Իլհամ Ալիև

Իլհամ Ալիևը Ադրբեջանի ներկայիս նախագահն է։ 1977 թվականին ընդունվել է Միջազգային հարաբերությունների Մոսկվայի պետական ինստիտուտ:

2003 թվականի հոկտեմբերի 15-ին ընտրվել է Ադրբեջանի Հանրապետության նախագահ: Վերընտրվել է 2008, 2013, 2018 թվականներին։

Էրդողանն ու Ալիևը քննարկել են Հայաստանի հետ հարաբերությունների կարգավորման հարցը |armeniasputnik.am|

Էրդողանն ու Ալիևը քննարկել են Հայաստանի հետ հարաբերությունների կարգավորման հարցը |armeniasputnik.am|

armeniasputnik.am: Թուրքիայի և Ադրբեջանի նախագահներ Ռեջեփ Թայիփ Էրդողանը և Իլհամ Ալիևը քննարկել են հայ-թուրքական և հայ-ադրբեջանական հարաբերությունների կարգավորման հարցը: Տեղեկությունը հայտնում է Թուրքիայի ղեկավարի գրասենյակը։ «Քննարկվել են Թուրքիայի և Հայաստանի միջև հարաբերությունների կարգավորման գործընթացը և Ադրբեջանի և Հայաստանի միջև հետկոնֆլիկտային գործընթացի վերջին զարգացումները»,- ասվում է հաղորդագրության մեջ։ Կողմերը քննարկել են նաև տարածաշրջանային և գլոբալ խնդիրները, իսրայելա-պաղեստինյան հակամարտությունը։ Էրդողանը հայտարարել է, որ Թուրքիան կընդլայնի մարդասիրական օգնություն ցուցաբերելու ջանքերը, միջազգային հանրությունն էլ պետք է վճռական ազդակներ ուղարկի, որպեսզի Իսրայելը գործի միջազգային իրավունքին համապատասխան։ Նա նշել է, որ տարածաշրջանում կայուն խաղաղության հնարավոր է հասնել միայն աշխարհագրորեն ամբողջական և անկախ պաղեստինյան պետություն ստեղծելու միջոցով:
11:33 - 03 նոյեմբերի, 2023
Ադրբեջանի նախագահն ընդունել է Պակիստանի ԶՈւ ցամաքային զորքերի հրամանատարին
 |azatutyun.am|

Ադրբեջանի նախագահն ընդունել է Պակիստանի ԶՈւ ցամաքային զորքերի հրամանատարին |azatutyun.am|

azatutyun.am: Ադրբեջանի նախագահ Իլհամ Ալիևն իր նստավայրում ընդունել է Պակիստանի զինված ուժերի ցամաքային զորքերի հրամանատար Ասիմ Մունիրին։ Ըստ Ադրբեջանի նախագահի գրասենյակի՝ Ալիևը նշել է, որ երկրների միջև բարեկամական և եղբայրական հարաբերությունները հաջողությամբ զարգանում են տարբեր ուղղություններով, ներառյալ ռազմական ոլորտը։ Նա բարձր է գնահատել Պակիստանի կառավարության և ժողովրդի կողմից Ադրբեջանին ցուցաբերած մշտական աջակցությունը: «Այն, որ Պակիստանը Հայաստանի հետ դիվանագիտական հարաբերություններ չի հաստատել նրա ագրեսիայի պատճառով՝ Ադրբեջանի հանդեպ եղբայրական վերաբերմունքի դրսևորում է»,- նշել է նախագահը: Ալիևն ասել է, որ Ադրբեջանի և Պակիստանի միջև կա հաջող համագործակցություն ռազմական արդյունաբերության ոլորտում և կարևորել է համատեղ զորավարժությունների անցկացումը: Անդրադառնալով միջազգային ասպարեզում երկու երկրների ինքնիշխանության և տարածքային ամբողջականության հարցին՝ Իլհամ Ալիևը ևս մեկ անգամ ընդգծել է, որ Ադրբեջանը Ջամուի և Քաշմիրի շուրջ Հնդկաստանի հետ Պակիստանի վեճում մշտապես աջակցում է Պակիստանին։ Ալիևը վստահություն է հայտնել, որ Մունիրի այցը կամրապնդի երկու երկրների համագործակցությունը։ Մունիրն, իր հերթին շնորհավորել է պետության ղեկավարին «Ղարաբաղյան Երկրորդ պատերազմում տարած հաղթանակի և այս տարվա սեպտեմբերին իրականացված հակաահաբեկչական միջոցառումների իրականացման գործում Ադրբեջանի հաջողության կապակցությամբ»։
13:21 - 01 նոյեմբերի, 2023
Ենթադրում եմ՝ պատճառն այն է, որ Ադրբեջանի նախագահը չի հաստատել իր մասնակցությունը․ Փաշինյանը՝ բրյուսելյան հանդիպման չկայանալու վերաբերյալ

