ՆԳՆ փրկարար ծառայություն

Փրկարար ծառայությունը Հայաստանի Հանրապետության ներքին գործերի նախարարության ենթակա մարմին է։

Իրականացնում է արտակարգ իրավիճակների կանխման, դրանց հնարավոր հետևանքների նվազեցման և վերացման, արտակարգ իրավիճակներում բնակչության պաշտպանության ու քաղաքացիական պաշտպանության միջոցառումների իրականացման ծրագրերի մշակում, քաղաքացիական պաշտպանության պահուստների ստեղծմանը և նպատակային օգտագործմանը մասնակցություն. հակահրդեհային պահպանության և հրշեջ-փրկարարական ծառայությունների մատուցում և այլ գործառույթներ:

Ծառայության գործող պետը Կամո Ցուցուլյանն է։

2023թ․ հունիսի 30-ից դադարեցվել է ՀՀ արտակարագ իրավիճակների նախարարության գործունեությունը՝ համաձայն 2022թ. դեկտեմբերի 16-ին ընդունված ՀՀ օրենքի, որով ստեղծվել է Ներքին գործերի նախարարությունը։

Քարաթափում Վանաձոր-Ալավերդի ավտոճանապարհին

Քարաթափում Վանաձոր-Ալավերդի ավտոճանապարհին

Սեպտեմբերի 11-ին՝ ժամը 19։13-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ալավերդի ավտոճանապարհին տեղի է ունեցել քարաթափում, նաև ընկել է ծառ՝ ճանապարհը դարձնելով միակողմանի երթևեկելի․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները Վանաձոր-Ալավերդի ավտոճանապարհի մոտ 12-րդ կմ-ին քարը (մոտ 1 խմ) հեռացրել են ավտոճանապարհից և մասնատել ծառը․ երթևեկությունը երկկողմանի վերականգնվել է։

22:07 - 11 սեպտեմբերի, 2024

Պայթյուն «ՀրազՋԷԿ» ԲԲԸ-ի չգործող ձուլարանում. կան տուժածներ և զոհ

Պայթյուն «ՀրազՋԷԿ» ԲԲԸ-ի չգործող ձուլարանում. կան տուժածներ և զոհ

Սեպտեմբերի 10-ին` ժամը 16։49-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «ՀրազՋԷԿ» ԲԲԸ-ի չգործող ձուլարանում տեղի է ունեցել պայթյուն. կան տուժածներ: Այս մասին հայտնում են ՀՀ ՆԳՆ փրկարար ծառայությունից։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և մեկ մարտական հաշվարկ: Նախնական տվյալներով վեց տուժած հոսպիտալացվել է բժկական կենտրոն, որտեղ Է. Հ․-ն (ծնված 1978թ. ) մահացել է:

18:17 - 10 սեպտեմբերի, 2024

Ձորաղբյուր գյուղում քաղաքացին կիսակառույց շինությունից ընկել է փոսը և մահացել. դին դուրս են բերել փրկարարները

Ձորաղբյուր գյուղում քաղաքացին կիսակառույց շինությունից ընկել է փոսը և մահացել. դին դուրս են բերել փրկարարները

Սեպտեմբերի 9-ին՝ ժամը 19:35-ին, Կոտայքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Ձորաղբյուր գյուղի Նոր թաղամասի 4-րդ փողոցում գտնվող կիսակառույց շինությունից քաղաքացի է ընկել փոսը. անհրաժեշտ է փրկարարների օգնությունը: ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Փրկարարները փոսից դուրս են բերել Ս․ Ա․-ի (ծնված 1988 թ.) դին և մոտեցրել շտապօգնության ավտոմեքենային:

09:35 - 10 սեպտեմբերի, 2024

Տեղեր և Օրգով բնակավայրերում անցկացվելու են «Ազդարարում, պատսպարում, տարհանում» թեմայով ուսումնավարժանքներ

