Դավիթ Անանյան

Դավիթ Անանյանը Պերական եկամուտների կոմիտեի նախկին նախագահ։

Ծնվել է 1971 թվականի հոկտեմբերի 10-ին։ 1988-1993 թթ. սովորել է Երևանի ժողովրդական տնտեսության ինստիտուտի Ֆինանսահաշվային ֆակուլտետում՝ «ֆինանսներ և վարկ» մասնագիտացումով։ Ունի տնտեսագետի որակավորում։

1993-1994 թթ. աշխատել է Երևանի Խորհրդային տարածքային հարկային տեսչության առաջին տարածքային բաժնի, այնուհետև՝ հատուկ բաժնի պետական հարկային տեսուչ։ 1994-1995 թթ. եղել է Երևանի Թիվ 1 տարածքային հարկային տեսչության (բաղկացած՝ Երևանի Խորհրդային, Արաբկիր և Շահումյան տեսչություններից) ինֆորմացիայի բաժնի պետական հարկային տեսուչ, այնուհետև՝ Երևանի Խորհրդային տարածքային հարկային տեսչության հաշվետվությունների ընդունման և ինֆորմացիայի բաժնի ավագ պետական հարկային տեսուչ։

1995-1999 թթ. աշխատել է Երևանի Խորհրդային տարածքային հարկային տեսչության վերահսկողության բաժնի պետական հարկային տեսուչ։ 1999-2000 թթ. աշխատել է Երևանի Խորհրդային տարածքային հարկային տեսչության հարկերի հաշվառման բաժնի պետ, 2000-2006 թթ.` «Քեյ-Փի-Էմ-Ջի Արմենիա» ՓԲԸում՝ որպես հարկային խորհրդատու, հարկային մենեջերի օգնական, հարկային մենեջեր, այնուհետև՝ ավագ մենեջեր, հարկային և իրավաբանական բաժնի ղեկավար։ 2006-2016 թթ. աշխատել է «Փի-Էյջ-Փի Փարթնըրզ» ՓԲԸում՝ որպես հարկային ծառայությունների ղեկավար։ 2016-2018 թթ. եղել է ՀՀ ֆինանսների նախարարի տեղակալի պաշտոնում։

Խոսքը ոչ թե հարկերի հավաքագրման թերակատարման մասին է, այլ՝ հարկային պոտենցիալի հաշվարկման. ՊԵԿ նախագահ

aysor.am։ Այսօր Ազգային ժողովում լրագրողների հետ ճեպազրույցում Պետական եկամուտների կոմիտեի նախագահ Դավիթ Անանյանը անդրադարձավ ապրիլի 18-ին կառավարության նիստում Ֆինանսների նախարար Ատոմ Ջանջուղազյանի մի հայտարարությանը, որը մամուլում աղմուկ էր առաջացրել։ Նշենք, որ այսօր թերթերից մեկը գրել էր, թե «Ֆինանսների նախարարության հաշվարկներով՝ 2018-ին պետական բյուջեն հարկերի տեսքով չի ստացել ավելի քան 900 մլն դոլար կամ 438 մլն դրամ»։ «Ես կառավարության նիստի տեսագրությունը նայել եմ: Կա երկու ցուցանիշ, կուզեմ, որ դուք իմանաք: Կա հարկային ծախս հասկացություն և կա հարկային պոտենցիալ: Հարկային ծախսը դա այն գումարն է, հանրագումարային այն մեծությունն է, որ հարկային օրենսդրությամբ տրված արտոնությունների պատճառով այդքան թերի են հավաքագրվում պետական բյուջեի եկամուտները: Օրինակ՝ գյուղատնտեսության ոլորտն, ունենալով արտոնություն, հարկեր չի հավաքագրվում այդ ոլորտից: Կարծում եմ, որ պարոն Ջանուղազյանը… Դուք կարող եք պետական բյուջեի ուղերձ-բացատրագրում նայել, տեսնել, որ հարկային ծախսը գնահատվում է 442 մլրդ դրամ: Հավանաբար խոսքը դրա մասին է եղել, պարոն Ջանջուղազյանը հարկային պոտենցիալ, հարկային ծախս հասկացությունները շփոթել է», - ասաց Անանայանը: ՊԵԿ նախագահը շեշտեց, որ խոսքը ոչ թե հարկերի հավաքագրման թերակատարման մասին է, այլ՝ հարկային պոտենցիալի հաշվարկման: «Ֆինանսների նախարարությունը հարկայն պոտենցիալի վերաբերյալ մի հաշվարկ արել, ներկայացրել էր կառավարություն, մենք բոլորս մեր դիրքորոշումը հայտնել էինք դրա վերաբերյալ։ Մեր մտահոգությունների, արգումենտների մեծ մասը ընդունվել է նախարարության կողմից», - հավելեց ՊԵԿ նախագահը։ Գումարը, ըստ Անանյանի, կարող է կորել այն դեպքում, երբ որևէ ոլորտի արտոնություն է տրվում։ «460, 440, 430 մլրդ դրամ հարկային ստվեր կամ այդպիսի հարկային պոտենցիալ գոյություն չունի», - հավելեց Անայանը։

09:52 - 30 ապրիլի, 2019