ԶՈՒ Գլխավոր շտաբ

ԳՇ պետն ընդունել է Չինաստանի դեսպանին․ կողմերը բարձր են գնահատել համագործակցության մակարդակը պաշտպանական ոլորտում

ՀՀ ԶՈՒ ԳՇ պետ, պաշտպանության նախարարի 1-ին տեղակալ, գեներալ-մայոր Էդվարդ Ասրյանն ընդունել է ՀՀ-ում ՉԺՀ-ի արտակարգ և լիազոր դեսպան Ֆան Յունին։ Այս մասին հայտնում են ՀՀ ՊՆ-ից։ Հանդիպմանը ներկա էր նաև Չինաստանի դեսպանության պաշտպանական հարցերով կցորդ ավագ գնդապետ Ան Ցյանը։ Կողմերը բարձր են գնահատել երկկողմ համագործակցության մակարդակը, այդ թվում՝ պաշտպանական ոլորտում։ Զրուցակիցները պատրաստակամություն են հայտնել շարունակել համագործակցությունը խաղաղապահության, ռազմական կրթության և բժշկության, ինչպես նաև բարձրաստիճան պատվիրակությունների փոխադարձ այցելությունների կազմակերպման հարցերում։

11:11 - 19 դեկտեմբերի, 2022

Սուրեն Պապիկյանը ԳՇ պետի և Լոռու մարզպետի ուղեկցությամբ այցելել է բանակային զորամիավորումներից մեկը

Դեկտեմբերի 2-ին ՀՀ պաշտպանության նախարար Սուրեն Պապիկյանը՝ ԶՈՒ ԳՇ պետ,պաշտպանության նախարարի առաջին տեղակալ, գեներալ-մայոր Էդվարդ Ասրյանի ևԼոռու մարզպետ Արամ Խաչատրյանի ուղեկցությամբ, այցելել է N բանակայինզորամիավորում: Զորամասերից մեկում պաշտպանական գերատեսչության ղեկավարը հանդիպել է հատուկ նշանակության և դեսանտագրոհային ստորաբաժանումների զինծառայողներիհետ, հետաքրքրվել ծառայության կազմակերպման ընթացքով, առկա խնդիրներով, անձնակազմի հանդերձավորման և հաստիքային սպառազինության հետ կապվածհարցերով: Այնուհետև Սուրեն Պապիկյանը և գեներալ-մայոր Էդվարդ Ասրյանը հանդիպել ուզրուցել են ուսումնական գումարտակի ժամկետային զինծառայողների հետ,հաջողություններ մաղթել առաջիկա ավարտական քննությունների կապակցությամբ: Պաշտպանության նախարարը պատասխանել է զինվորներին հետաքրքրող հարցերին,ներկայացրել ԶՈՒ-ում մեկնարկած բարեփոխումների ընթացքի վերաբերյալ մանրամասներ: Պաշտպանության նախարարը և ԶՈՒ ԳՇ պետ, պաշտպանության նախարարի 1-ին տեղակալը հարգանքի տուրք են մատուցել 2020 թվականի պատերազմում անմահացած հերոսների հիշատակին:Այցի ավարտին նախարար Պապիկյանը ծանոթացել է զորամասի տարածքում կառուցվող նորզորանոցի շինարարական աշխատանքների ընթացքին:

17:06 - 02 դեկտեմբերի, 2022

ԶՈՒ ԳՇ պետը նախաձեռնել է զորամիավորումների, միավորումների, զորամասերի համալիր և բազմակողմանի ստուգումներ

Նոյեմբերի 28-ից ՀՀ ԶՈՒ ԳՇ պետ, պաշտպանության նախարարի 1-ին տեղակալ Էդվարդ Ասրյանը, ուսումնական տարվա արդյունքների ամփոփման շրջանակներում, նախաձեռնել է ենթակա զորամիավորումների, միավորումների, զորամասերի համալիր և բազմակողմանի ստուգումներ: Համալիր ստուգումների նպատակը մարտական պատրաստականության, պատրաստության, կառավարման համակարգի և զորքերի ապահովման վիճակի գնահատումն է:

15:00 - 29 նոյեմբերի, 2022

Սուրեն Պապիկյանի գլխավորությամբ անցկացվել է խորհրդակցություն, մասնակցել է ՀՀ ՊՆ, ԶՈՒ և ԶՈՒ ԳՇ ղեկավար կազմը