Տեղեր և Օրգով բնակավայրերում անցկացվելու են «Ազդարարում, պատսպարում, տարհանում» թեմայով ուսումնավարժանքներ

Սեպտեմբերի 9-ին՝ ժամը 10։00-10։30-ն ընկած ժամանակահատվածում, Արագածոտնի մարզի Տեղեր և ժամը 11։00-12։00-ն ընկած ժամանակահատվածում Օրգով բնակավայրերում անցկացվելու են «Ազդարարում, պատսպարում, տարհանում» թեմայով ուսումնական վարժանքներ, որոնց ընթացքում գործարկվելու են էլեկտրական շչակներ: ՆԳՆ փրկարար ծառայությունից խնդրում են չանհանգստանալ։

10:31 - 08 սեպտեմբերի, 2024

Երևանում սեպտեմբերի 7-ին և 12-ին սպասվում է կարճատև անձրև և ամպրոպ․ ՆԳՆ

Երևանում սեպտեմբերի 7-ին և 12-ին սպասվում է կարճատև անձրև և ամպրոպ․ ՆԳՆ

Երևանում սեպտեմբերի 7-ին և 12-ին սպասվում է կարճատև անձրև և ամպրոպ։ Այս մասին հայտնում է ՆԳՆ փրկարար ծառայությունը․«Հանրապետության տարածքում սեպտեմբերի 7-ին, 10-ին և 12-ին՝ կեսօրից հետո, 8-ի գիշերն առանձին շրջաններում սպասվում է կարճատև անձրև և ամպրոպ։ Սեպտեմբերի 9-ին, 10-ի գիշերը և 11-ին սպասվում է առանց տեղումների եղանակ։ Քամին՝ արևմտյան՝ 3-6 մ/վ, ամպրոպի ժամանակ սպասվում է քամու ուժգնացում 18-22 մ/վ արագությամբ։ Օդի ջերմաստիճանը սեպտեմբերի 8-9-ն աստիճանաբար կբարձրանա 2-4 աստիճանով։ Երևան քաղաքում սեպտեմբերի 7-ին և 12-ին՝ երեկոյան ժամերին, 10-ի կեսօրից հետո սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։ Սեպտեմբերի 8-9-ը և 11-ին սպասվում է առանց տեղումների եղանակ», - նշված է հայտարարությունում։

16:00 - 07 սեպտեմբերի, 2024

Քաղաքացիներին օգնության են հասել ջրափրկարարները

Քաղաքացիներին օգնության են հասել ջրափրկարարները

Սեպտեմբերի 4-ին` ժամը 17:57-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ 2-րդ հանրային լողափում քաղաքացիները հեծանվանավակով հեռացել են ափից և չեն կարողանում վերադառնալ: Դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատի N2 հանրային լողափում հերթապահություն իրականացնող ջրափրկարարական խումբը: Ջրափրկարարները մոտ 2 կմ հեռավորությունից ափ են դուրս բերել հեծանվանավակը և չորս քաղաքացու։

19:55 - 04 սեպտեմբերի, 2024

Ստացվել է 670 ահազանգ, հեռացվել է 276 տոննա ջուր, արգելափակումից դուրս են բերվել 55 մեքենա․ ՆԳՆ

Ստացվել է 670 ահազանգ, հեռացվել է 276 տոննա ջուր, արգելափակումից դուրս են բերվել 55 մեքենա․ ՆԳՆ

