Ուկրաինա

Ուկրաինան գտնվում է Արևելյան Եվրոպայում։ Այն հյուսիսից և հյուսիս-արևելքից սահմանակից է Ռուսաստանին, հյուսիս արևմուտքից՝ Բելառուսին, արևմուտքից՝ Լեհաստանին, Սլովակիային և Հունգարիային, հարավ արևմուտքից՝ Մոլդովային, հարավից և հարավ-արևելքից համապատասխանաբար Սև ծովին և Ազովի ծովին։

Այն 603,628 կմ² ցուցանիշով Եվրոպային հարակից երկրների մեջ Ռուսաստանի Դաշնությունից հետո երկրորդն է իր տարածքով։ Գործող նախագահը Վլադիմիր Զելենսկին է։

«Հակաահաբեկչական գործողության» մասին հայտարարելով՝ Կիևն օրինականացրել է իր հանցագործությունները Դոնբասում․ ԴԺՀ ժողովրդական խորհրդի նախագահ |tert.am|

tert.am: Դոնեցկի Ժողովրդական Հանրապետության ժողովրդական խորհրդի նախագահ Վլադիմիր Բիդյովկան «ՌԻԱ Նովոստի» լրատվական գործակալությանն ասել է, որ 2014 թվականին Դոնբասում ռազմական գործողություններ սկսելու մասին հայտարարելով` Կիևն օրինականացրել է տարածաշրջանում իր հանցագործությունները և հավելել, որ ուկրաինական անվտանգության ուժերի գործողությունները ցեղասպանություն են։2014 թվականի ապրիլի 13-ին Ուկրաինայի ազգային անվտանգության և պաշտպանության խորհուրդը՝ զինված ուժերի ներգրավմամբ «հակաահաբեկչական գործողություն» անցկացնելու մասին որոշում են ընդունել։ Չորս տարի անց Կիևը փոխել է ռազմական գործողության ձևաչափը՝ այն անվանելով «համատեղ ուժերի գործողություն»։«Իրականում, այսպես կոչված, «հակաահաբեկչական գործողության» մասին հայտարարությունը դարձել է Դոնբասի նկատմամբ Կիևի մայդանյան իշխանությունների հանցագործությունների օրինականացումը», - նշել է Բիդյովկան՝ հավելելով, որ Կիևը հանցագործություն է իրականացրել ոչ միայն իր վերահսկողության տակ չգտնվող տարածքների բնակչության, այլ նաև բոլոր ուկրաինացիների նկատմամբ։ Շարունակությունը՝ tert.am-ում։

10:48 - 13 ապրիլի, 2021

Լավրովը բացատրել է Ուկրաինայի սահմանի մոտ ռուսական զորքերի տեղակայման պատճառը |1lurer.am|

1lurer.am: Ռուսաստանի արտգործնախարար Սերգեյ Լավրովը բացատրել է, թե ինչու են ռուսական զորքերը կենտրոնացած Ուկրաինայի սահմանի մոտ՝ Դոնբասի մոտակայքում: Նրա խոսքը մեջբերում է Интерфакс-ը: «Հարց են տալիս, թե ի՛նչ է անում Ռուսաստանը Ուկրաինայի հետ սահմանին: Պատասխանը շատ պարզ է. մենք այնտեղ ենք ապրում, սա մեր երկիրն է»,- ասել է Լավրովը: Միևնույն ժամանակ, Լավրովը հետաքրքրվել է, թե ինչ են անում Սև ծովում ամերիկյան նավերը: Նրա խոսքով՝ պարբերաբար արձանագրվում է նրանց ներկայությունն այդ շրջանում: «Հիմա նրանք ավելի ակտիվ են՝ ավելի ագրեսիվ հռետորաբանությամբ»,- ավելացրել է նա: Լավրովն ասել է, որ ԱՄՆ-ն անընդհատ կազմակերպում է ՆԱՏՕ-ի ինչ-որ գործողություններ Ուկրաինայում` իր իսկ տարածքից հազարավոր կիլոմետրեր հեռու: «Ինչու» հարցն այժմ անպատասխան է՝ հավելել է դիվանագետը: Դոնբասում մարտի վերջին սկսվեց իրավիճակի հերթական սրումը: Ուկրաինան և Դոնեցկն ու Լուգանսկը միմյանց մեղադրում են հրետակոծությունն ուժեղացնելու, հետախուզական գործողություններ իրականացնելու և շփման գծի երկայնքով ռազմական տեխնիկա տեղակայելու համար: Այս ֆոնին Ուկրաինայի պաշտպանության նախարարությունը Ռուսաստանին մեղադրել է պետության սահմանների մոտ իր ռազմական ներկայությունն ուժեղացնելու համար: Ի պատասխան՝ ՌԴ նախագահի մամուլի քարտուղար Դմիտրի Պեսկովն ասել է, որ ռուսական զորքերը տեղակայվել են երկրի այն շրջաններում, որտեղ նպատակահարմար են համարել:

18:57 - 12 ապրիլի, 2021

Լավրովը Թուրքիային խորհուրդ է տվել չխրախուսել Ուկրաինայի ռազմատենչությունը |1lurer.am|

1lurer.am: Մոսկվան խորհուրդ է տալիս բոլոր երկրներին, ներառյալ Թուրքիային, չխրախուսել Կիևի ռազմատենչությունը և լավ վերլուծել Ուկրաինայի իշխանությունների հայտարարությունները: Այս մասին հայտարարել է Ռուսաստանի արտգործնախարար Սերգեյ Լավրովը, հայտնում է ТАСС-ը: Լավրովը նաև շեշտել է, որ հեղինակության համար պայքարում Ուկրաինան կարող է ընկնել անխոհեմ գործողությունների մեջ, որն իր հերթին վատ ավարտ կունենա: Նրա կարծիքով՝ Ուկրաինան պատերազմ է մղում սեփական ժողովրդի դեմ: Շաբաթ օրը՝ ապրիլի 10-ին, Ստամբուլում մեկնարկել էին Թուրքիայի և Ուկրաինայի նախագահներ Ռեջեփ Էրդողանի և Վլադիմիր Զելենսկու բանակցությունները: Հանդիպման ընթացքում Թուրքիայի ղեկավարը նշել էր համագործակցության կարևորությունը և վերահաստատել երկրների ռազմավարական գործընկերությունը: Երկու նախագահների միջև կնքված փաստաթղթում նշված է հետևյալը. «Վերահաստատվել է առանց նախապայմանների աջակցությունը միջազգայնորեն ճանաչված սահմաններով Ուկրաինայի տարածքային ամբողջականությանն ու ինքնիշխանությանը»: Զելենսկու Ստամբուլ այցից առաջ Ուկրաինան պայմանավորվել էր Թուրքիայից «Բայրաքթար» անօդաչու թռչող սարքերի խմբաքանակ գնելու հարցում:

17:34 - 12 ապրիլի, 2021

Ռուսաստանը 40 հազարանոց զորք է տեղակայել Ուկրաինայի հետ սահմանին ու ևս 40 հազարը՝ Ղրիմում

Ռուսաստանը 40 հազարանոց զորք է տեղակայել Ուկրաինայի հետ սահմանին ու ևս 40 հազար՝ Ղրիմում։ Այս մասին այսօր, Reuters լրատվականին տված հարցազրույցում, հաղորդել է Ուկրաինայի նախագահի ներկայացուցիչ Յուլիա Մենդելը։։ Նա նշել է, որ Ուկրաինայի նախագահ Վլադիմիր Զելենսկին հարցում է ուղարկել Վլադիմիր Պուտինին բանակցություններ վարելու համար, սակայն որևէ պատասխան դեռ չի ստացել։ Интерфакс-Украина-ին տրված հացազրույցում Յուլիա Մենդելը նշել է, որ հարցումն ուղարկվել է դեռևս մարտի 26-ին անմիջապես նրանից հետո, երբ ռուսական ուժերի գնդակոծոթյունի հետևանքով ուրկաինացի 4 զինծառայող է զոհվել Դոնեցկի շրջանում։ Մինչևդեռ, ՌԴ նախագահի մամուլի խոսնակ Դմիտրի Պեսկովը նշել է, որ «վերջին օրերին» Զելենսկու կողմից Պուտինի հետ բանակցություններ վարելու համար «որևէ հարցում» չի ստացվել։ Թարգմանությունը՝ Լիլիթ Հարությունյանի

