Կորոնավիրուս

Բայդենը հայտարարել է կորոնավիրուսի համավարակի ավարտի մասին
 |1lurer.am|

Բայդենը հայտարարել է կորոնավիրուսի համավարակի ավարտի մասին |1lurer.am|

1lurer.am: ԱՄՆ նախագահ Ջո Բայդենը CBS-ի հետ հարցազրույցում ասել է, թե COVID-19 համավարակն ավարտվել է։ «Համավարակն ավարտվել է։ Մենք դեռևս ունենք COVID-ի հետ կապված խնդիր և աշխատում ենք այդ ուղղությամբ»,- ասել է պետության ղեկավարը։ Կորոնավիրուսի համավարակի ավարտի մասին ԱՄՆ նախագահ Ջո Բայդենի հայտարարությունն անակնկալ էր Սպիտակ տան աշխատակիցների համար։ Այդ մասին գրում է Politico-ն։ Հրապարակման աղբյուրները պնդում են, որ ԱՄՆ առաջնորդի այս հայտարարությունը նախապես ծրագրված չի եղել և Սպիտակ տան առողջապահության ոլորտում պատասխանատու մի շարք պաշտոնյաների համար շատ անսպասելի էր: Բայդենը բացատրել է, որ իր կարծիքը պայմանավորված է նրանով, որ ոչ ոք դիմակ չի կրում, և «բոլորը կարծես թե լավ վիճակում են»։ ԱՄՆ նախագահը երկու ամիս առաջ հիվանդացել էր կորոնավիրուսով։
13:13 - 19 սեպտեմբերի, 2022
Կորոնավիրուսի ցուցանիշները կայուն աճում են. թիրախում են մինչև 2 տարեկան երեխաներն ու 60-ից բարձր անձինք |armenpress.am|

Կորոնավիրուսի ցուցանիշները կայուն աճում են. թիրախում են մինչև 2 տարեկան երեխաներն ու 60-ից բարձր անձինք |armenpress.am|

armenpress.am:  Հայաստանում կորոնավիրուսային ցուցանիշներն, օգոստոսի սկզբից սկսած, կայուն աճում են: ՀՀ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը տեղեկացրեց, որ վերջին 14 օրվա ընթացքում, նախորդ 14 օրվա համեմատ, գրանցվել է մոտ 23 տոկոս աճ: Ավելի վաղ այդ աճն ընդամենը 10-12 տոկոս էր: «Սա իրական պատկերը չէ, բոլորը չեն թեստավորվում: Այս պատկերը միայն թեստավորված բնակչության շրջանում է: Իրականում, վարակվածների թիվն ավելին է: Կորոնավիրուսային վարակի աճ գրանցվել է հանրապետության ամբողջ տարածքում, բոլոր տարիքային խմբերում: Առավել նկատելի աճ  գրանցվել է մինչև 2 տարեկան երեխաների մոտ և 60-ից բարձր տարիքային խմբում»,-ասաց Գայանե Սահակյանը: Հայաստանում կորոնավիրուսային հիվանդության աճի վրա իր ազդեցությունը թողել է զբոսաշրջային ակտիվությունը: Մարդկանց շարժը մեծացել է, շփումներն ընդլայնվել են, ինչն էլ իր ազդեցությունն է թողել համավարակի տեմպի վրա: Առաջիկայում կրկին ցուցանիշների աճ է սպասվում՝ հաշվի առնելով այն հանգամանքը, որ ուսումնական տարին մեկնարկել է, դասավանդողները, ուսանողները, աշակերտներն ավելի շատ ժամանակ են անցկացնում փակ տարածքներում: Մասնագետի կարծիքով՝ սեպտեմբերի 15-ից հետո կխոսվի վարակվածների ավելի մեծ թվերի մասին: Վարակվածների թվին զուգահեռ՝ հիվանդանոցներում ավելանում է նաև մահճակալային ծանրաբեռնվածությունը: Չնայած դրան՝ Գայանե Սահակյանը նկատեց, որ հիվանդությունը կլինիկաներում ծանր ընթացք չի ունենում: «Հիմնականում մարդիկ հիվանդությունը ոտքի վրա են տանում: Այսինքն՝ առավել թեթև ընթացք է լինում: Դա նաև պատվաստումների արդյունք է: Քաղաքացիների մի մասը ձևավորված իմունային շերտ ունի»,-ասաց Գայանե Սահակյանն՝ ընդգծելով, որ հանրապետությունում ներկայում հիմնականում կորոնավիրուսի «օմիկրոն» շտամն է տարածված:  
14:12 - 05 սեպտեմբերի, 2022
Ռուսաստանում արձանագրվել է մեկ օրում կորոնավիրուսով վարակվելու ամենաբարձր թիվը մարտի 20-ից հետո
 |azatutyun.am|