Նոյեմբերի 28-ին ՀՀ պաշտպանության նախարար Սուրեն Պապիկյանի գլխավորությամբ անցկացվել է աշխատանքային խորհրդակցություն, որին մասնակցել է ՀՀ ՊՆ, ԶՈՒ և ԶՈՒ ԳՇ ղեկավար կազմը, բանակային զորամիավորումների հրամանատարական կազմը: Խորհրդակցության ընթացքում քննարկվել են զինված ուժերում իրականացվող աշխատանքների, մասնավորապես՝ ձմեռային փուլի նախապատրաստական միջոցառումների, ինժեներական և թիկունքային ապահովման հետ կապված մի շարք հարցեր: Նախարարին զեկուցվել են նախորդիվ անցկացված աշխատանքային խորհրդակցությունների ժամանակ տրված հանձնարարականների կատարման ընթացքը: Բարձրացված խնդիրների առնչությամբ պաշտպանության նախարարը համապատասխան ցուցումներ և հանձնարարականներ է տվել պատասխանատու ստորաբաժանումների ղեկավարներին:

16:51 - 28 նոյեմբերի, 2022

Մեր տեղեկություններով՝ իրենք շարունակում են այդտեղ գտնվել․ Վայոց ձորի մարզպետը՝ Ջերմուկում ադրբեջանական խմբավորումների մասին

Սահմանում իրավիճակը հարաբերականորեն խաղաղ է։ Ջերմուկում որևէ միջադեպ չենք ունեցել։ Օրեր առաջ Պաշտպանության նախարարությունը հրապարակել էր, որ թեթև միջադեպ է եղել, բայց, ընդհանուր առմամբ, խաղաղ է։ Այս մասին ԱԺ-ում լրագրողների հետ զրույցի ընթացքում ասաց Վայոց ձորի մարզպետ Արարատ Գրիգորյանը։ Դիտարկմանը, որ Գլխավոր շտաբի պետը հայտարարել է, որ ադրբեջանական ստորաբաժանումները հեռացել են Ջերմուկից, սակայն բնակիչները հակառակն են պնդում, Գրիգորյանն ասաց․ «Ես կխնդրեմ այս հարցը գենշտաբի պետին տաք։ Ես տեղեկություններ ունեմ այն, ինչ-որ գենշտաբի պետն է ասել։ Մեր տեղեկություններով՝ իրենք շարունակում են այդտեղ գտնվել, բայց եթե ՊՆ գլխավոր շտաբի պետը ավելի լավ տիրապետում է, որովհետև իրենք բոլոր հնարավոր միջոցները ունեն»։ Հարցին՝ արդյոք ադրբեջանցիներին անզեն աչքով տեսնում են Ջերմուկից, Գրիգորյանն ասաց․ «Այո, բայց լրացուցիչ ավելի մասնագիտական չեմ կարող ասել, որովհետև եթե ԳՇ պետը ասել է, որ գնացել են․․․ամեն դեպքում մենք տեսնում ենք իրենց։ Մենք տեսնում ենք որոշակի տեսանելի տարածք․ որը անզեն աչքով հնարավոր է, տեսնում ենք»։ Գրիգորյանն ասաց՝ իրավունք չունի մեկնաբանել Գլխավոր շտաբի պետի խոսքերը։ «Հնարավոր միջոցառումների ամբողջությունը, որ ձեռնարկել ենք, ողջամիտ դատողություն է տալիս, որ Աստված մի արասցե, հնարավոր ագրեսիայի դեպքում մենք դիմակայելու հնարավորություն ունենք»,-նշեց մարզպետը։ Լրագրողների դիտարկմանը, որ ԳՇ պետի և իր հայտարարությունների միջև հակասություն կա, Գրիգորյանն ասաց․ «Հակասությունը ինչո՞ւմ եք տեսնում, մարդը ասում է՝ խումբ է եղել, խումբը հետ է գնացել, ես էլ ասում եմ՝ չգիտեմ, ես անզեն աչքով տեսնում եմ մարդկանց։ Այդ խմբի մասին է խոսքը, թե ոչ։ Չեմ կարող ասել արդյոք ԳՇ պետը նույնպես այդ խմբավորման մասին է խոսել, թե ոչ»,-ասաց մարզպետը։

