Ավստրիա

ՀՀ և Ավստրիայի ԱԳ նախարարներն անդրադարձել են Հայաստան-Թուրքիա հարաբերությունների կարգավորման գործընթացին

ՀՀ և Ավստրիայի ԱԳ նախարարներն անդրադարձել են Հայաստան-Թուրքիա հարաբերությունների կարգավորման գործընթացին

 ՄԱԿ Գլխավոր ասամբլեայի 77-րդ նստաշրջանի շրջանակներում ՀՀ ԱԳ նախարար Արարատ Միրզոյանը սեպտեմբերի 20-ին հանդիպել է Ավստրիայի եվրոպական և արտաքին գործերի դաշնային նախարար Ալեքսանդր Շալենբերգի հետ։ Ինչպես տեղեկացրին ՀՀ արտաքին գործերի նախարարությունից, նախարար Միրզոյանն իր գործընկերոջն է ներկայացրել ՀՀ տարածքային ամբողջականության նկատմամբ Ադրբեջանի կողմից սանձազերծված ագրեսիայի մանրամասները և դրա հետևանքով ստեղծված իրավիճակը: «ՀՀ ԱԳ նախարարը շեշտել է, որ միջազգային հանրությանը պետք է Ադրբեջանի վրա ճնշում գործադրի՝ կանխելու հավանական նոր ռազմական ագրեսիաները, հրադադարի ռեժիմը պահպանելու, ՀՀ ինքնիշխան տարածքներից ադրբեջանական զորքերը  ետ քաշելու և հայ ռազմագերիներին վերադարձնելու համար»,- ասվում է հաղորդագրության մեջ։ Ըստ աղբյուրի՝ զրուցակիցները քննարկել են երկկողմ օրակարգի հարստացման հնարավորությունները, մտքեր փոխանակել քաղաքական երկխոսության խորացման և առևտրատնտեսական կապերի զարգացման ուղղությամբ:   Նշվում է, որ հանդիպման ընթացքում անդրադարձ է կատարվել նաև Հայաստան-Թուրքիա հարաբերությունների կարգավորման գործընթացին:
21:40 - 20 սեպտեմբերի, 2022
Իրանի պատվիրակությունը մեկնում է Վիեննա՝ շարունակելու միջուկային համաձայնագրի շուրջ բանակցությունները

 |factor.am|

Իրանի պատվիրակությունը մեկնում է Վիեննա՝ շարունակելու միջուկային համաձայնագրի շուրջ բանակցությունները |factor.am|

factor.am: Իրանական պատվիրակությունը մի քանի ժամվա ընթացքում կմեկնի Վիեննա՝ շարունակելու միջուկային համաձայնագրի շուրջ բանակցությունները։ Այս մասին հայտարարել է Իրանի ԱԳՆ պաշտոնական ներկայացուցիչ Նասեր Կանանի Չաֆին, գրում է ՏԱՍՍ-ը։ «Մեր երկրի դեմ անարդար պատժամիջոցները չեղարկելու քաղաքականության շրջանակում իրանական բանակցային խումբը, Ալի Բաղերի Քանիի գլխավորությամբ, մի քանի ժամից կմեկնի Վիեննա»,- ասել է նա։ Դիվանագետի խոսքով՝ բանակցությունների այս փուլում տեղի է ունենալու մտքերի փոխանակում կողմերի, այդ թվում՝ Իրանի կողմից ներկայացված առաջարկների շուրջ։ Հունիսին Կատարում անուղղակի բանակցություններ էին տեղի ունեցել ԱՄՆ-ի և Իրանի միջև՝ միջուկային գործարքը վերականգնելու համար։ Դրանից հետո իրանական միջուկային գործարքի բանակցությունների համակարգող, ԵՄ արտաքին ծառայության քաղաքական տնօրեն Էնրիկե Մորան ասել է, որ Դոհայում կողմերին չի հաջողվել հասնել այն առաջընթացին, ինչն ակնկալում էին։
17:55 - 03 օգոստոսի, 2022
Ալեն Սիմոնյանի գլխավորած պատվիրակությունը հանդիպել է ավստրիացի խորհրդարանականների հետ

