Կոսովո

Վուչիչը հայտարարել է, որ ԵՄ-ն Սերբիայից պահանջում է ընտրություն կատարել Ռուսաստանի և Արեւմուտքի միջև |armenpress.am|

armenpress.am: Եվրամիության առաջատար երկրները ԱՄՆ-ի աջակցությամբ Սերբիայից պահանջել են ընտրություն կատարել Ռուսաստանի և Արևմուտքի միջև: Այս մասին հայտարարել է Սերբիայի նախագահ Ալեքսանդր Վուչիչը: Վուչիչի խոսքով՝ ԱՄՆ-ի և Թուրքիայի աջակցությամբ արեւմտյան մեծ ուժերը «դժվար զրույցի» ժամանակ հայտարարել են, որ այժմ Եվրոպայում ընթացող հակամարտության ֆոնին բոլոր երկրները պետք է կողմնորոշվեն, թե ում կողմից են մնալու:

15:59 - 10 սեպտեմբերի, 2022

Ժոզեպ Բորելը հայտարարել է Սերբիայի և Կոսովոյի միջև համաձայնության մասին |armenpress.am|

armenpress.am: Եվրոպական Միության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել է Սերբիայի և Կոսովոյի միջև համաձայնության մասին։ «Ուրախ եմ հայտնել, որ մենք կարողացել ենք գտնել լուծում, որը հեշտացնում է ճամփորդությունները Սերբիայի և Կոսովոյի միջև, ինչը բխում է Սերբիայի և Կոսովոյի բոլոր քաղաքացիների շահերից»,- այս մասին իր թվիթերյան միկրոբլոգում գրել է Բորելը։ Նա նշել է, որ համաձայնություն ունեն, որ Կոսովոյի սերբերը, ինչպես նաև մյուս քաղաքացիները, կկարողանան ազատորեն ճամփորդել Կոսովո և Սերբիա՝ օգտագործելով իրենց նույնականացման քարտերը։ «Եվրոպական Միությունը երաշխիքներ է ստացել վարչապետ Ալբին Կուրտիից (խմբ․ Կոսովոյի վարչապետ)»,- ընդգծել է Բորելը։

14:00 - 28 օգոստոսի, 2022

Սերբիայի և Կոսովոյի ղեկավարները համաձայնության չեն հասել Բրյուսելում, բայց ես չեմ հանձնվում. Բորել |tert.am|

tert.am: Սերբիայի նախագահ Ալեքսանդր Վուչիչը և Կոսովոյի վարչապետ Ալբին Կուրտին համաձայնության չեն հասել Բրյուսելում տեղի ունեցած բանակցությունների հերթական փուլի ընթացքում, սակայն պայմանավորվել են շարունակել երկխոսությունը մոտ օրերին: «Ռիա Նովոստի»-ի հաղորդմամբ՝ այդ մասին ասվում է ԵՄ արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելի հայտարարությունում:Բորելի խոսքով՝ երկու ղեկավարներն էլ շեշտել են երկխոսությունը շարունակելու անհրաժեշտությունը: Ավելի մանրամասն՝ tert.am-ում։

20:51 - 18 օգոստոսի, 2022

Բորելը բանակցությունների է հրավիրել Սերբիայի և Կոսովոյի առաջնորդներին |armenpress.am|

armenpress.am: ԵՄ դիվանագիտության ղեկավար Ժոզեֆ Բորելն օգոստոսի 18-ին Սերբիայի նախագահ Ալեքսանդր Վուչիչին և Կոսովոյի վարչապետ Ալբին Կուրտիին հրավիրել է Բրյուսել՝ բանակցելու Կոսովոյի կարգավորման շուրջ։ Այս մասին տեղեկացնում է ՏԱՍՍ գործակալությունը: «Սերբիայի նախագահ Վուչիչին և Կոսովոյի վարչապետ Կուրտիին հրավիրում եմ օգոստոսի 18-ին Բրյուսել՝ քննարկելու Պրիշտինայի և Բելգրադի միջև խնդիրը»,-նշել է Ժոզեֆ Բորելը։ Ավելի վաղ Վուչիչն ու Կուրտին Բորելից բանակցությունների հրավերներ էին ստացել Բրյուսել բոլոր բաց հարցերի շուրջ երկխոսությունը շարունակելու համար։ Հուլիսի 31-ի երեկոյան իրավիճակը Կոսովոյում կտրուկ սրվել է այն բանից հետո, երբ ոստիկանությունը փակել է Սերբիայի հետ վարչական հատվածի անցակետը։ Ի պատասխան՝ Կոսովոյի հյուսիսային հատվածի սերբերը ցույց են անցկացրել և փակել հիմնական մայրուղիները։

