Ավարտել եմ Երևանի պետական համալսարանի Ժուռնալիստիկայի ֆակուլտետը։ 2019-ից միացել եմ «Ինֆոքոմի» թիմին՝ որպես սոցիալական և քաղաքական թեմաներ լուսաբանող լրագրող։
2020-2021 թթ․ լուսաբանել եմ Հայաստանում համայնքների խոշորացման գործընթացը՝ հրապարակելով այդ թեմայով տվյալահեն հոդվածների և հարցազրույների շարք։
2021-ի ընթացքում աշխատել եմ որպես փաստերի ստուգման լրագրող։
2021-ից սկսել եմ լուսաբանել գիտություն։ 2023-ին սկսել եմ «Լաբորատորիայից ներս» շարքը, որի նպատակն է հանրայնացնել Հայաստանի գիտական թիմերի աշխատանքը։ Այժմ լուսաբանում եմ Հայաստանի բարձրագույն կրթության և գիտության ոլորտներում մեկնարկած բարեփոխումները, զուգահեռ շարունակում եմ պատմել Հայաստանի գիտության և գիտնականների մասին։
2021-ին «Թվապատում» լրագրողական մրցույթում համայնքների խոշորացման գործընթացի մասին պատմող վիդեո նյութի համար ստացել եմ խրախուսական մրցանակ, 2022 և 2023 թթ․ հաղթել եմ նույն մրցույթի «Լուսաբանելով գիտությունը» անվանակարգում, «Փաստացի-2022» մրցույթին զբաղեցրել եմ երկրորդ հորիզոնականը։
Լրագրությունից զատ հետաքրքրվում եմ երաժշտությամբ, սովորում եմ Արաքս Դավթյանի անվան վոկալ ստուդիայում։
