«Հայրենիք» կուսակցություն

«Հայրենիք» ուսակցությունը հիմնադրվել է 2020 թվականին։ Նախագահը ՀՀ ԱԱԾ նախկին տնօրեն Արթուր Վանեցյանն է։ 

Ձևավորվել է կուսակցության 9 հոգուց բաղկացած խորհուրդ՝ Արթուր Վանեցյան, Խաչիկ Գալստյան, Ժասմեն Ասրյան, Արա Սահակյան, Ռոբերտ Հարությունյան, Արմինա Դարբինյան, Արսեն Բաբայան, Սոս Հակոբյան, Նարինե Ադոնց կազմով, վերստուգիչ մարմինը (նախ․՝ Զավեն Հակոբյան)։

«Հայրենիք» կուսակցությունը գործում է աջ կենտրոնամետ քաղաքական դաշտում։

2021թ․ ՀՀԿ-ի հետ կազմել է «Պատիվ ունեմ» դաշինքը՝ 2021թ․ հունիսի 20-ի խորհրդարանական արտահերթ ընտրություններին մասնակցելու նպատակով։ Դաշինքն անցել է 8-րդ գումարման խորհրդարան, որտեղ կունենա 7 պատգամավոր։

 

Արթուր Վանեցյանը ներկայացրեց, թե ինչու էր որոշել Ալեն Սիմոնյանի գլխավորած պատվիրակության հետ մեկնել ԱՄՆ |armenpress.am|

Արթուր Վանեցյանը ներկայացրեց, թե ինչու էր որոշել Ալեն Սիմոնյանի գլխավորած պատվիրակության հետ մեկնել ԱՄՆ |armenpress.am|

armenpress.am: «Պատիվ ունեմ» խմբակցության ղեկավար Արթուր Վանեցյանը ներկայացրեց, թե ինչու էր որոշել Ազգային ժողովի նախագահ Ալեն Սիմոնյանի պատվիրակության հետ աշխատանքային այցով մեկնել ԱՄՆ։ «Ինչ վերաբերվում է այն մեկնաբանություններին, թե իշխանության ներկայացուցիչների հետ ինչո՞ւ ենք մեկնում կամ ես ինչո՞ւ եմ համաձայնել մեկնել ԱՄՆ, մի շատ պարզ պատճառ կա՝ իշխանության ներկայացուցիչները, երբ լինում են միայնակ, նրանք ներկայացնում են միայն իրենց տեսակետը։ Այսինքն՝ այլ տեսակետ մեր երկրից միջազգային կառույցներում չի ներկայացվում, և դա իրենց ազատ գործելու իրավունք է տալիս։ Հետո մենք զարմանում ենք, թե ինչու միջազգային կառույցներից չունենք որոշակի արձագանքներ Հայաստանում տիրող իրավիճակի մասին, ինչո՞ւ ընդդիմության կողմից Հայաստանի ներսում բարձրացված խնդիրների մասին տեղեկացված չեն մեր միջազգային գործընկերները»,- լրագրողների հետ ճեպազրույցում ասաց Վանեցյանը։ «Պատիվ ունեմ» խմբակցության ղեկավարը շատ հարգանքով է վերաբերվում «Հայաստան» խմբակցության՝ միջազգային կառույցներում մասնակցությունը կասեցնելու որոշմանը։ «Ես շատ հարգանքով եմ մոտենում այն հայտարարությանը, որ արել են մեր ընդդիմադիր գործընկերները, որ նրանք չեն մասնակցում, չեղարկել են միջազգային կառույցների հետ այլ երկրների հետ մեկնելը, քանի դեռ սահմանափակումները հանած չեն պատգամավորների վրայից։ Դա իրականում շատ կարևոր հարց է և ուղղակի խայտառակություն է, որովհետև ընտրված պատգամավորները զրկված են ազատ տեղաշարժի իրավունքից»,- եզրափակեց Վանեցյանը։ ՀՀ Ազգային ժողովի նախագահ Ալեն Սիմոնյանի գլխավորած պատվիրակությունը հունվարի 15-20-ն աշխատանքային այցով կգործուղվի Վաշինգտոն: Պատվիրակության կազմում ընդգրկված էին «Քաղաքացիական պայմանագիր» խմբակցության ղեկավար Հայկ Կոնջորյանը, պատգամավոր Մարիա Կարապետյանը,  «Պատիվ ունեմ» խմբակցության ղեկավար Արթուր Վանեցյանը և մի խումբ աշխատակիցներ ԱԺ աշխատակազմից: Արթուր Վանեցյանն այնուհետև հայտարարել էր, որ չեղարկում է աշխատանքային այցն ԱՄՆ:
14:01 - 17 հունվարի, 2022
Արթուր Վանեցյանը չեղարկել է աշխատանքային այցն ԱՄՆ, քանի որ իշխող ուժը սահմանափակել է նրա մասնակցությունը Վաշինգտոնում կարևոր աշխատանքային հանդիպման. Սոս Հակոբյան

Արթուր Վանեցյանը չեղարկել է աշխատանքային այցն ԱՄՆ, քանի որ իշխող ուժը սահմանափակել է նրա մասնակցությունը Վաշինգտոնում կարևոր աշխատանքային հանդիպման. Սոս Հակոբյան

«Հայրենիք» կուսակցության մամուլի խոսնակ Սոս Հակոբյանն իր ֆեյսբուքյան էջում տեղեկացրել է, որ Արթուր Վանեցյանը չեղարկել է աշխատանքային այցն ԱՄՆ։   «Սիրելի հայրենակիցներ, ցանկանում եմ տեղեկացնել, որ Արթուր Վանեցյանը չեղարկել է իր աշխատանքային այցն ԱՄՆ՝ ՀՀ Ազգային ժողովի պատվիրակության կազմում: Պատճառն իշխող ուժի կամայական որոշումն է սահմանափակել ընդդիմության ներկայացուցչի մասնակցությունը Վաշինգոտում նախատեսվող կարևորագույն աշխատանքային հանդիպմանը: Գործուղումից մի քանի ժամ առաջ Արթուր Վանեցյանին տեղեկացրել են, որ ԱՄՆ Ներկայացուցիչների պալատի խոսնակ Նենսի Փելոսիի հետ հանդիպմանը հայկական կողմից մասնակցելու է երեք հոգի և որոշում է կայացվել Վանեցյանին չներառել այդ կազմում: Փաստորեն, իշխանությունը որոշել է, որ Ներկայացուցիչների պալատի խոսնակի հետ հանդիպմանը ընդդիմության ներկայացուցչի կարիք չկա և հանդիպմանը հայկական կողմից կմասնակցեն ԱԺ նախագահ Ալեն Սիմոնյանը, «Քաղաքացիական պայմանագիր» խմբակցության ղեկավար Հայկ Կոնջորյանը և ԱՄՆ-ում ՀՀ արտակարգ և լիազոր դեսպան Լիլիթ Մակունցը: Արթուր Վանեցյանն ի պատասխան տեղեկացրել է, որ այդ պարագայում նպատակահարմար չի համարում իր մեկնումն ԱՄՆ և չեղարկել է այցը, քանի որ օրակարգի այդպիսի փոփոխության պայմաններում այցը կկրեր ընդամենը արարողակարգային բնույթ: Իշխանության այս գործելաոճն աննախադեպ ու անընդունելի է՝ առավել ևս հաշվի առնելով Հայաստանի Հանրապետության խորհրդարանական կառավարման համակարգը: Միջադեպը հերթական անգամ ցույց է տալիս, որ իշխող ուժը չունի քաղաքական մշակույթ և ցանկություն այն զարգացնելու: Մտածելու տեղիք են տալիս նաև նման որոշման շարժառիթները՝ արդյո՞ք խնդիրը միայն իշխանության կողմից ժողովրդավարության այլասերված ընկալումն է, այլակարծության նկատմամբ անհանդուրժողականությունն ու ընդդիմության նկատմամբ անհարգալից վերաբերմունքը, թե՞ առկա է նաև հանդիպման բովանդակությունը թաքցնելու մտադրություն: Դատապարտում ենք նման գործելաոճը՝ համարելով այն հարված ՀՀ հեղինակությանը: Հնարավոր բոլոր ճանապարհներով այս ամենաթողությունը պետք է արմատախիլ արվի: Հ.Գ. Այս ամենի մասին պատշաճ կերպով կտեղեկացնենք նաև մեր միջազգային գործընկերներին»:
10:24 - 15 հունվարի, 2022
Մամիջանյանը պարզաբանեց, թե Վանեցյանն ինչու չի մասնակցում կառավարության հետ հարցուպատասխաններին |armenpress.am|