11:36 - 06 օգոստոսի, 2022

Մոսկվան Կոսովոյի շուրջ ստեղծված իրավիճակում միանշանակ աջակցում է Սերբիային․ Պեսկով |1lurer.am|

1lurer.am: Չճանաչված Կոսովոյի շուրջ ստեղծված իրավիճակում Ռուսաստանը միանշանակ աջակցում է Սերբիային։ Այդ մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ Նրա խոսքով՝ Մոսկվան անհիմն է համարում Կոսովոյի իշխանությունների պահանջները սերբերի նկատմամբ, որոնք բնակվում են երկրամասի հյուսիսում։ Կրեմլի խոսնակը կարծիք է հայտնել, որ Կոսովոյի անկախությունը ճանաչած արևմտյան երկրները պետք է Պրիշտինայի իշխանություններին հետ պահեն չմտածված քայլերից։ Պեսկովը նաև հայտարարել է, որ ՀԱՊԿ-ին Սերբիայի անդամակցության հարց օրակարգում չկա։ «Օրակարգում նման հարց չկա։ Սերբիայի հետ մեզ միավորում են դաշնակցային, շատ անկեղծ և խոր հարաբերություններ, և դրանք, անշուշտ, պետք է զարգանան։ Թե ապագայում արդյոք կլինի՞ նման հարց՝ այժմ չեմ կարող ասել»,- հավելել է Պեսկովը։

15:00 - 01 օգոստոսի, 2022

Կոսովոն 1 ամսով հետաձգել է սերբական փաստաթղթերի արգելքը՝ փոխարենը սերբերից պահանջելով փողոցներից վերացնել բարիկադները |tert.am|

tert.am: Մասամբ ճանաչված Կոսովոյի և Մետոհիայի Հանրապետության ղեկավարությունը մեկ ամսով՝ մինչև սեպտեմբերի 1-ը, հետաձգել է սերբական փաստաթղթերի վրա արգելք սահմանելու ընթացակարգը։ Հանրապետության իշխանությունները պահանջել են վերացնել բոլոր բարիկադները և սահմանել տեղաշարժի լիակատար ազատություն Կոսովոյի հյուսիսում:Հուլիսի 31-ին Կոսովոյի և Մետոհիայի Հանրապետության սերբ բնակչությունը բողոքի ակցիաներ է անցկացրել շրջանի գլխավոր մայրուղիներում, սկսել է բարիկադներ կառուցել, մի քանի տասնյակ մարդիկ փակել են Պրիշտինա-Ռասկա գլխավոր ճանապարհը։ Ինչպես գրում է ՏԱՍՍ գործակալությունը, Սերբիայի նախագահ Ալեքսանդր Վուչիչը ժողովրդին ուղղված ուղերձում ասել է, որ իրավիճակը Կոսովոյում և Մետոհիայում առավելագույնս բարդացել է սերբերի համար։ Նա զգուշացրել է օգոստոսի 1-ից սերբական փաստաթղթերն անվավեր ճանաչելու Պրիշտինայի ծրագրերի մասին։Մասամբ ճանաչված երկրի վարչապետ Ալբին Կուրտին ավելի վաղ հայտարարել էր, որ տարածաշրջանում ապրող սերբերին անհրաժեշտ է մինչև սեպտեմբերի 30-ը վերագրանցել իրենց մեքենաները չճանաչված պետության նորմերին համապատասխան։ Իր հերթին Վուչիչը հայտնել է, որ սեպտեմբերի 30-ից Պրիշտինան նախատեսում է արգելել մուտքը սերբական ներքին փաստաթղթերի, ինչպես նաև սերբական իշխանությունների կողմից թողարկված համարանիշներով մեքենաների համար։Շարունակությունը՝ tert.am-ում