Ենթադրում եմ՝ պատճառն այն է, որ Ադրբեջանի նախագահը չի հաստատել իր մասնակցությունը․ Փաշինյանը՝ բրյուսելյան հանդիպման չկայանալու վերաբերյալ

Ադրբեջանի նախագահի հետ բրյուսելյան եռակողմ հանդիպումը հոկտեմբերին չի կայանա, ենթադրում եմ՝ պատճառն այն է, որ Ադրբեջանի նախագահը չի հաստատել իր մասնակցությունը։ Այս մասին ԱԺ-ում հայտարարեց Նիկոլ Փաշինյանը։  «Կան աշխատանքային մանրամասներ, որոնց վերաբերյալ առաջիկա օրերին կփորձենք պարզաբանումներ ստանալ ԵՄ մեր գործընկերներից։  Իհարկե որոշ հարցերի պատասխան նաև ունենք, բայց չէի ցանկանա շտապել գնահատականներ հնչեցնել։ Մենք, ինչպես նախկինում, պատրաստակամություն ենք հայտնել մասնակցելու այդ հանդիպմանը», - նշեց Փաշինյանը։ Հիշեցնենք, որ հոկտեմբերի վերջին Եվրամիության խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցութամբ նախատեսված հանդիպման տեղի չունենաու մասին հայտնել էր Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը։  Ավելի ուշ ԱԳ նախարար Արարատ Միրզոյանը, պատասխանելով հարցին, թե ով ժամանակ չի գտել մեկնել Բրյուսել բանակցությունների, ասել էր․ «Ակնհայտորեն Ադրբեջանի նախագահը «ժամանակ չի գտել» [մեկնելու Բրյուսել], որովհետև մենք հիմա էլ պատրաստ ենք մասնակցել այդ հանդիպմանը: Հուսամ իսկապես խնդիրը կոնկրետ ժամկետներն են ու առաջիկայում հնարավոր կլինի նոր հանդիպման մասին նոր ժամկետներ պայմանավորվել, Հայաստանի Հանրապետությունը պատրաստ է այդ հանդիպմանը մասնակցել: Մենք շարունակում ենք հավատարիմ մնալ խաղաղության օրակարգին»։  
17:47 - 25 հոկտեմբերի, 2023
Ադրբեջանի նախագահը «ժամանակ չի գտել» մեկնել Բրյուսել. Արարատ Միրզոյան |azatutyun.am|

Ադրբեջանի նախագահը «ժամանակ չի գտել» մեկնել Բրյուսել. Արարատ Միրզոյան |azatutyun.am|

azatutyun.am: Ադրբեջանի նախագահը «ժամանակ չի գտել» մեկնել Բրյուսել՝ Միշել-Փաշինյան-Ալիև հանդիպման, հայտարարեց Հայաստանի արտգործնախարար Արարատ Միրզոյանը՝ պատասխանելով «Ազատության» հարցին, թե բրյուսելյան հանդիպման չեղարկումը պատճառաբանվեց ժամանակի սղությամբ, ո՞վ ժամանակ չի գտել մեկնել Բրյուսել բանակցությունների: «Ակնհայտորեն Ադրբեջանի նախագահը, որովհետև մենք հիմա էլ պատրաստ ենք մասնակցել այդ հանդիպմանը: Հուսամ իսկապես խնդիրը կոնկրետ ժամկետներն են ու առաջիկայում հնարավոր կլինի նոր հանդիպման մասին նոր ժամկետներ պայմանավորվել, Հայաստանի Հանրապետությունը պատրաստ է այդ հանդիպմանը մասնակցել: Մենք շարունակում ենք հավատարիմ մնալ խաղաղության օրակարգին», - ասաց Միրզոյանը։ Հայաստանի ԱԳ նախարարը այսօր նաև հավելեց, որ օրերս Թեհրանում ոչ պաշտոնական շփում է ունեցել Ադրբեջանի արտգործնախարարի հետ։ Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարն է հայտարարել, որ հոկտեմբերի վերջին Եվրամիության խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպում տեղի չի ունենա:  
15:06 - 25 հոկտեմբերի, 2023
Հոկտեմբերի վերջին Միշել-Փաշինյան-Ալիև հանդիպում տեղի չի ունենա |tert.am|