Ռուսաստանում արձանագրվել է մեկ օրում կորոնավիրուսով վարակվելու ամենաբարձր թիվը մարտի 20-ից հետո |azatutyun.am|

azatutyun.am: Ռուսաստանում անցած օրում արձանագրվել է կորոնավիրուսով վարակվելու 33 հազար 106 դեպք, ինչն ամենաբարձր ցուցանիշն է այս տարվա մարտի 20-ից հետո: Այդ մասին հայտնել է COVID-19 համավարակի դեմ դաշնային օպերատիվ շտաբը: Մեկ օրում հոսպիտալացվել է 3 հազար 167 հիվանդ: Մարտ ամսվա ընթացքում նման վիճակագրություն է գրանցվել, երբ, ըստ մասնագետների, հիվանդացության ալիքը հասել է գագաթնակետին: Այս ժամանակաշրջանում Ռուսաստանում կորոնավիրուսի թվերի աճը 7 շաբաթ շարունակ է գրանցվում: Երեկ Ռուսաստանի առողջապահության նախարար Միխայիլ Մուրաշկոն բնակիչներին կոչ է արել դիմակներ կրել և պատվաստվել: «Ռոսպոտրեբնադզոր»-ը (սպառողների պաշտպանության և մարդու բարեկեցության ոլորտում վերահսկողության դաշնային ծառայություն) պահանջել է հիվանդացության բարձր ցուցանիշով շրջաններում վերականգնել դիմակներ կրելու պահանջը: Այսօրվա դրությամբ նոր ախտահարումների առումով առաջին տեղերում են Մոսկվան, Մոսկվայի մարզը, Սանկտ Պետերբուրգը և Լենինգրադի մարզն, ինչպես նաև Կրասնոդարի մարզը: Անցած օրում մահացել է 63 հիվանդ, ընդհանուր հաշվով Ռուսաստանում COVID-19 հիվանդությունից պաշտոնական տվյալներով մահացել է 383 հազար 300 մարդ: Անկախ փորձագետների համոզմամբ, Ռուսաստանում կորոնավիրուսից իրականում մահացել է ավելի քան մեկ և կես միլիոն մարդ:
14:57 - 17 օգոստոսի, 2022
Հիվանդությունների վերահսկման և կանխարգելման ազգային կենտրոնին է տրամադրվել 320 սառցարան և սառնարան` պատվաստանյութերի պահպանման համար

Հիվանդությունների վերահսկման և կանխարգելման ազգային կենտրոնին է տրամադրվել 320 սառցարան և սառնարան` պատվաստանյութերի պահպանման համար