Մամիջանյանը պարզաբանեց, թե Վանեցյանն ինչու չի մասնակցում կառավարության հետ հարցուպատասխաններին |armenpress.am|

armenpress.am: ՀՀ ազգային ժողովի ընդդիմադիր «Պատիվ ունեմ» խմբակցության պատգամավոր Հայկ Մամիջանյանը պարզաբանեց, թե ինչու է խմբակցության ղեկավար Արթուր Վանեցյանը հաճախակի բացակայում ԱԺ նիստերից, հատկապես կառավարության անդամների հետ հարցուպատասխաններին: Պատգամավորն այս մասին խոսեց խորհրդարանական ճեպազրույցում՝ անդրադառնալով լրագրողի դիտարկմանը, թե Վանեցյանին ԱԺ-ում չեն տեսնում: «Արթուր Վանեցյանը գրեթե ամեն օր գտնվում է Ազգային ժողովում: ԱԺ-ում չգտնվելու պարագայում գտնվում է «Հայրենիք» կուսակցության գրասենյակում»,- ասաց Մամիջանյանը: Իսկ ինչ վերաբերում է ԱԺ-ում կառավարության անդամների հետ հարցուպատասխաններին չմասնակցելու հարցին՝ նա նշեց, թե Վանեցյանը կարծում է, որ ստերը կարելի է լսել ոչ միայն դահլիճում, այլ նաև ուրիշ վայրերում:
13:51 - 19 նոյեմբերի, 2021
Դիլիջանի ՏԻՄ ընտրություններում հաղթել է ՔՊ-ն․ անցողիկ շեմը հաղթահարել է 4 քաղաքական ուժ

Դիլիջանի ՏԻՄ ընտրություններում հաղթել է ՔՊ-ն․ անցողիկ շեմը հաղթահարել է 4 քաղաքական ուժ

Կենտրոնական ընտրական հանձնաժողովը հրապարակել է Տավուշի մարզի Դիլիջան քաղաքում երեկ՝ հոկտեմբերի 17-ին կայացած տեղական ինքնակառավարման մարմինների ընտրությունների նախնական արդյունքները։  Նշենք, որ ընտրություններն անցել են համամասնական ընտրակարգով, մասնակցում էր 5 քաղաքական ուժ՝ «Ապրելու երկիր» կուսակցությունը, «Հայրենիք» կուսակցությունը, «Հանրապետություն» կուսակցությունը, «Քաղաքացիական պայմանագիր» կուսակցությունը եւ «Քաղաքացու որոշում» սոցիալ-դեմոկրատական կուսակցությունը։ Ընտրելու իրավունք ունեցող 18 374 քաղաքացիներից ընտրությանը մասնակցել է 8 085-ը։ Անվավեր է համարվել 223 քվեաթերթիկ, ձայները բաշխվել են հետեւյալ կերպ․ «Ապրելու երկիր» կուսակցություն - 1 927 կամ 23.83%«Հայրենիք» կուսակցություն - 219 կամ 2․70%«Հանրապետություն» կուսակցություն - 514 կամ 6.35%«Քաղաքացիական պայմանագիր» կուսակցություն - 4 591 կամ 56.78%«Քաղաքացու որոշում» սոցիալ-դեմոկրատական կուսակցություն - 605 կամ 7.48% Հավելենք, որ կուսակցությունների համար անցողիկ շեմը 4 տոկոս է, իսկ դաշինքների համար՝ 6 տոկոս։ Այսպիսով Դիլիջան համայնքում անցողիկ շեմը հաղթահարել է 4 քաղաքական ուժ, հաղթանակ է տարել կառավարող ուժը՝ «Քաղաքացիական պայմանագիր» կուսակցությունը, որի քաղաքապետի թեկնածուն Դավիթ Սարգսյանն է։
10:45 - 18 հոկտեմբերի, 2021
Ընտրվելու դեպքում «Հայրենիքը» ստեղծելու է «Դիլիջան՝ իմ հայրենիք» հիմնադրամ, որով կօգնեն 200 առանձնատներ եւ հյուրատներ կառուցել․ Արմեն Օրդինյան

Ընտրվելու դեպքում «Հայրենիքը» ստեղծելու է «Դիլիջան՝ իմ հայրենիք» հիմնադրամ, որով կօգնեն 200 առանձնատներ եւ հյուրատներ կառուցել․ Արմեն Օրդինյան

