Չինաստան

Չինաստանը (ամբողջական անունը՝ Չինաստանի Ժողովրդական Հանրապետություն) սոցիալիստական պետություն է Ասիայի արեւելքում։ Տարածքով (9,6 մլն կմ2) ամենամեծ երկիրն է արեւելյան Ասիայում եւ, ըստ տարբեր հաշվարկների, երրորդը կամ չորրորդն աշխարհում։ Բնակչության թվով ամենախոշոր երկիրն է՝ 1.294,4 մլրդ մարդ։ Պետությունը ղեկավարվում է կոմունիստական կուսակցության կողմից։ Մայրաքաղաքը Պեկինն է։

Չինաստանը բաղկացած է 22 գավառներից, 5 ինքնավար շրջաններից, 4 ուղիղ-ղեկավարվող քաղաքներից, 2 գրեթե ինքնավար քաղաքներից (Հոնկոնգ եւ Մակաո) եւ իր սուվերենությունը պնդող Թայվանից։

ՉԺՀ-ի նախագահը համարվում է պետության գլխավորը եւ հանդես է գալիս Չինաստանի ազգային կոնգրեսի անունից: Երկրի գործող նախագահն է Սի Ցզինպինը, որը միեւնույն ժամանակ Չինաստանի կոմունիստական կուսակցության գլխավոր քարտուղարն է, եւ Չինաստանի կենտրոնական ռազմական խորհրդի նախագահն է, որոնցով նա հանդիսանում է Չինաստանի գլխավոր առաջնորդ։

Չինաստանը և Հարավ-արևելյան Ասիայի պետությունների ասոցիացիայի երկրները տնտեսական գործընկերության մասին համաձայնագիր են ստորագրել |armenpress.am|

armenpress.am: Չինաստանը, Հարավ-արևելյան Ասիայի պետությունների ասոցիացիայի անդամ 10 երկրներ, ինչպես նաև Ճապոնիան, Հարավային Կորեան, Ավստրալիան և Նոր Զելանդիան տարածաշրջանային տնտեսական գործընկերության մասին համաձայնագիր են ստորագրել: Այս մասին հայտնում է «ՌԻԱ նովոստի»-ն: Համաձայնագրի ստորագրման արարողությունը կայացել է Հարավ-արևելյան Ասիայի պետությունների ասոցիացիայի ամենամյա գագաթնաժողովի ընթացքում՝ տեսակապի ձևաչափով:

12:16 - 15 նոյեմբերի, 2020

Չինաստանը շնորհավորում է Ջո Բայդենին հաղթանակի կապակցությամբ |azatutyun.am|

azatutyun.am: Պաշտոնական Պեկինը շնորհավորել է ընտրյալ նախագահ Ջո Բայդենին ընտրություննեում հաղթելու կապակցությամբ: «Չինաստանը հարգում է Ամերիկայի ժողովրդի ընտրությունը և շնորհավորում է դեմոկրատական թեկնածու Ջո Բայդենին, միաժամանակ մենք հաշվի ենք առնում այն հանգամանքը, որ ԱՄՆ-ում ընտրությունների արդյունքները կամփոփվեն ամերիկյան համապատասխան օրենքով»,- այսօր հայտարարել է Չինաստանի արտաքին գործերի նախարարության պաշտոնական ներկայացուցիչ Վան Վենբինը: Ջո Բայդենին հաղթանակի կապակցությամբ շնորհավորել են մեծ թվով պետություններ և միջազգային հաստատություններ: Ռուսաստանը դեռ պաշտոնապես չի շնորհավորել Բայդենին, սակայն ընդգծել է, որ «Կրեմլը պատրաստ է համագործակցել ԱՄՆ հաջորդ նախագահի հետ»: Գործող հանրապետական նախագահ Դոնալդ Թրամփը դեռ հրաժարվում է ճանաչել մրցակցի հաղթանակը և շնորհավորել նրան:

13:48 - 13 նոյեմբերի, 2020

Չինաստանը հորդորել Է հրաժարվել երկակի ստանդարտներից ահաբեկչության դեմ պայքարի հարցերում |armenpress.am|

armenpress.am: Չինաստանը Ֆրանսիայում տեղի ունեցած հարձակումից հետո երկրներին հորդորել Է հրաժարվել երկակի ստանդարտներից ահաբեկչության դեմ պայքարի հարցերում: Այդ մասին հոկտեմբերի 30-ին կայացած ճեպազրույցում հայտարարել Է ՉԺՀ-ի ԱԳ նախարարության պաշտոնական ներկայացուցիչ Վան Վենբինը: «Ես կցանկանայի ասել, որ, իսկապես, մենք նույնպես զգացել ենք, որ մի շարք երկրներ պաշտպանում են երկակի ստանդարտները ահաբեկչության դեմ պայքարի հարցերում եւ այն հարցերում, որոնք վերաբերում են չինական Սինցզյանին: Մենք կարծում ենք, որ դա չի համապատասխանում ահաբեկչության դեմ պայքարի հարցում միջազգային հանրակցության ընդհանուր շահերին»,-պատասխանել Է դիվանագետը Փարիզի եւ մի շարք այլ երկրների այն հակազմանը մեկնաբանելու խնդրանքին, որը վերաբերում Է Ֆրանսիայում իրադրության սրմանը: Նրա խոսքով՝ «հարկ Է հրաժարվել երկակի ստանդարտներից ահաբեկչության դեմ պայքարի հարցերում եւ հարկավոր չԷ միջամտել Չինաստանի ներքին գործերին՝ որպես պատրված օգտագործելով Սինցզյանի հետ կապված հարցերը»: Հոկտեմբերի 29-ին դանակով զինված տղամարդը Նիսի կենտրոնում հարձակվել Է Նոտր Դամ եկեղեցու ծխականների վրա: Միջադեպի հետեւանքով զոհվել Է երեք մարդ: Հարձակվողը ձերբակալված Է: «Նա «Ալլահ աքբար» Էր գոռում նույնիսկ այն ժամանակ, երբ նրան բուժօգնություն Էին ցուցաբերում ձերբակալելուց հետո»,-լրագրողներին պատմել Է Նիսի քաղաքագլուխը: Բոլորը նշում են, որ տեղի ունեցածն ահաբեկչական գործողություն Է, ընդգծել Է քաղաքապետը: Քաղաք Էր ժամանել նաեւ Ֆրանսիայի նախագահ Էմանուել Մակրոնը: ԱՄՆ-ը եւ իր դաշնակիցները կանոնավոր կերպով մեղադրում են Չինաստանին Սինցզյան-Ույղուրական ինքնավար օկրուգում ույղուր Էթնիկ փոքրամասնության իրավունքները խախտելու մեջ, Պեկիին այդ մեղադրանքները կտրականապես հերքում Է, հաղորդել Է ՌԻԱ Նովոստին:

16:29 - 30 հոկտեմբերի, 2020

Միջուկային զենքի արգելման պայմանագիրն ուժի մեջ կմտնի 2020 թ. հունվարի 22-ից |tert.am|

tert.am: Միջուկային զենքի արգելման մասին պայմանագիրը ուժի մեջ կմտնի 2021 թ. հունվարի 22-ից, հաղորդում է ТАСС-ը՝ հղում անելով Միջուկային զենքի արգելման միջազգային շարժման (ICAN) հաղորդագրությանը: Պայմանագիրը վավերացվել է 50 երկրի կողմից: «Սա միջուկային զինաթափման ոլորտում նոր փուլ է: Տասնյակ տարիների ակտիվ աշխատանքի արդյունքում հնարավոր եղավ հասնել նրան, ինչը շատերն անհնար էին համարում: Այսպիսով, միջուկային զենքն արգելված է»,- հայտարարել է ICAN-ի գործադիր տնօրեն Բեատրիս Ֆինը: Միջուկային զենքի արգելման պայմանագիրն ընդունվել է 2017 թ. հուլիսի 7-ին, Նյու Յորքում 122 պետության հավանությամբ, այդ թվում՝ Ռուսաստանի, Մեծ Բրիտանիայի, Չինաստանի, ԱՄՆ-ի և Ֆրանսիայի, այն է՝ ՄԱԿ-ի Անվտանգության խորհրդի մշտական 5 անդամների: Պայմանագրին միացած պետությունները պարտավորվում են երբեք և որևէ պարագայում չմշակել, չփորձարկել, չարտադրել և չկուտակել միջուկային զենք, ինչպես նաև՝ չկիրառել այն կամ էլ հանդես գալ նման սպառնալիքով, ինչպես նաև՝ իրենց տարածքում չտեղակայել այլ պետության միջուկային զենքը:

09:47 - 25 հոկտեմբերի, 2020

Չինաստանն անիմաստ Է համարել սպառազինությունների շուրջ բանավեճերի եռակողմ ձեւաչափը |armenpress.am|

15:56 - 13 հոկտեմբերի, 2020

Մխիթար Հայրապետյանը Չինաստանի հավատարմարարին ներկայացրել է շփման գծում տիրող իրավիճակը

ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը այցելել է Հայաստանում Չինաստանի Ժողովրդական Հանրապետության դեսպանության նոր մասնաշենք և հանդիպում ունեցել ՀՀ-ում ՉԺՀ դեսպանության գործերի ժամանակավոր հավատարմատար Ճոու Հունյուի հետ: Այս մասին հայտնեցին Մխիթար Հայրապետյանի գրասենյակից: Մխիթար Հայրապետյանը պարոն Հունյուին, դեսպանության աշխատակիցներին և, ի դեմս նրանց՝ Չինաստանի ողջ ժողովրդին շնորհավորել է ազգային տոնի՝ Չինաստանի Ժողովրդական Հանրապետության հիմնադրման 71-րդ տարեդարձի առթիվ: ԱԺ պատգամավորը հանդիպման ընթացքում մանրամասն ներկայացրել է շփման գծի ողջ երկայնքով թուրք-ադրբեջանական ագրեսիայի հետևանքով ստեղծված իրավիճակը, խոսել է նաև Հայաստանի ու Արցախի խաղաղ բնակչության և քաղաքացիական ենթակառուցվածքների դիտավորյալ թիրախավորման վերաբերյալ՝ ուշադրություն հրավիրելով ռազմական գործողություններում Ադրբեջանի զինված ուժերում, ըստ հավաստի տեղեկությունների, հենց Թուրքիայի միջոցով վարձկան ահաբեկիչների ներգրավման հանգամանքի վրա։ Հայրապետյանը դեսպանության գործերի ժամանակավոր հավատարմատարին հայտնել է, որ այն ռազմական գործողությունները, որոնք վերջին օրերին իրականացվում են հայկական զինված ուժերի կողմից ի պատասխան թուրք-ադրբեջանական դաշինքի ագրեսիայի, ոչ միայն լուծում են մեր հարենակիցների ֆիզիկական անվտանգության խնդիրը, այլև միտված են տարածաշրջանում անվտանգության և կայունության ամրապնդմանը, ինչպես նաև Էրդողանի՝ պանթյուրքական ծրագրերի խափանմանը: Պարոն Հունյուն էլ, իր հերթին, վերահաստատել է Չինաստանի դիրքորոշումն Արցախյան հիմնախնդրի շուրջ՝ հույս հայտնելով, որ խնդիրը կհանգուցալուծվի խաղաղ բանակցությունների միջոցով:

15:59 - 02 հոկտեմբերի, 2020

ՉԺՀ ԱԳՆ-ն հուսով է, որ ԼՂ հակամարտության կողմերը կխուսափեն լարվածության հետագա աճից |armenpress.am|

