tert.am: Դուք ձեզ կողքից լսում եք, ինչի մասին եք խոսում ընդհանրապես, թե ոչ: Այս մասին Ազգային ժողովում ասաց «Լուսավոր Հայաստան» խմբակցության պատգամավոր Տարոն Սիմոնյանը՝ անդրադառնալով ԱԺ-ում քննարկվող հարցերին:
«Ընդհանրապես մենք արդեն մի քանի հազար հաշմանդամ ունենք, այդ մարդկանց հաշմանդամության հարցերով զբաղվելու ենք, մարմնի հաշմանդամությունը լուծելու հարց է, բայց հոգու հաշմանդամությունն անլուծելի հարց է: Ես երկուս ու կես տարի ամեն անգամ այս ամբիոնից հայտարարում եմ՝ զգույշ խոսեք Հայաստանում, զգույշ քայլեք Հայաստանում, ձեր ամեն մի խոսքն արձագանքում է և ավելի մեծ հետևանքներ է առաջացնում: Գանգոսկրի մեջ մի օրգան կա, որ եթե լավ օգտագործվի, մենք այս խնդիրների առաջ ամեն օր չենք կանգնի»,-ասաց նա:
Տարոն Սիմոնյանը նշեց, որ եղած հնարավորությունները չօգտագործելով՝ չգիտի, թե իշխանությունը ում են սպասում: «Երկու ամիս է՝ գոռում ենք, որ միջազգային հարթակներում հարցերը բարձրացնելու հնարավորություններ կան, գրում ենք, տալիս ենք ձեզ, ոչ մի բան չեք անում: Ասում եք, որ հայտարարություն եք ստորագրել՝ անելանելի վիճակից ելնելով, միգուցե, բայց արդյոք գիտեք, որ այդ հայտարարությունը ինքնին երեք հիմքով առոչինչ է»,-ասաց նա և նշեց, որ սպառնալիքի ներքո կնքած պայմանագիրն առ ոչինչ է:
comment.count (0)