17:15 - 12 ապրիլի, 2021

Ուկրաինան մտադիր չէ գրոհել իր վերահսկողության տակ չգտնվող տարածքները. Զելենսկիի խոսնակ |tert.am|

tert.am: Ուկրաինայի նախագահ Վլադիմիր Զելենսկիի գրասենյակից մեկնաբանել են Դոնբասում տիրող իրավիճակը: Ինչպես փոխանցում է Военное обозрение պարբերականը, Զելենսկիի խոսնակ Յուլիա Մենդելը հայտարարել է, որ Ուկրաինան մտադիր չէ գրոհել իր վերահսկողության տակ չգտնվող տարածքները:Զելենսկիի թիմը համոզված է, որ խաղաղության կարելի է հասնել միայն բանակցային եղանակով: Միևնույն ժամանակ Մենդելը նշել է, որ Կիևն «արձագանքում է ռուսական զորքերի կուտակումներին Ուկրաինայի հետ սահմանին»: Նրա խոսքով` «նախագահի վարչակազմում տեսնում են, որ արևելյան սահմանների երկայնքով մոտ 40 000 ռուս զինծառայող է կուտակվել»:Աղբյուրը հիշեցնում է, որ ավելի վաղ Կիևից հայտնում էին Դոնբասում 1000 ռուս զինվորի գտնվելու մասին: Այժմ նման հայտարարություններ չեն արվում:

13:20 - 12 ապրիլի, 2021

Ուկրաինայի Ազգային գվարդիայի զինծառայողներին վերապատրաստելու են ամերիկացի սպաները |tert.am|

tert.am: Ուկրաինայի Ազգային գվարդիայում վերապատրաստման դասընթացներ են սկսվել ԱՄՆ-ից ժամանած մասնագետների մասնակցությամբ, այժմ ուկրաինացի զինծառայողներին կվերապատրաստեն ամերիկացի սպաները: Այս մասին հաղորդում է Репортёр-ը՝ հղում անելով Ազգային գվարդիայի մամուլի ծառայությանը:Գերատեսչությունից հայտնել են, որ դասընթացն ընթանում է ստորաբաժանումների վերապատրաստման միջազգային միջգերատեսչական կենտրոնում (Կիևի մարզում): Համագործակցությունը տեղի է ունենում «Ազգային գվարդիայի ստորաբաժանումների հնարավորությունների կատարելագործման» ծրագրի շրջանակներում, որը ֆինանսավորվում է Անվտանգության համաշխարհային պահուստային հիմնադրամի կողմից Պենտագոնի միջոցով:«Այդ դասընթացները կարևոր են միջազգային գործընկերների հետ մեր ընդհանուր ձգտման համար՝ համակարգային մոտեցում ստեղծելու ստորաբաժանումների հավաքական պատրաստվածության համար, որպես այն մոտենա ՆԱՏՕ-ի չափանիշներին»,- ասել է գերատեսչության վերապատրաստումների հարցով վարչության ղեկավար, գնդապետ Կոնստանտին Պլետկոն:

22:21 - 11 ապրիլի, 2021

Թուրքիան ցանկանում է, որ Ռուսաստանն ու Ուկրաինան տարաձայնությունները կարգավորեն խաղաղ ճանապարհով. Էրդողան |tert.am|

tert.am: Թուրքիան ցանկանում է, որ Ռուսաստանն ու Ուկրաինան հնարավորինս շուտ կարգավորեն իրենց միջև առկա տարաձայնությունները խաղաղ ճանապարհով: ՏԱՍՍ գործակալության փոխանցմամբ՝ այս մասին կիրակի հայտարարել է Թուրքիայի առաջնորդ Ռեջեփ Թայիփ Էրդողանը:«Երեկ հանդիպել եմ Ուկրաինայի նախագահի հետ: Մենք ցանկանում ենք, որ նրանք հնարավորինս շուտ կարգավորեն իրենց տարաձայնությունները խաղաղ ճանապարհով, և մենք ջանքեր ենք գործադրում այդ ուղղությամբ»,- ասել է Էրդողանը՝ չմասնավորեցնել, թե ինչ ջանքերի մասին է խոսքը:

18:45 - 11 ապրիլի, 2021

Պեսկովն Ուկրաինայի իրադրությունը վտանգավոր է համարել Ռուսաստանի համար |shantnews.am|

shantnews.am: Ռուսաստանի նախագահի մամուլի քարտուղար Դմիտրի Պեսկովը Ուկրաինայի արևելքում տիրող իրավիճակը վտանգավոր է անվանել, քանի որ այնտեղ «մոտ ժամանակներս կարող է վերսկսվել քաղաքացիական պատերազմը»: «Մեր կողքին մի երկիր է, որտեղ մենք չենք բացառում, որ ղեկավարությունը կրկին հնարավոր կհամարի ներքին խնդիրը լուծել ուժային մեթոդներով։ Արդյոք դա վտանգավոր է մեզ համար։ Իհարկե, վտանգավոր է։ Մենք պետք է միջոցներ ձեռնարկենք մեր անվտանգությունն ապահովելու համար։ Պետք է։ Ահա, մենք դա անում ենք»,- ասել է Կրեմլի ներկայացուցիչը «Մոսկվա. Կրեմլ. Պուտին» հաղորդման ժամանակ Պավել Զարուբինին տված հարցազրույցում։ Պեսկովը հերքել է այն պնդումները, թե Գերմանիայի կանցլեր Անգելա Մերկելը Վլադիմիր Պուտինի հետ զրույցում «պահանջել է դադարեցնել ռուսական ռազմական ուժեղացումը արևելյան Ուկրաինայի շրջանում»: «Մերկելն իսկապես ասել է, որ մեզ Եվրոպայում անհանգստացնում է ռուսական զորքերի կենտրոնացումը սահմանների շրջանում ։ … «Դրան հաջորդել են պետության ղեկավարի համապատասխան պարզաբանումները»,- ճշտել է Պեսկովը: Նա ընդգծել է, որ զորքերի տեղաշարժերը երկրի ներսում Ռուսաստանի անձնական գործն է, որը չպետք է որևէ մեկի մոտ անհանգստություն առաջացնի։

17:45 - 11 ապրիլի, 2021

Թուրքիան ջանքեր է գործադրում Ռուսաստանի եւ Ուկրաինայի միջեւ տարաձայնությունները կարգավորելու համար. Էրդողան |news.am|

news.am: Թուրքիայի նախագահ Թայիփ Էրդողանը հայտարարել է, որ Թուրքիան ջանքեր է գործադրում Ռուսաստանի եւ Ուկրաինայի միջեւ տարաձայնությունները կարգավորելու համար բանակցությունների միջոցով, հաղորդում է ՌԻԱ Նովոստի-ն: Նախօրեին Էրդողանը բանակցություններ է վարել Ուկրաինայի նախագահ Վլադիմիր Զելենսկիի հետ, որը գտնվել է Ստամբուլում պաշտոնական այցով: Դրանից մեկ օր առաջ Թուրքիայի առաջնորդը հեռախոսային բանակցություններ է անցկացրել ՌԴ նախագահ Վլադիմիր Պուտինի հետ: «Մենք ցանկանում ենք, որ մեր տարածաշրջանում հանգիստ եւ խաղաղ ապագայի համար երկու երկրները (Ռուսաստանն ու Ուկրաինան) հնարավորինս արագ լուծեն իրենց տարաձայնությունները բանակցությունների եւ այլ խաղաղ միջոցներով: Այդ ուղղությամբ մենք ջանքեր ենք գործադրում»,-ասել է Էրդողանը Ստամբուլում իշխող կուսակցության երիտասարդական թեւի ակտիվիստների առջեւ ելույթ ունենալիս, որը հեռարձակվել է Թուրքիայի առաջնորդի թվիթերյան էջով:

17:20 - 11 ապրիլի, 2021

Էրդողանին հրավիրել են Ղրիմ |tert.am|

tert.am: Ղրիմի խորհրդարանի Ժողովրդական դիվանագիտության և ազգամիջյան հարաբերությունների կոմիտեի ղեկավար Յուրի Գեմպելը հայտարարել է, որ Թուրքիայի նախագահ Ռեջեփ Թայիփ Էրդողանի՝ Ղրիմի հարցում դիրքորոշումը միայն ափսոսանք է առաջացնում և նրան հրավիրել է Ղրիմ։ «Էրդողանը, եթե իսկապես իմաստուն և խիզախ քաղաքական գործիչ է, կարող է գալ Ղրիմ։ Ղրիմը բաց է, Ռուսաստանը ձգտում է բաց երկխոսություն վարել բոլոր պետությունների հետ՝ բարիդրացիական հարաբերություններ կառուցելով։ Բայց, ցավոք, Էրդողանի կողմից առայժմ լսում ենք միայն անհեռատես և վիրավորական հայտարարություններ»,- «ՌԻԱ Նովոստի»- ին ասել է Գեմպելը։ Նրա խոսքով՝ Ղրիմը փաստացի և իրավաբանորեն Ռուսաստանի անբաժանելի մասն է, և դրա հետ Թուրքիան պետք է ոչ միայն հաշվի նստի, այլև ճանաչի այդ փաստը։ «Թուրքական տարածաշրջանի համար ժամանակն է տնտեսական հարաբերություններ կառուցել ռուսական Ղրիմի հետ»,- հավելել է նա։

12:55 - 11 ապրիլի, 2021

«Առաջնային ենք համարում մեր քաղաքացիների կյանքը»․ Ուկրաինայի ԶՈՒ ԳՇ պետը զինված ճանապարհով Դոնբասի հակամարտության լուծումն անընդունելի է համարել |tert.am|

tert.am: Ուկրաինայի զինված ուժերի գլխավոր շտաբի պետ Ռուսլան Խոմչակը հերքել է այն ենթադրությունները, թե Ուկրաինան Դոնբասի զինված հակամարտության գոտում հարձակման է պատրաստվում՝ դրանք անվանելով ապատեղեկատվություն, գրում է interfax.ru-ն։ «Ժամանակավորապես բռնազավթված տարածքների ուժային ճանապարհով ազատումն անխուսափելիորեն կհանգեցնի մեծ թվով խաղաղ բնակիչների մահվանը և զինծառայողների շրջանում կորուստների, ինչն անընդունելի է Ուկրաինայի համար։ Հավատարիմ լինելով համամարդկային արժեքներին և միջազգային մարդասիրական իրավունքի նորմերին՝ մեր պետությունն առաջնային է համարում իր քաղաքացիների կյանքը»,- այսօր հայտարարել է Խոմչակը։ Նա նշել է, որ «Ուկրաինայի բարձրագույն ռազմաքաղաքական ղեկավարությունը Դոնեցկի և Լուգանսկի մարզերում զինված հակամարտության կարգավորման քաղաքական-դիվանագիտական սցենարը սահանել է որպես առաջնահերթություն»։ Ընդ որում, նա հավաստիացրել է՝ Ուկրաինայի Զինված ուժերը պատրաստ են համարժեք արձագանքել ինչպես հակամարտության սրման, այնպես էլ Ուկրաինայի շուրջ ռազմաքաղաքական իրադրության բարդացման դեպքում:

20:00 - 09 ապրիլի, 2021

Զելենսկին ապրիլի 10-ին կայցելի Թուրքիա և կհանդիպի Էրդողանի հետ |armenpress.am|

armenpress.am: Ուկրաինայի նախագահ Վլադիմիր Զելենսկին ապրիլի 10-ին կայցելի Թուրքիա և կհանդիպի իր թուրք գործընկեր Ռեջեփ Թայիփ Էրդողանի հետ: Այս մասին հայտնում է «ՌԻԱ Նովոստի»-ն: Նախատեսված է երկու նախագահների համատեղ մամուլի ասուլիսը: Ապրիլի 10-ին Ստամբուլում նաև տեղի կունենա թուրք-ուկրաինական բարձրագույն մակարդակի համագործակցության խորհրդի 9-րդ նիստը, որը վարելու են երկու երկրների նախագահները:

18:33 - 09 ապրիլի, 2021

Կիևը հայտարարել է առանց Պուտինի մասնակցության Զելենսկի-Մակրոն-Մերկել հանդիպման մասին |tert.am|

tert.am: Ուկրաինայի նախագահի աշխատակազմի ղեկավարի տեղակալ Իգոր Ժովկվան հայտարարել է, որ նախագահ Վլադիմիր Զելենսկին նախատեսում է հանդիպել Գերմանիայի կանցլեր Անգելա Մերկելի և Ֆրանսիայի նախագահ Էմանուել Մակրոնի հետ:lb.ua կայքին տված հարցազրույցում Ժովկվան նշել է, որ Դոնբասում իրավիճակի սրման հետ կապված՝ Կիևն առաջարկել է բանակցություններ վարել «Նորմանդական ձևաչափով», բայց Ռուսաստանը հետաքրքրություն չի ցուցաբերել նման հանդիպման նկատմամբ: Նախագահի աշխատակազմի ղեկավարի տեղակալը ընդգծել է, որ Մինսկի և «Նորմանդական ձևաչափը» չեն կարող արգելափակված համարվել, քանի որ հանդիպումներ են անցկացվում Եռակողմ շփման խմբի մակարդակով:Ժովկվան նաև ենթադրել է, որ Ռուսաստանը «բանակցությունները միտումնավոր տեղափոխում է ոչ կառուցողական մթնոլորտ»:

16:02 - 09 ապրիլի, 2021

Պուտինը պատասխանել է Ուկրաինայի հետ սահմանին ռուսական զորքի կուտակումից հրաժարվելու մասին Մերկելի կոչին |tert.am|

tert.am: ՌԴ նախագահ Վլադիմիր Պուտինը, Գերմանիայի կանցլեր Անգելա Մերկելի հետ հեռախոսազրույցում, Ուկրաինայի հետ սահմանին ՌԴ-ի ռազմական ներկայության կուտակումից հրաժարվելու վերաբերյալ Մերկելի կոչերի ի պատասխան ասել է, որ Մոսկվան ազատ է ըստ հայեցողության իր զինված ուժերը երկրում տեղաշարժելու հարցում: Այս մասին տեղեկացրել է ՌԴ նախագահի մամուլի խոսնակ Դմիտրի Պեսկովը, գրում է «ՌԻԱ Նովոստի» գործակալությունը:Ավելի վաղ հաղորդվել էր, որ Մերկելը Պուտինի հետ զրույցում հորդորել է հրաժարվել Ռուսաստանի Դաշնության ռազմական ներկայության մեծացումից Ուկրաինայի հետ սահմանների մոտակայքում:«Նախագահը անհրաժեշտ պարզաբանում է տվել: Դա նույնն է, ինչը մենք բազմիցս ասել ենք: Բայց առաջին հերթին, մենք լիովին ազատ ենք մեր հայեցողությամբ տեղաշարժել մեր զինված ուժերը և Ռուսաստանի տարածքում գտնվող ցանկացած ստորաբաժանում»,-ասել է Պեսկովը լրագրողներին ՝ պատասխանելով հարցին, թե ինչպես է պատասխանել Պուտինը Մերկելի համապատասխան կոչին: Ավելի վաղ հաղորդվել էր, որ Ռուսաստանի Դաշնության Վորոնեժի շրջանում՝ Ուկրաինայի հետ սահմանից 170 կմ հեռավորության վրա, հայտնաբերվել է նոր ռազմական դաշտային ճամբար՝ համալրված ծանր սարքավորումներով ու տանկերով: Ճամբարը հայտնաբերել են Հակամարտությունների հետախուզական խմբի (Conflict Intelligence Team) ռուս հետաքննիչները:

15:48 - 09 ապրիլի, 2021

Դոնբասում իրադրությունը սրվելու միտում ունի. Մարիա Զախարովա |armenpress.am|

armenpress.am: Դոնբասում իրադրությունը սրվելու միտում ունի: Այդ մասին հայտարարել Է Ռուսաստանի ԱԳ նախարարության պաշտոնական ներկայացուցիչ Մարիա Զախարովան: «Ցավոք, այնտեղ իրադրությունը մնում Է բարդ եւ սրվելու միտում ունի»,-ասել Է նա՝ ապրիլի 9-ին հանդես գալով ճեպազրույցում: Զախարովայի խոսքով՝ «դրա պատճառը Կիեւի մարտական տրամադրվածությունն Է, որն առաջվա պես պատրանքներով Է ապրում երկրի հարավ-արեւելքում հակամարտության ուժային լուծման հնարավորության հետ կապված»: Նա հայտնել Է, որ երկրի այդ շրջանում «կենտրոնացվում են զորքեր եւ տեխնիկա, նորացվում են մոբիլիզացիոն պլանները, պահեստայինների զորակոչերը, ինչպես նաեւ ուկրաինական ԶԼՄ-ներում «շիկանում Է մտացածին ռուսաստանյան սպառնալիքի մասին տեղեկատվությունը»: Ավելի վաղ Ուկրաինայի զինված ուժերի գլխավոր հրամանատար գեներալ-գնդապետ Ռուսլան Խոմչակը հայտարարել Է, որ ուկրաինական բանակը պատրաստ Է հակազդել Լուգանսկի եւ Դոնեցկի մարզերի առանձին շրջաններում եւ ՌԴ-ի հետ սահմանի երկայնքով իրադրության սրմանը: «Հակառակորդի բոլոր սադրանքներին, բոլոր գործողություններին մենք պլանավորել ենք անհապաղ հակազդման համապատասխան միջոցառումներ»,-ասել Է Խոմչեկը՝ հանդես գալով "1+1" հեռուստաալիքի եթերում, հաղորդել Է «Ինտերֆաքս»-ը:

15:14 - 09 ապրիլի, 2021

Կրեմլը մտավախություն ունի, որ Ուկրաինայում քաղաքացիական պատերազմը կվերսկսվի, ինչը սպառնալիք կլինի Ռուսաստանի Դաշնության անվտանգության համար․ Պեսկով |tert.am|

tert.am: Ռուսաստանի Դաշնության նախագահի մամուլի քարտուղար Դմիտրի Պեսկովը լրագրողներին ասել է, որ Ուկրաինայում քաղաքացիական պատերազմի վերսկսումը և լայնամասշտաբ ռազմական գործողությունները սպառնալիք կլինեն Ռուսաստանի անվտանգության համար, հայտնում է «ՌԻԱ Նովոստի» լրատվական գործակալությունը։«Կրեմլը մտավախություն ունի, որ Ուկրաինայում քաղաքացիական պատերազմը կվերսկսվի: Եվ եթե մեր սահմանների մոտ քաղաքացիական պատերազմ և լայնամասշտաբ ռազմական գործողություններ լինեն, դա սպառնալիք կլինի Ռուսաստանի Դաշնության անվտանգության համար», - ասել է Պեսկովը:Պեսկովը հավելել է, որ առայժմ խոսքը վերաբերում է Դոնբասի սահմանազատման գծում սադրիչ գործողությունների մասին, որոնք կարող են քաղաքացիական պատերազմի վերածվել։

14:58 - 09 ապրիլի, 2021