Ուզբեկստան

Ադրբեջանն ու Ուզբեկստանը դաշնակցային հարաբերությունների մասին համաձայնագիր են ստորագրել |1lurer.am|

1lurer.am: Տաշքենդում Ուզբեկստանի և Ադրբեջանի նախագահների մասնակցությամբ տեղի է ունեցել երկու երկրների գերագույն միջպետական խորհրդի առաջին նիստը: Իլհամ Ալիևը և Շավքաթ Միրզիյոևը նաև նեղ և ընդլայնված կազմերով հանդիպումներ են անցկացրել: Ղեկավարները գոհունակություն են հայտնել, որ երկկողմ հարաբերությունները ռազմավարական դաշնակցային բնույթ ունեն: Քննարկվել են էներգետիկայի, տրանսպորտի և զբոսաշրջության ոլորտներում գործակցության հարցեր, մտքեր են փոխանակվել միջազգային և տարածաշրջանային հարցերի շուրջ։ Ալիևը հայտարարել է՝ Կենտրոնական Ասիայի, Հարավային Կովկասի և Կասպից ծովի տարածաշրջանները վերածվում են աշխարհաքաղաքական միասնական տարածաշրջանի, որտեղ դրական գործընթացները, ըստ Ադրբեջանի նախագահի, մեծապես կախված են Ուզբեկստանի և Ադրբեջանի արդյունավետ շփումներից։ Միրզիյոևն էլ շեշտել է, որ Բաքուն Տաշքենդի կարևոր ռազմավարական գործընկերն ու դաշնակիցն է: Նա պատմական է որակել Ալիևի այցը, տեղեկացրել, որ Ադրբեջանն ու Ուզբեկստանը գործակցության 20 նոր ուղղություն են նախանշել: Միրզիյոևի խոսքով՝ ադրբեջանական պատվիրակության հետ հանդիպումն անցել է բաց և կառուցողական մթնոլորտում։ Նախագահների հանդիպման արդյունքներով մի շարք փաստաթղթեր են ստորագրվել, մասնավորապես՝ «Ադրբեջանի և Ուզբեկստանի միջև դաշնակցային հարաբերությունների մասին համաձայնագիրը», Ադրբեջանի ՆԳՆ-ի և Ուզբեկստանի ազգային գվարդիայի միջև գործակցության մասին պայմանագիրը, երկու երկրի քաղաքացիների աշխատանքային իրավունքների պաշտպանության, առևտրի, տնտեսության, ներդրումների, նավթային և այլ ոլորտներում գործակցության ընդլայնման մասին փաստաթղթեր: Միրզիյոևը և Ալիևը նաև հանդիպել են երկու երկրի գործարար շրջանակների ներկայացուցիչների հետ:

15:56 - 23 օգոստոսի, 2024

Ալիևն այսօր պետական այցով մեկնում է Ուզբեկստան |azatutyun.am|

azatutyun.am: Ուզբեկստանի նախագահ Շավքաթ Միրզիյոևի հրավերոց Ադրբեջանի նախագահ Իլհամ Ալիևն այսօր պետական այցով կժամանի Տաշքենդ։ Ըստ Ուզբեկստանի նախագահի պաշտոնական կայքէջի՝ նախատեսված են բարձր մակարդակի բանակցություններ, ինչպես նաև Ալիևի և Միրզոյոևի նախագահությամբ տեղի կունենա Գերագույն միջպետական խորհրդի առաջին նիստը, օրակարգում ռազմավարական գործընկերության և բազմակողմ համագործակցության խորացման և ընդլայնման հարցեր են։ Նշվում է, որ ուշադրության կենտրոնում են լինելու նաև փոխադարձ առևտրաշրջանառության ավելացմանը, գործարար կապերի զարգացմանը մշակութային և հումանիտար կապերի ակտիվացմանն առնչվող հարցեր։ 2022-ի հունիսին Ադրբեջանի և Ուզբեկստանի նախագահները երկու երկրների միջև ռազմավարական գործընկերության խորացման մասին հռչակագիր են ստորագրել՝ պայմանավորվելով խորացնել գործակցությունը մի շարք առանցքային ոլորտներում, այդ թվում՝ ռազմական։

09:10 - 22 օգոստոսի, 2024

Ուզբեկստանի Հանրապետության նախագահ Շավքաթ Միրզիյոևին շնորհավորել է Նիկոլ Փաշինյանին` ծննդյան օրվա առթիվ