Տավուշի մարզի Դիլիջան համայնքում այս տարվա հոկտեմբերի 17-ին տեղի կունենան համայնքների ավագանիների հերթական ընտրություններ՝ համամասնական ընտրակարգով։ Նախընտրական քարոզարշավը մեկնարկել է սեպտեմբերի 22-ին, ավարտվելու է հոկտեմբերի 15-ին։  Դիլիջանում առաջադրվել է հինգ քաղաքական ուժ․ «Ապրելու երկիր» կուսակցությունը՝ համայնքապետի պաշտոնում Արմինե Հովհաննիսյանի թեկնածությամբ, «Հայրենիք» կուսակցությունը՝ Արմեն Օրդինյանի թեկնածությամբ, «Հանրապետություն» կուսակցությունը՝ Արմեն Ուլիխանյանի թեկնածությամբ, «Քաղաքացու որոշում» կուսակցությունը՝ Արա Մարտիրոսյանի թեկնածությամբ, եւ «Քաղաքացիական պայմանագիր» կուսակցությունը՝ Դավիթ Սարգսյանի թեկնածությամբ։ Արմեն Օրդինյանը, որ գլխավորում է «Հայրենիք» կուսակցության ցուցակը, այս պահին չի աշխատում, կենսաթոշակառու է։ Դիլիջանում Օրդինյանի թիմը քարոզարշավը մեկնարկել է «Դիլիջան՝ Իմ Հայրենիք» կարգախոսով։ Մեր զրույցում համայնքապետի թեկնածուն կարծիք հայտնեց, որ քարոզարշավն ընթանում է քաղաքակիրթ ձեւով՝ առանց այլեւայլությունների։ Միայն թե, ինչպես արձանագրեց նա, եւ ինչպես ավելի վաղ մեր զրույցում նշել էին «Քաղաքացու որոշում» եւ «Ապրելու երկիր» կուսակցությունների թեկնածուները, երբեմն նախընտրական պաստառներ պատռելու դեպքեր են եղել։ «Հայրենիքը» քարոզարշավն իրականացնում է Դիլիջանի բնակավայրեր այցելելով եւ բնակիչների հետ զրույցներով։ Infocom-ի հետ զրույցում Արմեն Օրդինյանը նշեց, որ համայնքում ամենատարբեր խնդիրներ կան, որ առաջնահերթ լուծում են պահանջում։ Նա հատկապես առանձնացրեց իրենց ծրագրային այն դրույթը, ըստ որի՝ պատրաստվում են իրականացնել վթարային շենքերի եւ կամուրջների քարտեզագրում, սողանքային հատվածների ամրակայում, վերանորոգման աշխատանքներ, եւ այլն։ «Դիլիջանում 100-ից ավելի բազմաբնակարան շենքեր կան, որոնց շահագործման ժամկետները մոտենում են ավարտին։ 8200-ից ավելի առանձնատների մոտ 20%-ը հիմնանորոգման կարիք ունի․ դրանք դեռ երկրաշարժի ժամանակ են վնասվածքներ ստացել։ Վերջին 30 տարվա մեջ համայնքում բնակարանաշինություն չի իրականացվել։ Այսօր ավելի քան 500 ընտանիք նոր բնակարանի կարիք ունի»,- թվարկեց մեր զրուցակիցը՝ վստահեցնելով, որ ընտրվելու պարագայում պատրաստվում են այս հարցերին լուծում տալ։ Նա նշեց նաև, որ որոշել են՝ ընտրվելու դեպքում բացելու են «Դիլիջան՝ իմ հայրենիք» հիմնադրամ, որով կօգնեն 200 առանձնատուն, հյուրատներ սարքել։ Հիմնադրամի միջոցները պետք է գոյանան բարերաների, քաղաքացիների ջանքերով․ «Ես ինքս արտերկրում շատ ընկերներ ունեմ, որոնք պատրաստ են գալ, ներդրումներ անել։ Մեր կուսակցության ղեկավարն էլ շատ մեծ կապեր ունի։ Բոլորիս էլ պարզ է, որ բյուջեի միջոցներով այս ծրագրերը հնարավոր չէ իրագործել։ Դրա համար ներդրումներ են պետք»,- ասաց Օրդինյանը՝ նշելով, որ Դիլիջանը զբոսաշրջային քաղաք է, եւ այն բնակիչները, որոնք իրենց տան մի հատվածն են զբաղեցնում, կարող են մյուս մասն էլ որպես հյուրատուն ծառայեցնել՝ այդպիսով լուծելով նաեւ իրենց հանապազօրյա հացի խնդիրը։ Մեր զրուցակիցը խոսեց նաեւ ջրահեռացման համակարգի վերանորոգման եւ արդիականացման իրենց նպատակների մասին՝ նշելով, որ Հովքում նախատեսում են ջրահավաք ավազանի կառուցում, Աղավնավանքում՝ ջրահավաք հզորությունների ավելացում, համայնքի գյուղերում՝ կոյուղու համակարգի անցկացում։  Օրդինյանի դիտարկմամբ՝ խնդիրներ կան նաեւ ճանապարհաշինության ոլորտում։ Նրա խոսքով, մասնավորապես, Դիլիջանի կենտրոնական եւ երկրորդական փողոցներն իրականում անմխիթար վիճակում են, դրանց պլանային վերանորոգում են նախատեսում եւ միջհամայնքային ու ներհամայնքային ճանապարհների բարեկարգում եւ ասֆալտապատում։  «Հայրենիք» կուսակցության համայնքապետի թեկնածուն մեր զրույցում խոսեց նաեւ գործազրկության բարձր մակարդակի եւ դրանով պայմանավորված արտագաղթի խնդրի մասին։ Այս առնչությամբ նախատեսում են ավելացնել Դիլիջանի առողջարանային եւ հյուրանոցային ծառայությունների տրամադրման հնարավորությունները, կրկնապատկել գյուղատնտեսությամբ զբաղվող գյուղացիական տնտեսությունները եւ այլն։ «Երիտասարդությունն էլ ընդհանրապես զբաղմունքի տեղ չունի, որ մարդիկ գնան, ժամանակ անցկացնեն, լրիվ հեռախոսների մեջ են, ոչ մի ակտիվություն չկա։ Քաղաքում ժամը մեկից հետո մարդ չես տեսնի։ Սրճարաններ կան, որոնք տեղացիների համար ոչ մատչելի են։ Շատ հարցեր կան»,- ասաց Օրդինյանը։ Վերջինս իրենց շանսերը 100 տոկոս է գնահատում եւ ակնկալում բնակիչների քվեն՝ վստահեցնելով իրականացնել իրենց ծրագրերը։ Լուսանկարը՝ «Դիլիջան՝ Իմ Հայրենիք» ֆեյսբուքյան էջից Հայարփի Բաղդասարյան
13:09 - 13 հոկտեմբերի, 2021
Հատկապես այս փուլում կարևոր եմ համարում Հայաստանի բարեկամ երկրների հետ բազմակողմ կապերի սերտացումը. Արթուր Վանեցյան

Հատկապես այս փուլում կարևոր եմ համարում Հայաստանի բարեկամ երկրների հետ բազմակողմ կապերի սերտացումը. Արթուր Վանեցյան

«Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը գրել է․ «Վերջին օրերին Հայաստանի բարեկամ Իրանի հասցեին Ադրբեջանից տարբեր մակարդակներով հնչում են անընդունելի և սադրիչ հայտարարություններ, արվում են ակնհայտ հակաիրանական քայլեր, որոնք միտված են տարածաշրջանում ապակայունացման հերթական ալիքի և նոր ռիսկերի ու մարտահրավերների ձևավորմանը։ Ադրբեջանում թուրքական կողմի հետ համատեղ անցկացվող պարբերական զորավարժություննեըը ևս հստակորեն ցույց են տալիս, որ պաշտոնական Բաքուն և Անկարան որևէ ցանկություն չունեն իրենց երկարաժամկետ քաղաքականությունը կառուցելու տարածաշրջանային խաղաղության հասնելու տրամաբանության շրջանակներում և ռազմատենչ ծավալապաշտական նկրտումներ ունեն ոչ միայն Հայաստանի ու Արցախի հանրապետությունների նկատմամբ։  Ուստի չափազանց կարևոր եմ համարում հատկապես այս փուլում Հայաստանի  բարեկամ երկրների հետ բազմակողմ կապերի սերտացումը, դրանց որակական նոր մակարդակի բարձրացումը, միջազգային ասպարեզում համատեղ շահերի տիրույթում միմյանց անվերապահ աջակցության տրամադրումը, ինչն էլ հենց իրական կդարձնի մեր տարածաշրջանում երկարաժամկետ արդար և արժանապատիվ խաղաղության հաստատումը»։       
14:42 - 23 սեպտեմբերի, 2021
Մենք չենք կարող պատերազմի սպառնալիքից վախենալով ասել՝ թուրքերը թող գան, մտնեն մեր երկիր. իրենք չեն ուզում մեզ հետ խաղաղ ապրել, ուզում են, որ մենք ուղղակի չլինենք, ֆիզիկապես ոչնչանանք. Արթուր Վանեցյան

Մենք չենք կարող պատերազմի սպառնալիքից վախենալով ասել՝ թուրքերը թող գան, մտնեն մեր երկիր. իրենք չեն ուզում մեզ հետ խաղաղ ապրել, ուզում են, որ մենք ուղղակի չլինենք, ֆիզիկապես ոչնչանանք. Արթուր Վանեցյան