Շարունակելով աջակցել առողջապահության նախարարության՝ ՔՈՎԻԴ-19-ի դեմ պատվաստանյութերի ներդրման ջանքերին՝ ՅՈՒՆԻՍԵՖ-ը, ԱՄՆ ՄԶԳ-ի ֆինանսավորմամբ, Հայաստան է առաքել պլանավորված սառցային շղթայի սարքավորումների վերջին խմբաքանակը: Այս աջակցության շնորհիվ՝ Հայաստանի ազգային սառցային շղթայի կարողություններն ընդլայնվեցին 5 գերսառը սառցարանով, 205 սառցարանով և 110 սառնարանով։ Գերսառը սառցարաններն ունեն մինչև 300 լիտր տարողունակություն և նախատեսված են -86°C ծայրահեղ ցածր ջերմաստիճան պահանջող պատվաստանյութերի պահպանման համար: Սառցարաններն, իրենց հերթին, ապահովում են պատվաստանյութերի և այլ բժշկական արտադրանքի պատշաճ պահպանումը -25˚C-ից -15˚C ջերմաստիճանային պայմաններում, իսկ սառնարանները պատվաստանյութերը կպահեն +2˚C-ից +8˚C ջերմաստիճանային պայմաններում: ԱՄՆ ՄԶԳ/Հայաստանի տնօրեն Ջոն Ալելոն ընդգծել է․ «Հզոր և բարելավված սառցային շղթան, որը հասանելի է ամբողջ երկրի առաջնային բուժհաստատություններին, կենսական նշանակություն ունի ոչ միայն ՔՈՎԻԴ-19-ի դեմ, այլև՝ պլանային պատվաստանյութերը պահպանելու համար: Առաքված սարքավորումները կտեղադրվեն առաջնային առողջապահական բուժհաստատություններում: Դրանք կարևոր նշանակություն ունեն մարդկանց և երեխաներին կենսական նշանակություն ունեցող պատվաստանյութերով ապահովելու համար»: «ԱՄՆ ՄԶԳ-ի և ՅՈՒՆԻՍԵՖ-ի տրամադրած այս նշանակալի աջակցությունը տրվել է ի լրումն ապրիլին հատկացված 80 սառնարանների, 285 սառցարանների և մայիսին առաքած երեք սառցե սենյակների: Բոլոր սառցարաններն ու սառնարանները բաշխվելու են ՀՀ առողջապահության առաջնային օղակի 250 հաստատություններին, իսկ սառցե սենյակները տեղադրվելու են Երևանում, Շիրակի և Վայոց ձորի մարզերում՝ ապահովելով պատվաստանյութերի հասանելիությունը բոլոր համայնքներում», - ասել է ՀՀ առողջապահության նախարարի առաջին տեղակալ Լենա Նանուշյանը։ ԱՄՆ ՄԶԳ-ի ֆինանսական աջակցությամբ՝ ՅՈՒՆԻՍԵՖ-ը նաև իրականացրել է ՔՈՎԻԴ-19-ի և պատվաստումների վերաբերյալ հանրության իրազեկվածությունը բարձրացնող արշավներ։ Բացի այդ, առողջապահության նախարարության և ԱՆ Հիվանդությունների վերահսկման և կանխարգելման ազգային կենտրոնի (ՀՎԿԱԿ) հետ սերտ համագործակցությամբ, ՅՈՒՆԻՍԵՖ-ը վերապատրաստումներ է իրականացրել առաջնային օղակի 5000 բուժաշխատողների համար (մանկաբույժներ, ընտանեկան բժիշկներ, բուժքույրեր), ինչի շնորհիվ բուժաշխատողները բարելավել են իրենց հմտությունները և գիտելիքները։ «ԱՄՆ ՄԶԳ-ի, Առողջապահության նախարարության, ՀՎԿԱԿ-ի, ՅՈՒՆԻՍԵՖ-ի և այլ ազգային գործընկերների միջև շարունակական գործակցությունն առանցքային նշանակություն ունի ՔՈՎԻԴ-19-ի դեմ պայքարում, ինչպես նաև արդյունավետ պլանային պատվաստումների իրականացման հարցում՝ պատվաստվելու հնարավորություն ընձեռելով առավել խոցելիներին, հատկապես՝ երեխաներին և կանանց՝ ՔՈՎԻԴ-19-ի ապագա ալիքները և պատվաստումներով կանխարգելվող հիվանդությունների հնարավոր բռնկումները կանխելու, հայտնաբերելու և դրանց արձագանքելու նպատակով», - նշել է Հայաստանում ՅՈՒՆԻՍԵՖ-ի ներկայացուցիչ Քրիսթինե Վայգանդը։
16:36 - 12 օգոստոսի, 2022