Հոկտեմբերի վերջին Միշել-Փաշինյան-Ալիև հանդիպում տեղի չի ունենա |tert.am|

tert.am: Հոկտեմբերի վերջին Եվրամիության խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպում տեղի չի ունենա: Այս մասին հայտարարեց Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը, ով հեռավար մասնակցում է Երևանում ընթացող համաժողովին: ԵՄ հատուկ ներկայացուցիչը դա պատճառաբանեց ժամանակի սղությամբ: «Մեր նպատակն է, որ Ղարաբաղի հայերը վերադառնան իրենց տուն: Կարևորելով Գրանադայի հանդիպումը, որին չէր մասնակցել Ալիևը, մենք փորձում ենք հիմա Բրյուսելում կազմակերպել Փաշինյան-Ալիև հանդիպում», - նշեց Կլաարը: «Չնայած դանդաղ ընթացքին՝ հավատում ենք, որ արդյունքը փաստաթղթի ստորագրումը կլինի», - ընդգծեց եվրոպացի դիվանագետը: Մինչև ամսվա վերջ Բրյուսելում հնարավոր եռակողմ հանդիպման մասին հայտարարել էր Եվրամիության խորհրդի նախագահ Շառլ Միշելը ամսվա սկզբին Գրանադայում Եվրոպական համայնքի գագաթնաժողովի շրջանակում, որին Ադրբեջանի նախագահը հրաժարվել էր մասնակցել:
11:59 - 25 հոկտեմբերի, 2023
Ալիևն ու ԱՄՆ Պետդեպարտամենտի ներկայացուցիչն անդրադարձել են Հայաստան-Ադրբեջան հարաբերությունների կարգավորման գործընթացին
 |armenpress.am|

Ալիևն ու ԱՄՆ Պետդեպարտամենտի ներկայացուցիչն անդրադարձել են Հայաստան-Ադրբեջան հարաբերությունների կարգավորման գործընթացին |armenpress.am|

armenpress.am: Ադրբեջանի նախագահի և ԱՄՆ պետքարտուղարի Եվրոպայի և Եվրասիայի հարցերով օգնական Ջոշուա Հաքի հոկտեմբերի 20-ին կայացած հանդիպման ժամանակ  մտքերի փոխանակություն է տեղի ունեցել տարածաշրջանում խաղաղության և կայունության ապահովման, Հայաստանի և Ադրբեջանի միջև հարաբերությունների կարգավորման գործընթացի շուրջ։  Այս մասին հայտնում են ադրբեջանական ԶԼՄ-ները: Նշվում է, որ Ալիևը հայտնել է Ադրբեջանի մտադրությունները՝ կապված տարածաշրջանային խաղաղության օրակարգի, Հայաստանի և Ադրբեջանի միջև հարաբերությունների կարգավորման, խաղաղության պայմանագրի շուրջ բանակցությունների շարունակման և դրա շուտափույթ ստորագրման հետ։ Հանդիպմանը մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։  
13:30 - 20 հոկտեմբերի, 2023
Պուտինն ու Ալիևը քննարկել են Ղարաբաղի շուրջ ստեղծված իրավիճակը |civilnet.am|

