Ինֆոթեգեր Մեր մասին
hy en ru
Նվիրաբերել

ՆԳՆ փրկարար ծառայություն

Փրկարար ծառայությունը Հայաստանի Հանրապետության ներքին գործերի նախարարության ենթակա մարմին է։

Իրականացնում է արտակարգ իրավիճակների կանխման, դրանց հնարավոր հետևանքների նվազեցման և վերացման, արտակարգ իրավիճակներում բնակչության պաշտպանության ու քաղաքացիական պաշտպանության միջոցառումների իրականացման ծրագրերի մշակում, քաղաքացիական պաշտպանության պահուստների ստեղծմանը և նպատակային օգտագործմանը մասնակցություն. հակահրդեհային պահպանության և հրշեջ-փրկարարական ծառայությունների մատուցում և այլ գործառույթներ:

Ծառայության գործող պետը Կամո Ցուցուլյանն է։

2023թ․ հունիսի 30-ից դադարեցվել է ՀՀ արտակարագ իրավիճակների նախարարության գործունեությունը՝ համաձայն 2022թ. դեկտեմբերի 16-ին ընդունված ՀՀ օրենքի, որով ստեղծվել է Ներքին գործերի նախարարությունը։ 

+374 12 31 77 20 911
Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար․ ՆԳՆ ՓԾ

Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար․ ՆԳՆ ՓԾ

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։  Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ 
19:16 - 26 հուլիսի, 2024
Փրկարարները ջրամբարից դուրս են բերել ավտոմեքենան

Փրկարարները ջրամբարից դուրս են բերել ավտոմեքենան

Հուլիսի 25-ին` ժամը 16:35-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ազատի ջրամբարում ավտոմեքենան արգելափակվել է ջրի մեջ. դուրս բերելու համար անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները ջրամբարից դուրս են բերել «VAZ» մակնիշի ավտոմեքենան (վարորդ՝ Ա. Ա. ծնված 1991 թ․):  
20:17 - 25 հուլիսի, 2024
Երկրաշարժ Վրաստանում․ այն գրանցվել է նաև Հայաստանում

Երկրաշարժ Վրաստանում․ այն գրանցվել է նաև Հայաստանում

Հուլիսի 22-ին, տեղական ժամանակով ժամը 12։408-ին (Գրինվիչի ժամանակով ժամը 08:08-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.44⁰ և արևելյան երկայնության 45.95⁰ աշխարհագրական կոորդինատներով՝ Վրաստան՝ Գուրջանի քաղաքից 36 կմ հարավ-արևելք, օջախի 10 կմ խորությամբ 4․8 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Երկրաշարժը զգացվել է Տավուշի մարզում՝ 5-6 բալ, Լոռու մարզի Ալավերդի, Վանաձոր քաղաքներում՝ 4 բալ և Կոտայքի մարզի Հրազդան քաղաքում՝ 3 բալ ուժգնությամբ։
12:41 - 22 հուլիսի, 2024
ՀՀ տարածքում ավտոճանապարհներն անցանելի են․ ՆԳՆ ՓԾ

ՀՀ տարածքում ավտոճանապարհներն անցանելի են․ ՆԳՆ ՓԾ

ՆԳՆ փրկարար ծառայությունից տեղեկացնում են, որ ՀՀ տարածքում ավտոճանապարհներն անցանելի են։ Լարսի մասին․Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ 
10:32 - 21 հուլիսի, 2024
ՀՀ տարածքում ավտոճանապարհներն անցանելի են. Լարսը բաց է

ՀՀ տարածքում ավտոճանապարհներն անցանելի են. Լարսը բաց է

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
10:28 - 20 հուլիսի, 2024
Արտաշատ քաղաքում բնակարաններից մեկում հրդեհ է բռնկվել. տարհանվել է 4 քաղաքացի

Արտաշատ քաղաքում բնակարաններից մեկում հրդեհ է բռնկվել. տարհանվել է 4 քաղաքացի

Հուլիսի 19-ին՝ ժամը 12:23-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Արտաշատ քաղաքի Երևանյան փողոցի շենքերից մեկի 3-րդ հարկի բնակարաններից մեկի պատշգամբում։ Այս մասին հայտնում են ՀՀ ՆԳՆ փրկարար ծառայությունից։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և մեկ ջրատար: Պարզվել է, որ հրդեհը բռնկվել է բնակարանում. տարհանվել է 4 քաղաքացի: Հրդեհը մեկուսացվել է ժամը 13։25-ին, մարվել՝ 13։54-ին: Այրվել են գույքը, մանրահատակը և կենցաղային տեխնիկան՝ մասնակի:
17:39 - 19 հուլիսի, 2024
Կոտայքի մարզում վթարված ինքնաթիռն ուսումնամարզական է. ՊՆ խոսնակ |1lurer.am|