Ալեն Սիմոնյանի գլխավորած պատվիրակությունը հանդիպել է ավստրիացի խորհրդարանականների հետ

ՀՀ ԱԺ նախագահ Ալեն Սիմոնյանի գլխավորած պատվիրակությունը Վիեննա պաշտոնական այցի շրջանակում հանդիպել է Ավստրիայի Հանրապետության Ազգային խորհրդի արտաքին գործերի կոմիտեի և Ավստրիա-Հարավային Կովկաս խորհրդարանական խմբի անդամների հետ: ՀՀ ԱԺ նախագահը նշել է, որ Հայաստանն այսօր առաջ է քաշում տարածաշրջանում երկարաժամկետ և կայուն խաղաղության հաստատման օրակարգ: Նա շնորհակալություն է հայտնել Ավստրիայի խորհրդարանի գործընկերներին՝ 2020 թ. աշնանն Ադրբեջանի կողմից սանձազերծված պատերազմի ժամանակ Արցախի դեմ ագրեսիան դատապարտող քննարկումների և հայտարարությունների, ինչպես նաև Ազգային խորհրդի կողմից միաձայն ընդունված «Լեռնային Ղարաբաղի տարածաշրջանում առկա իրավիճակի վերաբերյալ» բանաձևի համար: Կողմերը քննարկել են օրակարգային առաջնահերթություններ ունեցող մի շարք հարցեր՝ ի նպաստ երկու երկրների բազմոլորտ համագործակցության խթանման: Այս համատեքստում ՀՀ ԱԺ նախագահն անդրադարձել է Երևանում ADA-ի (Ավստրիական զարգացման գործակալության) լիարժեք համակարգող գրասենյակի բացմանը՝ գնահատելով դրա կարևորությունը: Ալեն Սիմոնյանը գործընկերներին հավաստիացրել է, որ Եվրասիական տնտեսական միության անդամ Հայաստանը պատրաստ է ամեն կերպ աջակցել ավստրիական ընկերություններին, որոնք կցանկանան մուտք գործել հայկական շուկա: Երկուստեք բարձրաձայնվել է միջխորհրդարանական համագործակցությունն ակտիվացնելու շահագրգռվածությունը՝ առաջնահերթ նշանակություն տալով միջխորհրդարանական կապերի և շփումների ամրապնդմանն ուղղված երկկողմ ջանքերին: Հանդիպմանը ՀՀ ԱԺ նախագահը նշել է, որ հայկական կողմն ակնկալում է ավստրիացի խորհրդարանականների ակտիվ մասնակցությունը Լեռնային Ղարաբաղում 2020 թ. 44-օրյա պատերազմից հետո ծագած հումանիտար հարցերի լուծմանը: «Այս հարցերը ներառում են առնվազն 4 տասնյակ հայ ռազմագերիների և այլ ձերբակալվածների ազատ արձակումը, մշակութային ժառանգության պաշտպանությունը: Դա կդառնա զինված հակամարտություններում մարդասիրական իրավունքի և մարդու իրավունքների պաշտպանությանն Ավստրիայի ազգային նվիրվածության վառ արտացոլումը և կցուցադրի Ավստրիայի ներդրումը հակամարտությունների գոտիներում անհետացման վտանգի տակ գտնվող մշակութային ժառանգության պահպանմանն ուղղված միջազգային ջանքերում»,- եզրափակել է նա: Գործընկերներն անդրադարձել են նաև Հայաստանի և Ավստրիայի միջև դիվանագիտական հարաբերությունների հաստատման 30-ամյակին և այդ կապակցությամբ իրականացվելիք միջոցառումներին: 
17:59 - 25 հունիսի, 2022
«Գազպրոմ»-ն Ավստրիայի, Գերմանիայի և Իտալիայի էներգետիկ ընկերություններին ծանուցել է գազի մակատակարարման կրճատման մասին

