Էնթոնի Բլինքեն

էնթոնի Բլինքենն Ամերիկայի Միացյալ Նահանգների պետքարտուղարն է։ Այդ պաշտոնը զբաղեցնում է 2021-ից։

Բլինքենը հայտարարել է ԱՄՆ-ի և Վրաստանի միջև երկկողմ համագործակցության վերանայման մասին
 |news.am|

Բլինքենը հայտարարել է ԱՄՆ-ի և Վրաստանի միջև երկկողմ համագործակցության վերանայման մասին |news.am|

news.am: Պետքարտուղար Էնթոնի Բլինքենը հայտարարել է վրացի պաշտոնյաների նկատմամբ վիզային սահմանափակման նոր քաղաքականության մասին, որոնք ընդունել են «Օտարերկրյա ազդեցության թափանցիկության մասին» օրինագիծը, որը զանգվածային բողոքի ցույցեր է առաջացրել երկրում, հայտնում է «Ամերիկայի ձայնը»։ Բլինքենը հայտարարել է, որ վերջին մի քանի ամիսների ընթացքում իշխող «Վրացական երազանք» կուսակցությունը մշակել և ընդունել է օրենսդրություն, որը «կճնշի խոսքի եւ միավորումների ազատությունը, կնեղի Վրաստանի քաղաքացիներին ծառայող կազմակերպություններին և կխոչընդոտի անկախ լրատվամիջոցների աշխատանքը»: «Քանի որ վրացիները դեմ էին օրենքին, մենք տեսանք ահաբեկման և բռնության արշավի հստակ նշաններ՝ այլախոհությունը ճնշելու համար», - ասաց Բլինքենը: Նրա խոսքով, թե՛ օրենքը, թե՛ բողոքը ճնշելու համար կիրառվող ռեպրեսիվ մարտավարությունը խարխլում է Վրաստանի ժողովրդավարությունը և հիմնարար ազատությունները, որոնց իրավունքն ունի վրաց ժողովուրդը, և հակասում է Վրաստանի վաղեմի նպատակին, որն արտացոլված է նրա Սահմանադրության մեջ՝ եվրատլանտյան համագործակցության և ԱՄՆ-ի հետ ռազմավարական գործըընկերության վերաբերյալ: Ի պատասխան այս գործողությունների՝ Պետքարտուղարությունը նոր վիզային սահմանափակման քաղաքականություն է ներմուծում Վրաստանի համար, որը կտարածվի ժողովրդավարությունը խարխլելու, խաղաղ բողոքները ճնշելու համար պատասխանատու անձանց և նրանց ընտանիքի անդամների վրա։ Ինչպես եզրակացրել է Բլինքենը, յուրաքանչյուր ոք, ով խաթարում է Վրաստանի ժողովրդավարական գործընթացները կամ ինստիտուտները, այդ թվում՝ 2024 թվականի հոկտեմբերին կայանալիք ընտրություններից առաջ, ընթացքում և դրանից հետո, այդ անձանց մերժվելու են ԱՄՆ մուտքի արտոնագրերը և Միացյալ Նահանգներ մեկնելու իրավունքը: Բացի այդ, ըստ Բլինքենի, ԱՄՆ-ի ու Վրաստանի երկկողմ համագործակցությունը կարող է վերանայվել։ «Մենք շարունակում ենք հուսալ, որ Վրաստանի իշխանությունները կվերանայեն օրինագիծը և քայլեր կձեռնարկեն ժողովրդավարական և եվրաատլանտյան նկրտումների իրականացման ուղղությամբ առաջ շարժվելու համար։ Քանի որ մենք դիտարկում ենք մեր երկու երկրների հարաբերությունները, մենք հաշվի ենք առնելու Վրաստանի գործողությունները մեր սեփական որոշումներ կայացնելիս»,- հավելել է Բլինքենը:
10:02 - 24 մայիսի, 2024
ԱՄՆ-ն ուսումնասիրում է, թե ինչպես կարող է ամրապնդել աջակցությունը Հայաստանին․ Էնթոնի Բլինքեն
 |armenpress.am|

ԱՄՆ-ն ուսումնասիրում է, թե ինչպես կարող է ամրապնդել աջակցությունը Հայաստանին․ Էնթոնի Բլինքեն |armenpress.am|

armenpress.am: Ամերիկայի Միացյալ Նահանգներն ուսումնասիրում է Հայաստանի մի շարք դիմումներ, թե ինչ կարող է Միացյալ Նահանգներն անել Հայաստանին աջակցությունն ամրապնդելու և երկրի հետ հարաբերությունները խորացնելու համար։ ԱՄՆ Կոնգրեսի Ներկայացուցիչների պալատի արտաքին հարցերով հանձնաժողովում լսումների ժամանակ այս մասին ասել է ԱՄՆ պետքարտուղար Էնթոնի Բլինքենը՝ պատասխանելով կոնգրեսական Ջիմ Կոստայի հարցին։ «Մենք ուսումնասիրում ենք Հայաստանի մի շարք դիմումներ հասկանալու համար, թե ինչ կարող ենք անել, որպեսզի ամրապնդենք աջակցությունը Հայաստանին և խորացնենք հարաբերությունները Հայաստանի հետ։ Ես շաբաթներ առաջ Բրյուսելում հանդիպել եմ վարչապետ Նիկոլ Փաշինյանի և Եվրոպական հանձնաժողովի նախագահ Ուրսուլա Ֆոն Դեր Լայենի հետ, որպեսզի տեսնենք, թե ինչ կարող ենք անել մենք և Եվրամիությունը Հայաստանին աջակցելու համար, և մենք առաջ ենք շարժվելու այդ ուղղությամբ»,- ասել է Բլինքենը։ Նա կարծիք է հայտնել, որ Հայաստանի վարչապետ Նիկոլ Փաշինյանը տարբեր ոլորտներում արտասովոր աշխատանք է արել՝ երկիրը ղեկավարելով շատ բարդ ժամանակահատվածում։ Բլինքենը նաև հույս է հայտնել, որ Հայաստանն ու Ադրբեջանը կկարողանան համաձայնության հասնել խաղաղության պայմանագրի հարցում։
12:29 - 23 մայիսի, 2024
ԱՄՆ պետքարտուղարն ու Թուրքիայի ԱԳ նախարարը հեռախոսազրույց են ունեցել
 |factor.am|