14:35 - 07 նոյեմբերի, 2022

Սուրեն Պապիկյանի գլխավորությամբ անցկացվել է աշխատանքային խորհրդակցություն

Նոյեմբերի 1-ին ՀՀ պաշտպանության նախարար Սուրեն Պապիկյանի գլխավորությամբ անցկացվել է աշխատանքային խորհրդակցություն, որին մասնակցել է ՀՀ ՊՆ, ԶՈՒ և ԶՈՒ ԳՇ ղեկավար կազմը, բանակային զորամիավորումների հրամանատարական կազմը: Այս մասին հայտնում են ՀՀ ՊՆ-ից։ Խորհրդակցության ընթացքում քննարկվել են զինված ուժերում իրականացվող աշխատանքների, մասնավորապես՝ ձմեռային փուլի նախապատրատական միջոցառումների, ինժեներական և թիկունքային ապահովման հետ կապված մի շարք հարցեր: Նախարարին զեկուցվել են հոկտեմբերի 14-ին անցկացված աշխատանքային խորհրդակցության ժամանակ տրված հանձնարարականների կատարման ընթացքը: Բարձրացված խնդիրների առնչությամբ պաշտպանության նախարարը համապատասխան ցուցումներ և հանձնարարականներ է տվել պատասխանատու ստորաբաժանումներիղեկավարներին:

13:08 - 01 նոյեմբերի, 2022

Հակառակորդի առաջնագծից հաշվարկելու դեպքում՝ հակառակորդը 130 քառակուսի կմ եւ ավելի տարածք է օկուպացրել. ԶՈՒ գլխավոր շտաբի պետ |news.am|

news.am: Կան տարբեր հաշվարկներ. եթե հաշվարկները կատարվում են հակառակորդի առաջնագծից մեր համապատասխան խորություններում, որտեղ հակառակորդը հաջողություն է ունեցել եւ օկուպացրել մեր ինքնիշխան տարածքից, ապա դա կազմում է մոտ 130 եւ որոշակի ավելի տարածք. այսինքն 127 թիվը մոտ է իրականությանը: Այս մասին, այսօր՝ հոկտեմբերի 31-ին, ԱԺ-ում լրագրողների հետ զրույցում նշեց ԶՈՒ գլխավոր շտաբի պետ Էդվարդ Ասրյանը՝ անդրադառնալով հարցին,թ ե որքան տարածք է օկուպացրել հակառակորդը: «Եթե այդ տարածքների կորուստը հաշվում ենք մեր առաջնագծից խորությամբ, ապա այդ թիվը ավելի քիչ է կազմում: Կա տարածքների մակերեսի հաշվարկման տարբեր մեթոդներ: Հակառակորդի մխրճումը համապատասխան ճակատով եւ համապատասխան խորությամբ բոլոր ուղղություններում մխրճում չի արձանագրվել: Կան որոշ հատվածներ, որոնց մխրճման վերջավորությունը, գագաթը հասնում է օրինակ, 3,5 կմ, բայց թեւերը ընդամենը 100-200 մետր են: Տեղանքի գոգավորություներից ելնելով այդ հաշվարկները տարբեր մարդկանց կողմից կատարվում են տարբեր ձեւով: Որպեսզի հաշվենք, թե որքան տարածքում է հակառակորդը գտնվում մեր տարածքում, չպետք է հաշվենք իրենց առաջնագիծը, մեր առաջնագիծը, պետք է հաշվի առնենք ՀՀ պետական սահմանը եւ սահմանային ինչքան կորուստ ունենք: Կան դիրքեր, որտեղ հակառակորդը գտնվում է մեր պետական սահկանից հետ, կան դիրքեր, որ գտնվում է մեր սահմանից առաջ: Նման դեպքում առաջանում են մակերեսի հաշվարկման տարբերություններ»,-ասաց նա:

19:41 - 31 հոկտեմբերի, 2022

Հակառակորդը փորձում է կանխարգելել մեր կողմից ինժեներական աշխատանքների իրականացումը․ ՀՀ ԶՈՒ ԳՇ պետ