«Գազպրոմ»-ն Ավստրիայի, Գերմանիայի և Իտալիայի էներգետիկ ընկերություններին ծանուցել է գազի մակատակարարման կրճատման մասին

Ավստրիայի OMV, Իտալիայի Eni, Գերմանիայի Uniper ընկերությունները հունիսի 15-ին ծանուցում են ստացել ռուսական «Գազպրոմ» ընկերությունից՝ գազի մատակարարման ծավալների կրճատման մասին, գրում է Meduza-ն։ Eni ընկերությունը ծանուցվել է մատակարարումների 15% կրճատման մասին, Uniper-ը՝ 25%։ OMV-ն չի հաղորդել, թե որքանով են կրճատվելու մատակարարումները, սակայն, ինչպես և Uniper-ը, նշել է, որ կարող է փոխարինել դրանք այլ աղբյուրների հաշվին։ Հունիսի 14-ին «Գազպրոմը» հայտնել էր, որ 40%-ով կրճատելու է գազի հոսքը «Հյուսիսային հոսք-1» գազատարով։ Ընկերությունը նշել էր, որ պատճառը Վիբորգի «Պորտովայա» կոմպրեսորային կայանի սարքավորումների վերադարձի ուշացումն է, որոնք վերանորոգման էին ուղարկվել։ Գերմանիայի էներգետիկայի նախարար Ռոբերտ Հաբեկը ԵՄ-ին մատակարարվող գազի կրճատման մասին «Գազպրոմի» որոշումը քաղաքական է անվանել։ Նրա խոսքով՝ այդ կերպ Ռուսաստանը փորձում է ապակայունացնել եվրոպական գազային շուկան և բարձրացնել գները։ Հունիսի 14-16-ը գազի գներն Ամստերդամի բորսայում 97 եվրոյից հասել են գրեթե 130 եվրոյի՝ մեկ ՄՎտ/ժ-ի դիմաց։ Ինչպես նշել է ՌԲԿ-ն, OMV, Eni և Uniper էներգետիկ ընկերություններն ավելի վաղ համաձայնել էին ռուսական գազի դիմաց վճառման նոր սխեմային, որի համաձայն՝ պետք է ռուսական «Գազպրոմբանկում» երկու հաշիվ բացել՝ ռուբլով և դոլարով/եվրոյով։   Նորա Վանյան Հետևե՛ք մեզ նաև Telegram-ում
18:04 - 16 հունիսի, 2022
Ավստրիան չի աջակցի ռուսական գազի նկատմամբ արգելք սահմանելուն. ֆինանսների նախարար |1lurer.am|

Ավստրիան չի աջակցի ռուսական գազի նկատմամբ արգելք սահմանելուն. ֆինանսների նախարար |1lurer.am|

1lurer.am: Ավստրիայի ֆինանսների նախարար Մագնուս Բրուները CNN-ին տված հարցազրույցում հայտարարել է, որ երկիրը չի աջակցի ռուսական գազի նկատմամբ արգելք սահմանելուն, քանի որ դա ավելի շատ կհարվածի Ավստրիային, քան Ռուսաստանին: Նրա խոսքով՝ «Ավստրիայի համար Ռուսաստանի նկատմամբ մյուս բոլոր պատժամիջոցները ընդունելի են, բայց ոչ գազային էմբարգոն»։ Ըստ նրա՝ եթե պատժամիջոցները դրանք սահմանող երկրին ավելի շատ են հարվածում, քան նրան, ում դեմ ուղղված են, ապա դրանք անարդյունավետ են: Բրուները հավելել է, որ Ավստրիայի արդյունաբերությունն այնքան է կախված ռուսական գազից, որ Վիեննան այս պարագայում ընտրություն չունի: Ավելի վաղ Ավստրիայի կանցլեր Կարլ Նեհամերը հայտարարել էր, որ իր երկիրը կկարողանա ռուսական գազի մատակարարումներից անկախանալ միայն մի քանի տարի անց: Նա խոստովանել է, որ Ավստրաին 80 %-ով կախված է ռուսական գազի մատակարարումներից, ուստի առայժմ հնարավոր չէ դրանից հրաժարվել:
12:57 - 23 ապրիլի, 2022
Ավստրիայի կանցլերի պնդմամբ՝ Պուտինը հնարավոր է համարել գազի դիմաց եվրոյով վճարումը