armenpress.am: Չինաստանի ԱԳՆ-ում հուսով են, որ ղարաբաղյան հակամարտության մեջ ներգրավված կողմերը սառը դատողությամբ կառաջնորդվեն, կցուցաբերեն զսպվածություն, կխուսափեն լարվածության հետագա աճից և կլուծեն խնդիրները քաղաքական երկխոսության միջոցով: Այս մասին նշել է ՉԺՀ ԱԳՆ մամուլի խոսնակ Վանգ Վենբինի՝ պատասխանելով «Reuters» լրատվական գործակալության հարցին։ Հարցի ու պատասխանի ոչ պաշտոնական թարգմանությունը ներկայացվում է ամբողջությամբ։ Հարց․ Կիրակի օրը Լեռնային Ղարաբաղում Հայաստանի և Ադրբեջանի միջև տեղի ունեցած լուրջ բախումների հետևանքով զոհվել է առնվազն 16 զինվորական և մի քանի քաղաքացիական անձ: Սա կասկածի տակ է դնում կայունությունը Հարավային Կովկասում, որը հանդիսանում է գազա- և նավթամուղների անցման կարևոր միջանցք: Ինչպե՞ս կմեկնաբանեք այս իրավիճակը: Վանգ Վենբին․ Մենք ստացել ենք համապատասխան զեկույցներ: Տարածաշրջանում խաղաղության և կայունության պահպանումը բխում է բոլոր կողմերի շահերից, այդ թվում՝ Հայաստանի և Ադրբեջանի: Հույս ունենք, որ ներգրավված կողմերը սառը դատողությամբ կառաջնորդվեն, կցուցաբերեն զսպվածություն, կխուսափեն լարվածության հետագա աճից և կլուծեն խնդիրները քաղաքական երկխոսության միջոցով:

00:07 - 30 սեպտեմբերի, 2020

Չինաստանը Լեռնային Ղարաբաղի իրադրության ապաԷսկալացիայի կոչ Է արել |armenpress.am|

armenpress.am: Չինաստանի կառավարությունը Հայաստանին եւ Ադրբեջանին Լեռնային Ղարաբաղի իրադրության շուտափույթ ապաԷսկալացիայի եւ երկխոսության միջոցով տարաձայնությունների կարգավորման կոչ Է արել: Սեպտեմբերի 28-ին կայացած ճեպազրույցում այդ մասին հայտարարել Է ՉԺՀ-ի արտգործնախարարության պաշտոնական նեկայացուցիչ Վան Վենբինը: «Չինաստանը կարծում Է, որ տարածաշրջանում խաղաղության եւ կայունության պահապնումը համապատասխանում Է բոլոր կողմերի, ներառյալ Հայաստանի եւ Ադրբեջանի շահերին: Հուսով ենք, որ համապատասխան կողմերը հանդես կբերեն զսպվածություն եւ միջոցներ կձեռնարկեն՝ բախումների հետագա սաստկացումից խուսափելու համար»,- նշել Է նա: «Հույս ենք հայտնում, որ նրանք տարաձայնությունները կգարգավորեն քաղաքական երկխոսության միջոցով»,- հավելել Է դիվանագետը:

14:23 - 28 սեպտեմբերի, 2020

Վարչապետն ընդունել է Հայաստանում Չինաստանի դեսպան Թիան Էրլունին

Վարչապետ Նիկոլ Փաշինյանն այսօր ընդունել է Հայաստանում Չինաստանի արտակարգ և լիազոր դեսպան Թիան Էրլունին, ով ավարտում է դիվանագիտական առաքելությունը մեր երկրում: Վարչապետի աշխատակազմի տեղեկատվության և հասարակայնության հետ կապերի վարչությունը հայտնում է, որ Փաշինյանը նշել է՝ դեսպանի պաշտոնավարման տարիներին երկու պետությունների համագործակցությունը տարբեր ուղղություններով եղել է սերտ ու արդյունավետ: Վարչապետն ընդգծել է, որ ՀՀ կառավարությունը շահագրգռված է Չինաստանի հետ գործակցությունն ընդլայնել ու առավել ամրապնդել: Թիան Էրլունը ասել է, որ չինական կողմը ևս հետաքրքրված է Հայաստանի հետ քաղաքական, տնտեսական և հումանիտար կապերի ընդլայնմամբ: Դեսպանի խոսքով՝ անցած տարիների ընթացքում երկու պետությունների միջև աճել է առևտրաշրջանառությունը, ընդլայնվել են հումանիտար կապերը: Նա վստահություն է հայտնել, որ երկկողմ համագործակցության մեծ ներուժը կիրացվի առաջիկա տարիների ընթացքում, ինչի հիմքը Հայաստանի և Չինաստանի կառավարությունների կամքն է: Հանդիպման ընթացքում զրուցակիցները քննարկել են նաև ճանապարհաշինության, ենթակառուցվածքների զարգացման, զբոսաշրջության, առողջապահության, կրթական ոլորտներում համագործակցությանը և նոր ծրագրերի իրականացմանը վերաբերող հարցեր:

19:27 - 23 սեպտեմբերի, 2020

ՀՀ-ն և ՉԺՀ-ն շահագրգռված են համագործակցության զարգացմամբ. վարչապետի և դեսպանի հրաժեշտի հանդիպումը

Վարչապետ Նիկոլ Փաշինյանն ընդունել է Հայաստանում Չինաստանի արտակարգ և լիազոր դեսպան Թիան Էրլունին, ով ավարտում է դիվանագիտական առաքելությունը մեր երկրում: Այս մասին հայտնում են ՀՀ վարչապետի աշխատակազմի տեղեկատվության և հասարակայնության հետ կապերի վարչությունից։ Վարչապետը շնորհակալություն է հայտնել դեսպանին ակտիվ գործունեությամբ հայ-չինական հարաբերությունների զարգացմանը նպաստելու համար և նշել, որ նրա պաշտոնավարման տարիներին երկու պետությունների համագործակցությունը տարբեր ուղղություններով եղել է սերտ ու արդյունավետ: Նիկոլ Փաշինյանն ընդգծել է, որ ՀՀ կառավարությունը շահագրգռված է Չինաստանի հետ գործակցությունն ընդլայնել ու առավել ամրապնդել: Վարչապետի խոսքով՝ դրա համար լավ հիմք են նախորդ տարի Պեկինում ունեցած իր քննարկումները ՉԺՀ նախագահի և վարչապետի հետ: Թիան Էրլունը շնորհակալություն է հայտնել վարչապետին և ՀՀ կառավարությանը համագործակցության համար՝ հավելելով, որ չինական կողմը ևս հետաքրքրված է Հայաստանի հետ քաղաքական, տնտեսական և հումանիտար կապերի ընդլայնմամբ: Դեսպանի խոսքով՝ անցած տարիների ընթացքում երկու պետությունների միջև աճել է առևտրաշրջանառությունը, ընդլայնվել են հումանիտար կապերը: Նա վստահություն է հայտնել, որ երկկողմ համագործակցության մեծ ներուժը կիրացվի առաջիկա տարիների ընթացքում, ինչի հիմքը Հայաստանի և Չինաստանի կառավարությունների կամքն է: Հանդիպման ընթացքում զրուցակիցները քննարկել են նաև ճանապարհաշինության, ենթակառուցվածքների զարգացման, զբոսաշրջության, առողջապահության, կրթական ոլորտներում համագործակցությանը և նոր ծրագրերի իրականացմանը վերաբերող հարցեր: Վարչապետ Փաշինյանը շնորհակալություն է հայտնել չինական կողմին մեր երկրին 200 շտապ օգնության ավտոմեքենաներ նվիրաբերելու համար:

18:55 - 23 սեպտեմբերի, 2020

Նորակառույց դեսպանատուն Երևանում. Չինաստանի նոր հայտը ՀՀ-ի հետ հարաբերությունների զարգացման գործում |armenpress.am|