Ներկա դրությամբ իրավիճակը արևելյան, հարավարևելյան ուղղությամբ հարաբերական կայուն է։ Այս մասին խորհրդարանում լրագրողների հետ զրույցում ասել է ՀՀ ԶՈՒ ԳՇ պետ Էդվարդ Ասրյանը՝ խոսելով սահմանային իրադրության մասին։ Նա նշել է, որ հրադադարի ռեժիմի խախտումներ հիմնականում արձանագրվում են արելյան օպերացիոն ուղղություններով՝ Կուտական, Սոթք հատվածներում և Վայոց Ձորի մարզում՝ Ջերմուկի ուղղությամբ։ «Հակառակորդի կողմից հրադադարի ռեժիմի խախտումները կան և՛ նպատակային, և՛ եղանակային պայմաններում՝ մառախուղի պատճառով, նրանց կողմից նաև ձորերով անկանոն կրակահերթերի արձակում [կա]։ Ինչ վերաբերում է նպատակային կրակոցներին՝ հակառակորդը փորձում է կանխարգելել մեր կողմից ինժեներական աշխատանքների իրականացումը, քանի որ մենք նախաձեռնել ենք մեծածավալ աշխատաքների իրականացնում, ամրացնում ենք զբաղեցրած դիրքերը և բնագծերը»,- ասել է Ասրյանը։ Նա նշել է, որ սեպտեմբերի 16-ից անցել է մեկուկես ամիս, եւ ամբողջ մեկուկես ամսվա ԶՈՒ գործունեությունը նկարագրելը մի քանի ժամ կտեւի։ Միեւնույն ժամանակ, ԳՇ պետը տեղեկացրել է, որ դիրքային փոխհրաձգությունների արդյունքում հակառակորդի մխրճված ստորաբաժանումները հետ են քաշվել, նաև կրել են կորուստներ։ Ըստ նրա՝ հակառակորդին գերի վերցնելու համար մեր զինծառայողները պետք է ընդհուպ մոտենային նրանց՝ վտանգելով իրենց կյանքը, «բայց մենք չենք գնացել այդ քայլին»։ Ասրյանն ընդգծել է, որ Ջերմուկի ուղղությամբ մենք արդեն ունենք գծագրված առաջնագիծ։ Անդրադառնալով հայ-իրանական սահմանին ադրբեջանական զորքերի առկայությանը, ԳՇ պետն ասել է, որ այդ սահմանին հակառակորդն ունի անմիջական շփման գիծ, որովհետև 44-օրյա պատերազմի արդյունքում ադրբեջանական զորքերը գտնվում են Հայաստանի սահմանին, որը նաև սահմանակից է Իրանին․ «Այո այդ հատվածում հակառակորդն առկա է։ Ինչ վերաբերում է Մեղրի-Ջերմուկ-Կապան ճանապարհին հակառակորդի տիրելուն, մենք պլանավորում ենք մեր պաշտպանությունը այնպես, որ նման իրավիճակ չլինի»,- վստահեցրել է Ասրյանը։ ԳՇ պետը հավելել է, որ կառավարության որոշմամբ կա հանձնաժողով, որը համապատասխան աշխատանքներ է իրականացնում անհետ կորած 25 զինծառայողի վերաբերյալ տեղեկություն ստանալու համար․ «Վերջին տեղեկություններով 10 դի է վերադարձվել, կկատարվի ԴՆԹ ճանաչում և մենք կունեանք 16 անհետ կորած»,- հստակեցրել է ԳՇ պետը՝ նշելով, որ դիերը վերցնելու համար համապատասխան աշխատանքներ են ծավալվում և Կառավարության, և՛ ԱԱԾ-ի, և՛ ՊՆ-ի կողմից․ «Միայն կարող եմ արձանագրել, որ ադրբեջանական կողմը մարմինները վերցնելու թույլտվություն չի տալիս, որպեսզի մեր համապատասխան ստորաբաժանումները մտնեն և որոնեն դիերի գտնվելու վայրերը։ Փաստը կա, որ Կուտականի ուղղությամբ ունենք մեկ դիտարկվող դի, մենք անօդաչու թռչող սարքով դիտարկել ենք, դա գտնվում է հակառակորդի դիրքի մատույցներում։ Այդ ուղղությամբ միայն այդ դին ենք տեսնում»,- մանրամասնել է Էդվարդ Ասրյանը։