Ավստրիայի կանցլերի պնդմամբ՝ Պուտինը հնարավոր է համարել գազի դիմաց եվրոյով վճարումը

Ավստրիայի կանցլեր Կարլ Նեհամերը հայտնել է, որ Ռուսաստանի նախագահ Վլադիմիր Պուտինն այս շաբաթ իրենց հանդիպման ընթացքում ասել է, որ Ավստրիան գազի դիմաց կարող է նախկինի պես եվրոյով վճարել, գրում է Reuters-ը՝ վկայակոչելով ավստրիական APA լրատվական գործակալությունը։ Նեհամերի խոսքով՝ իր և Պուտինի միջև մարտի 11-ին Մոսկվայում «շատ ուղիղ, բաց և կոշտ» խոսակցություն է տեղի ունեցել Ուկրաինա ներխուժման մասին։ Սակայն Ասվտրիայի առաջնորդը հրապարակավ չէր խոսել Ավստրիային գազի մատակարարման անվտանգության հարցի քննարկման մասին։ Իսկ երեկ APA ավստրիական և DPA գերմանական գործակալություններին տված հարցազրույցում Նեհամերը նշել է․ Պուտինի խոսքով՝ «գազի մատակարարումները պաշտպանված են, Ռուսաստանը տրամադրելու է պայմանագրով համաձայանեցված ծավալները, և վճարումները կարող են նախկինի պես եվրոյով կատարվել»։ Նշենք, որ Մոսկվան Եվրոպային զգուշացրել է, որ գազի դիմաց ռուբլով չվճարման դեպքում մատակարարումները կարող են դադարեցվել։ Ավստրիան իր գազի 80%-ը ստանում է Ռուսաստանից և դեմ է արտահայտվում ռուսական գազի էմբարգոյին, որի սահմանումը քննարկում է Եվրամիությունը։ Երկիրը պնդում է, որ անհնար է միանգամից այլընտրանքային մատակարարներ գտնել։   Նորա Վանյան  
15:59 - 14 ապրիլի, 2022
Ավստրիայի կանցլերը Մոսկվա է ժամանում

 |factor.am|

Ավստրիայի կանցլերը Մոսկվա է ժամանում |factor.am|

factor.am: Ավստրիայի կանցլեր Կառլ Նեհամերը երկուշաբթի կժամանի Մոսկվա և կհանդիպի ՌԴ նախագահ Վլադիմիր Պուտինի հետ։ Նա կլինի առաջին եվրոպացի առաջնորդը, որը կայցելի Մոսկվա փետրվարի 24-ից ի վեր, երբ սկսվեց ռուսական լայնածավալ ներխուժումն Ուկրաինա, գրում է VOA-ն: Կրեմլի խոսնակ Դմիտրի Պեսկովը հաստատել է Ավստրիայի կանցլերի այցը։ Նեհամերն իր հերթին լրագրողներին ասել է, որ մտադիր է Պուտինի հետ խոսել Ռուսաստանի և Ուկրաինայի միջև երկխոսության հնարավորության և Ուկրաինայում ռազմական հանցագործությունների մասին։ «Մեզ անհրաժեշտ են մարդասիրական միջանցքներ, հրադադար և ռազմական հանցագործությունների լիարժեք հետաքննություն»,- գրել է կանցլերը Twitter-ում։ Մինչ այդ, շաբաթ Նեհամերը Կիևում բանակցություններ է վարել Ուկրաինայի նախագահ Վլադիմիր Զելենսկու հետ՝ դատապարտելով ռուսական ագրեսիան և խոստանալով քաղաքական և հումանիտար աջակցություն։ Ավստրիան չեզոք երկիր է, ՆԱՏՕ-ի անդամ չէ, Ուկրաինային զենք չի մատակարարում։ Հաղորդվում է, որ կանցլերի այցը համաձայնեցվել է ԵՄ առաջնորդների հետ, որի մասին տեղեկացվել են նաև Թուրքիայի և Ուկրաինայի նախագահները։
16:44 - 11 ապրիլի, 2022
Նոր Զելանդիան և Ավստրալիան կոչ են արել իրենց քաղաքացիներին շտապ հեռանալ Ուկրաինայից |armenpress.am|