10:14 - 01 օգոստոսի, 2022

Պուտինը Գուտերեշի հետ խոսել է ինքնորոշման իրավունքի խնդրից |factor.am|

factor.am: ՌԴ նախագահ Վլադիմիր Պուտինը ՄԱԿ-ի գլխավոր քարտուղար Անտոնիո Գուտերեշի հետ հանդիպման ժամանակ Կոսովոյի օրինակով անդրադարձել է ինքնորոշման իրավունքի խնդրին, գրում է ՏԱՍՍ-ը։ «Ես շատ լավ ծանոթ եմ, անձամբ կարդացել եմ Արդարադատության միջազգային դատարանի բոլոր փաստաթղթերը Կոսովոյի իրավիճակի վերաբերյալ, շատ լավ հիշում եմ որոշումը <…>, որտեղ գրված է, որ ինքնորոշման իրավունքի իրացման ժամանակ որևէ պետության այս կամ այն տարածք պարտավոր չէ իր ինքնիշխանության հռչակման թույլտվության համար դիմել երկրի կենտրոնական իշխանություններին»,- ասել է ՌԴ ղեկավարը։ «Դրա նմանողությամբ՝ Դոնբասի հանրապետությունները նույն իրավունքն ունեին հայտարարելու իրենց ինքնիշխանության մասին, որովհետև ստեղծվել է նախադեպ»,- հայտարարել է ՌԴ նախագահը։ «Ուրեմն համաձա՞յն եք դրա հետ»,- հարցրել է Պուտինը։ ՄԱԿ-ի գլխավոր քարտուղարն արձագանքել է՝ ասելով, որ կազմակերպությունը «չի ճանաչում Կոսովոն»։ «Սակայն ՄԱԿ-ի միջազգային դատարանը ճանաչել է», – հակադարձել է Ռուսաստանի ղեկավարը՝ պնդելով, որ եթե այս նախադեպը ստեղծվել է, Դոնբասի հանրապետությունները ևս կարող էին նույնը անել»:

08:43 - 27 ապրիլի, 2022

Բայդենը շեշտել է Կոսովոյի անկախությունը ճանաչելու անհրաժեշտությունը. Սերբիայի նախագահն արձագանքել է |tert.am|

tert.am: ԱՄՆ նախագահ Ջո Բայդենը շնորհավորել է Սերբիային Պետականության օրվա գալիք տոնի առթիվ՝ երկրի նախագահին ուղղված նամակում շեշտելով բարեփոխումների և Կոսովոյի անկախությունը ճանաչելու անհրաժեշտությունը: Այս մասին գրում է ՏԱՍՍ-ը՝ Սերբիայի նախագահի աշխատակազմի մամուլի ծառայությանը հղումով: «Ամերիկայի ժողովրդի անունից սրտանց շնորհավորում եմ Ձեզ և Ձեր համաքաղաքացիներին փետրվարի 15-ին Պետականության օրվա առթիվ: Հաշվի առնելով մեր երկրների միջև 140-ամյա գործընկերությունը՝ ԱՄՆ-ն շարունակում է հավատարիմ մնալ երկարաժամկետ տնտեսական համագործակցության, տարածաշրջանային կայունության ու ժողովրդավարական արժեքների զարգացման հարցերում: Մենք կշարունակենք հավատարիմ մնալ եվրոպական ինտեգրման ասպարեզում Սերբիային աջակցելուն և կսատարենք Ձեզ այդ նպատակին հասնելու ընթացքում հետագա դժվարին քայլերում, այդ թվում՝ անհրաժեշտ բարեփոխումների իրագործումն ու Կոսովոյի հետ համապարփակ համաձայնագրի ստորագրումը, որը կենտրոնացած կլինի համատեղ ճանաչման վրա»,- նշված է Բայդենի նամակում:Բացի այդ, ԱՄՆ նախագահը հիշատակել է Առաջին և Երկրորդ համաշխարհային պատերազմներում Վաշինգտոնի և Բելգրադի դաշնակցության, ինչպես նաև կորոնավիրուսային համավարակի դեմ պայքարում համագործակցության մասին՝ ընդգծելով երկու երկրների բարեկամական կապերի խորացումը:Ի պատասխան Բայդենի նամակին՝ Սերբիայի նախագահ Ալեքսանդր Վուչիչը հայտարարությամբ է հանդես եկել Պանչևո քաղաքում ու նշել, որ «Կոսովոյի ճանաչման հարցում Բելգրադի դիրքորոշումը պարզ է, սակայն Բելգրադը պետք է հոգ տանի իր սեփական պետական շահերի մասին և չտրվի զգացմունքներին»:«Շնորհակալ եմ Բայդենին շնորհավորանքների համար: Ինչ վերաբերում է փոխադարձ ճանաչմանը, ապա դա չի նկատվում որևէ միջազգային կազմակերպության գործողություններում: Մենք հասկանում ենք, որ սա ամերիկյան նոր քաղաքականություն է», - ասել է Վուչիչը:

09:42 - 08 փետրվարի, 2021

Բայդենը Սերբիային մատնանշել է Կոսովոն ճանաչելու անհրաժեշտությունը |armenpress.am|

armenpress.am: ԱՄՆ նախագահ Ջո Բայդենը շնորհավորել է Սերբիային Պետականության առաջիկա օրվա կապակցությամբ՝ մատնանշելով բարեփոխումների եւ Կոսովոյի անկախության ճանաչման անհրաժեշտությունը: Ինչպես հաղորդում է ՏԱՍՍ-ը, ԱՄՆ-ի նախագահի շնորհավորական ուղերձը հրապարակել է Սերբիայի նախագահի աշխատակազմի մամուլի ծառայությունը: «Ամերիկյան ժողովրդի անունից անկեղծ շնորհավորանքներ եմ հղում ձեզ եւ ձեր համաքաղաքացիներին փետրվարի 15-ի Պետականության օրվա կապակցությամբ: Նկատի ունենալով մեր երկրների միջեւ գործընկերության 140 տարին՝ Միացյալ Նահանգները շարունակում է մնալ երկարաժամկետ հավատարիմ տնտեսական համագործակցության, տարածաշրջանային կայունության եւ ժողովրդավարական արժեքների զարգացմանը: Մենք այսուհետ էլ հաստատակամ ենք մնում եվրոպական ինտեգրման հարցում Սերբիային աջակցության հարցում եւ աջակցում ենք ձեզ այդ նպատակին հասնելու հետագա ծանր քայլերում, ներառյալ անհրաժեշտ բարեփոխումների անցկացումը եւ Կոսովոյի հետ կարգավորման համապարփակ համաձայնագրի ձեռքբերումը, որը կենտրոնացած է փոխադարձ ճանաչման վրա»,- ասված է Բայդենի նամակում: ԱՄՆ նախագահը նաեւ հիշեցրել է Առաջին եւ Երկրորդ համաշխարհային պատերազմներում Վաշինգտոնի եւ Բելգրադի դաշնակցային լինելու, ինչպես նաեւ COVID-19-ի դեմ պայքարում համագործակցության մասին՝ նշելով երկու երկրների «բարեկամական կապերի խորացումը»: Ի պատասխան Սերբիայի նախագահ Ալեքսանդր Վուչիչը Պանչեւո քաղաքում անցկացված զորավարժություններից հետո փետրվարի 7-ին մամուլի առջեւ հանդես գալով՝ հայտարարել է, որ «Կոսովոյի ճանաչման վերաբերյալ Բելգրադի դիրքորոշումը պարզ է», սակայն Բելգրադը «պետք է հոգ տանի իր պետական շահերի մասին» եւ «չտրվի հույզերին»: «Շնորհակալ եմ Բայդենին շնորհավորանքների համար։ Իսկ ինչ վերաբերում է փոխադարձ ճանաչումներին, ապա դա նշված չէ ոչ մի միջազգային կազմակերպության ակտերում։ Մենք հասկանում ենք, որ սա նոր ամերիկյան քաղաքականություն է։ Եղել են փորձեր պարտադրելու այդ եզրը [փոխադարձ ճանաչում]՝ որպես մի բան, որը մենք պետք է փոխադարձաբար ընդունենք որպես վերջնական որոշում Վաշինգտոնում, ես արդեն մեկ անգամ երեսին ասացի, ինչ եմ մտածում եմ ճանաչման մասին, եւ իմ պատասխանը այլ չի լինի»,-հայտարարել Է Վուչիչը:

17:20 - 07 փետրվարի, 2021

Կոսովոյի նախկին նախագահը ձերբակալվել է Հաագայում և տեղափոխվել մեկուսարան |azatutyun.am|

azatutyun.am: Կոսովոյի նախկին նախագահ Հաշիմ Տաչին, ում մեղադրում են ռազմական հանցագործությունների մեջ, ձերբակալվել է Հաագայում և տեղափոխվել մեկուսարան։ Տաչին հրաժարական էր ներկայացրել երեկ և ինքնակամ ներկայացել Եվրամիության առաքելությանը։ Կոսովոյի հարցով Հաագայում ստեղծված հատուկ դատախազությունը պնդում է, որ Տաչին, ինչպես ինչպես նաև ալբանացի մի շարք այլ բարձրաստիճան պաշտոնյաներ մեղավոր են ավելի քան 100 մարդու սպանության, առևանգման ու կտտանքների ենթարկելու մեջ։ Քննությունը պնդում է, որ էթնիկ փոքրամասնություններից բացի հալածանքների են ենթարկվել նաև քաղաքական ընդդիմախոսները։ Ինքը՝ Տաչին, ով 90-ականների վերջին առաջնորդում էր Կոսովոյի ազատագրության բանակը, առաջադրված մեղադրանքը չի ընդունում։ Երեկ, հրաժարական ներկայացնելով նախագահի պաշտոնից, նա հայտարարել է, թե գնում է այդ քայլին իր երկրի ամբողջականությունը չխաթարելու համար՝ հարգելով միջազգային համայնքի հետ դաշնակցային հարաբերությունները։ Գործը կքննի Հաագայում ստեղծված Կոսովոյի հարցով հատուկ միջազգային տրիբունալը, որը ձևավորվել էր 2015-ին՝ Եվրախորհրդի խորհրդարանական վեհաժողովի զեկույցից հետո։

15:13 - 06 նոյեմբերի, 2020

Եվրամիությունը կոչ է արել ավարտել իր հովանու ներքո Սերբիայի և Կոսովոյի երկխոսությունը |tert.am|

tert.am: ԵՄ հովանու ներքո Սերբիայի և Կոսովոյի ալբանական իշխանությունների երկխոսությունը 10 տարի անց հաջող ավարտելու ժամանակն է: Այս մասին հայտարարել է Բելգրադի և Պրիշտինայի բանակցությունների հարցերով ԵՄ հատուկ ներկայացուցիչ Միրոսլավ Լայչակը, գրում է «ՌԻԱ Նովոստի» գործակալությունը:Երկուշաբթի Բրյուսելում տեղի է ունեցել ԵՄ միջնորդությամբ Բելգրադի և Պրիշտինայի միջև բարձր մակարդակի քաղաքական երկխոսության նոր փուլը, որին մասնակցել են Սերբիայի նախագահ Ալեքսանդր Վուչիչը և Կոսովոյի «վարչապետ» Ավդուլահ Հոթին: Ավելի վաղ Սերբիայի պատվիրակությունը Վուչիչի գլխավորությամբ երկօրյա այց էր կատարել Միացյալ Նահանգներ, որտեղ բանակցություններ էր վարել Հոթիի հետ, որից հետո կողմերն ԱՄՆ նախագահ Դոնալդ Թրամփի միջնորդությամբ տնտեսական համագործակցության մասին համաձայնագիր էին ստորագրել: «Այսօր (սեպտեմբերի 9-ին) 10 տարի է լրանում այն օրվանից, երբ ՄԱԿ-ի Անվտանգության խորհուրդը ողջունեց ԵՄ՝ Բելգրադի և Պրիշտինայի միջև երկխոսության գործընթացին նպաստելու պատրաստակամությունը: Հիմա այն հաջող ավարտին հասցնելու ժամանակն է»,-հայտարարել է Լայչակը:

10:37 - 10 սեպտեմբերի, 2020

Թրամփը պատմական է գնահատել Սերբիայի և Կոսովոյի միջև տնտեսական համագործակցության պայմանագրի ստորագրումը |azatutyun.am|

azatutyun.am: ԱՄՆ-ի միջնորդությամբ Վաշինգտոնում կայացած երկօրյա բանակցությունների արդյունքում Սերբիայի և Կոսովոյի ղեկավարները տնտեսական համագործակցության պայմանագիր ստորագրեցին։ «Սա իսկապես պատմական օր է, շատ կարևոր օր։ Ես ուրախ եմ հայտարարելու իսկապես պատմական հանձնառությունների մասին։ Սերբիան և Կոսովոն հանձնառություններ ստանձնեցին նորմալացնելու տնտեսական հարաբերությունները», - պայմանագրի ստորագրման արարողությունից հետո, Սպիտակ տան օվալաձև սրահում սեպտեմբերի 4-ին հայտարարել է ԱՄՆ-ի նախագահ Դոնալդ Թրամփը։ Սերբիայի նախագահ Ալեքսանդր Վուչիչը լրագրողներին ասել է, թե դեռ շատ տարբերություններ կան Սերբիայի ու Կոսովոյի միջև, բայց պայմանագիրը նա առաջընթացի մեծ քայլ է գնահատել։ Կոսովոյի վարչապետ Ավդուլա Հոթին ասել է, թե պայմանագիրը պետք է առաջնորդի դեպի երկկողմ ճանաչում։ 2008 թվականին Կոսովոն միակողմանի հռչակել է իր անկախությունը Սերբիայից։ Աշխարհի շատ երկրներ ճանաչել են Կոսովոյի անկախությունը, բայց Բելգրադը մերժում է Կոսովոն ընդունել որպես անկախ պետություն։ Վաշինգտոնում կայացած բանակցություններում Կոսովոն ճանաչելու հարց չի քննարկվել, որպեսզի դրանք չտապալվեն։

09:56 - 06 սեպտեմբերի, 2020

Սերբիայի և Կոսովոյի ղեկավարները Թրամփի ներկայությամբ մի շարք պայմանավորվածություններ կստորագրեն |tert.am|

tert.am: Սերբիայի նախագահ Ալեքսանդր Վուչիչը և չճանաչված Կոսովոյի Հանրապետության վարչապետ Ավդուլա Հոթին սեպտեմբերի 4-ին Սպիտակ տանը ԱՄՆ նախագահ Դոնալդ Թրամփի ներկայությամբ կմասնակցեն պայմանավորվածությունների ստորագրման արարողության: Պայմանավորվածությունների բնույթի մասին որևէ տեղեկություն չկա: Այս մասին գրում է ՏԱՍՍ գործակալությունը` հղում տալով ԱՄՆ նախագահի` Սպիտակ տան կողմից հրապարակված օրակարգին: Սպիտակ տունը չի տեղեկացրել, թե ինչ փաստաթղթեր են ստորագրելու Վուչիչն ու Հոթին:Միևնույն ժամանակ, հինգշաբթի օրը Սերբիայի ղեկավարը հույս էր հայտնել մինչև ուրբաթ առավոտ Կոսովոյի հետ տնտեսական ոլորտում համաձայնություններ ձեռք բերելու մասին:Արարողությունը տեղի կունենա Սպիտակ տանը`սահմանափակ քանակությամբ լրագրողների ներկայությամբ։ Այնուհետև Թրամփը, Վուչիչը և Հոթին կմասնակցեն եռակողմ բանակցությունների:

12:42 - 04 սեպտեմբերի, 2020

Սերբիայի նախագահը՝ Վաշինգտոնում հանդիպումից առաջ. չեմ պատրաստվում ճանաչել Կոսովոն |armenpress.am|