Մենք ապրում ենք մի տարածաշրջանում, որտեղ եթե քեզ ապտակում են, դու չես պատասխանում, էլի են ապտակում, եթե փորձում են խլել քո ունեցվածքը, դու չես պաշտպանում, էլի են խլում: Այս մասին երիտասարդների հետ հանդիպմանն ասել է «Հայրենիք» կուսակցության նախագահ, ԱԺ «Պատիվ ունեմ» խմբակցության ղեկավար Արթուր Վանեցյանը:«Մենք չենք կարող պատերազմի սպառնալիքից վախենալով ասել՝ թուրքերը թող գան, մտնեն մեր երկիր: Թուրքը և ադրբեջանցին ապացուցում են, որ իրենց միակ նպատակը հայ ազգի բնաջնջումն է, հայ ազգ չպետք է լինի: Իրենք չեն ուզում մեզ հետ խաղաղ ապրել, ուզում են, որ մենք ուղղակի չլինենք, ֆիզիկապես ոչնչանանք: Մեզ մի առիթով ասել են, որ թուրքական յաթաղանը 21-րդ դարում փոխարինվել է թուրքական «Բայրաքթարով»,-ասել է Վանեցյանը:Նա անդրադարձել է հարցին՝ հնարավո՞ր էր առհասարակ այնպես անել, որ պատերազմ չլիներ, մենք կարողանայինք պահպանել մեր խաղաղությունը, հաղթողի կերպարը: «Այս իշխանություններն իրենց անփորձության, ապաշնորհության պատճառով մեզ հասցրին պատերազմի: Շատ հարցեր են տալիս՝ Նիկոլ Փաշինյանը դավաճանական ծրագի՞ր է արել, թե՞ չհասկանալով, չգիտակցելով է արել. անկեղծ ասած, ինձ համար այդքան էլ մեծ չէ տարբերությունը, որովհետև գիտակցելո՞վ է արել, թե՞ չգիտակցելով, ամեն դեպքում, ունենք այս հետևանքը՝ մեր հայրենիքի Արցախյան հատվածի 75 տոկոսի կորուստ, հազարավոր զոհեր, վիրավորներ, չլուծված անվտանգային խնդիրներ»,-ասել է նա ու հիշեցրել՝ ադրբեջանական զորքը ամիսներով մեր տարածքում է, և այս իշխանությունները չեն կարողանում դուրս շպրտել նրանց:Արթուր Վանեցյանը նաև կարևորել է քաղաքացիների լավ ապրելու անհրաժեշտությունը: «Մարդ պետք է միշտ ձգտի լավ ապրել, բայց իշխանությունները փորձել են մարդկանց համոզել, որ հարուստ լինելը վատ է, և եթե մարդը հարուստ է, ուրեմն՝ հանցագործ է, բայց չպետք է մեղավորներ փնտրել, պետք է աշխատել, նպատակ դնել ու առաջ գնալ»,-ասել է նա ու ներկայացրել իր նպատակը.«Հիմա մի նպատակ ունեմ, որին միասին ենք հասնելու՝ ունենալ ուժեղ, լավ Հայաստան և քաղաքացիներ, որոնց խաբելն անհնարին է: Իշխանությունը ոչ թե վայելք է, մեքենաներ, առանձնատներ, այլ, առաջին հերթին, պատասխանատվություն, որը պետք է կարողանալ հասկանալ, կրել: Եթե մենք կարողանանք ձևավորել համընդհանուր ազգային երազանք, ազգային գաղափար, մենք դրա շուրջ միշտ հավաքվելու ենք: Մենք պարտավոր ենք ապրել ու մեզ հետ ապրեցնել ողջ հայ ազգին»,-հայտարարել է Արթուր Վանեցյանը:
12:36 - 31 օգոստոսի, 2021
Եթե Վանեցյանի նման մի 7-8 հոգի էլ կապիտուլյանտին ասեին՝ կանգ առ, մենք այսօր այս ողբերգության առաջ չէինք կանգնի․ Սերժ Սարգսյան  |tert.am|

Եթե Վանեցյանի նման մի 7-8 հոգի էլ կապիտուլյանտին ասեին՝ կանգ առ, մենք այսօր այս ողբերգության առաջ չէինք կանգնի․ Սերժ Սարգսյան |tert.am|

tert.am: Վանեցյանին անձամբ չեմ ճանաչել, բայց հեռակա ծանոթ եմ իր կենսագրությանը։ Անկեղծորեն ասում եմ, որ շատ սուր միջոցառումներում օպերլիազոր Վանեցյանը, բաժնի պետ Վանեցյանը իրեն դրսևորել է տղամարդու պես։ Այս մասին Մասիսում «Պատիվ ունեմ» դաշինքի համակիրների հետ հանդիպմանը հայտարարել է ՀՀ երրորդ նախագահ, ՀՀԿ նախագահ Սերժ Սարգսյանը՝ անդրադառնալով զոհված զինծառայողների դիակների ու մասունքների՝ պարկերով նկուղում պահմանը։ Նա անդրադարձել է հարցին, թե ինչո՞ւ է ՀՀԿ-ն կոալիցիա կազմել «Հայրենիք» կուսակցության ղեկավար Արթուր Վանեցյանի հետ։ «Ինչի՞ չպիտի կազմեինք կոալիցիա Վանեցյանի հետ, որովհետև նա աշխատե՞լ է այս կապիտուլյանտի հետ։  Իմ կարծիքով, Վանեցյանն էլ ուրիշների պես ցանկացել է փոփոխություն այս երկրում։ Ուրիշների պես ինքն էլ է խաբված եղել, մտածել է հիմա գնացին, կառավարություն կազմեցին, միանգամից Հայաստանը դարձնելու են դրախտ։ Բայց մարդը գնաց, աշխատեց մի տարուց մի քիչ ավել, հասկացավ, որ բոլորովին ուրիշ միջավայր է ընկել ու առաջինը ընդվզեց։ Ես կարծում եմ, որ դա արժանիք է։ Մարդը հասկացել է ու հրապարակավ ասել՝ կանգ առ, էս երկիրը տանում ես կործանման։ Շարունակությունը՝ tert.am-ում
10:20 - 02 հունիսի, 2021
Հարցումը բացահայտել է հայաստանցիների ընտրական ակտիվությունն ու նախընտրությունները  |armenpress.am|

Հարցումը բացահայտել է հայաստանցիների ընտրական ակտիվությունն ու նախընտրությունները |armenpress.am|