Կոտայքի մարզում վթարված ինքնաթիռն ուսումնամարզական է. ՊՆ խոսնակ |1lurer.am|

1lurer.am: ՀՀ պաշտպանության նախարարությունից հայտնում են, որ Կոտայքի մարզում վթարված ինքնաթիռն ուսումնամարզական է։ «Հաստատում եմ՝ վթարված ինքնաթիռը ուսումնամարզական ինքնաթիռ է. պաշտպանության նախարարությունը ցավակցում է զոհված օդաչուների ընտանիքի անդամներին, հարազատներին և ծառայակիցներին»,- 1lurer.am-ին հայտնեց ՊՆ խոսնակ Արամ Թորոսյանը: Ավելի վաղ ՆԳՆ ՓԾ-ից հայտնել էին, որ հուլիսի 19-ին՝ ժամը 09։30-ին, քաղաքացուց ահազանգ է ստացվել, որ Եղվարդ քաղաքի մոտակայքում՝ «Լճեր» կոչվող տարածքի մոտ, ինքնաթիռ է վթարվել: Ըստ նախնական տվյալների՝ վթարվել է ԱՆ-2 ինքնաթիռը, կա 2 զոհ։
11:31 - 19 հուլիսի, 2024
Եղվարդի մոտակայքում ինքնաթիռ է կործանվել, կա երկու զոհ․ ՆԳՆ ՓԾ

Եղվարդի մոտակայքում ինքնաթիռ է կործանվել, կա երկու զոհ․ ՆԳՆ ՓԾ

Հուլիսի 19-ին՝ Ժամը 09։30-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Եղվարդ քաղաքի մոտակայքում՝ «Լճեր» կոչվող տարածքի մոտ, ինքնաթիռ է կործանվել , հավանաբար կան զոհեր։ Այդ մասին հայտնել են ՆԳՆ ՓԾ-ից: Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից մեկ մարտական հաշվարկ, Հատուկ նշանակության փրկարարական աշխատանքների իրականացման կենտրոնի փրկարարական և Ճգնաժամային կառավարման ազգային կենտրոնի օպերատիվ խմբերը։ Ըստ նախնական տվյալների՝ կործանվել է ԱՆ-2 ինքնաթիռը, կա 2 զոհ։ Դեպքի վայրում աշխատանքը համակարգում է ՆԳՆ փրկարար ծառայության տնօրեն-ներքին գործերի նախարարի տեղակալի պարտականությունները ժամանակավոր կատարող, փ/ծ գնդապետ Եգոր Կարապետյանը։
11:06 - 19 հուլիսի, 2024
Արցախի պողոտայի մոտակայքում ծառն ընկել է քաղաքացու վրա, նա հոսպիտալացվել է բժշկական կենտրոն. ՆԳՆ ՓԾ

Արցախի պողոտայի մոտակայքում ծառն ընկել է քաղաքացու վրա, նա հոսպիտալացվել է բժշկական կենտրոն. ՆԳՆ ՓԾ

Հուլիսի 18-ին՝ ժամը 22:19-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արցախի պողոտայի շենքերից մեկի մոտակայքում ուժեղ քամուց ծառը կոտրվել և ընկել է քաղաքացիների վրա․ անհրաժեշտ է փրկարարների օգնությունը: Այդ մասին հայտնում են ՆԳՆ ՓԾ-ից:   Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:   Պարզվել է, որ ծառն ընկել է քաղաքացի Ա․ Ա․-ի (ծնված 1947 թ․) վրա, ում փրկարարները մոտեցրել են շտապօգնության ավտոմեքենային․ տուժածը հոսպիտալացվել է բժշկական կենտրոն։
10:50 - 19 հուլիսի, 2024
Ուժեղ քամու հետևանքով Երևանում վնասվել են տանիքների ծածկեր, թիթեղներ, տապալվել են ծառեր

