10:29 - 13 մայիսի, 2023
Բլինքենը և Կուլեբան քննարկել են Ուկրաինայի հակահարձակման նախապատրաստությունը. Պետդեպ |news.am|
news.am: ԱՄՆ պետքարտուղար Էնթոնի Բլինքենը զրուցել է Ուկրաինայի արտաքին գործերի նախարար Դմիտրի Կուլեբայի հետ։ Այս մասին նշվել է ԱՄՆ պետդեպարտամենտի մամուլի քարտուղար Մեթյու Միլլերի հաղորդման մեջ։
«Նրանք քննարկել են Ուկրաինայի հակահարձակման ընթացիկ նախապատրաստությունը, այդ թվում և այն, թե ինչպես միջազգային գործընկերների ավանդը կարող է նպաստել դրա հաջողությանը։
Պետքարտուղար Բլինքենը նշել է, որ Ուկրաինայի ինքնիշխանությունը կենսականորեն կարևոր է Եվրոպայում խաղաղության և անվտանգության համար, և հաստատել է ԱՄՆ կողմնակցությունն այն հարցում, որ Ռուսաստանը պատասխանատվության կենթարկվի՝ ընդգծելով (ԱՄՆ նախագահ- խմբ.) Ջո Բայդենի խոստումը՝ աջակցել Ուկրաինային այնքան ժամանակ, որքան որ կպահանջվի»,- նշվել է հաղորդման մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)