armenpress.am:  Արտահերթ խորհրդարանական ընտրություններին անպայման մասնակցելու է ընտրողների մեծամասնությունը, իշխող կուսակցությունը առաջատարն է ընտրողների նախապատվության ցուցակում: Միջազգային հանրապետական ինստիտուտի (IRI) հրապարակած հարցման համաձայն՝ ՀՀ քաղաքացիների 26 տոկոսը կրկին կքվեարկի իշխող «Քաղաքացիական պայմանագիր կուսակցության (ներկայում «Իմ քայլը» խմբակցություն) օգտին հունիսի 20-ի արտահերթ խորհրդարանական ընտրությունների ժամանակ։ Ինչպես տեղեկացնում է «Արմենպրես»-ը, հարցին, թե որ քաղաքական կուսակցության օգտին, եթե այդպիսին կա, դուք կքվեարկեիք հունիսի 20-ի խորհրդարանական ընտրություններին, հարցվածների 1 տոկոսի միջակայքում պատասխանել է Հայ Յեղափոխական Դաշնակցության, «Բարգավաճ Հայաստան», Հայաստանի Հանրապետական, «Լուսավոր Հայաստան», «Հանրապետություն», «Սասնա Ծռեր», «Քաղաքացու որոշում», «Հայրենիք» և «Հայ ազգային կոնգրես» կուսակցություններիօգտին։ Քաղաքացիների 55 տոկոսը դժվարացել է կամ չի պատասխանել հարցին։ Պատրաստվում եք արդյո՞ք քվեարկել առաջիկա արտահերթ խորհրդարանական ընտրությունների ընթացքում հարցին դրական է պատասխանել հարցվողների 63 տոկոսը, ավելի շուտ դրական՝ 9 տոկոսը, հավանաբար ոչ՝ 3 տոկոսը, ընտրություններին չի ցանկանում մասնակցել հարցվածների 14 տոկոսը, իսկ դժվարացել ու հրաժարվել է պատասխանել հարցվածների 11 տոկոսը: Հարցումն իրականացվել է Միջազգային հանրապետական ինստիտուտի Խորը վերլուծության կենտրոնի պատվերով՝ Հետազոտական ռեսուրսների կովկասյան կենտրոններ- Հայաստան հիմնադրամի կողմից: Հետազոտության տվյալները հավաքվել են 2021թ. ապրիլի 8-ից մայիսի 4-ի միջակայքում: Հարցման ընտրանքը կազմել է 1502 մարդ: Հայաստանի 5 մարզերում՝ Արարատում, Գեղարքունիքում, Շիրակում, Սյունիքում և Տավուշում անցկացվել են 299 լրացուցիչ հարցազրույցներ՝ մարզային առանձնահատկությունները ներկայացնելու համար: Հարցումն անկացվել է հեռախոսային զանգերի միջոցով՝ պատահական ընտրանքով: Հետազոտության իրականացնողները նշում են, որ վիճակագրական սխալի չափը չի գերազանցում 2.5 տոկոսը:
11:10 - 29 մայիսի, 2021
Չի բացառվում մեր կենսական շահերին առնչվող հավելյալ նախագծերի նախապատրաստման գործընթացը, որն ընթանում է՝ շրջանցելով ԱԳՆ-ն․ «Պատիվ ունեմ» դաշինք

Չի բացառվում մեր կենսական շահերին առնչվող հավելյալ նախագծերի նախապատրաստման գործընթացը, որն ընթանում է՝ շրջանցելով ԱԳՆ-ն․ «Պատիվ ունեմ» դաշինք

«Պատիվ ունեմ» նախընտրական դաշինքը հայտարարություն է տարածել այսօր ԱԳ նախարարի պաշտոնակատար Արա Այվազյանի հետ հանդիպման մասին։ Հայտարարությունը ներկայացնում ենք ստորև․ «Ի կատարումն «Պատիվ ունեմ» դաշինքի պահանջի՝ այսօր տեղի է ունեցել դաշինքի ներկայացուցիչների և ՀՀ ԱԳ նախարարի ժամանակավոր պաշտոնակատար Արա Այվազյանի հանդիպումը, որի ընթացքում «Պատիվ ունեմ» դաշինքը ԱԳ պաշտոնյայից պարզաբանումներ է պահանջել Հայաստանի և Արցախի կենսական շահերին վերաբերող գործընթացների և սեղանին առկա փաստաթղթերի վերաբերյալ: Ա.Այվազյանի հավաստիացումները վերաբերում էին այն հանգամանքին, որ իրենց գերատեսչությունը տեղյակ է միայն մամուլում շրջանառվող նախագծից, և որևէ այլ փաստաթուղթ ԱԳՆ խողովակներով չի անցել:  Հաշվի առնելով դավադիր կապիտուլյանտի ստախոս աշխատաոճը և Հայաստանի ու Արցախի համար՝ դրա կործանարար հետևանքները, տվյալ հանգամանքը չի բացառում մեր կենսական շահերին առնչվող հավելյալ նախագծերի առկայության կամ նախապատրաստման գործընթացը, որը ընթանում է՝ շրջանցելով արտաքին քաղաքականության համար պատասխանատու գերատեսչությունը:  Սա պայմանավորված է այն հանգամանքով, որ կապիտուլյանտը բազմիցս մոլորեցրել է հանրությանը, թաքցրել բանակցային գործընթացի կարևորագույն դրույթները, «բանավոր ըմբռնումով» տարածքներ է հանձնել, գաղտնիության պայմաններում տարբեր խնդրահարույց հարցերի շուրջ պայմանավորվածություններ է ձեռք բերել թշնամու հետ և փաստաթղթեր ստորագրել:  Վերջին շրջանում քիչ չեն նաև վարչապետի աթոռից կառչած անձի և ԱԳՆ պատասխանատուների հայտարարությունների միջև առկա ակնհայտ հակասությունները, որոնք այս իշխանությունների քաոտիկ կառավարման մասին վկայող ևս մեկ ախտանշան են հանդիսանում: Ակնհայտ է, որ ստեղծված ճգնաժամը իշխանության հանցավոր անգործության, մասնավորապես՝ պետական սահմանի տարբեր հատվածներում անվտանգային անհրաժեշտ համակարգերի ներդրման տապալման հետևանք է, ինչի արդյունքում Ադրբեջանը ոչ միայն զարգացրել է իր առավելությունը մարտադաշտում և դիվանագիտական հարթությունում, այլև Հայաստանին նոր զիջումների օրակարգ թելադրել: Հաշվի առնելով Հայաստանի ու Արցախի շուրջ ստեղծված ծանր իրադրությունը և դրանում գլխավոր ստախոսի աններելի մեղքը, կրավորական և պարտվողական կեցվածքը, լեգիտիմության բացակայությունը, դավաճանական հետագիծը, տապալված դիվանագիտական միջավայրը,  «Պատիվ ունեմ» դաշինքը կապիտուլյանտից պահանջում է.  1. անմիջապես դադարեցնել բոլոր ստվերային գործարքները և գաղտնի բանակցությունները Հայաստանին և Արցախին վերաբերող հարցերով: 2. մինչև արտահերթ ընտրությունների ավարտը և նոր իշխանության ձևավորումը զերծ մնալ Հայաստանի Հանրապետության անունից հայ ժողովրդի ազգային շահերին առնչվող խոստումներից։ 3. դիվանագիտական ներուժը կենտրոնացնել Արցախի կարգավիճակի, Հայաստանի տարածքային ամբողջականության վերականգման և ապահովման, ինչպես նաև գերության մեջ գտնվող մեր հայրենակիցներին վերադարձնելու ուղղությամբ: «Պատիվ ունեմ» դաշինքը նաև հորդորում է Ադրբեջանին դուրս բերել իր զինված ուժերը Հայաստանի Հանրապետության ինքնիշխան տարածքից՝ վերահաստատելով իր պատրաստակամությունը անհրաժեշտության պարագայում կրկին լծվել հայրենիքի պաշտպանության գործին»:
10:40 - 22 մայիսի, 2021
Ովքեր են լինելու ընտրություններին մասնակցող քաղաքական ուժերի ընտրացուցակների առաջին համարները |armtimes.com|