Ուզբեկստանի Հանրապետության նախագահ Շավքաթ Միրզիյոևին շնորհավորել է Նիկոլ Փաշինյանին` ծննդյան օրվա առթիվ։ Շնորհավորական ուղերձում նշված է. «Հարգելի Նիկոլ Վովայի, Սրտանց շնորհավորում եմ Ձեզ ծննդյան օրվա առթիվ և հղում լավագույն բարեմաղթանքներս։ Համոզված եմ, որ համատեղ ջանքերով մեր երկրների միջև գործնական համագործակցությունը կշարունակի հետևողականորեն զարգանալ՝ ի նպաստ մեր ժողովուրդների ընդհանուր շահերի։ Օգտվելով առիթից՝ Ձեր կյանքի այս անմոռանալի օրը մաղթում եմ Ձեզ արևշատություն, առողջություն, ընտանեկան երջանկություն, հաջողություններ պետական պատասխանատու գործունեության մեջ, իսկ Հայաստանի ժողովրդին՝ խաղաղություն, բարեկեցություն և առաջընթաց»։

12:56 - 01 հունիսի, 2024

Տաջիկստանի, Ղազախստանի, Ղրղըզստանի, Ուզբեկստանի նախագահները ժամանել են Բաքու |azatutyun.am|

azatutyun.am: Երեկ աշխատանքային այցով Բաքու են ժամանել Տաջիկստանի, Ղազախստանի, Ղրղըզստան, Ուզբեկստանի նախագահներ Էմոմալի Ռահմոնը, Կասիմ-Ժոմարտ Տոկաևը, Սադիր Ջապարովը, Շավքաթ Միրզիյոևը, հաղորդում է ադրբեջանական APA գործակալությունը։ Նրանց այցից այլ մանրամասներ դեռ չեն հաղորդվում։ Երեկ Ռահմոնը, Տոկաևը, Ջապարովը, Միրզիյոևը Մինսկում մասնակցում էին ՀԱՊԿ երկրների ղեկավարների հավաքին, որին Հայաստանը վարչապետ Նիկոլ Փաշինյանը չի մասնակցել նիստին։ ՀԱՊԿ անդամ երկիր են Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։

10:33 - 24 նոյեմբերի, 2023

Ուզբեկստանում կարգելվի կրել դեմքը ծածկող կանացի հագուստ |1lurer.am|

1lurer.am: Ուզբեկստանի նախագահ Շավքաթ Միրզիյոևը ստորագրել է օրենսդրական փոփոխություններ, որոնք նախատեսում են տուգանք՝ 405-810 դոլարի չափով՝ հասարակական վայրերում դեմքը թաքցնող և նույնականացմանը խոչընդոտող կանացի հագուստ կրելու համար, հայտնում է երկրի արդարադատության նախարարության մամուլի ծառայությունը։ Բացառություն կարող է լինել հագուստը, որը թաքցնում է դեմքը բժշկական պատճառներով, կամ կապված է աշխատանքային ու ծառայողական գործունեության հետ, հավելում է արդարադատության նախարարությունը։ Ուզբեկստանում նաև տուգանք և մինչև 15 օր ժամկետով կալանք է սպառնում երկու և ավելի կանանց հետ ապրելը խրախուսողներին կամ նման գաղափարներ տարածողներին:

19:29 - 01 նոյեմբերի, 2023

Ուզբեկստանի նախագահը Ֆիզուլիում դպրոցի բացման արարողության է մասնակցել |aysor.am|

aysor.am: Ադրբեջանի և Ուզբեկստանի նախագահներ Իլհամ Ալիևը և Շավքաթ Միրզիյոևը, ինչպես նաև երկու երկրների առաջին տիկինները ներկա են գտնվել Ֆիզուլիում կառուցված Միրզա Ուլուգբեկի անվան թիվ 1 միջնակարգ դպրոցի բացման արարողությանը։ Այս մասին հայտնում են ադրբեջանական լրատվամիջոցները։ Պետական այցով Ադրբեջանում գտնվող Ուզբեկստանի նախագահը այսօր ժամանել է Ֆիզուլիի շրջան։