armenpress.am: Սերբիայի նախագահ Ալեքսանդր Վուչիչը կրկին հայտարարել է, որ մտադիր չէ ճանաչել ինքնորոշված Կոսովայի անկախությունը։ Նման հայտարարություն Սերբիայի առաջնորդը արել է Վաշինգտոնում՝ Սպիտակ տանը կայանալիք բանակցություններից առաջ։ «Մենք գտնվում ենք Սպիտակ տնից մի քանի տասնյակ մետր հեռավորության վրա, մի քանի րոպես անց տեղի կունենա կարևոր հանդիպում պրիշտինյան պատվիրակության հետ նախագահ Դոնալդ Թրամփի հովանու ներքո։ Այս հանդիպումը հեշտ չի լինի մեզ համար։ Մենք կներդնենք բոլոր ջանքերը, որպեսզի տնտեսական հարցերով հասնենք կոմպրոմիսի, մենք ցանկանում ենք խաղաղություն և կայունություն, ցանկանում ենք Բելգրադի, Պրիշտինայի և ողջ տարածաշրջանի զարգացում, բայց առաջին հերթին մենք պետք է հոգ տանենք Կոսովոյի և Մետոխիայի մեր ժողովրդի մասին։ Ես տեսել եմ Կոսովոյից ալբանացի պաշտոնյաների բազմաթիվ համարձակ ու ամբարտավան հայտարարություններ, որոնք խոսում են Կոսովոյի ճանաչման մասին: Իմ ուղերձը բոլորին մեր գեղեցիկ Սերբիայում. հանձնվելը երբեք տարբերակ չի եղել, կեցցե Սերբիան»,- Ինստագրամի իր էջում տեղադրված ուղերձում նշել է Վուչիչը։ Ավելի վաղ Վուչիչը խոստովանել էր, որ վախենում է Վաշինգտոնում չճանաչված Կոսովոյի հարցով հանդիպումից, որտեղ, ըստ կոսովցիների, Սերբիայի առաջնորդից պահանջվելու է ստորագրել Սերբիայի ինքնավար շրջանի անկախության ճանաչումը: Միևնույն ժամանակ, նա վճռականորեն տրամադրված է պաշտպանել Սերբիայի շահերը:

20:28 - 03 սեպտեմբերի, 2020

Սերբիայի և Կոսովոյի միջև վերսկսվում է երկխոսությունը |tert.am|

tert.am: Եվրամիության հովանու ներքո հուլիսի 12-ին վերսկսվում է քաղաքական երկխոսությունը Սերբիայի և Կոսովոյի միջև: Այս մասին տեղեկացնում է interfax.com.ua կայքը: Նշվում է, որ 2018 թվականից ի վեր առաջին բարձր մակարդակի երկխոսությունը Եվրամիության աջակցությամբ կանցկացվի տեսակոնֆերանսի ձևաչափով: Այնուհետև հուլիսի 16-ին տեղի կունենա դեմ առ դեմ հանդիպում Բրյուսելում:Եվրոպական արտաքին քաղաքական գերատեսչությունում հստակեցրել են, որ կիրակի կայանալիք քննարկումները Բրյուսելից կանցկացնեն ԵՄ դիվանագիտության ղեկավար Ժոզեպ Բորելը և ԵՄ Արևմտյան Բալկանների երկխոսության և այլ հարցերով հատուկ ներկայացուցիչ Միրոսլավ Լայչակը:

14:45 - 12 հուլիսի, 2020

Սերբիայի եւ Կոսովոյի ղեկավարները հանդիպել են Վաշինգտոնի Սպիտակ տանը |armenpress.am|

armenpress.am: Սերբիայի նախագահ Ալեքսանդար Վուչիչը եւ չճանաչված Կոսովոյի ղեկավար Հաշիմ Թաչին հանդիպել են Սպիտակ տանը, որտեղ նրանք հրավիրվել Էին Միացյալ Նահանգների վարչակազմի ներկայացուցիչների կողմից: Այդ մասին չճանաչված կազմավորման ղեկավարը մարտի 2-ին հայտնել Է Twitter-ի իր Էջում:«Հենց նոր Սպիտակ տանն ավարտվեց Սերբիայի նախագահի հետ հանդիպումը Ռիչարդ Գրենելի (Բելգրադի եւ Պրիշտինայի երկխոսության խնդրով ԱՄՆ-ի հատուկ դեսպանորդի – ծանոթ. խմբ.) եւ Ռոբերտ Օ’Բրայենի (ազգային անվտանգության հարցերով ԱՄՆ-ի նախագահի օգնականի – ծանոթ. խմբ.) հրավերով: Կոսովոն շնորհակալ Է ԱՄՆ-ին հաստատակամ աջակցության համար: Մենք հանձնառու ենք մնում այն բանին, որ համատեղ աշխատենք վերջնական համաձայնությունների եւ փոխադարձ ճանաչման նպատակով»,- գրել Է նա:Ավելի վաղ Վուչիչը եւ Թաչին Մյունխենի անվտանգության խորհրդաժողովի հարթակներում համաձայնություններ են կնքել օդային, երկաթուղային եւ ավտոմոբիլային հաղորդակցության շուրջը, հաղորդել Է ՏԱՍՍ-ը:

12:53 - 03 մարտի, 2020