Նոր Զելանդիան և Ավստրալիան կոչ են արել իրենց քաղաքացիներին շտապ հեռանալ Ուկրաինայից |armenpress.am|

armenpress.am: Նոր Զելանդիայի արտաքին գործերի նախարարությունը հորդորել է իր քաղաքացիներին շտապ լքել Ուկրաինայի տարածքը։ Այս մասին հայտնում է «Ինտերֆաքս»-ը։ Գերատեսչության հրապարակած հայտարարության մեջ այս քայլը բացատրվում է «Ռուսաստանի և Ուկրաինայի միջև աճող լարվածությամբ»։ Ավստրալիայի վարչապետ Սքոթ Մորիսոնը նման կոչով դիմել է իր քաղաքացիներին։ Ավստրալական լրատվամիջոցների փոխանցմամբ՝ նա Ուկրաինայում ստեղծված իրավիճակը «շատ վտանգավոր» է անվանել։ Նախօրեին ԱՄՆ ազգային անվտանգության հարցերով խորհրդական Ջեյք Սալիվանն առաջարկել էր, որ բոլոր ամերիկացիները լքեն Ուկրաինան առաջիկա 24-48 ժամվա ընթացքում։ Այս շաբաթվա սկզբին Սպիտակ տան պաշտոնյան ասել էր, որ ԱՄՆ-ն չի ծրագրում զինվորականների օգնությամբ ամերիկացի քաղաքացիների զանգվածային տարհանումը Ուկրաինայից, իսկ Պենտագոնի խոսնակ Ջոն Քիրբին հաստատել է, որ անհրաժեշտության դեպքում Եվրոպայում ԱՄՆ-ի զինվորականները կարող են օգնել տարհանել ամերիկացի քաղաքացիներին՝ առանց ուկրաինական տարածքում հայտնվելու։
12:23 - 12 փետրվարի, 2022
Ավստրիայում ուժի մեջ է մտել կորոնավիրուսի դեմ բնակչության պարտադիր պատվաստման օրենքը

Ավստրիայում ուժի մեջ է մտել կորոնավիրուսի դեմ բնակչության պարտադիր պատվաստման օրենքը

Ավստրիայում փետրվարի 5-ից ուժի մեջ է մտել կորոնավիրուսի դեմ բնակչության պարտադիր պատվաստման օրենքը։ Deutsche Welle-ն գրում է, որ խորհրդարանի հավանությունն ստացած համապատասխան օրենքը նախօրեին՝ փետրվարի 4-ին ստորագրվել է հանրապետության նախագահի և դաշնային կանցլերի կողմից։ Բոլոր նրանք, որոնք չունենալով բժշկական հակացուցումներ, կհրաժարվեն պատվաստվել կորոնավիրուսի դեմ, օրենքը նախատեսում է մինչև 3600 եվրո տուգանք։  Նախատեսվում է, որ փետրվարի 15-ից Ավստրիայի բոլոր չպատվաստված բնակիչները նամակներ կստանան, որտեղ կոչ կարվի պատվաստվել COVID-19-ի դեմ։ Եթե մեկ ամսվա ընթացքում քաղաքացին չպատվաստվի, կտուգանվի։  Ավստրիայի բնակչության շրջանում հակասական վերաբերմունք կա կորոնավիրուսի դեմ պարտադիր պատվաստման երևույթի նկատմամբ։ Այս միջոցի կողմնակիցները հայտարարում են, որ այդպիսով նրանք իրենց համերաշխությունն են հայտնում հանրությանը։ Զուգահեռաբար, կորոնավիրուսի դեմ պատվաստման տասնյակ հազարավոր ընդդիմադիրներ, վերջին մի քանի շաբաթների ընթացքում, ի նշան իրենց բողոքի, պարբերաբար դուրս են գալիս փողոցներ։  Շարունակությունը՝ hetq.am կայքում
17:54 - 05 փետրվարի, 2022
Վարչապետ Փաշինյանն ընդունել է Ավստրիայի ԱԳ նախարար Ալեքսանդր Շալենբերգին