Պուտինն ու Ալիևը քննարկել են Ղարաբաղի շուրջ ստեղծված իրավիճակը |civilnet.am|

civilnet.am: Հոկտեմբերի 12-ին Բիշքեկում հանդիպել են Ռուսաստանի և Ադրբեջանի նախագահներ Վլադիմիր Պուտինն ու Իլհամ Ալիևը, հայտնում է ՌԴ նախագահի մամուլի ծառայությունը։ «Իհարկե, թիվ մեկ հարցը Ղարաբաղի շուրջ ստեղծված իրավիճակն է, բայց մենք ունենք նաև այլ օրակարգ, այն բավականին ընդարձակ է։ Կխոսենք ամբողջ համալիրի, այդ թվում՝ այսպես կոչված զգայուն հարցերի մասին»,- հանդիպման մեկնարկում հայտարարել է Պուտինը։ Ալիևն իր խոսքում անդրադարձել է երկկողմ ապրանքաշրջանառության «տպավորիչ արդյունքներին» և արդյունաբերական, տրանսպորտային ոլորտներում համագործակցության նոր նախագծերին․ «Հետո մենք կանցնենք տարածաշրջանային թեմաներին և անվտանգության հարցերին»,- ասել է Ադրբեջանի նախագահը։ Այսօր՝ հոկտեմբերի 13-ին, Պուտինն ու Ալիևը Ղրղզստանի մայրաքաղաքում մասնակցելու են ԱՊՀ անդամ պետությունների ղեկավարների խորհրդի նիստին։
10:59 - 13 հոկտեմբերի, 2023
Բիշքեկում մեկնարկել է Պուտին-Ալիև հանդիպումը
 |tert.am|

Բիշքեկում մեկնարկել է Պուտին-Ալիև հանդիպումը |tert.am|

tert.am: Ղրղզստանի մայրաքաղաք Բիշքեկում մեկնարկել է ՌԴ նախագահ Վլադիմիր Պուտին ու Ադրբեջանի նախագահ իլհամ Ալիևի հանդիպումը։ Այս մասին հայտնում է ՌԻԱ Նովոստին։ Ինչպես հայտնել է ՌԴ նախագահի օգնական Յուրի Ուշակովը, նախագահները մտադիր են քննարկել Լեռնային Ղարաբաղի շուրջ ստեղծված իրավիճակը և այնտեղ տեղակայված ռուս խաղաղապահների հարցը։ Բացի այդ, նախատեսվում է քննարկել նաև Լեռնային Ղարաբաղի հայերի հնարավոր վերադարձն իրենց բնակության վայրեր։ Ինչպես ընդգծել է Ուշակովը, Ղրղզստանում կարող էր կազմակերպվել ՌԴ նախագահի հանդիպումը նաև ՀՀ վարչապետ Նիկոլ Փաշինյանի հետ, եթե վերջինս մասնակցեր ԱՊՀ պետությունների ղեկավարների խորհրդին։ Միևնույն ժամանակ նա նշել է, որ ՌԴ-ի ու Հայաստանի շփումները կշարունակվեն, քանի որ երկու երկրները բազմաթիվ թեմաներ ունեն քննարկելու։
18:58 - 12 հոկտեմբերի, 2023
Ադրբեջանը չի պատրաստվում նոր պատերազմ սկսել Հայաստանի դեմ․ մենք հարգում ենք Հայաստանի տարածքային ամբողջականությունը․ Ալիևի օգնական |tert.am|

Ադրբեջանը չի պատրաստվում նոր պատերազմ սկսել Հայաստանի դեմ․ մենք հարգում ենք Հայաստանի տարածքային ամբողջականությունը․ Ալիևի օգնական |tert.am|

