Պակիստան

ՌԴ, Չինաստանի, Իրանի և Պակիստանի ԱԳ նախարարները Սամարղանդում հանդիպում են անցկացնում |armenpress.am|

armenpress.am: Ռուսաստանի, Չինաստանի, Իրանի արտաքին գործերի նախարարները և Պակիստանի արտաքին գործերի պետնախարարը հանդիպում են անցկացնում Սամարղանդում։ Այդ մասին «Արմենպրես»-ը տեղեկանում է «Интерфакс» գործակալությունից: Հանդիպումն սկսելուց առաջ Սերգեյ Լավրովը, Ցին Գանը, Հոսեյն Ամիր Աբդոլլահիանը և Ռաբբանի Կհարը միասին լուսանկարվել են, որից հետո բանակցությունները շարունակվել են փակ ձևաչափով։ Ապրիլի 13-ին Սամարղանդում տեղի է ունենում Աֆղանստանի հարևան երկրների նախարարական խորհրդաժողովը՝ Ռուսաստանի, Չինաստանի, Իրանի, Պակիստանի, Տաջիկստանի, Թուրքմենստանի և Ուզբեկստանի արտաքին գործերի նախարարների մասնակցությամբ։ Լավրովը Սամարղանդ էր ժամանել նախօրյակին։ Աֆղանստանին նվիրված խորհրդաժողովից բացի, ապրիլի 14-ին ՌԴ ԱԳՆ ղեկավարը կմասնակցի ԱՊՀ երկրների արտգործնախարարների խորհրդակցությանը և Ռուսաստան-Կենտրոնական Ասիա ձևաչափով նախարարական հանդիպմանը։

11:31 - 13 ապրիլի, 2023

12 մարդ զոհվել է, 200-ից ավելի՝ վիրավորվել Աֆղանստանում ու Պակիստանում տեղի ունեցած երկրաշարժից |armenpress.am|

armenpress.am: Պակիստանում և Աֆղանստանում 6,5 մագնիտուդ հզորությամբ երկրաշարժն առնվազն 12 մարդու կյանք է խլել, ավելի քան 200 մարդ վիրավորվել է: Ստորգետնյա ցնցումների հետևանքով վնասվել են շենքեր, առաջացել սողանքներ: Այդ մասին հաղորդում է BBC-ին: Զոհերից ինը Պակիստանում են, երեքը՝ Աֆղանստանում: Պակիստանում սողանքները փակել են ամենաշատ տուժած Սվաթ տարածաշրջանի մայրուղին: Երկրաշարժը տեղի է ունեցել մարտի 21-ի երեկոյան, էպիկենտրոնը գտնվել է Աֆղանստանի հյուսիս-արևելքում՝ Պակիստանի հետ սահմանի մոտ: Ցնցումները զգացվել են նույնիսկ Հնդկաստանում, Ուզբեկստանում, Տաջիկստանում, Ղազախստանում, Ղրղզստանում և Թուրքմենստանում: BBC-ն հիշեցնում է, որ անցյալ տարվա հունիսին Աֆղանստանի Պակտիկա նահանգում 5,5 մագնիտուդ հզորությամբ երկրաշարժն ավելի քան 1000 մարդու կյանք էր խլել:

09:54 - 22 մարտի, 2023

Պակիստանի մզկիթում ահաբեկչության զոհերի թիվը հասել է 90-ի |tert.am|

tert.am: Պակիստանի Փեշավար քաղաքի մզկիթում տեղի ունեցած ահաբեկչության զոհերի թիվը հասել է 90-ի։ Այս մասին հայտնում է Radio Pakistan ռադիոկայանը։ Մինչ այս հաղորդվում էր ահաբեկչության 72 զոհի մասին։«Փեշավարում պայթյունի հետևանքով զոհերի թիվը հասել է 90-ի, փրկարարական գործողությունը շարունակվում է, իսկ մզկիթի փլատակները մաքրվում են»,- հայտնել է ռադիոկայանը։Մզկիթում պայթյունը տեղի է ունեցել երկուշաբթի՝ հունվարի 30-ին, աղոթքի ժամանակ։ Ականատեսների վկայությամբ մզկիթում 100-ից ավելի մարդ է եղել։ Փլուզվել է մզկիթի մի մասը և շենքի տանիքը։Պայթյունն իրականացրել է մահապարտ ահաբեկիչը:

10:29 - 31 հունվարի, 2023

Պակիստանի մզկիթում պայթյունի հետևանքով կա առնվազն 19 զոհ, 90 վիրավոր |armenpress.am|

armenpress.am: Պակիստանի Փեշավար քաղաքի մզկիթներից մեկում տեղի ունեցած պայթյունի հետևանքով առնվազն 19 մարդ է զոհվել, ևս 90 մարդ՝ վիրավորվել: Այս մասին տեղեկանում ենք Reuters գործակալությունից: Տեղի հիվանդանոցներից մեկի ներկայացուցիչը հայտնել է, որ տուժածներից շատերը ոստիկաններ են, որոնք հավաքված են եղել կեսօրյա աղոթքի: Մզկիթը տեղակայված է ոստիկանական բաժանմունքի հարևանությամբ, որտեղ պայթյունի պահին 260 մարդ է գտնվել: Երկհարկանի շենքը փլուզվել է: Ըստ իրավապահների՝ պայթյունն իրականացրել է մահապարտ ահաբեկիչը: Մարդիկ փորձում են դուրս բերել փլատակների տակ մնացածներին: Ըստ ոստիկանության՝ զոհերի թիվը կարող է աճել:

14:07 - 30 հունվարի, 2023

Հնդկաստանն ու Պակիստանը փոխանակել են միջուկային օբյեկտների և բանտարկյալների ցուցակներ |factor.am|

factor.am: Հնդկաստանի և Պակիստանի իշխանությունները կիրակի օրը փոխանակել են երկու երկրների միջուկային օբյեկտների, ինչպես նաև հարևան երկրի բանտարկված քաղաքացիների ցուցակները։ Ինչպես հայտնում է Հնդկաստանի արտաքին գործերի նախարարությունը, ցուցակների փոխանցումը դիվանագիտական ուղիներով տեղի է ունեցել միաժամանակ երկու հարևան պետությունների մայրաքաղաքներում, գրում է ՏԱՍՍ-ը: Ցուցակների փոխանակումը տեղի է ունեցել՝1988 թվականին նման օբյեկտների վրա հարձակումները կանխելու մասին պայմանագրի համաձայն։

17:57 - 01 հունվարի, 2023

Պակիստանի նախկին վարչապետին մեղադրանք է առաջադրվել |azatutyun.am|

azatutyun.am: Պակիստանի ոստիկանությունը մեղադրանք է առաջադրել երկրի նախկին ղեկավար՝ վարչապետ Իմրան Խանին՝ ահաբեկչության դեմ պայքարի օրենքի հատկանիշներով։ Իրավապահների այս քայլը, սակայն, հաջորդել է Խանի հնչեցած մեղադրանքներին, թե ոստիկանությունը ձերբակալել ու կտտանքների է ենթարկել իր օգնականին։ Իմրան Խանին ներկայացված մեղադրանքից հետո ներքաղաքական իրավիճակը Պակիստանում լարվել է։ Նախկին վարչապետի կողմնակիցներն այսօր հավաքվել են նրա տան մոտ՝ կոչ անելով նրան ստանձնել երկրի կառավարումը։ Այս ապրիլին, իշխանությունից զրկվելուց հետո, Խանը ներկայիս իշխանությունների և բանակի ղեկավարության սուր քննադատներից է դարձել։ Իմրան Խանի օգնական Շահբազ Գիլին շաբաթ օրը մեղադրանք է ներկայացվել՝ ապստամբության հրահրման համար։

13:01 - 22 օգոստոսի, 2022

Թուրքիան և Պակիստանը առևտրային համաձայնագիր են ստորագրել |armenpress.am|

armenpress.am: Պակիստանի մայրաքաղաք Իսլամաբադում տեղի է ունեցել Թուրքիայի և Պակիստանի միջև առևտրային համաձայնագրի ստորագրման արարողություն։ Այս մասին հայտնում է թուրքական «Անադոլու» լրատվական գործակալությունը։ Համաձայնագիրը ստորագրել են Թուրքիայի առևտրի նախարար Մեհմեթ Մուշը և Պակիստանի առևտրի նախարար Սեյիդ Նավիդ Քամարը։ Թուրքիայի առևտրի նախարար Մեհմեդ Մուշը վստահություն է հայտնել, որ նոր համաձայնագիրը կօգնի հասնել երկկողմ առևտրի կարճաժամկետ նպատակին՝ տարեկան 5 միլիարդ դոլարի չափով։ Պակիստանի վարչապետի գրասենյակը հուլիսի 21-ին հայտնել է, որ Թուրքիայի հետ ապրանքների առևտրի մասին նոր համաձայնագիրը նախատեսում է 261 պակիստանյան և 130 թուրքական ապրանքների մատակարարման արտոնյալ ռեժիմ։

14:34 - 12 օգոստոսի, 2022

Ադրբեջանը և Պակիստանը խորացնում են ռազմական համագործակցությունը |azatutyun.am|

azatutyun.am: Ադրբեջանի պաշտպանության նախարարն այսօր հանդիպել է Պակիստանի ռազմաօդային ուժերի հրամանատարի գլխավորած պատվիրակության հետ։ Պաշտոնական հաղորդագրության համաձայն՝ կողմերը քննարկել են երկկողմ ռազմական համագործակցությանը վերաբերող հարցեր։ Զաքիր Հասանովը հայտարարել է, որ ռազմավարական գործընկերության մակարդակի հասած երկկողմ հարաբերությունները հետզհետե է՛լ ավելի են խորանում: «Ընդգծվել է, որ Ադրբեջանի և Պակիստանի միջև համագործակցությունը զգալիորեն ընդլայնվել և ամրապնդվել է, և նշվել է երկկողմ ռազմական համագործակցության մեծ ներուժի առկայությունը», - ասվում է Ադրբեջանի պաշտպանության նախարարության հաղորդագրությունում:

15:32 - 29 հունիսի, 2022

Միջուկային զենքի կիրառման ռիսկը հասել է «սառը պատերազմից» ի վեր ամենաբարձր մակարդակին. Ստոկհոլմի Խաղաղության հետազոտությունների միջազգային ինստիտուտ |tert.am|

12:34 - 13 հունիսի, 2022