armenpress.am: Չինաստանի կողմից նոր դեսպանատան կառուցումը Հայաստանը դիտարկում է որպես նոր հայտ հայ-չինական հարաբերությունները ավելի բարձ մակարդակի բարձրացնելու ուղղությամբ: Չինաստանի նորակառույց դեսպանատանը կազմակերպած շրջայցի հետո այս մասին ասաց ՀՀ նախագահ Արմեն Սարգսյանը: «Չինաստանը կարող է հպարտ լինել այսպիսի մեծ ներկայությամբ, և մենք էլ սա դիտարկում ենք որպես Չինաստանի կողմից հայտ, որ հայ-չինական հարաբերությունները կարող են ավելի բարձր մակարդակի լինել և ավելի խորանալ: Մեր համագործակցությունը երկու երկրների միջև, չնայած իրենց տարբեր չափերին (փոքր Հայաստան և մեծ Չինաստան), երկուսն էլ ունեն շատ մեծ ընդհանրություններ, երկուսն էլ ինչ-որ իմաստով համաշխարհային ազգեր են, որովհետև չինական մշակույթը և ազգը ամբողջ աշխարհով է տարածված և նույնն էլ՝ հայ ժողովրդի»,- ասաց Սարգսյանը: Նախագահի կարծիքով` համագործակցության բազմաթիվ ուղղություններ կան նախ և առաջ անվտանգության և գյուղատնտեսության ոլորտներում: Սարգսյանը նոր տեխնոլոգիաների ոլորտում Չինաստանի հետ համագործակցության նոր հորիզոններ է տեսնում, որովհետև ապագայում աշխարհը հագեցած է լինելու դրանցով` արհեստական բանականությունից մինչև կենսաբանական ոլորտները, որովհետև երկու երկրները համատեղ գիտական, գիտատնտեսական, գիտահետազոտական զարգացման հնարավորություններ ունեն: «Այնպես որ, շատ դրական եմ նայում մեր հետակագա համագործակցությանը»,- նշեց Նախագահը: Նա դեսպանին առաջարկել է, որ Հայաստանի հետ համագործակցությունը ոչ միայն տնտեսության ոլորտում զարգանա, այլ նաև զարգանա կրթության ոլորտում, որովհետև այնտեղ նույնպես ներուժ կա, ինչպես նաև մշակույթի ոլորտում. երկուսն էլ հին ժողովուրդներ են, ունեն հսկայական պատմություն և արվեստ, և ժամանակակից մշակույթ: «Ամեն ինչ կախված է մեզանից` կանե՞նք, թե ոչ»: Հայաստանում Չինաստանի դեսպան Թիան Էրլուն բարձր տեխնոլոգիաների ոլորտը երկու երկրների միջև համագործակցության ամենահեռանկարային ոլորտներից է համարում: «Ժամանակակից աշխարհը առաջ չի գնա առանց բարձր տեխնոլոգիաների զարգացման: Նույնիսկ կորոնավիրուսային համաճարակը դա ապացուցեց, թե ինչքան կարևոր են ՏՏ տեխնոլոգիաները, օնլայն բիզնեսը և այլն, ուստի, կարծում եմ, որ մեծ Չինաստանի և փոքր Հայաստանի համար բարձր տեխնոլոգիաները այն օղակն են, որը մեզ համախմբում է, և աշխարհագրական հեռավորությունը խոչընդոտ չէ: Կարծում եմ, որ նախագահը բացարձակապես ճիշտ է, որ հեռանկարային ուղղություններից է նաև բարձր տեխնոլոգիաների ոլորտը»,- եզրափակեց դեսպանը:

14:38 - 23 սեպտեմբերի, 2020

Չինաստանի ԱԳՆ-ն ՄԱԿ-ի Գլխավոր ասամբլեայի նստաշրջանում պատասխանել Է Թրամփի մեղադրանքներին |armenpress.am|

armenpress.am: Չինաստանը ՄԱԿ-ի Գլխավոր ասամբլեայի նստաշրջանում բողոք Է հայտնում ԱՄՆ-ի հայտարարությունների առնչությամբ: Այդ մասին, ինչպես տեղեկացնում Է «Արմենպրես»-ը, ասվում Է ՉԺՀ-ի ԱԳ նախարարության հայտարարության մեջ: Ավելի վաղ ԱՄՆ-ի նախագահ Դոնալդ Թրամփը Չինաստանին եւ ԱՀԿ-ին մեղադրել Է այն բանում, որ նրանք հանդես են եկել այն մասին ստահոդ հայտարարություններով, որ վիրուսը մարդուց մարդուն չի փոխանցվում, ինչպես նաեւ, որ այն մարդիկ, որոնք ախտանշաններ չունեն, վիրուսը չեն փոխանցում: Նա նաեւ կոչ Է արել ՄԱԿ-ին՝ Չինաստանին պատասխանատվության ենթարկել կորոնավիրուսի տարածման համար: «Ցավոք սրտի, հակառակ փաստերի, ամերիկյան կողմը ՄԱԿ-ի ամբիոնն օգտագործել Է լուրեր մոգոնելու, անհիմն մեղադրանքների եւ Չինաստանին արատովորելու համար՝ ելնելով դատապարտելի քաղաքական նպատակներից: Չինական կողմը վճռական բողոք Է հայտնում»,-ասվում Է տարածված հայտարարության մեջ, հաղորդել Է ՌԻԱ Նովոստին:

12:33 - 23 սեպտեմբերի, 2020

Արսեն Թորոսյանը հեռախոսազրույց է ունեցել Չինաստանի դեպանի հետ

Այսօր Հայաստանի Հանրապետության առողջապահության նախարար Արսեն Թորոսյանը հեռախոսազրույց է ունեցել Հայաստանում իր դիվանագիտական առաքելությունն ավարտող Չինաստանի Ժողովրդական Հանրապետության (ՉԺՀ) արտակարգ և լիազոր դեսպան Տյան Էռլոնի հետ: Բարձր գնահատելով Չինաստանի ժողովրդի, կառավարության և դեսպանության օժանդակությունը Հայաստանի առողջապահության բնագավառի զարգացման գործին` նախարարը երախտագիտություն է հայտնել դեսպանին, շեշտելով նրա անձնական ջանքերը` աջակցության ու փոխգործակցության ծրագրերի իրագործման ուղղությամբ: Արսեն Թորոսյանը հատկապես ընդգծել է Չինաստանի կողմից տրամադրված նյութատեխնիկական, մասնագիտական-խորհրդատվական օգնության կարևորությունը COVID-19 դեմ դժվարին պայքարի ընթացքում: Կողմերը քննարկել են նաև կորոնավիրուսի դեմ մշակվող չինական պատվաստանյութերի կիրառման և Չինաստանի աջակցությամբ Հայաստանի առողջապահական համակարգը նոր սարքավորումներով հագեցնելու ուղղությամբ հետագա համագործակցության հնարավորությունը: Հաջողություն մաղթելով դեսպանի հետագա գործունեությանը` նախարարը վստահություն է հայտնել, որ ՉԺՀ նոր դեսպանի հետ արդյունավետորեն կշարունակվեն համագործակցության երկկողմ ծրագրերը:

21:49 - 22 սեպտեմբերի, 2020

Չինաստանը ՄԱԿ-ին կտրամադրի 50 մլն դոլար կորոնավիրուսի դեմ պայքարելու համար |armenpress.am|

armenpress.am: Չինաստանը Միացյալ ազգերի կազմակերպությանը կտրամադրի 50 մլն դոլար կորոնավիրուսի հետևանքների դեմ պայքարելու համար: Ինչպես հաղորդում է «ՌԻԱ նովոստի»-ն, այս մասին սեպտեմբերի 22-ին ՄԱԿ-ի հիմնադրման 75-ամյակին նվիրված գագաթնաժողովին տեսաուղերձով հայտնել է Չինաստանի ժողովրդական Հանրապետության նախագահ Սի Ցզինպինը: «Չինաստանը ևս 50 մլն դոլար կտրամադրի Covid-19-ին արձագանքման ՄԱԿ-ի գլոբալ հումանիտար ծրագրին», հայտնել է նա:

21:27 - 22 սեպտեմբերի, 2020

Սի Ծինփինը շնորհավորական ուղերձ է հղել Արմեն Սարգսյանին ՀՀ Անկախության տոնի առիթով

Չինաստանի Ժողովրդական Հանրապետության նախագահ Սի Ծինփինը շնորհավորական ուղերձ է հղել Հայաստանի Հանրապետության նախագահ Արմեն Սարգսյանին՝ Հայաստանի Անկախության օրվա առթիվ: Այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից: Չինաստանի նախագահի ուղերձում մասնավորապես ասվում է. «Չինաստանի Ժողովրդական Հանրապետության ժողովրդի, կառավարության և անձամբ իմ անունից իմ անկեղծ շնորհավորանքներն ու բարեմաղթանքներն եմ հղում Ձեզ և Հայաստանի բարեկամ ժողովրդին: Չինաստանն ու Հայաստանն ավանդաբար բարեկամական երկրներ են, որոնք միմյանց հաստատուն աջակցություն են ցուցաբերում երկու երկրների առանցքային շահերից բխող հարցերում: COVID-19 համավարակի դեմ համատեղ պայքարն արտացոլում է երկկողմ հարաբերությունների բարձր մակարդակն ու մեր ժողովուրդների միջև եղած խոր ու անկեղծ բարեկամությունը: Ես մեծ նշանակություն եմ տալիս չին-հայկական հարաբերությունների զարգացմանը և պատրաստ եմ Ձեզ հետ միասին համատեղ ջանքեր գործադրել՝ բազմաոլորտ համագործակցությունը նոր մակարդակի բարձրացնելու համար»:

10:32 - 21 սեպտեմբերի, 2020

COVID-19. Աշխարհում վարակվածների թիվն անցել է 30 մլն 700 հազարը |armenpress.am|

armenpress.am: Աշխարհում նոր տիպի կորոնավիրուսային վարակի՝ COVID-19-ի հաստատված դեպքերի թիվն անցել է 30 միլիոն 701 հազարից: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 956 հազարից: Ապաքինվել է ավելի քան 22 միլիոն 341 հազար մարդ: Վիրուսով վարակվածների թվով առաջին տեղում գտնվող ԱՄՆ-ում 6 մլն 925 հազար 941 հաստատված դեպք կա: Այստեղ մահացածների թիվը 203 հազար 171 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում հայտնված Հնդկաստանում հաստատված դեպքերի թիվը հասել է 5 մլն 308 հազար 014-ի, մահերինը՝ 85 հազար 625-ի: Հաջորդ տեղում Բրազիլիան է, որտեղ, ընդհանուր առմամբ, կորոնավիրուսով վարակվել է 4 հազար 497 հազար 434 մարդ: Երկրում վարակի հետևանքով մահացել է՝ 135 հազար 857: Վարակվածների թվով չորրորդ տեղում հայտնված Ռուսաստանն առանձնանում է 1 մլն 091 հազար 186 դեպքով: Վարակի բռնկումից ի վեր կորոնավիրուսի հետևանքով Ռուսաստանում մահացել է 19 հազար 195 մարդ: Վարակվածների թվով հաջորդ տեղում Պերուն է, որտեղ վարակվածների ընդհանուր թիվը 756 հազար 412 է, մահերինը՝ 31 հազար 283: Վարակվածների թվով տասնյակում են Կոլումբիան, Մեքսիկան, Հարավային Աֆրիկան, Իսպանիան, Արգենտինան: Տարածաշրջանային երկրներից Իրանն առանձնանում է 416 հազար 198 վարակվածության ընդհանուր, 23 հազար 952 մահվան դեպքով: Թուրքիան վարակվածների ընդհանուր թվով 19-րդ տեղում է: Այստեղ կա կորոնավիրուսով վարակվածության 299 հազար 810 հաստատված դեպք: Վարակի հետևանքով մահացել է 7 հազար 377 մարդ: Վրաստանում հաստատված դեպքերի թիվը հասել է 3 հազար 306-ի, վերջին մեկ օրում 187 նոր դեպք է արձնագրվել: Վարակի բռնկումից ի վեր այստեղ մահացել է 19 մարդ: Վարակի ծագման երկիր Չինաստանը հայտվել է 41-րդ տեղում: Հաստատված ընդհանուր դեպքերի թիվը 85 հազար 269 է, որից ապաքինվել է 80 հազար 464-ը: Մահերի թիվը կազմում է 4 հազար 634: Արաբական երկրներից վարակվածների թվով աաջատար է Սաուդիան Արաբիան, որտեղ 328 հազար 720 հաստատված դեպք կա: Կատարում հաստատված դեպքերի թիվը կազմում է 122 հազար 917 հազար մահերինը՝ 209: Եգիպտոսում 101 հազար 772 հաստատված դեպք կա, մահացել է 5 հազար 733 մարդ: Լիբանանում կա 27 հազար 518 վարակի հաստատված դեպք: Մահացության ցուցանիշը կազմում է 281: Սիրիայում վարակվածների թիվը հասել է 3 հազար 731-ի: Մահացել է 168 մարդ:

11:31 - 19 սեպտեմբերի, 2020