19:08 - 31 հոկտեմբերի, 2022

Հովհաննես Վարդանյանը նշանակվել է ՀՀ զինված ուժերի ավիացիայի պետ-վարչության պետ

ՀՀ նախագահ Վահագն Խաչատուրյանի հրամանագրով՝ Գագիկ Ասլանյանն ազատվել է Հայաստանի Հանրապետության զինված ուժերի ավիացիայի պետ-վարչության պետի պաշտոնից: Մեկ այլ հրամանագրով՝ Հովհաննես Վարդանյանը նշանակվել է ՀՀ զինված ուժերի ավիացիայի պետ-վարչության պետ: «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 1-ին մասի և 36-րդ հոդվածի 1-ին մասի 1-ին կետի. Հովհաննես Վարդանյանին նշանակել Հայաստանի Հանրապետության զինված ուժերի ավիացիայի պետ-վարչության պետ»,- ասված է Վահագն Խաչատուրյանի հրամանագրում:

11:43 - 17 հոկտեմբերի, 2022

ՀՀ պաշտպանության նախարարի գլխավորությամբ խորհրդակցություն է տեղի ունեցել

ՀՀ պաշտպանության նախարար Սուրեն Պապիկյանի գլխավորությամբ հոկտեմբերի 14-ին անցկացվել է աշխատանքային խորհրդակցություն, որին մասնակցել է ՀՀ ՊՆ, ԶՈՒ և ԶՈՒ ԳՇ ղեկավար կազմը, բանակային զորամիավորումների հրամանատարական կազմը: Ինչպես հայտնում են Պաշտպանության նախարարությունից, խորհրդակցության ընթացքում քննարկվել են զինված ուժերում իրականացվող աշխատանքների, մասնավորապես՝ ձմեռային փուլի նախապատրաստական միջոցառումների, ինժեներական և թիկունքային ապահովման հետ կապված մի շարք հարցեր: Բարձրացված խնդիրների առնչությամբ պաշտպանության նախարարը համապատասխան ցուցումներ և հանձնարարականներ է տվել պատասխանատու ստորաբաժանումների ղեկավարներին:

16:19 - 14 հոկտեմբերի, 2022

Որևէ ակնարկ կամ թաքնված ենթատեքստ փնտրել պետք չէ. ՊՆ մամուլի քարտուղարը՝ ԶՈՒ ԳՇ պետի տեղակալի հայտարարության մասին |armenpress.am|

armenpress.am: Հայաստանի պաշտպանության նախարարի մամուլի քարտուղար Արամ Թորոսյանը պարզաբանել է Հայաստանի զինված ուժերի գլխավոր շտաբի պետի տեղակալ Առաքել Մարտիկյանի հայտարարությունը, որ ԶՈւ-ն ունի Հայաստանի տարածքային ամբողջականությունը վերականգնելու հրաման և պարտավոր է կատարել վերադասի հրամանը: Արամ Թորոսյանը պատասխանել է թեմայի վերաբերյալ մի քանի հացերի: -Ի՞նչ էր ակնարկում ԶՈւ ԳՇ պետի տեղակալ Առաքել Մարտիկյանը, երբ ասուլիսի ընթացքում ասաց, որ ԶՈւ-ն ունի Հայաստանի տարածքային ամբողջականությունը վերականգնելու հրաման և պարտավոր է կատարել վերադասի հրամանը։ ԳՇ պետի տեղակալը տվել է Հայաստանի Հանրապետության զինված ուժերի գլխավոր առաքելության ընդհանրական բնութագիրը, այն է՝ պաշտպանել Հայաստանի սուվերեն տարածքն արտաքին սպառնալիքներից։ Այդ ձևակերպման մեջ որևէ արտառոց կամ նոր բան չկա։ -Այսինքն տվյալ ձևակերպումը որևէ գործողության մասին ակնարկ չէ՞ր։ Որևէ ակնարկ կամ թաքնված ենթատեքստ փնտրել պետք չէ։ ԳՇ պետի տեղական Առաքել Մարտիկյանը խոսել է զինված ուժերի գլխավոր առաքելության՝ Հայաստանի սուվերեն տարածքի պաշտպանության մասին։ ՀՀ ինքնիշխան տարածքից ադրբեջանական ստորաբաժանումների դուրսբերման ուղղությամբ այս պահին գործի է դրված դիվանագիտական ողջ գործիքակազմը:

15:10 - 30 սեպտեմբերի, 2022

Թշնամին միտումնավոր է թիրախավորել մեր քաղաքացիական ենթակառուցվածքները, բնակավայրերը. ՏԿԵ նախարար

