Կորոնավիրուս

Տեղի է ունեցել Կորոնավիրուսի տարածումը կանխարգելող աշխատանքները համակարգող միջգերատեսչական հանձնաժողովի հերթական նիստը

Փոխվարչապետ Համբարձում Մաթևոսյանի նախագահությամբ և շահագրգիռ պետական մարմինների ղեկավար կազմի ու պատգամավորների մասնակցությամբ ապրիլի 19-ին տեղի է ունեցել Հայաստանի Հանրապետությունում կորոնավիրուսի տարածումը կանխարգելող աշխատանքները համակարգող միջգերատեսչական հանձնաժողովի հերթական նիստը։ Առողջապահության նախարար Անահիտ Ավանեսյանը ներկայացրել է Երևան քաղաքում և մարզերում կորոնավիրուսային հիվանդության ներկա համաճարակաբանական իրավիճակը, հիվանդության դեմ պատվաստումների գործընթացը և ընդգծել, որ թեև վերջին շրջանի արդյունքներով դրական դինամիկա է արձանագրվում, այդուհանդերձ, ժամանակը պետք է օգտագործել և շարունակել պատվաստման գործընթացը՝ նոր ալիքի բռնկման դեպքում մահացության բարձր ցուցանիշներից զերծ մնալու համար։ Նիստի ընթացքում, ի թիվս այլ հարցերի, անդրադարձ է կատարվել նաև նախորդ նիստի ընթացքում փոխվարչապետ Մաթևոսյանի կողմից տրված հանձնարարականների կատարման ընթացքին։

10:33 - 20 ապրիլի, 2022

Հայաստանում հաստատվել է կորոնավիրուսի 14 նոր դեպք. մահվան դեպք չի արձանագրվել

Հայաստանում ապրիլի 19-ի դրությամբ հաստատվել է կորոնավիրուսային հիվանդության ընդհանուր 422 հազար 784 դեպք, որից 410 հազար 485-ը`առողջացած, 8622-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 1995 բուժառու: Մեկ օրում կատարվել է 3332 թեստավորում, հաստատվել է կորոնավիրուսային հիվանդության 14 նոր դեպք, առողջացել է 27 քաղաքացի, մահվան դեպք չի արձանագրվել: Թեստավորումների ընդհանուր թիվը հասել է 3 միլիոն 20 հազար 875 -ի:

11:31 - 19 ապրիլի, 2022

Հաստատվել է կորոնավիրուսային հիվանդության 8 նոր դեպք․ ՀՀ ԱՆ

Հայաստանում ապրիլի 18-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 422 770 դեպք, որից 410 458-ը՝ առողջացած, 8622-ը` մահվան ելքով։ Այս մասին հայտնում է ՀՀ առողջապահության նախարարությունը: Կորոնավիրուսային հիվանդությամբ այս պահին փաստացի բուժում է ստանում 2008 պացիենտ: Մեկ օրում կատարվել է 1679 թեստավորում․ հաստատվել է կորոնավիրուսային հիվանդության 8 նոր դեպք, առողջացել է 10 քաղաքացի, արձանագրվել է մահվան 1 դեպք: Թեստավորումների ընդհանուր թիվը հասել է 3 170 543-ի:

11:23 - 18 ապրիլի, 2022

Վրաստանում արձանագրվել է կորոնավիրուսի 115 նոր դեպք |factor.am|

factor.am: Վրաստանում արձանագրվել է կորոնավիրուսի 115 նոր դեպք: Այս մասին տեղեկատվությունը հրապարակել է stopcov.ge կայքը: Վերջին 24 ժամվա ընթացքում երկրում ապաքինվել է 272 մարդ: Վերջին օր ու գիշերվա ընթացքում կորոնավիրուսից մահացել է երեք մարդ։ Վերջին 24 ժամվա ընթացքում երկրում կատարվել է 8 018 թեստ, այստեղից 6 289-ը արագ, իսկ 1 729-ը «ՊՇՌ» թեստով: Երկրում կորոնավիրուսի բացահայտման դրականության ցուցանիշներն են. Օրականը՝ 1,43 տոկոս, վերջին 14 օրվանը՝ 1,49 տոկոս, իսկ վերջին 7 օրվանը՝ 1,23 տոկոս: Ընդհանուր առմամբ Վրաստանում գրանցվել է կորոնավիրուսային վարակի 1 653 044 դեպք, որից 1 633 956 հիվանդ ապաքինվել է, 16 792-ը ՝ մահացել:

16:55 - 17 ապրիլի, 2022

Հաստատվել է կորոնավիրուսի 15 նոր դեպք, առողջացել է 14 քաղաքացի

Ապրիլի 17-ին՝ ժամը 11:00-ի դրությամբ, հանրապետությունում գրանցվել է կորոնավիրուսային հիվանդության 15 նոր դեպք, իրականացվել է 2221 թեստավորում: Առողջացել է 14 քաղաքացի, մահվան դեպք չի գրանցվել: Այս մասին հայտնում է առողջապահության նախարարությունը։ Այսպիսով, հաստատվել է կորոնավիրուսային հիվանդության ընդհանուր 422762 դեպք, որոնցից 410448-ը՝ առողջացած: Փաստացի բուժում է ստանում 2012 պացիենտ: Ընդհանուր կատարվել է 3015864 թեստավորում:

11:24 - 17 ապրիլի, 2022

Հայաստանում հաստատվել է կորոնավիրուսի 18 նոր դեպք. մահվան դեպք չի արձանագրվել

Հայաստանում ապրիլի 16-ի դրությամբ հաստատվել է կորոնավիրուսային հիվանդության ընդհանուր 422 հազար 747 դեպք, որից 410 հազար 434-ը`առողջացած, 8621-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2011 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 2631 թեստավորում, հաստատվել է կորոնավիրուսային հիվանդության 18 նոր դեպք, առողջացել է 14 քաղաքացի, մահվան դեպք չի արձանագրվել: Թեստավորումների ընդհանուր թիվը հասել է 3 միլիոն 13 հազար 643 -ի:

11:15 - 16 ապրիլի, 2022

QR կոդերի պահանջի կանոնակարգն առաջիկայում մնալու է. Անահիտ Ավանեսյան |1lurer.am|

1lurer.am: Մենք Հայաստանում առողջապահական համակարգի զարգացման առումով տարեցտարի գրանցում ենք բարելավում և առաջընթաց. դա կարող եմ ասել հիմնական ցուցանիշների առումով: Թե՛ մանկական, մայրական մահացության, թե՛ կյանքի սպասվելիք միջին տևողության առումով Հայաստանը տարածաշրջանում գրավում է բավական լավ դիրքեր: Այդ մասին Կառավարությունում ճեպազրույցի ժամանակ ասաց ՀՀ առողջապահության նախարար Անահիտ Ավանեսյանը: Նրա խոսքով՝ մենք զիջում ենք մեր հարևաններին այն առումով, թե ինչ ֆինանսական միջոցներ են ուղղվում պետության կողմից առողջական խնդիրների լուծման նպատակով: «Հայաստանում առողջապահական բյուջեն կազմում է մեր ՀՆԱ-ի 1,5 տոկոսը, որը բավականին ցածր ցուցանիշ է: Մենք աշխատում ենք առողջապահական բյուջեի բարելավման առումով՝ տարեցտարի ավելացնելով այդ բյուջետային միջոցները: Չորս տարիների ընթացքում մեր բյուջեն 81 մլրդ դրամից հասել է 114 մլրդ դրամի, որը, կարող ենք ասել, շեշտակի մեծացում է, բայց, իհարկե, այն նախընտրելի չափը չէ, որը կնպաստի նաև մեր երկրին համաշխարհային ինդեքսներում ավելի բարենպաստ ցուցանիշներով ներառվելուն»,- ասաց Անահիտ Ավանեսյանը՝ նշելով, որ առաջիկայում համապարփակ ապահովագրության ռեֆորմը, որը տեղ է գտել Կառավարության ծրագրում, պետք է նպաստի՝ համակարգի զարգացումը հանգեցնի ավելի լավ դիրքերի: Անդրադառնալով կորոնավիրոսային սահմանափակումների վերացման հնարավորությանը՝ նախարարն ասաց, որ այս պահին ունենք համաճարակային առումով շատ բարենպաստ իրավիճակ, այդուհանդերձ, ռեստորաններում, ժամանցի վայրերում, աշխատանքի վայրերում QR կոդերի պահանջի կանոնակարգն առաջիկայում մնալու է:

13:58 - 15 ապրիլի, 2022

Հայաստանում հաստատվել է կորոնավիրուսի 8 նոր դեպք. մահվան դեպք չի արձանագրվել

Հայաստանում ապրիլի 15-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 422 729 դեպք, որից 410 420-ը՝ առողջացած, 8621-ը՝ մահվան ելքով: Այս մասին հայտնում է ՀՀ առողջապահության նախարարությունը: «Կորոնավիրուսային հիվանդությամբ այս պահին փաստացի բուժում է ստանում 2008 պացիենտ: Մեկ օրում կատարվել է 3171 թեստավորում, հաստատվել է կորոնավիրուսային հիվանդության 8 նոր դեպք, առողջացել է 27 քաղաքացի, մահվան դեպք չի արձանագրվել: Թեստավորումների ընդհանուր թիվը 3 միլիոն 11 հազար 12 է: Այլ հիվանդության պատճառով մահվան դեպքերի ընդհանուր թիվը 1680 է»,- նշվում է ՀՀ ԱՆ հաղորդագրության մեջ:

11:22 - 15 ապրիլի, 2022

Իրանում մեկ օրում կորոնավիրուսից մահացել է 33 քաղաքացի |armenpress.am|

armenpress.am: Իրանում կորոնավիրուսից մահերի թիվը հասել է 140 հազար 744-ի, վերջին 24 ժամում մահացել է 33 քաղաքացի: Այս մասին հայտնում է IRNA-ն: Իրանում վերջին 24 ժամում գրանցվել է կորոնավիրուսի 2194 նոր դեպք, որից 351-ը հոսպիտալացվել է: Երկրում գրանցված ընդհանուր 7 մլն 202 հազար 55 դեպքից առողջացել կամ հիվանդանոցներից դուրս է գրվել 6 մլն 934 հազար 664-ը: 1441 պացիենտ ծայրահեղ ծանր վիճակում բուժում է ստանում ինտենսիվ թերապիայի բաժանմունքներում: Իրանի առողջապահության նախարարությունից հայտնել են, որ երկրում կորոնավիրուսի դեմ պատվաստանյութի առաջին դեղաչափը ստացել է 64 մլն 157 հազար 94 քաղաքացի, երկրորդ դեղաչափը՝ 57 մլն 298 հազար 369 քաղաքացի: Իսկ երրորդ, այսինքն` խթանիչ դեղաչափ է ստացել երկրում արդեն 26 մլն 686 հազար 697 մարդ:

19:02 - 14 ապրիլի, 2022

Հայաստանում հաստատվել է կորոնավիրուսով վարակվելու 10 նոր դեպք. մահ չի գրանցվել

Հայաստանում ապրիլի 14-ի դրությամբ մեկ օրում կորոնավիրուսով վարակվելու 10 նոր դեպք է գրանցվել, վարակվածների ընդհանուր թիվը հասել է 422 721-ի: Այս մասին հայտնում են ՀՀ առողջապահության նախարարությունից: Վերջին մեկ օրում կատարվել է 2130 թեստավորում: Մինչև այժմ կատարված թեստավորումների ընդհանուր թիվը 3 007 841 է: Այս պահին փաստացի բուժում է ստանում 2027 պացիենտ. մեկ օրում ավելացել է 4-ով: Ընդհանուր թվով առողջացել է 410 393 անձ, վերջին մեկ օրում՝ 6 անձ: Մեկ օրում կորոնավիրուսի հետևանքով մահ չի գրանցվել. մահվան դեպքերը 8621-ն են:

11:25 - 14 ապրիլի, 2022

Հայաստանում կորոնավիրուսի դեմ ամբողջությամբ պատվաստված է մեծահասակների 43.7 տոկոսը. Ավանեսյան |armenpress.am|

armenpress.am: Հայաստանում կորոնավիրուսի դեմ պատվաստանյութի ամբողջական դեղաչափերը ստացել է մեծահասակ բնակչության 43.7 տոկոսը: Այս մասին ասաց ՀՀ առողջապահության նախարար Անահիտ Ավանեսյանն ԱԺ-ում կառավարության 2021 թվականի ծրագրի կատարման ընթացքի և արդյունքների մասին զեկույցի ներկայացմանը: «Այսօր ՀՀ-ում ունենք պատվաստումների հետևյալ ցուցանիշները: Պատվաստված են մեծահասակ բնակչության 49.5 տոկոսը՝ առաջին դեղաչափով և 43.7 տոկոսը՝ ամբողջական պատվաստումով»,-ասաց Ավանեսյանը: Նա հիշեցրեց, որ մայիսի 5-ից կորոնավիրուսի դեմ պատվաստումային գործընթացը սկսել է իրականացվել հանրային վայրերում, շարժական պատվաստումային կետերում, այնուհետև նաև՝ արտագնա, շարժական պատվաստումներ են իրականացվում համայնքներում, ինչպես նաև տնային պատվաստումներ՝ սահմանափակ շարժունակությամբ անձանց կեցության վայրերում:

16:04 - 13 ապրիլի, 2022

Հայաստանում հաստատվել է կորոնավիրուսի 20 նոր դեպք. մահվան դեպք չի արձանագրվել

Հայաստանում ապրիլի 13-ի դրությամբ հաստատվել է կորոնավիրուսային հիվանդության ընդհանուր 422 հազար 711 դեպք, որից 410 հազար 387-ը`առողջացած, 8621-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2023 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 2540 թեստավորում, հաստատվել է կորոնավիրուսային հիվանդության 20 նոր դեպք, առողջացել է 22 քաղաքացի, մահվան դեպք չի արձանագրվել: Թեստավորումների ընդհանուր թիվը հասել է 3 միլիոն 5 հազար 711 -ի:

11:40 - 13 ապրիլի, 2022

Հայաստանում հաստատվել է կորոնավիրուսի 13 նոր դեպք. մահվան դեպք չի արձանագրվել

Հայաստանում ապրիլի 12-ի դրությամբ հաստատվել է կորոնավիրուսային հիվանդության ընդհանուր 422 հազար 691 դեպք, որից 410 հազար 365-ը`առողջացած, 8621-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2025 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 2838 թեստավորում, հաստատվել է կորոնավիրուսային հիվանդության 13 նոր դեպք, առողջացել է 24 քաղաքացի, մահվան դեպք չի արձանագրվել: Թեստավորումների ընդհանուր թիվը հասել է 3 միլիոն 3 հազար 171-ի:

11:23 - 12 ապրիլի, 2022

Հայաստանում հաստատվել է կորոնավիրուսի 1 նոր դեպք. մահացել է 1 քաղաքացի

Հայաստանում ապրիլի 11-ի դրությամբ հաստատվել է կորոնավիրուսային հիվանդության ընդհանուր 422 հազար 678 դեպք, որից 410 հազար 341-ը`առողջացած, 8621-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2036 բուժառու: Այս մասին հայտնում է ՀՀ առողջապահության նախարարությունը: Մեկ օրում կատարվել է 1921 թեստավորում, հաստատվել է կորոնավիրուսային հիվանդության 1 նոր դեպք, առողջացել է 17 քաղաքացի, արձանագրվել է մահվան 1 դեպք: Թեստավորումների ընդհանուր թիվը հասել է 3 միլիոն 333-ի: Այլ հիվանդության պատճառով մահվան դեպքերի ընդհանուր թիվը 1680 է:

11:31 - 11 ապրիլի, 2022

Հաստատվել է կորոնավիրուսի 15 նոր դեպք, առողջացել է 14 քաղաքացի

Ապրիլի 10-ին՝ ժամը 11:00-ի դրությամբ, հանրապետությունում գրանցվել է կորոնավիրուսային հիվանդության 15 նոր դեպք, իրականացվել է 2355 թեստավորում, առողջացել է 14 քաղաքացի, մահվան դեպք չի արձանագրվել: Այսպիսով, հաստատվել է կորոնավիրուսային հիվանդության ընդհանուր 422677 դեպք, որոնցից 410324-ը՝ առողջացած: Փաստացի բուժում է ստանում 2053 բուժառու: Ընդհանուր առմամբ, կորոնավիրուսի հետևանքով մահվան 8620 դեպք է արձանագրվել: Ընդհանուր կատարվել է 2998412 թեստավորում:

11:04 - 10 ապրիլի, 2022

Moderna-ն հետ է կանչել 765 հազար դեղաչափ պատվաստանյութ |armtimes.com|

armtimes.com: Ամերիկյան Moderna ընկերությունը հետ է կանչել կորոնավիրուսային հիվանդության դեմ պատվաստանյութի 764 900 չափաբաժին այն բանից հետո, երբ սրվակներից մեկում օտար մարմին է հայտնաբերվել: Այս մասին գրում է ՏԱՍՍ-ը։ Տեղեկատվության համաձայն, օտար մարմին է հայտնաբերվել խմբաքանակի միայն մեկ սրվակում, որն արտադրվել է իսպանական Rovi պայմանագրային արտադրող ընկերության կողմից։ Moderna-ն հայտարարել է, որ չեն կարծում աղտոտումը վտանգ է ներկայացնում այլ չափաբաժինների համար, և որ ամբողջ խմբաքանակը հետ կանչելու որոշումը կայացվել է՝ ելնելով ծայրահեղ զգուշությունից։

12:53 - 09 ապրիլի, 2022