Ովքեր են լինելու ընտրություններին մասնակցող քաղաքական ուժերի ընտրացուցակների առաջին համարները |armtimes.com|

armtimes.com: Մի շարք քաղաքական ուժեր արդեն վերջնական որոշում են կայացրել՝ մասնակցելու հունիսի 20-ի խորհրդարանական արտահերթ ընտրություններին: Չնայած քաղաքական ուժերի ցուցակները դեռ չեն հրապարակվել, բայց առաջին համարների մասով արդեն կողմնորոշվածություն նկատվում է: «Բարգավաճ Հայաստան»-ը և «Շիրինյան-Բաբաջանյան ժողովրդավարների դաշինք»-ը միակն են, որոնք հայտարարել են ընտրացուցակի առաջին երեք համարների անունները: Այսպես՝ ԲՀԿ ընտրացուցակը գլխավորում է կուսակցության ղեկավար Գագիկ Ծառուկյանը, հաջորդը Միքայել Մելքումյանն է, երրորդը՝ Իվետա Տոնոյանը: «Շիրինյան-Բաբաջանյան ժողովրդավարների դաշինք»-ը գլխավորելու է անկախ պատգամավոր, «Հանուն Հանրապետության» կուսակցության ղեկավար Արման Բաբաջանյանը, երկրորդը «Քրիստոնեա-ժողովրդավարական» կուսակցության առաջնորդ Լևոն Շիրինյանն է, եռյակը եզրափակում է փաստաբան Սեդա Սաֆարյանը: Իշխող «Քաղաքացիական պայմանագիր» կուսակցությունը, ի տարբերություն 2018-ի արտահերթ ընտրությունների, այս տարի մասնակցում է միայնակ՝ առանց դաշինքի, կուսակցության ցուցակի առաջին համարը վարչապետի պաշտոնակատար Նիկոլ Փաշինյանն է: ՀՀԿ-«Հայրենիք» կուսակցությունների ստեղծած «Պատիվ ունեմ» դաշինքի ցուցակում առաջինը «Հայրենիք» կուսակցության ղեկավար Արթուր Վանեցյանն է: «Լուսավոր Հայաստան» կուսակցության ընտրացուցակը գլխավորելու է Էդմոն Մարուքյանը: Ռոբերտ Քոչարյան, ՀՅԴ, «Վերածնվող Հայաստան» ուժերի ստեղծած «Հայաստան» քաղաքական դաշինքի առաջին համարը Ռոբերտ Քոչարյանն է: «Հանրապետություն» կուսակցության վարչապետի թեկնածուն կուսակցության հիմնադիր Արամ Սարգսյանն է: «Հայ ազգային կոնգրես»-ի առաջին համարն էլ ՀՀ առաջին նախագահ Լևոն Տեր-Պետրոսյանն է: «Քաղաքացու որոշում» կուսակցության ընտրացուցակը կգլխավորի Սուրեն Սահակյանը: Տիգրան Խզմալյանի գլխավորած «Հայաստանի Եվրոպական» կուսակցությունը պատրաստվում է մասնակցել խորհրդարանական ընտրություններին: Կուսակցության նախընտրական ցուցակում երկրորդ համարը երգիչ, երգահան Ռուբեն Հախվերդյանն է: «Հայաստանի դեմոկրատական կուսակցության» առաջնորդ Արամ Սարգսյանն ու նախկին պատգամավոր, գործարար Տիգրան Արզաքանցյանն էլ երեկ համագործակցության ու առաջիկա խորհրդարանական ընտրություններին մասնակցելու հուշագիր ստորագրեցին, ցուցակը կգլխավորի Արզաքանցյանը: Ընտրություններին իր մասնակցության մասին հայտարարել է նաև փաստաբան Նորայր Նորիկյանի հիմնադրած «Արդար Հայաստան» կուսակցությունը, ընտրացուցակի առաջին համարն էլ հենց Նորիկյանն է լինելու: Նշենք, որ կուսակցությունները եւ դաշինքները գրանցման համար փաստաթղթերը ԿԸՀ պետք է ներկայացնեն մինչեւ մայիսի 26-ը՝ ժամը 18:00-ն: Կուսակցությունների ու դաշինքների ցուցակները պետք է գրանցվեն մայիսի 26-30-ը:
17:26 - 19 մայիսի, 2021
«Պատիվ ունեմ» դաշինքը հանդես է գալիս «Ուղղիր մեջքդ, կպնենք գործին, որ ապրենք» կարգախոսով

 |armenpress.am|

«Պատիվ ունեմ» դաշինքը հանդես է գալիս «Ուղղիր մեջքդ, կպնենք գործին, որ ապրենք» կարգախոսով |armenpress.am|

armenpress.am: «Պատիվ ունեմ» դաշինքի, որը ձևավորել են Հայաստանի հանրապետական ու «Հայրենիք» կուսակցությունները, առաջիկա արտահերթ խորհրդարանական ընտրություններին մասնակցելու է եռաբաղադրիչ կարգախոսով՝ «Ուղղիր մեջքդ, կպնենք գործին, որ ապրենք»: «Պատիվ ունեմ» դաշինք կազմելու հուշագիրը ստորագրելուց հետո կայացած ճեպազրույցում դաշինքի նախընտրական շտաբի ներկայացուցիչ Դավիթ Հարությունյանը նշեց, որ իրենք ներկայանում են նաև հնգաթև աստղ խորհրդանիշով: «Պատիվ ունեմ» դաշինքի խորհրդանիշը հնգաթև աստղ է: Ոչ բոլորը գիտեն, որ այն քրիստոնեության ամենաառաջին խորհրդանիշն է: Այն մեզ համար խորհրդանշում է ծառայությունը հայրենիքին, պատմական հիշողությունը, մեր նախնիների հաղթանակները, սխրանքները, մարդկային երազանքը»,-ասաց Դավիթ Հարությունյանը: Նրա խոսքով, հայ ժողովուրդը պետք է վերականգնի ու վերագտնի իր արժանապատվությունն ու վեհությունը և պետք է կրկին հավատա իր սեփական ուժերին: Ըստ Դավիթ Հարությունյանի՝ պետք է պատրաստ լինել աշխատանքին, պայքարի միջոցով վերահաստատել սեփական հայրենիքում ապրելու իրավունքը, իսկ դրա համար պետք է վերացվեն բոլոր բաժանարար գծերը հասարակությունում: Նա ընդգծեց, որ միայն միասնական ջանքերի համադրմամբ պետք է անցնել բոլոր ուղղություններով՝ հզորացնելով հայրենիքը:
15:05 - 15 մայիսի, 2021
Արցախի հարցում մենք լինելու ենք անզիջում. կազմավորվեց «Պատիվ ունեմ» դաշինքը
 |hetq.am|

Արցախի հարցում մենք լինելու ենք անզիջում. կազմավորվեց «Պատիվ ունեմ» դաշինքը |hetq.am|