ՀՀ տարածքային կառավարման և ենթակառուցվածքների նախարարության նախաձեռնությամբ սեպտեմբերի 29-ին ՀՀ-ում հավատարմագրված դիվանագիտական հիմնարկների ղեկավարների, ներկայացուցիչների մասնակցությամբ կազմակերպվել է շրջայց Գեղարքունիքի մարզի ադրբեջանական լայնածավալ ագրեսիայի հետևանքով տուժած մի քանի բնակավայրեր։ Դիվանագետները ՏԿԵ նախարարի, մարզպետի, համայնքապետների ուղեկցությամբ նախ եղել են Սոթք, ապա Կութ բնակավայրերում։ Նախարարը տեղում դիվանագետներին է ներկայացրել հակառակորդի կողմից միտումնավոր թիրախավորված քաղաքացիական ենթակառուցվածքների վնասները։ Սոթք և Կութ բնակավայրերում թիրախավորվել և ռմբակոծվել են դպրոցները, մանկապարտեզները, համայնքապետարանի շենքերը, բուժկետը, 190-ից ավելի տներ, որոնցից մոտ 50-60-ը՝ ամբողջությամբ, օժանդակ շինություններ, տեխնիկա, ավտոմեքենաներ։ «Այն, ինչին մենք ականատես եղանք շրջայցի ժամանակ, ակնհայտ է դարձնում, որ թշնամին միտումնավոր է թիրախավորել է մեր քաղաքացիական ենթակառուցվածքները, բնակավայրերը։ Դա է փաստում նաև քաղաքացիական բնակչության շրջանում եղած զոհերի և վիրավորների թիվը»,- ընդգծել է նախարարը։ Երկու բնակավայրում շրջայցից և փաստերն արձանագրելուց հետո արդեն Վարդենիս համայնքում ՀՀ ԶՈՒ գլխավոր շտաբի պետի տեղակալ Առաքել Մարտիկյանի, ԱԳՆ ներկայացուցչի մասնակցությամբ տեղի է ունեցել հարցուպատասխան։ ԳՇ պետի տեղակալը դիվանագետներին է ներկայացրել ստեղծված իրավիճակը և ադրբեջանական կողմի վայրագությունները՝ մասնավորապես հայ կին զինծառայողների մարմինները ծայրահեղ դաժանությամբ խոշտանգելու փաստեր։ Տեղի է ունեցել հարցուպատասխան։ Նախարարը շնորհակալություն է հայտնել դիվանագետներին նախաձեռնությանն արձագանքելու և շրջայցին մասնակցելու համար: «Մենք այս օրերին տեսել ենք ոչ միայն ձեր բարեկամական աջակցությունը, այլև լսել ենք ձեր թիրախային գնահատականը ագրեսորի նկատմամբ։ Կարծում ենք, որ համատեղ աշխատանքը շարունակական կլինի, որպեսզի նրանք դուրս գան մեր սուվերեն տարածքից, և տարածաշրջանում խաղաղություն հաստատվի»,- ասել է նախարարը։

12:29 - 30 սեպտեմբերի, 2022

Մենք սպասում ենք, պատրաստվում ենք հակառակորդին դիմակայելու և ջախջախելու. ՀՀ ԳՇ պետի տեղակալ

Հայկական զինված ուժերը սպասում են և պատրաստվում են ադրբեջանական ուժերին դիմակայելու և ջախջախելու: ՀՀ զինված ուժերի գլխավոր շտաբի պետի տեղակալ գեներալ-մայոր Առաքել Մարտիկյանն այս մասին հայտնեց օտարերկրյա դիվանագետներին Վարդենիսում՝ անդրադառնալով հարցին, թե արդյոք կա հարձակման վախ: «Հարձակման վախ չկա, բայց զգուշավորություն միշտ կա, և մենք միշտ պատրաստ ենք ու սպասում ենք: Քանի որ մեզանից յուրաքանչյուրը, նկատի ունեմ զինվորականներին, հստակ գիտակցում է, որ խնդիրը լուծված չէ, և հակառակորդը պետք է փորձի խնդիր լուծել՝ ի նպաստ իրեն»,-ասաց Մարտիկյանը: ԳՇ պետի տեղակալի հավաստիացմամբ՝ նման պարագայում դիրքերի մոտ կամ հեռու լինելը ոչ մի ռազմական նշանակություն չունի: «Մենք սպասում ենք, մենք պատրաստվում ենք հակառակորդին դիմակայելու և ջախջախելու»,-եզրափակեց ԳՇ պետի տեղակալը:

21:11 - 29 սեպտեմբերի, 2022

Մենք գիտենք որտեղ քանի մարմին ունենք, բայց նրանց աճյունները դուրս բերելիս հանդիպեցինք ուժեղ կրակի. ԳՇ պետի տեղակալ

ՀՀ Զինված ուժերի գլխավոր շտաբի պետի տեղակալ գեներալ-մայոր Առաքել Մարտիկյանն այսօր վարդենիսում դեսպանների ու լրագրողների հետ հանդիպման ժամանակ հաստատեց տեղեկությունները, ըստ որոնց Վերին Շորժայի դիրքերից մեկի բլրակում զոհերի մարմիններ կան, եւ ՊՆ-ն դեռ դուրս չի բերել դրանք: «Մենք թողել ենք միայն այն դիրքերը, որտեղ մեր զինակից ընկերները զոհվել են: Այսօր մենք գիտենք որտեղ քանի մարմին ունենք մեր ընկերների ու դա է ամենացավոտը: Հայրենիքի համար կյանք տված զինծառայողը պետք է զինվորին վայել հանձնվի հողին: Ադրբեջանը հայտարարեց իբր հումանիտար զինադադար, սակայն հումանիտար զինադադարը նախատեսում է վիրավորների եւ աճյունների դուրսբերում: Մեր փորձերը՝ դուրս բերել մեր ընկերների աճյունները, հակառակորդի կողմից հանդիպեցին ուժեղ կրակի ազդեցության: Հայտարարեցին, որ ադրբեջանական կողմը կվերադառձնի մեր զինծառայողների մարմինները: Մենք գիտենք, որ մարմիններ կան, որ անմիջական դիրքերում են»,-ասաց նա՝ չցանկանալով թվեր նշել:

20:03 - 29 սեպտեմբերի, 2022

Երեկ հակառակորդը կիրառել է 82 միլիմետրանոց ականանետ և ԱԹՍ-ներ, որի արդյունքում հայկական կողմն ունի 3 զոհ․ ԳՇ պետի տեղակալ

armenpress.am: Ադրբեջանական զինված ուժերը սեպտեմբերի 13-ին սկսած ագրեսիայի ընթացքում դաժանաբար սպանել են հայ վիրավոր զինծառայողներին, ամենավերջին վայրագ կերպով վարվել զոհվածների մարմինների հետ, ապա նկարել և տարածել: ՀՀ զինված ուժերի գլխավոր շտաբի պետի տեղակալ գեներալ-մայոր Առաքել Մարտիկյանն այս մասին ներկայացրեց օտարերկրյա դիվանագետներին Վարդենիսում: «ՀՀ ԶՈՒ-ին հաջողվում է կատարել իր առջև դրված խնդիրներն ու ապահովել ազգաբնակչության անվտանգությունը: Ադրբեջանցիներին հաջողվել է մտնել միայն այն դիրքերը, որտեղ մինչև վերջ մեր զինվորները կանգնել են և զոհվել: Այսինքն՝ այն մարտական դիրքերը, որտեղ ադրբեջանցիներին հաջողվել է զբաղեցնել, մենք ունեցել ենք միայն զոհեր և ծանր վիրավորներ: Ադրբեջանի՝ «մարդասիրական լոզունգով առաջնորդվող» ԶՈՒ-ն դաժանաբար սպանել են մեր վիրավոր զինծառայողներին, առանց ամաչելու հաշվեհարդար տեսել նրանց հետ, ամենավերջին վայրագ կերպով են վարվել զոհվածների մարմինների հետ, առավել ևս՝ կին զինծառայողների հետ, որոնք եղել են սանհրահանգիչներ և բուժաշխատողներ»,-ասաց ԳՇ պետի տեղակալը՝ հավելելով, որ հենց նրանք են նկարել և տարածել սոցցանցերում: Մարտիկյանը հավելեց՝ հայկական կողմի համար պարզ է, թե ում հետ գործ ունի ռազմական տեսանկյունից: «Եվ ես պետք է հավաստիացնեմ, որ Զինված ուժերն ամեն ինչ անելու են, որ կասեցնեն հակառակորդի առաջխաղացումը և ապահովեն մեր ազգաբնակչության ազատ, անկախ և անվտանգ կյանքը»,-ասաց Մարտիկյանը: Անդրադառնալով օպերատիվ իրավիճակին՝ նա հայտնեց, որ իրավիճակը շփման ողջ երկայնքով այսօրվա ընթացքում եղել է համեմատաբար հանգիստ՝ բացառությամբ կրակի ռեժիմի մի քանի խախտումների: Վերջին խոշոր կրակի ռեժիմի խախտումը տեղի է ունեցել սեպտեմբերի 28-ին Ջերմուկի շրջանում, որտեղ հակառակորդը կիրառել է 82 միլիմետրանոց ականանետ և ԱԹՍ-ներ, որի արդյունքում հայկական կողմն ունի 3 զոհ:

19:43 - 29 սեպտեմբերի, 2022

Ադրբեջանական հերթական ագրեսիան նոյեմբերի 9-ից հետո երրորդ լայնամասշտաբ գործողությունն էր. ԳՇ պետի տեղակալ |armenpress.am|

armenpress.am: Ադրբեջանական հերթական ագրեսիան նոյեմբերի 9-ի եռակողմ հայտարարությունից հետո արդեն երրորդ լայնամասշտաբ գործողությունն էր՝ ուղղված հիմնականում Հայաստանի բնակեցված շրջանների դեմ։ ՀՀ զինված ուժերի գլխավոր շտաբի պետի տեղակալ գեներալ-մայոր Առաքել Մարտիկյանն այս մասին հայտնեց օտարերկրյա դիվանագետներին Վարդենիսում: Նա հիշեցրեց, որ սեպտեմբերի 13-ի գիշերը Ադրբեջանը սկսել է երեք ուղղություններով բավականին ագրեսիվ, լայնամասշտաբ մարտական գործողություններ: Մարտական գործողությունները միանգամից սկսվել է ցամաքային զորքերի հարձակողական գործողություններով, որոնք ուղեկցվել են հրթիռահրետանային կրակով և անօդաչուների կրակային աջակցությամբ: «2020 թվականի նոյեմբերի 9-ի ստորագրած հայտարարությունից, մնացած փաստաթղթերից հետո սա արդեն 3-րդ նման լայնամասշտաբ գործողությունն էր՝ ուղղված հիմնականում մեր բնակավայրերի դեմ: Ադրբեջանի ռազմաքաղաքական ղեկավարությունը բազմիցս պնդում է, թե իբր իրենց վերջին գործողությամբ իրենք ստիպված նախահարձակ են եղել, որպեսզի կասեցնեն ՀՀ ԶՈՒ-ի ինչ-որ երևակայական գործողություններ: Որպես ԶՈՒ ԳՇ պետի տեղակալ, ես ձեզ պաշտոնապես հայտարարում եմ, որ հայկական ԶՈՒ-ի կողմից ոչ մի նման միջոցառում պլանավորված չի եղել և չի էլ կարող լինել, քանի որ դա հակասում էր մեր ռազմաքաղաքական ղեկավարության հրամաններին»,-հայտարարեց ԳՇ պետի տեղակալը: Նա ընդգծեց, որ փոխարենը ադրբեջանական կողմից ռազմաքաղաքական ղեկավարները բազմիցս նշում են, թե Հայաստանն ամբողջությամբ իրենց պատմական տարածքն է, իսկ այս տարածաշրջանը միշտ ընդգծված կերպով նշվում է որպես «Բասարգեչար»: «Գործողությունները երեք ուղղություններով հիմնականում ուղղված էին խիստ բնակեցված շրջանների դեմ՝ մի պարզ նպատակով՝ դեռևս 2021-ի մայիսի 12-ից սկսած ուղղվածությունը հենց բնակավայրերի կողքին է՝ նպատակ ունենալով ստիպել սահմանամերձ շրջանների ազգաբնակչությանը լքել իրենց զբաղեցրած տարածքները: Այսօր արդեն բավականին բարդ է գյուղացիների համար մշակել իրենց հողերը կամ զբաղվել անասնապահությամբ սահմանամերձ շրջաններում»,-ասաց Մարտիկյանը:

19:13 - 29 սեպտեմբերի, 2022