ՀՀ ՆԳՆ ճգնաժամային կառավարման ազգային կենտրոնում օգոստոի 30-ին ժամը 23։34-ից մինչև օգոստոսի 31-ը ժամը 02։46-ը հորդառատ անձրևից առաջացած դեպքերի, պատահարների վերաբերյալ ստացվել է 670 ահազանգ (էլ․լարերի կարճ միացման, սելավատարերի և դիտահորերի խցանման, ջրալցումների վերաբերյալ)։ Այս մասին հայտնում են ՀՀ ներքին գործերի նախարարությունից․ «Երևան քաղաքում արձանագրվել է 40 դեպք, այդ թվում Երևան քաղաքի տարբեր վարչական շրջաններում․ Աջափնյակ՝ 4, Արաբկիր՝ 6, Մալաթիա-Սեբաստիա՝ 6, Կենտրոն՝ 15, Էրեբունի՝ 3, Շենգավիթ՝ 6 և Կոտայքի մարզում՝ 5։ Ջրահեռացման աշխատանքներ են իրականացվել 4 դեպքում։ Մի շարք հասցեներից փրկարարներն իրականացրել են ջրահեռացում․ հեռացրել են մոտ 276 տոննա ջուր։ Արգելափակումից դուրս է բերվել 55 տրանսպորտային միջոց։ Ջրալցումների և ավտոմեքենաների արգելափակումների դուրս բերման աշխատանքներին մասնակցել է 22 մարտական հաշվարկ, 8 մոտոպոմպ, 84 փրկարարական ծառայող։ Աշխատանքները ղեկավարել է ՆԳՆ ՓԾ տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանը։ Աշխատանքներին ներգրավված են եղել նաև ՆԳՆ ոստիկանության Պարեկային ծառայության աշխատակիցներ։ Ահազանգերն ըստ անհրաժեշտության փոխանցվել են համապատասխան ծառայություններին։ Զոհեր և տուժածներ չկան», - նշված է նախարարության հայտարարությունում։

11:37 - 31 օգոստոսի, 2024

Հրդեհ շքամուտքում․ փրկարարները տարհանել են քաղաքացիներին

Հրդեհ շքամուտքում․ փրկարարները տարհանել են քաղաքացիներին

Օգոստոսի 29-ին՝ ժամը 06:47-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սողոմոն Տարոնցու փողոցի թիվ 1 շենքի 3-րդ հարկի բնակարաններից մեկից ծուխ է նկատվում: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է շենքի 3-րդ հարկի շքամուտքում։ Հրդեհը մեկուսացվել է ժամը 07:05-ին, մարվել՝ 07:15-ին: Այրվել է բազմոց, մալուխ՝ 15 գմ, ջերմահարվել է 15 էլեկտրական հաշվիչ: Փրկարարները շենքից տարհանել են 30 քաղաքացու: Շտապօգնության աշխատակիցները երկու քաղաքացու տեղում ցուցաբերել են համապատասխան բուժօգնություն:

09:50 - 29 օգոստոսի, 2024

«Մերսեդես»-ի վարորդը վրաերթի է ենթարկել 8 և 6 տարեկան երկու երեխաների. մեկը տեղում մահացել է

«Մերսեդես»-ի վարորդը վրաերթի է ենթարկել 8 և 6 տարեկան երկու երեխաների. մեկը տեղում մահացել է

Օգոստոսի 27-ին՝ ժամը 13:50-ի սահմաններում, «Մերսեդես» մակնիշի մեքենայի վարորդը Սևան քաղաքի Շինարարների փողոցում վրաերթի է ենթարկել 8 և 6 տարեկան երկու երեխաների: ՆԳՆ-ից տեղեկացնում են, որ 8-ամյա Լիանա Ք.-ն տեղում մահացել է, իսկ 6-ամյա Լևոն Ք.-ն մարմնական վնասվածքներով տեղափոխվել է հիվանդանոց: Կատարվում է նախաքննություն:

12:12 - 28 օգոստոսի, 2024

Կիսակառույց շինության պատը փլվել է մեքենայի վրա․ վարորդը մահացել է

Կիսակառույց շինության պատը փլվել է մեքենայի վրա․ վարորդը մահացել է

Օգոստոսի 25-ին, ժամը 21:37-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ղափանցյան փողոցում քամուց կիսակառույց շինության պատը փլուզվել է և ընկել ավտոմեքենայի վրա, ավտոմեքենայում կա քաղաքացի․ անհրաժեշտ է փրկարարների օգնությունը։ Այս մասին հայտնում է Ներքին գործերի նախարարության փրկարար ծառայությունը։ «Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը: Պարզվել է, որ կիսակառույց շինության պատը փլուզվել է «Mitsubishi» մակնիշի ավտոմեքենայի (վարորդ՝ Մ․ Գ․, ծնված 1991 թ․) վրա․ վարորդը տեղում մահացել է։ Փրկարարները և ոստիկանության պարեկային ծառայության աշխատակիցները համատեղ սահմանազատել են տարածքը։ Փրկարարներն իրականացրել հերթապահություն, վարորդի դին դուրս բերել ավտոմեքենայից և մոտեցրել դի տեղափոխող ավտոմեքենային։ Դեպքի վայրում է գտնվել ՓԾ տնօրեն-ՆԳ նախարարի տեղակալ, փ/ծ գեներալ-մայոր Կամո Ցուցուլյանը»,-նշված է հաղորդագրությւոնում։

09:18 - 26 օգոստոսի, 2024

Երևանում և Աբովյանում քամու հետևանքով ծառեր են կոտրվել և ընկել

Երևանում և Աբովյանում քամու հետևանքով ծառեր են կոտրվել և ընկել

Օգոստոսի 25-ին` ժամը 20:58-ից Ճգնաժամային կառավարման ազգային և Կոտայքի մարզային ճգնաժամային կառավարման կենտրոններ ահազանգեր են ստացվել, որ քամու հետևանքով Երևան քաղաքի Մալաթիայի փողոցում և Կոտայքի մարզի Աբովյան քաղաքում ծառը կոտրվել և ընկել է․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից մեկական մարտական հաշվարկներ։ Փրկարարներն իրականացրել են տարածքների սահմանազատման, ծառերի մասնատման և հեռացման աշխատանքներ։

09:14 - 26 օգոստոսի, 2024

Քաղաքացին էլեկտրական սյան վրա հոսանքահարվել է և մահացել․ ՆԳՆ ՓԾ

Քաղաքացին էլեկտրական սյան վրա հոսանքահարվել է և մահացել․ ՆԳՆ ՓԾ

Օգոստոսի 25-ին, ժամը 09։32-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սասունիկ գյուղում քաղաքացին էլեկտրական սյան վրա հոսանքահարվել է. իջեցնելու համար անհրաժեշտ է փրկարարների օգնությունը։ Այս մասին հայտնում են ՆԳՆ փրկարար ծառայությունից։ Դեպքի վայր Է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Սասունիկ գյուղի 1-ին փողոցում քաղաքացի Ս․ Ա․-ն (ծնված 1958 թ.) էլեկտրական սյան (մոտ 5մ) վրա հոսանքահարվել է և մահացել։ Փրկարարները Ս. Ա․-ի դին իջեցրել են և մոտեցրել շտապօգնության ավտոմեքենային։

11:11 - 25 օգոստոսի, 2024

Մասնավոր լողափի տարածքում հայտնաբերվել է քաղաքացու դի. ՆԳՆ ՓԾ

Մասնավոր լողափի տարածքում հայտնաբերվել է քաղաքացու դի. ՆԳՆ ՓԾ

Օգոստոսի 24-ին, ժամը 18:38-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևանա լճի մասնավոր լողափերից մեկում քաղաքացին ջրի մեջ չի շարժվում․ անհրաժեշտ է շտապօգնություն։ Դեպքի վայր է մեկնել ՆԳՆ ՓԾ մարզային փրկարարական վարչության հատուկ ջրափրկարարական ջոկատից մեկ մարտական հաշվարկ։ Մինչ փրկարարների կանչի վայր հասնելը՝ քաղաքացին դուրս է բերվել ափ․ տեղում գտնվող շտապօգնության աշխատակիցները արձանագրել են Է․ Ղ․-ի (ծնված 1955 թ․) մահը։

