tert.am: Պենտագոնի ղեկավար Լլոյդ Օսթինը հայտարարել է, որ Իրանի պատասխան հարվածն Իսրայելին սխալ կլինի: Այս մասին ասվում է ԱՄՆ պաշտպանական գերատեսչության հաղորդագրության մեջ:
Օսթինը իսրայելցի իր պաշտոնակից Յոավ Գալանտի հետ զրույցում հույս է հայտնել, որ Իրանը զերծ կմնա իսրայելական հարվածներին պատասխանելուց, քանի որ դա Թեհրանի կողմից «սխալ» կլինի:
Բացի այդ՝ Օսթինն ընդգծել է, որ Իսրայելի վերջին հարձակումը պետք է նշանավորի երկու երկրների միջև փոխադարձ հարվածների ավարտը։
Նախօրեին Իրանը հայտարարել էր, որ համարժեք պատասխան կտա հոկտեմբերի 26-ի գիշերն Իսրայելի կողմից իր տարածքին հասցված հարվածներին: Իսրայելի բանակը հայտարարել էր, որ հոկտեմբերի 26-ի գիշերը «նպատակային և ճշգրիտ» հարվածներ է հասցրել Իրանին, ինչն արվել է ի պատասխան հոկտեմբերի 1-ին Իսրայելի վրա Իրանի զանգվածային հրթիռային հարձակմանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)