Ուժեղ քամու հետևանքով Երևանում վնասվել են տանիքների ծածկեր, թիթեղներ, տապալվել են ծառեր

Հուլիսի 18-ին՝ ժամը 18:30-ից սկսած, Ճգնաժամային կառավարման ազգային կենտրոն ահազանգեր են ստացվել, որ ուժեղ քամու հետևանքով Երևան քաղաքի տարբեր վարչական շրջաններում վնասվել են տանիքների ծածկեր, թիթեղներ, տապալվել են ծառեր: Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից մարտական հաշվարկներ և Հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները սահմանազատել են տարածքը, իրականացրել թիթեղների ապամոտնաժման, ամրացման, տապալված ծառերի մասնատման և հեռացման աշխատանքներ:
10:04 - 19 հուլիսի, 2024
«Կանաչապատում և շրջակա միջավայրի պահպանություն» ՀՈԱԿ-ի տնկարանում բռնկված հրդեհը մեկուսացվել է |1lurer.am|

«Կանաչապատում և շրջակա միջավայրի պահպանություն» ՀՈԱԿ-ի տնկարանում բռնկված հրդեհը մեկուսացվել է |1lurer.am|

1lurer.am: «Կանաչապատում և շրջակա միջավայրի պահպանություն» ՀՈԱԿ-ի տնկարանում բռնկված հրդեհը 4:43-ի սահմաններում մեկուսացվել է։ Այս մասին 1lurer.am-ին հայտնեց ՆԳՆ խոսնակ Նարեկ Սարգսյանը։ Ավելի վաղ հայտնել էինք, որ «Կանաչապատում» ՀՈԱԿ-ի տարածքում հրդեհ է բռնկվել, բաց տարածքում այրվում է մեծ քանակությամբ ցախ։ Երևանի քաղաքապետարանից տեղեկացրել էին, որ այրվում են էտի արդյունքում կուտակված ճյուղերը։
09:43 - 19 հուլիսի, 2024
Երևան քաղաքից 16 կմ հարավ 2.7 մագնիտուդով երկրաշարժ է գրանցվել

Երևան քաղաքից 16 կմ հարավ 2.7 մագնիտուդով երկրաշարժ է գրանցվել

Հուլիսի 18-ին՝ տեղական ժամանակով ժամը 19։40-ին (Գրինվիչի ժամանակով ժամը 15:40-ին), ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.04⁰ և արևելյան երկայնության 44.51⁰ աշխարհագրական կոորդինատներով՝ Հայաստան՝ Երևան քաղաքից 16 կմ հարավ, օջախի 10 կմ խորությամբ 2.7 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 3-4 բալ: Երկրաշարժը զգացվել է Երևան քաղաքում 3-4 բալ և Արարատի մարզում 2-4 բալ ուժգնությամբ։ Ավելի վաղ Եվրոպական-միջերկրածովյան սեյսմոլոգիական կենտրոնը հայտնել էր, որ Թուրքիայի արևմտյան հատվածում երկրաշարժ է գրանցվել։ Ըստ կենտրոնի՝ 3,2 մագնիտուդ ուժգնությամբ երկրաշարժի աղբյուրը գտնվել է 13 կմ խորության վրա։
20:13 - 18 հուլիսի, 2024
Կոտրված ու տապալված ծառեր, պոկված թիթեղներ․ քամին լուրջ վնասներ է պատճառել մայրաքաղաքում

Կոտրված ու տապալված ծառեր, պոկված թիթեղներ․ քամին լուրջ վնասներ է պատճառել մայրաքաղաքում