20:04 - 24 օգոստոսի, 2024

Նուբարաշենի տներից մեկում հրդեհ է բռնկվել

Նուբարաշենի տներից մեկում հրդեհ է բռնկվել

Օգոստոսի 23-ին՝ ժամը 23:03-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նուբարաշենի Ե-1 թաղամասի տներից մեկում հրդեհ է բռնկվել։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և ԵՓՎ հրդեհաշիջման և փրկարարական աշխատանքների կազմակերպման բաժնի հերթապահ խումբը։ Հրդեհը մեկուսացվել է ժամը 23։47-ին, մարվել՝ օգոստոսի 24-ին՝ ժամը 00։08-ին։ Այրվել են խոհանոցը՝ գույքով (մոտ 20 քմ) և տանիքի փայտե կառուցատարրերը (մոտ 20 քմ)։

10:34 - 24 օգոստոսի, 2024

Ավտովթար Մարտունի-Վաղաշեն ճանապարհին. կան տուժածներ

Ավտովթար Մարտունի-Վաղաշեն ճանապարհին. կան տուժածներ

Օգոստոսի 23-ին՝ ժամը 15:21-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մարտունի-Վաղաշեն ավտոճանապարհին տեղի է ունեցել ՃՏՊ, կան տուժածներ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Մարտունի-Վաղաշեն ավտոճանապարհի 4-րդ կմ-ի մոտակայքում բախվել են Ford և VAZ (վարորդ՝ Ռ. Հ., ծնված 1969 թ․) մակնիշների ավտոմեքենաները։ Մինչև փրկարարների կանչի վայր հասնելը՝ VAZ մակնիշի ավտոմեքենայի վարորդը, ուղևոր Ծ. Հ.-ն (ծնված 1999 թ․) և Ford մակնիշի ավտոմեքենայի ողևոր Ա. Գ.-ն (ծնված 1986 թ․) տեղի ուժերով դուրս են բերվել ավտոմեքենաներից։ Փրկարաները տուժածներին մոտեցրել են շտապօգնության ավտոմեքենային. տուժածները հոսպիտալացվել են բժշկական կենտրոն, որտեղ Ռ. Հ.-ի և Ծ․ Հ.-ի առողջական վիճակը գնահատվել է միջին ծանրության, իսկ Ա․ Գ.-ինը՝ ծանր։ Փրկարարները հոսանքազրկել են ավտոմեքենաները և փակել VAZ մակնիշի ավտոմեքենայի գազի բալոնի փականը։

19:27 - 23 օգոստոսի, 2024

Ավտոբուսը Երևանի Մյասնիկյան պողոտայում բախվել է երկու ավտոմեքենաների․ տուժածներ չկան

Ավտոբուսը Երևանի Մյասնիկյան պողոտայում բախվել է երկու ավտոմեքենաների․ տուժածներ չկան

Օգոստոսի 22-ին, ժամը 20.32-ին, ՆԳՆ փրկարար ծառայության Ճգնաժամային կառավարման ազգային կենտրոն ահազանգ է ստացվել, որ Մյասնիկյան պողոտայում մեքենաներ են բախվել։ Այս մասին հայտնում են ՀՀ ՆԳՆ ոստիկանությունից։ Դեպքի վայր են մեկնել ՆԳՆ ոստիկանության պարեկային ծառայության և Փրկարար ծառայության աշխատակիցներ։ Պարզվել է, որ Երևանի Մյասնիկյան պողոտայում բախվել են թիվ 42 երթուղին սպասարկող «Հունդայի» ավտոբուսը և «Ֆոլքսվագեն» ու «Բիդ» մեքենաները: Ըստ նախնական տվյալների՝ տուժածներ չկան։

22:20 - 22 օգոստոսի, 2024