ կոտրվածքներով գտնվել եմ անկողնային վիճակում: Գործը քննվում է Երեւան քաղաքի ընդհանուր իրավասության դատարանում, Գագիկ Պողոսյանի նախագահությամբ: Ակնհայտ նկատվում է, որ այդ դատավորը արդար չէ եւ միշտ խուսափում է:
Փաստաբան Ինեսա Պետրոսյանն էլ իրավապահ մարմինների կողմից իրականացվող աշխատանքները նախորդ փուլում շատ թերի է գնահատել: Ուստի ձեր ուշադրությունն եմ խնդրում, քանի որ ինձ համար յուրաքանչյուր անցնող օր ճակատագրական է: Սոցիալապես անապահով վիճակս ու գնալով ավելի ծանրացող առողջական վիճակս թույլ չեն տալիս վերադառնալ բնականոն կյանիքս եւ խնամել միակողմանի ծնողազուրկ, մանկահասակ թոռնիկներիս:
comment.count (0)