tert.am: Ադրբեջանը չի պատրաստվում նոր պատերազմ սկսել Հայաստանի դեմ։ Այս մասին Radio France-ին տված հարցազրույցում հայտարարել է Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը՝ կոչ անելով վերսկսել բանակցությունները խաղաղության հասնելու համար։ «Իհարկե, եթե Հայաստանը հարձակվի մեզ վրա, մենք ձեռքներս ծալած չենք նստի։ Մենք պետք է վերադառնանք բանակցությունների ուղի։ Եթե Հայաստանը միանա խաղաղության և կայունության հաստատման մեր ջանքերին, մենք լիովին պատրաստ ենք մեր ներդրումն ունենալ։ Շառլ Միշելը լավ աշխատանք է կատարել որպես Եվրոպական խորհրդի նախագահ՝ նպաստելով բանակցությունների վերսկսմանը: Մենք կրկին պատրաստ ենք Եվրամիության հետ եռակողմ ձևաչափով բանակցությունների»,- ասել է Ամիրբեկովը։ Նա նաև ընդգծել է, որ Ադրբեջանը հարգում է Հայաստանի ու այլ պետությունների տարածքային ամբողջականությունը։ «Մենք վերջ ենք տալու այս թշնամանքին։ Հայաստանի պնդումները, թե Ադրբեջանը պատրաստվում է նոր պատերազմի, լիովին անհիմն են։ Մենք հարգում ենք Հայաստանի տարածքային ամբողջականությունը, ինչպես աշխարհի բոլոր մյուս երկրներինը», - հայտարարել է նա։
09:38 - 12 հոկտեմբերի, 2023
Եթե հայկական կողմը մերժի ՌԴ միջնորդությունը, ապա այլընտրանք կարող է լինել ՀՀ և Ադրբեջանի ԱԳ նախարարների միջև ուղիղ բանակցությունները

Եթե հայկական կողմը մերժի ՌԴ միջնորդությունը, ապա այլընտրանք կարող է լինել ՀՀ և Ադրբեջանի ԱԳ նախարարների միջև ուղիղ բանակցությունները

Հայաստանի վարչապետը 6 ժամ թռչում է Գրանադա, այնտեղ մասնակցում է անհասկանալի հանդիպման, որտեղ առանց Ադրբեջանի քննարկվում է Ադրբեջանը, իսկ 2-3 ժամ Բիշքեկ չի կարող թռչել, կարեւոր գործեր ունի։ Այս մասին ԱՊՀ անդամ պետությունների անվտանգության և հատուկ ծառայությունների ղեկավարների խորհրդի 53-րդ նիստի մասնակիցների հետ հանդիպմանը հայտարարել է Ադրբեջանի նախագահ Իլհամ Ալիևը։  «Հոկտեմբերի 12-ին ռուսական կողմի առաջարկով Բիշքեկում պետք է կայանար Ռուսաստանի, Ադրբեջանի և Հայաստանի արտգործնախարարների հանդիպումը։ [․․․] Մենք դրական պատասխան ենք տվել, և մեր արտգործնախարարը պատրաստ էր հանդիպել իր ռուս և հայ գործընկերների հետ»,- ասել է Ալիևը՝ նշելոց, որ ցավոք, հայկական կողմը հրաժարվել է այդ հանդիպումից։ «Հիմա հարց է առաջանում՝ Հայաստանը խաղաղություն ուզո՞ւմ է։ Կարծում եմ՝ ոչ, քանի որ եթե խաղաղություն ցանկանար, չէր հրաժարվի այս հնարավորությունից։ Հայաստանի վարչապետը 6 ժամ թռչում է Գրանադա, այնտեղ մասնակցում է անհասկանալի հանդիպման, որտեղ առանց Ադրբեջանի քննարկվում է Ադրբեջանը, իսկ 2-3 ժամ Բիշքեկ չի կարող թռչել, կարեւոր գործեր ունի։ Այս ամենը մենք բոլորս պետք է բացահայտ ասենք։ Սա տեսնում են բոլորը, բայց սրա մասին պետք է ասել և ելնել սրանից»,- հայտարարել է Իլհամ Ալիևը։  Ինչ վերաբերում է Ադրբեջանի և Հայաստանի միջև հարաբերությունների կարգավորմանը, Աիլևը պնդել է, թե իրենք պատրաստ ենք գնալ դրան։ «Մենք պատրաստ ենք շարունակել աշխատանքը խաղաղության պայմանագրի վրա։ Եթե   հայկական կողմը մերժի ՌԴ միջնորդությունը, ապա կարծում եմ, որ այլընտրանք կարող է լինել ՀՀ և Ադրբեջանի ԱԳ նախարարների միջև ուղիղ բանակցությունները։ Որեւէ այլ հարթակներ մեր կողմից կվերլուծվեն՝ հաշվի առնելով հարաբերությունները այն երկրների հետ, որոնք առաջարկում են իրենց ծառայությունները ճշմարտությանը, ոչ թե Ադրբեջանին, այլ ճշմարտությանը եւ միջազգային իրավունքին»,- ասել է Ալիևը։
16:40 - 11 հոկտեմբերի, 2023