Վարչապետ Փաշինյանն ընդունել է Ավստրիայի ԱԳ նախարար Ալեքսանդր Շալենբերգին

Վարչապետ Նիկոլ Փաշինյանն ընդունել է աշխատանքային այցով Երևանում գտնվող Ավստրիայի արտաքին գործերի նախարար Ալեքսանդր Շալենբերգի գլխավորած պատվիրակությանը: Այս մասին հայտնում են վարչապետի աշխատակազմից։  Վարչապետը ողջունել է պարոն Շալենբերգի այցը մեր երկիր և հույս հայտնել, որ այն նոր ազդակ կհաղորդի հայ-ավստրիական հարաբերությունների հետագա զարգացմանն ու ամրապնդմանը: Նշելով, որ այս տարի լրացել է Հայաստանի և Ավստրիայի միջև դիվանագիտական հարաբերությունների հաստատման 30-ամյակը՝ կառավարության ղեկավարն ընդգծել է, որ երկու երկրների միջև առկա փոխգործակցության մեծ ներուժ կա: Այն իրացնելու համատեքստում վարչապետը կարևորել է քաղաքական, տնտեսական և հումանիտար ոլորտներում Հայաստանի ու Ավստրիայի կառավարությունների ակտիվ փոխգործակցության անհրաժեշտությունը: Միաժամանակ, Նիկոլ Փաշինյանը ողջունել է Երևանում հայ-ավստրիական գործարար ֆորումի անցկացումը, ինչը կնպաստի մասնավոր հատվածների միջև կապերի ընդլայնմանը, համատեղ նոր ներդրումային ծրագրերի մշակմանն ու իրականացմանը, երկկողմ առևտրաշրջանառության ծավալների ավելացմանը: Ալեքսանդր Շալենբերգը նշել է, որ Հայաստանի իր գործընկերոջ հետ ունեցել է արդյունավետ բանակցություններ և նշել, որ Ավստրիան շահագրգիռ է Հայաստանի հետ համագործակցության խորացմամբ բոլոր ուղղություններով: Ավստրիայի ԱԳ նախարարը ևս կարևորել է տնտեսության ոլորտում փոխգործակցության ընդլայնումը և հավելել, որ ավստրիացի գործարարները մեծապես հետաքրքրված են մեր երկրում գործունեություն ծավալելու հնարավորություններով: Ալեքսանդր Շալենբերգը ողջունելի է համարել ժողովրդավարության զարգացման ու ամրապնդման ուղղությամբ ՀՀ կառավարության կողմից իրականացվող բարեփոխումները՝ ընդգծելով, որ իր երկիրը պատրաստ է օժանդակել Հայաստանին դրանց հետագա արդյունավետ ընթացքն ապահովելու գործում:   Նիկոլ Փաշինյանը և Ալեքսանդր Շալենբերգն անդրադարձել են նաև Հարավային Կովկասի տարածաշրջանում տեղի ունեցող զարգացումներին, Լեռնային Ղարաբաղի հակամարտությանը՝ ընդգծելով ԵԱՀԿ Մինսկի խմբի համանախագահության շրջանակում բանակցային գործընթացի վերսկսման ու համապարփակ կարգավորման անհրաժեշտությունը: Այդ առումով, կարևորվել է ՄԽ համանախագահների տարածաշրջան նախատեսվող այցի իրականացումը: Քննարկվել են նաև Հայաստանի և Ադրբեջանի միջև սահմանազատման ու սահմանագծման հնարավորություններին և դրա համար անհրաժեշտ պայմանների ապահովմանը վերաբերող հարցեր:
18:00 - 03 փետրվարի, 2022