Փողոցների հիմնանորոգման աշխատանքներ այս տարվա նախնական պլանով նախատեսված չէին, միայն փոսալցում։ Բայց ընթացքում որոշվեց տնտեսված գումարների մի մասն ուղղել մի քանի փողոցի հիմնանորոգմանը։ Այս մասին Ֆեյսբուքի իր էջում հայտնել է Երևանի քաղաքապետարանի մամուլի խոսնակ Հակոբ Կարապետյանը։

«Հիմա հիմնանորոգում արվում է Սարալանջի փողոցում (ընդ որում, բավական որակով է ոչ միայն բուն ասֆալտապատումը, այլեւ աշխատանքի կազմակերպումը, աշխատում են հիմնականում գիշերային ժամերին, պատմած ձեւով կահավորում են աշխատանքային գոտին եւն)»,- գրել է Կարապետյանը։