hetq.am: Այսօր հուշագիր են ստորագրել Արթուր Վանեցյանի ղեկավարած «Հայրենիք» և «Հայաստանի Հանրապետական կուսակցությունը», որոնք առաջիկա ըտրություններին մասնակցելու են «Պատիվ ունեմ» դաշինքով։ Դաշինքը հայտարարություն է տարածել իր սկզբունքների, արած սխալների և հետագա անելիքների վերաբերյալ, որն ամբողջությամբ ներկայացնում ենք.  ՅՈ՞ ԵՐԹԱՍ,  ՀԱՅԱՍՏԱՆ Մեր Հայրենիքն ապրում է իր նորագույն պատմության թերևս ամենադժվարին և վճռորոշ ժամանակահատվածը: Ցավոք, այս իշխանությունների ավերիչ գործունեության հետ կապված՝ մեր բոլոր կանխատեսումներն ու զգուշացումներն իրականություն դարձան։ 2018-ի իշխանափոխությունից հետո նոր իշխանությունները չկատարեցին ժողովրդին տված խոստումները և խորտակեցին իշխանափոխության հետ կապվող՝ լավ կյանք ունենալու մարդանց հույսերը: Ատելություն ու չարություն սերմանելով՝ հասարակությանը բաժանեցին «սևերիև սպիտակների»: Ստով և կեղծիքով եկան իշխանության ու դարձրեցին այն իշխանությունը պահելու միջոցներ:  Ամբոխավարություն, կառավարման սիրողական մակարդակ, Հայաստանի շահերը հետևողականորեն վնասող և երկրի անվտանգությունը խաթարող անհեռատես արտաքին քաղաքականություն, դատարկ խոստումներ, ինքնագոհ ու միահեծան ներքին քաղաքականություն, ժողովրդավարության և ժողովրդի անվան տակ՝ անիրավություն: Նոր իշխանությունները մեծ հաջողությամբ կարողացան կազմաքանդել տնտեսությունը, կառավարման և իրավական, կրթական և առողջապահական  համակարգերը: Կազմաքանդեցին նաև բանակը և երկիրը տարան նոր պատերազմի, որի արդյունքումունեցանքծանրագույն մարդկային կորուստներ, իսկ Արցախի շուրջ 75 տոկոսն անցավ թշնամու վերահսկողության տակ:  Հայաստանում, Արցախում և սփյուռքում բնակվող մեր հաղթանակած ազգը վերածվեց պարտված և հուսալքված ժողովրդի՝ կորցնելով ազգային ոգին:  Վերջին պատերազմն ու հետպատերազմյան իրողությունները շատերի համար ակնհայտ դարձրին, որ ոչ միայն Հայաստանն էր Արցախի անվտանգության երաշխավորը, այլ նաև հակառակը՝ իր ֆիզիկական գոյությամբ Արցախն էր Հայաստանի անվտանգության ողնաշարը: Արժանապատիվ խաղաղության մեր երազանքը մնաց անկատար, և վերահաս պատերազմի ուրվականն արդեն Սյունիքում է: Ժամանակն է հասկանալ, որ հաջորդ պատերազմը մղվելու է Հայաստանի սահմաններին։  Ո՞ՐՆ Է ՄԵՐ ԱՌԱՔԵԼՈՒԹՅՈՒՆԸ Առկա իրողություններում մենք մեր քաղաքական և քաղաքացիական պարտքն ենք համարում ահազանգել մեր մտահոգությունների մասին, ուղիղ և շիտակ խոսել կառավարության քաղաքականապես սնանկ ռազմավարության և գործելաոճի մասին:  Մենք համոզված ենք, որ կապիտուլյանտ իշխանությունները ունակ չեն լուծելու մեր երկրի և մեր ժողովրդի խնդիրներն այն պարզ պատճառով, որ հիմնական խնդիրը հենց իրենք են։ Նման պայմաններում մենք պետք է ոչ միայն մատնացույց անենք կառավարության ճակատագրական սխալներն ու աղաղակող բացթողումները, այլև ազգովի անհապաղ  ձեռնամուխ լինենք բոլոր ուղղություններով իրավիճակի կայունացմանը, քանզի սեղանին է դրված հայի լինելության և հայոց պետականության խնդիրը: Մենք համոզված ենք, որ այս ամենի գիտակցումը կբերի նրան, որ հունիսի 20-ին Դուք կշռադատված և սթափ ընտրություն կկատարեք՝ շարունակել ապրել պատվազուրկ և մղձավանջ հիշեցնող դժգույն ու դժբախտ իրականության մեջ, թե վերջապես շրջել հայոց պատմության ամոթալի էջը:  ԳԻՏԵԼԻՔ ԵՎ ՓՈՐՁ + ԷՆԵՐԳԻԱ ԵՎ ՈՒԺ Մեր դաշինքը Հայաստանի քաղաքական կյանքում յուրահատուկ է իր առավելություններով: Այն կազմող կուսակցություններն ու անհատները թե՛ պետականաշինության լավագույն ավանդույթների, թե՛ փոփոխությունների անհրաժեշտության, թե՛ գիտելիքի և փորձի, թե՛ թարմության և ուժի հաստատակամ կրողներն ու ջահակիրներն են:  Որպես անկախ Հայաստանում գրանցված առաջին հասարակական-քաղաքական կազմակերպություն՝ ՀՀԿ-ն Հայաստանի պետականաշինության մեջ ամենամեծ փորձառությունն ունեցող քաղաքական կառույցն է, հետևաբար ունի ասելիք մեր ազգային-պետական կյանքում: Հանրապետականի քաղաքական արմատները, Գարեգին Նժդեհի ցեղակրոն ուսմունքի վրա հիմնված գաղափարախոսությունը, արդիականության ու  պահպանողականության համադրումը բարոյաքաղաքական նշանակալի կապիտալ են ապահովում մեր դաշինքին՝ հաջողության հասնելու համար:  «ՀԱՅՐԵՆԻՔ» կուսակցությունն ունի ամուր գաղափարական հենք՝ խարսխված ազգային-պահպանողական առանցքի վրա, որը միտված է դեպի առաջընթաց: Այն ենթադրում է ուժեղ պետության աջակցությամբ և պատմական բնական զարգացումների անհրաժեշտությամբ պայմանավորված ավանդական արժեքների չափավոր ու ներդաշնակ պահպանում: «ՀԱՅՐԵՆԻՔ» կուսակցությունն հասցրել է կարճ կենսագրության ընթացքում իր շարքերի ներքո ներգրավել երկրի տարբեր ոլորտներում հաջողություններ գրանցած, հայտնի և պետականասեր մարդկանց: Կուսակցությունը կարողացել է դառնալ քաղաքական դաշտի առանցքային դերակատարներից մեկը՝ բերելով նոր քաղաքական մշակույթ և բովանդակություն: Դաշինքի անդամ կուսակցությունները քաղաքական փորձառության, կազմակերպական հզորության, գաղափարական ընդհանրության լավագույն ներդաշնակեցումն են Հայաստանի քաղաքական կյանքում: Մենք ունենք թե՛ գիտելիք և փորձ, թե՛ էներգիա և ուժ։ ՄԵՆՔ ԸՆԴՈՒՆԵԼ ԵՆՔ ՄԵՐ ՍԽԱԼՆԵՐԸ Մենք պարտավոր ենք խոստովանել և ընդունել, որ մեր գործունեության եղել են ինչպես  բացթողումներ, այնպես էլ թերացումներ և լուրջ սխալներ: Չի սխալվում միայն նա, ով չի գործում։ Ինչպես ժողովուրդն է ասում՝ միայն շարժիչի չաշխատող մասն է, որ չի սևանում:  Քաղաքականության մեջ սխալների գինն իշխանության կորուստն է: Մենք վճարել ենք այդ գինը և քաղել դասերը: Եվ այսօր, առավել քան երբևէ, պատրաստ ենք մեր գիտելիքները, փորձն ու նվիրումը ի սպաս դնել մեր Հայրենիքին ու ժողովրդին:  Մենք գիտակցել ենք և ընդունում ենք մեր սխալները: ԴՈՒ ՄԵՆԱԿ ՉԵՍ, ԱՐՑԱ՛Խ Կառավարությունը ձեռքերը լվացել է Արցախից և դա համարում է գերտերությունների խնդիր։ Ձախողումները բերեցին նրան, որ Հայաստանն