13:04 - 23 օգոստոսի, 2023

Վահան Քերոբյանը հանդիպել է Ուզբեկստանի գյուղատնտեսության նախարարի հետ

ՀՀ էկոնոմիկայի նախարար Վահան Քերոբյանը հանդիպել է Ուզբեկստանի գյուղատնտեսության նախարար Ազիզ Վոիտովի հետ․ «Քննարկել ենք երկու երկրների ագրոարդյունաբերական բնագավառում համագործակցությանը, գյուղատնտեսության մեջ չօգտագործված ներուժի ու հնարավորությունների օգտագործմանը վերաբերող հարցեր։ Անդրադարձել ենք նաև երկու երկրներում գործող պետական աջակցության գործիքակազմին և այդ ծրագրերի արդյունավետությանը»,- ֆեյսբուքյան իր էջում գրել է ՀՀ էկոնոմիկայի նախարարը։

10:27 - 05 օգոստոսի, 2023

Ալիեւն ընդունել է Արիպովին եւ քննարկել ադրբեջանա-ուզբեկական համագործակցությունը |news.am|

news.am: Ադրբեջանի նախագահ Իլհամ Ալիեւն ընդունել է Ուզբեկստանի Հանրապետության վարչապետ Աբդուլա Արիպովին։ Ինչպես տեղեկացրել է APA-ն, նշելով, որ տարեցտարի երկկողմ կապերը զարգանում են՝ Ալիեւը վստահություն է հայտնել, որ ապագայում կիրականացվեն նոր հաջող նախագծեր՝ ուղղված համագործակցության ընդլայնմանը։ Ողջույնների եւ սիրալիրությունների փոխանակումից հետո Աբդուլա Արիպովն «ընդգծել է Ադրբեջանի տարածքային ամբողջականության վերականգնման կարեւորությունը»։ Զրույցի ընթացքում ընդգծվել է Միջին միջանցքի նշանակությունը, նշվել են Ադրբեջանում ազատ տնտեսական գոտու ստեղծմանն ուզբեկական ընկերությունների մասնակցության հեռանկարները, միջկառավարական հանձնաժողովի գործունեությունը, նշվել է օկուպացված հայկական Շուշի քաղաքում հուլիսի 18-ին տեղի ունեցած ադրբեջանա-ուզբեկական միջկառավարական հանձնաժողովի 12-րդ համատեղ նիստի կարեւորությունը։

13:40 - 19 հուլիսի, 2023

Փաշինյանը հեռախոսազրույց է ունեցել Ուզբեկստանի նախագահի հետ

Վարչապետ Նիկոլ Փաշինյանը հեռախոսազրույց է ունեցել Ուզբեկստանի Հանրապետության նախագահ Շավքաթ Միրզիյոևի հետ և շնորհավորել նրան երկրի ղեկավարի պաշտոնում վերընտրվելու առիթով: Վարչապետը պարոն Միրզիյոևին մաղթել է հաջողություններ պատասխանատու պաշտոնում՝ ի նպաստ Ուզբեկստանի հետագա զարգացման: Երկու երկրների առաջնորդները քննարկել են հայ-ուզբեկական հարաբերությունների հետագա զարգացմանն ու այդ ուղղությամբ նախատեսվող քայլերին վերաբերող հարցեր:

12:34 - 12 հուլիսի, 2023

ԿԸՀ-ի նախնական տվյալներով Միրզիյոևը 87,05 %-ով հաղթել է Ուզբեկստանի նախագահական ընտրություններում |panorama.am|

panorama.am: Ուզբեկստանի գործող նախագահ Շավքաթ Միրզիյոևը հավաքել է ձայների 87,05 %-ը և հաղթում է արտահերթ նախագահական ընտրություններում: «ՌԻԱ նովոստի»-ն գրում է, որ այդ մասին հայտարարել է ԿԸՀ ղեկավար Զայնիդդին Նիզամխոջաևը։ «Ուզբեկստանի Լիբերալ-դեմոկրատական կուսակցության թեկնածու Շավքաթ Միրզիյոևի օգտին քվեարկել է ընտրողների ընդհանուր թվի 87,05 %-ը»,-մամուլի ասուլիսի ժամանակ ասել է ընտրական հանձնաժողովի ղեկավարը։ Երկրորդ տեղում է Սոցիալ-դեմոկրատական կուսակցության «Ադոլաթ» («Արդարություն») նախագահ, Գերագույն դատարանի նախագահի առաջին տեղակալ Ռոբախոն Մախմուդովան ձայների 4,43 %-ով, երրորդում՝ Ուզբեկստանի Ժողովուրդների դեմոկրատական կուսակցության նախագահ Ուլուգբեկ Ինոյաթով 4,02 %-ով , չորրորդը՝ Էկոլոգիական կուսակցության առաջնորդ Աբդուշուքյուր Խամզաևն էր, ով ստացել է ձայների 3,74 %ը։ Ըստ ԿԸՀ-ի՝ վերջնական մասնակցությունը կազմել է 79,8 % կամ 15,6 մլն ընտրող։ 2021 թվականի նախագահական ընտրություններում Միրզիյոևը հաղթել է ձայների 80,31 %-ով, մասնակցությունը կազմել է 80,04 %։