Հուլիսի 17-ին, ժամը 22:28-ին Ճգնաժամային կառավարման ազգային կենտրոն ահազանգ է ստացվել, որ Երևանի Նորագավիթ 8-րդ փողոցի տներից մեկի մոտակայքում ուժեղ քամուց ծառը կոտրվել և ընկել է էլեկտրական լարերի վրա։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից մեկ մարտական հաշվարկ և մեկ ավտոսանդուղք։ Փրկարարները մասնատել են ծառը։ Նույն օրը ժամը 22:19-ին ահազանգ է ստացվել նաև, որ Երևանի Նորագավիթ 11-րդ փողոցի տներից մեկի մոտակայքում ուժեղ քամուց տանիք է պոկվել և ընկել գազատար խողովակի վրա․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ երկաթե թիթեղը պոկվել և ընկել է գազատար խողովակի վրա․ վերջինս վնասվել է, առկա է գազի արտահոսք։ Փրկարարները հեռացրել են երկաթե թիթեղը՝ 50 քմ։ Գազի վթարային ծառայության աշխատակիցները դադարեցրել են գազի արտահոսքը։ Ավելի ուշ՝ հուլիսի 18-ին, ժամը 00։25-ին Ճգնաժամային կառավարման ազգային կենտրոն տեղեկություն է ստացվել, որ Երևանի Շարուրի փողոցի թիվ 7 շենքի մոտակայքում ծառն ուժեղ քամուց կոտրվել, ընկել է և խոչընդոտում է երթևեկությունը․ անհրաժեշտ է օգնություն։ Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները մասնատել են կոտրված ծառը և հեռացրել ճանապարհից։
09:44 - 18 հուլիսի, 2024
Հրդեհ կիսակառույց շենքի 8-րդ հարկում

Հրդեհ կիսակառույց շենքի 8-րդ հարկում

Հուլիսի 17-ին՝ ժամը 19:52-ին Ճգնաժամային կառավարման ազգային կենտրոն ահազանգ է ստացվել, որ Երևանի Տիչինայի փողոցի թիվ 320 հասցեում գտնվող բնակելի թաղամասի կիսակառույց շենքի 4-րդ հարկից կրակ է նկատվում։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, երկու ավտոսանդուղք, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման վարչության հերթապահ ու Ճգնաժամային կառավարման ազգային կենտրոնի օպերատիվ խմբերը։ Նախնական տվյալներով հրդեհը բռնկվել է բազմաբնակարան կիսակառույց շենքի 8-րդ հարկում՝ ընդգրկելով մոտ 1000 քմ մակերես։ Դեպքի վայրում են գտնվում ՓԾ տնօրենի տեղակալ, փ/ծ գնդապետ Եգոր Կարապետյանը և պաշտոնատար այլ անձինք։
21:42 - 17 հուլիսի, 2024
Ջրափրկարարները հանրային լողափում ափ են դուրս բերել խեղդվող քաղաքացուն. նա հոսպիտալացվել է

Ջրափրկարարները հանրային լողափում ափ են դուրս բերել խեղդվող քաղաքացուն. նա հոսպիտալացվել է

Հուլիսի 17-ին՝ ժամը 15:45-ին, Ճգնաժամային կառավարման ազգային կենտրոն տեղեկություն է ստացվել, որ Սևանա լճի 1-ին հանրային լողափում հերթապահություն իրականացնելիս ջրափրկարարներն ափից մոտ 3-4 մետր հեռավորության վրա նկատել են քաղաքացու, ով խեղդվելիս է եղել։ Այդ մասին հայտնում են ՆԳՆ ՓԾ-ից:   Ջրափրկարարներն ափ են դուրս բերել Լ․ Մ․-ին (ծնված 2008 թ․), ցուցաբերել առաջին օգնություն և տեղափոխել շտապօգնության ավտոմեքենա։   Տուժածը հոսպիտալացվել է բժշկական կենտրոն։
18:09 - 17 հուլիսի, 2024
Անասուններին գյուղ վերադարձնելու նպատակով Ակներ գյուղից դուրս է եկել դեպի հարակից արոտավայրեր և չի վերադարձել

Անասուններին գյուղ վերադարձնելու նպատակով Ակներ գյուղից դուրս է եկել դեպի հարակից արոտավայրեր և չի վերադարձել

Հուլիսի 16-ին, ժամը 23:07-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Ակներ գյուղի բնակիչ Կ. Բ.-ն (ծնված 1962 թ.) անասուններին գյուղ վերադարձնելու նպատակով գյուղից դուրս է եկել դեպի հարակից արոտավայրեր և չի վերադարձել. որոնողական աշխատանքներ իրականացնելու համար անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը: Տեղեկություն է ստացվել, որ գյուղի արոտավայրերի մոտակայքում՝ լեռան լանջին, գյուղացիները հայտնաբերել են Կ. Բ.-ի դին: Փրկարարները դին պատգարակով իջեցրել են լեռան լանջից (մոտ 400 մ) և մոտեցրել դի տեղափոխող ավտոմեքենային:
09:48 - 17 հուլիսի, 2024