Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

Իրանը, Ռուսաստանը և Չինաստանը համատեղ ռազմածովային զորավարժություններ կանցկացնեն |tert.am|

tert.am: Չինաստանը, Ռուսաստանը և Իրանը մարտի առաջին կեսին համատեղ ռազմածովային զորավարժություններ կանցկացնեն իրանական Չաբահար նավահանգստի ջրերում։ Ինչպես փոխանցում է «ՌԻԱ նովոստին»՝ այդ մասին շաբաթ օրը հայտնել է Չինաստանի պաշտպանության նախարարությունը։ «Չինաստանի, Ռուսաստանի և Իրանի ռազմածովային ուժերը համատեղ զորավարժություններ կանցկացնեն մարտի առաջին կեսին»,- ասված է չինական պաշտպանական գերատեսչության հաղորդագրության մեջ։ Նշվում է, որ զորավարժությունները տեղի կունենան իրանական Չաբահար նավահանգստի մոտ գտնվող ջրերում։

12:53 - 09 մարտի, 2025

Քաղաքական խորհրդակցություններ ՀՀ-ի և Չինաստանի ԱԳՆ-ների միջև

Մարտի 4-ին Պեկինում Հայաստանի Հանրապետության և Չինաստանի Ժողովրդական Հանրապետության արտաքին գործերի նախարարությունների միջև կայացան քաղաքական խորհրդակցություններ ՀՀ ԱԳ նախարարի տեղակալ Մնացական Սաֆարյանի և ՉԺՀ ԱԳ նախարարի տեղակալ Լիու Բինի գլխավորությամբ։ Այս մասին տեղեկացնում են ՀՀ ԱԳՆ-ից։ Խորհրդակցությունների ընթացքում կողմերն ընդգծել են երկկողմ քաղաքական երկխոսության բարձր մակարդակը և քննարկել դրա հետագա խորացման ուղղությամբ ձեռնարկվելիք քայլերը։ Չինաստանը վերահաստատել է իր աջակցությունը Հայաստանի քաղաքական անկախությանը, ինքնիշխանությանը և տարածքային ամբողջականությանը։ Հայաստանը վերահաստատել է իր աջակցությունը «Մեկ Չինաստան» սկզբունքին։ Անդրադարձ է կատարվել երկկողմ հարաբերությունների օրակարգի հարցերի լայն շրջանակի, այդ թվում՝ քաղաքական, առևտրատնտեսական, գյուղատնտեսության, տրանսպորտային փոխկապակցվածության, մշակութային, հումանիտար ոլորտներում։ Գոհունակությամբ արձանագրվել է Հայաստանի և Չինաստանի միջև հարաբերությունների զարգացման դրական դինամիկան։ Կողմերը կարևորել են «Խաղաղության խաչմերուկ» և «Մեկ գոտի, մեկ ճանապարհ» նախագծերը։ Հատուկ անդրադարձ է կատարվել ենթակառուցվածքային ծրագրերի իրականացմանը։ Մտքեր են փոխանակվել միջազգային կազմակերպությունների շրջանակում Հայաստանի և Չինաստանի համագործակցության շուրջ։ Չինական կողմը ներկայացրել է Շանհայի համագործակցության կազմակերպությունում (ՇՀԿ) իր գալիք նախագահության գերակայությունները։ Կողմերը քննարկել են ՇՀԿ շրջանակներում Հայաստանի և Չինաստանի միջև հետագա համագործակցության հեռանկարները։

11:00 - 05 մարտի, 2025

Չինաստանը լրացուցիչ 10-15 տոկոս մաքսատուրքեր է սահմանել ԱՄՆ-ից ներկրվող ապրանքների համար |1lurer.am|

1lurer.am: Չինաստանը լրացուցիչ 10-15 տոկոս մաքսատուրքեր է սահմանել ԱՄՆ-ից գյուղատնտեսական արտադրանքի համար, և 15 ամերիկյան ընկերություն ավելացրել է արտահանման վերահսկողության ցանկում՝ ի պատասխան չինական ապրանքների նկատմամբ ամերիկյան մաքսատուրքերի կրկնակի ավելացմանը: Չինաստանի ֆինանսների նախարարությունից հայտնել են, որ լրացուցիչ տուրքերը կգործեն 2025 թվականի մարտի 10-ից։ 15 տոկոս մաքսատուրքը կտարածվի հավի, ցորենի, եգիպտացորենի և բամբակի վրա: 10 տոկոս մաքսատուրքը կկիրառվի սորգոյի, սոյայի, խոզի, տավարի մսի, ծովամթերքի, մրգերի, բանջարեղենի և կաթնամթերքի նկատմամբ: Ավելի վաղ Չինաստանի առևտրի նախարարությունը դժգոհություն էր հայտնել ԱՄՆ-ի գործողությունների կապակցությամբ: Գերատեսչության հայտարարության մեջ նշվում է, որ ԱՄՆ-ից միակողմանի մաքսատուրքերը կարող են վնաս հասցնել Չինաստանի և Միացյալ Նահանգների առևտրատնտեսական հարաբերություններին: Մարտի 4-ին ուժի մեջ են մտել Չինաստանից, Մեքսիկայից և Կանադայից ապրանքների ներմուծման նկատմամբ ամերիկյան նոր մաքսատուրքերը։ Ավելի վաղ ԱՄՆ նախագահ Դոնալդ Թրամփը հրամանագիր էր ստորագրել Չինաստանից ներկրման համար տոկոսադրույքը 10-20 տոկոս բարձրացնելու մասին:

12:20 - 04 մարտի, 2025

ՀՀ ՆԳ փոխնախարարն ու Չինաստանի դեսպանության ներկայացուցիչը քննարկել են արտակարգ իրավիճակներում բնակչության պաշտպանության ոլորտում համագործակցության հարցը

Հայաստանի Հանրապետության փրկարար ծառայության տնօրեն-ներքին գործերի նախարարի տեղակալ Կամո Ցուցուլյանը հանդիպել է Հայաստանի Հանրապետությունում Չինաստանի ժողովրդական Հանրապետության դեսպանատան Գործերի ժամանակավոր հավատարմատար Չեն Մինին։ Ինչպես տեղեկանում ենք ՀՀ ՆԳ նախարարության տարածած հաղորդագրությունից, զրուցակիցներն անդրադարձել են արտակարգ իրավիճակներում բնակչության պաշտպանության և աղետների ռիսկի կառավարման ոլորտներում համագործակցության ամրապնդման կարևորությանը և երկուստեք նախատեսվող աշխատանքների ուղղությամբ որոշակի քայլեր ձեռնարկելու անհրաժեշտությանը։ Քննարկվել են Հայաստանի ՆԳՆ փրկարար ծառայության և ՉԺՀ քաղաքացիական հարցերով նախարարության միջև աղետների ռիսկի կառավարման, համագործակցության ակտիվացմանն ու փորձի փոխանակմանը վերաբերող հարցեր։ Կողմերը պայմանավորվել են շարունակել համագործակցությանը` ի նպաստ երկու երկրների դիմակայունության բարձրացման և արդյունավետ արձագանքման մեխանիզմների կատարելագործման:

16:34 - 28 փետրվարի, 2025