11:23 - 10 հուլիսի, 2023

Ղրղզստանն ու Ուզբեկստանը հաստատել են սահմանագծման փաստաթղթերը |1lurer.am|

1lurer.am: Ղրղզստանն ու Ուզբեկստանը Սամարղանդում կայացած բանակցությունների ընթացքում հաստատել են համատեղ սահմանի սահմանագծման վերաբերյալ նորմատիվ-իրավական և տեխնիկական փաստաթղթերը, հայտնել Է Ղրղզստանի կառավարության մամուլի ծառայությունը, հաղորդում է Interfax-ը: Բանակցությունները վարել են կառավարական պատվիրակությունները, որոնց ընթացքում տեղի են ունեցել աշխատանքային խմբերի հանդիպումներ և սահմանագծման համատեղ հանձնաժողովի առաջին հանդիպումը։ «Նիստում քննարկվել են ղրղզա-ուզբեկական սահմանի առանձին հատվածներում իրականացված համատեղ դաշտային հետազոտությունների արդյունքները: Դրանց հիման վրա էլ կողմերը հաստատել են նորմատիվ իրավական և տեխնիկական փաստաթղթերը, ստորագրել համապատասխան արձանագրություններ»,- նշել են մամուլի ծառայությունից: Այսպիսով, Ղրղզստանն ու Ուզբեկստանն ավարտել են սահմանազատման գործընթացը և սկսել սահմանագծումը։

17:47 - 29 մայիսի, 2023

Բռնցքամարտիկ Հովհաննես Բաչկովը դուրս եկավ ԱԱ-ի կիսաեզրափակիչ. Նա ապահովեց առնվազն բրոնզե մեդալ |armenpress.am|

armenpress.am: Հայաստանի բռնցքամարտի հավաքականի անդամ, Օլիմպիական խաղերի բրոնզե մեդալակիր Հովհաննես Բաչկովը դուրս եկավ աշխարհի առաջնության կիսաեզրափակիչ և ապահովեց առնվազն բրոնզե մեդալ: Ուզբեկստանի մայրաքաղաք Տաշքենդում ընթացող աշխարհի առաջնության 63,5 կգ քաշային կարգում Հովհաննես Բաչկովը քառորդ եզրափակիչում մրցեց Կոլումբիան ներկայացնող Մանուել Վիաֆարայի հետ: Բաչկովը հաղթեց 5:0 հաշվով: Հովհաննես Բաչկովը բռնցքամարտի աշխարհի առաջնությունում երեք անգամ դարձել է բրոնզե մեդալակիր (2017, 2019, 2021), Եվրոպայի առաջնության եռակի չեմպիոն է (2017, 2019,2022), Տոկիոյի 32-րդ ամառային Օլիմպիական խաղերի բրոնզե մեդալակիր է: Իր առաջին մենամարտը պրոֆեսիոնալ ռինգում անցկացրել է 2020 թվականին:

15:06 - 10 մայիսի, 2023

Հովհաննես Բաչկովն ԱԱ-ի երկրորդ մենամարտում հաղթեց թուրք մարզիկին |armenpress.am|

armenpress.am: Հայաստանի բռնցքամարտի հավաքականի անդամ, Օլիմպիական խաղերի բրոնզե մեդալակիր Հովհաննես Բաչկովը երկրորդ հաղթանակը տոնեց աշխարհի առաջնությունում: Ուզբեկստանի մայրաքաղաք Տաշքենդում ընթացող աշխարհի առաջնության 63,5 կգ քաշային կարգի երկրորդ մենանարտում Հովհաննես Բաչկովը մրցեց Թուրքիան ներկայացնող Կագան Կանլի Բիլգեի հետ: Բաչկովը գերազանցեց 5:0 հաշվով: Ավելի վաղ Հայաստանի հավաքականից իրենց մեկնարկային մենամարտերում հաղթել էին Ռաֆայել Հովհաննիսյանը, Նարեկ Մանասյանը, և Արթուր Բազեյանը: Պայքարից դուրս էին մնացել Դավիթ Չալոյանը, Համբարձում Հակոբյանը, Բարեղամ Հարությունյանը, Ռուդոլֆ Գարբոյանը և Արթուր Ղազարյանը:

14:11 - 06 մայիսի, 2023

ԱՊՀ-ի արտգործնախարարները պատրաստվում են Սամարղանդում կայանալիք նիստին |armeniasputnik.am|

armeniasputnik.am: ԱՊՀ արտգործնախարարների խորհրդի հերթական նիստին մասնակցելու համար Սամարղանդի Կոնգրես-կենտրոն են ժամանել Համագործակցության երկրների արտաքին քաղաքական գերատեսչությունների ղեկավարները։ Տեղեկությունը հայտնում է Sputnik Ուզբեկստանը: Տեսանյութում Ռուսաստանի արտգործնախարար Սերգեյ Լավրովն ու ԱՊՀ գլխավոր քարտուղար Սերգեյ Լեբեդևն են: Գագաթնաժողովի օրակարգում 10 հարց կա, որոնք վերաբերում են ԱՊՀ տարածքում փոխգործակցության տարբեր ոլորտներին Արտաքին քաղաքական գերատեսչությունների ղեկավարները կարծիքներ են փոխանակելու միջազգային, տարածաշրջանային հրատապ թեմաների շուրջ։ 2023 թվականին ԱՊՀ նախագահող երկիրը Ղրղզստանն է։

11:14 - 14 ապրիլի, 2023

ԱՊՀ երկրների Պաշտպանության նախարարությունների ներկայացուցիչները կհանդիպեն Մինսկում |armtimes.com|

armtimes.com: ԱՊՀ երկրների պաշտպանության նախարարությունների ներկայացուցիչները ուժային կառույցների անձնակազմի հետհանդիպում կունենան Մինսկում, կքննարկվեն աշխատանքային հարցեր: Տեղեկությունը հայտնում է Բելառուսի պաշտպանության նախարարությունը՝ նշելով, որ ապրիլի 6-7-ը Մինսկում կկայանա Անկախ Պետությունների Համագործակցության մասնակից պետությունների պաշտպանության նախարարությունների անձնակազմի հետ աշխատանքների (դաստիարակչական աշխատանքի) մարմինների ղեկավարների կոմիտեի և Անկախ Պետությունների Համագործակցության պաշտպանության նախարարների խորհրդին առընթեր ռազմական-հիշատակի կոմիտեի համատեղ նիստը: Նիստին կմասնակցեն Հայաստանի, Բելառուսի, Ղրղզստանի, Ռուսաստանի, Տաջիկստանի և Ուզբեկստանի պաշտպանության նախարարությունների պատվիրակությունները:

14:59 - 06 ապրիլի, 2023

Ապրիլի 14-ին Սամարղանդում տեղի կունենա ԱՊՀ երկրների ԱԳ նախարարների խորհրդի նիստը |factor.am|

factor.am: ԱՊՀ անդամ երկրների մեծամասնությունը հաստատել է մասնակցությունը Սամարղանդում նախանշված ԱԳ նախարարների խորհրդի նիստին։ Այս մասին լրագրողներին հայտնել է ԱՊՀ գլխավոր քարտուղար Սերգեյ Լեբեդևը, գրում է Belta-ն։ «ԱՊՀ ԱԳ նախարարների խորհրդի նիստը տեղի կունենա ապրիլի 14-ին Սամարղանդում: Երկրների մեծ մասի արտգործնախարարներն արդեն հաստատել են իրենց մասնակցությունը։ Ուզբեկական կողմը նույնպես հայտնել է, որ պատրաստ է այդ հանդիպումն անցկացնել»,- ասել է Լեբեդևը։ Այսօր Մինսկում անցկացվում է ԱՊՀ անդամ երկրների մշտական լիազոր ներկայացուցիչների խորհրդի համատեղ նիստը՝ կառույցի այլ մարմինների և ԱՊՀ տնտեսական խորհրդին կից տնտեսական հարցերով հանձնաժողովի մասնակցությամբ։

15:47 - 30 մարտի, 2023