այլևս Արցախի անվտանգության երաշխավորը չէ, այլ հումանիտար աջակցության պլատֆորմ, որի միակ գործառույթը աշխարհի տարբեր ծայրերից եկող օգնության փոխանցումն է արցախցիներին։ Արցախի հարցում մենք լինելու ենք անզիջում: Արցախը միայն արցախցու ինքնորոշման իրավունքի խնդիրը չէ: Այն մեր Հայրենիքի գոյության և անվտանգության անկյունաքարային հարցն է:  Հայ ժողովրդի գոյության և բնականոն զարգացման համար խաղաղությունը կենսական անհրաժեշտություն է: Բայց իշխանություններն ի զորու չեն ապահովելու ո՛չ խաղաղություն, ո՛չ Արցախի կենսունակությունը։ Միայն ուժեղ բանակով, անվտանգության հզոր համակարգով, խոհեմ արտաքին քաղաքականությամբ, ազգ-բանակ դառնալով ենք ի վիճակի լինելու ապրել առանց պատերազմի:  Մենք հայցում ենք Ձեր քվեն՝ սրտում ու մտքում ունենալով Արցախի անվտանգ ապագայի ու կայուն զարգացման ապահովման երազանքն ու գերնպատակը: Մասնագիտական, անաչառ և բազմակողմանի ուսումնասիրության և հետաքննության առարկա պետք է դառնան 44-օրյա պատերազմի բոլոր՝ քաղաքական, դիվանագիտական, ռազմական, կառավարչական հանգամանքները: Մեր ժողովուրդը պետք է ստանա ամենագլխավոր հարցերի պատասխանները՝ ինչու՞ այսպես եղավ, և ո՞վ էր մեղավոր` դրանից բխող բոլոր իրավական և քաղաքական հետևանքներով: Մենք արժանապատիվ խաղաղության կողմնակից ենք, որտեղ արժանապատվությունը նույնքան կարևոր է, որքան խաղաղությունը:  ՄԵՆՔ «ԱԶԳ-ԲԱՆԱԿ» ԱՇԽԱՐՀԱՅԱՑՔԻ ԿՐՈՂՆ ԵՆՔ Ինչպես ցույց տվեց 44-օրյա պատերազմը, բանակը թուլացավ, երբ գիտակցաբար կտրվեց բանակ-հասարակություն կապը։ Կապը կտրվեց, երբ Հայրենիքի հանդեպ զինվորական պարտքի զգացումն ու մարտունակությունը  սկսեց չափվել զորամասային ճաշարանում ելակի առկայությամբ։ Կապը կտրվեց, երբ փորձառու և բանիմաց հրամանատարներին փոխարինեցին հարմարվող և հնազանդ սպաներով, որոնք Հայաստանին ծառայելու փոխարեն գերադասեցին ծառայել անձնիշխանությանը: Կապը կտրվեց, երբ պրոֆեսիոնալ բանակ ունենալու անվան տակ  արշավ սկսվեց ժամկետային զինվորական ծառայության ինստիտուտի դեմ։ Կապը կտրվեց, երբ բանակի համակարգված համալրման մեխանիզմն ուզեցին փոխարինել ֆիդայական ջոկատներով։ Կապը կտրվեց, երբ շրջանառության մեջ դրվեց «Ինչու՞ մեր զավակները պիտի պաշտպանեն Արցախի սահմանը» ազգակործան թեզը՝ նպատակադրված մոռացության մատնելով այն փաստը, որ Արցախի սահմանին կանգնած զինվորը առաջին հերթին պաշտպանում է նաև Հայաստանում բնակվող քաղաքացիների անդորրը։ Իսկ վճռական հարվածը բանակին հասցվեց, երբ ապիկար կառավարման ձախողումները և դրանց արդյունքում կրած պարտությունը վերագրեցին բանակին։ Որպես անվտանգության և պաշտպանության ապահովման ոլորտում տասնամյակների կառավարչական և քաղաքականության մշակման փորձ ունեցող ուժեր՝ մենք շարունակելու ենք մեր հանձնառությունը մեր երկրի զինված ուժերի վերականգնման և արդիականացման ուղղությամբ։ Հանրապետականի կառավարման տարիներին բանակը եղել է ամենաբարձր հանրային վստահությունը վայելող պետական ինստիտուտը։ Մենք վերականգնելու և բազմապատկելու ենք բանակի նկատմամբ հանրային վստահությունը։  Մենք ներդնելու ենք բանակի նկատմամբ քաղաքացիական և խորհրդարանական վերահսկողության արդյունավետ գործիքներ: Զինված ուժերը մեր ժողովրդի և երկրի կայուն ու անվտանգ զարգացման գրավականն են, մեր գոյատևման առհավատչյան: «Ազգ-բանակ» հայեցակարգը պետության  պաշտպանունակության, կայուն  ու անվտանգ զարգացման երաշխիքն է: ՄԵՐ ԱՐԺԵՔՆԵՐԸ Մենք պահպանողական կուսակցություններ ենք, որոնց նպատակներն ու գործունեությունը բխում են Հայրենիքի հավերժականության գաղափարից:  Հայկական անկախ պետականությունը հայության նպատակների իրականացման միակ միջոցն է: Պետության հզորացումը մեր ժողովրդի հարատևության, քաղաքացիների բարեկեցության, մեր սահմանների պաշտպանվածության և միջազգային հեղինակության ապահովման միակ ճանապարհն է: Պետության զարգացման պարտադիր պայմանն ու երաշխիքն «ԱԶԳ-ԲԱՆԱԿ» հայեցակարգի լիարժեք ներդրումն է: Հայաստանյայց Առաքելական Սուրբ Եկեղեցին անգնահատելի մեծ դեր ունի հայ ժողովրդի արժեհամակարգի, լեզվի ու մշակույթի անաղարտության պահպանման, դրանով իսկ` հայության միասնության ապահովման գործում։ Մենք այն համարում ենք հայի ինքնության անբաժան մաս, որն իր դավանաբանությամբ և նվիրապետությամբ կոչված է ծառայելու Աստծուն և Ազգին, միաժամանակ լիովին հարգում ենք մարդկանց խղճի ազատության իրավունքը: Հայ հասարակության հիմքը ավանդական ընտանիքն է: Ամուր և առողջ ընտանիքների ձևավորումը, ընտանիքում ազգային-ավանդական արժեքների պահպանումն ու զարգացումը պետք է լինեն պետության կարևորագույն  խնդիրներից: Զորավոր է այն ազգը, որն ունի զորավոր ընտանիքներ: Հայաստանի Հանրապետությունը պետք է բարենպաստ պայմաններ ստեղծի սփյուռքի հայության ներուժը ի նպաստ Հայոց պետականության հզորացմանև սփյուռքի արժանապատիվ գոյության ուղղելուն։   Իրավունքի գերակայությունը, մարդու հիմնական իրավունքների նկատմամբ հանրային իշխանության հարգանքն ու դրանց պաշտպանության արդյունավետ արդարադատական մեխանիզմների առկայությունը, բազմակարծությունը, քաղաքական ազատությունների, իրավունքի գերակայության, մրցակցային հավասար պայմանների լիարժեք կենսագործումն ու հասարակության բաժանարար գծերի վերացումը այլընտրանք չունեն: Հայաստանի ցանկացած քաղաքացու ձայնը պետք է լսելի լինի, քննադատությունը՝ ուշադրության ու հարգանքի արժանի: ՀԵՏԳՐՈՒԹՅԱՆ ՓՈԽԱՐԵՆ Մենք ունենք բազմաթիվ հայրենասեր, փորձառու, խելացի թիմակիցներ, ովքեր, անկախ որևէ հանգամանքից, շարունակում են ծառայել Հայրենիքին և Ձեր վստահության քվեն ստանալու դեպքում կունենան ավելի լայն հնարավորություններ իրենց կարողություններն ու ջանքերը ներդնելու հանուն Հայաստանի Հանրապետության և հայ ժողովրդի ապագայի: Օգտագործենք նրանց փորձն ու գիտելիքը երկրի հետագա զարգացման համար: Պատրաստ ենք ծառայել Հայրենիքին: 
14:49 - 15 մայիսի, 2021