ԱՄՆ պետքարտուղարն ու Թուրքիայի ԱԳ նախարարը հեռախոսազրույց են ունեցել |factor.am|

factor.am: ԱՄՆ պետքարտուղար Էնթոնի Բլինքենն ու Թուրքիայի ԱԳ նախարար Հաքան Ֆիդանը հեռախոսազրույց են ունեցել։ Պետդեպի հաղորդմամբ՝ կողմերը քննարկել են անհապաղ զինադադարի հասնելու ջանքերը, որոնք «կապահովեն պատանդների ազատ արձակումը և կօգնեն մեղմել Գազայում պաղեստինցիների տառապանքը»: Նրանք քննարկել են նաև տարածաշրջանում կայուն և տևական  խաղաղություն ապահովելու շարունակական ջանքերը:  Բլինքենն ընդգծել է Մերձավոր Արևելքում հակամարտությունների սրացումից խուսափելու և Գազա մարդասիրական օգնության մատակարարումների ավելացման կարևորությունը: Թուրքական լրատվամիջոցներն էլ, վկայակոչելով դիվանագիտական աղբյուրներին , նշում են, որ հեռախոսազրույցում կողմերը քննարկել են Գազայում վերջին իրադարաձություններն ու Ուկրաինայում իրավիճակը։ Ֆիդանն ընդգծել է Գազայում հնարավորինս շուտ մշտական ​​հրադադար հաստատելու կարևորությունը և մատնանշել այն խոչընդոտների վերացման անհրաժեշտությունը, որոնք խանգարում  են մարդասիրական օգնության մատակարարմանը։ Նա նաև հայտարարել է, որ Իսրայելի հարձակումը Ռաֆահի վրա անընդունելի է: Ֆիդանն այնուհետև հեռախոսազրույց է ունեցել ՀԱՄԱՍ-ի քաղաքական բյուրոյի ղեկավար Իսմայիլ Հանիյեի հետ ու քննարկել հրադադարի շուրջ բանակցությունների ընթացքը։
12:13 - 16 մայիսի, 2024
Բլինքենը Կիևում Զելենսկիին հավաստիացրել է, որ Ուկրաինա հասնող զենքերը մեծ ազդեցություն կունենան մարտի դաշտում |armenpress.am|

Բլինքենը Կիևում Զելենսկիին հավաստիացրել է, որ Ուկրաինա հասնող զենքերը մեծ ազդեցություն կունենան մարտի դաշտում |armenpress.am|

armenpress.am: Չհայտարարված այցով Կիևում գտնվող ԱՄՆ պետքարտուղար Էնթոնի Բլինքենն ասել է, որ ԱՄՆ աջակցության խոշոր փաթեթի մի մասը հասել է Ուկրաինա։ Նա նաև Ուկրաինայի նախագահ Վլադիմիր Զելենսկիին հավաստիացրել է, որ ավելի շատ օգնություն գտնվում է ճանապարհին, և այն «մեծ ազդեցություն կունենա» մարտի դաշտում։ Այս մասին հաղորդում է Reuters գործակալությունը։ «Մենք գիտենք, որ հիմա դժվար ժամանակներ են։ Բայց նաև գիտենք, որ առաջիկա օգնությունն այժմ ճանապարհին է, դրա մի մասն արդեն հասել է, ավելի շատ օգնություն դեռ կգա։ Եվ դա մեծ ազդեցություն կունենա մարտի դաշտում Ռուսաստանի շարունակվող հարձակման դեմ», - ասել է Բլինքենը։ Իր հերթին Զելենսկին ասել է, որ Ուկրաինան հակաօդային պաշտպանության համակարգերի մեծ կարիք ունի՝ խնդրելով երկու Patriot համակարգեր տրամադրել Խարկովի մարզի համար, որտեղ Ռուսաստանը վերջին օրերին մի քանի բնակավայր է վերցրել իր վերահսկողության տակ։ 2022 թվականին ռազմական գործողությունների մեկնարկի առաջին տարվա ընթացքում Ուկրաինան վերադարձրել է Ռուսաստանի վերահսկողության տակ անցած տարածքների մի մասը, սակայն Ուկրաինայի հակահարձակումն անցյալ տարի մեծ առաջընթաց չի գրանցել, իսկ վերջին ամիսներին Ռուսաստանն առաջնագծում հաջողությունների է հասել։ Բլինքենի այցն ԱՄՆ առաջին բարձրաստիճան պաշտոնյայի այցն է Կիև այն բանից հետո, երբ ապրիլին ԱՄՆ նախագահ Ջո Բայդենը ստորագրեց 95 միլիարդ դոլարի արտաքին օգնության փաթեթը, որը հաստատել էր Կոնգրեսը, և որը ներառում է գրեթե 61 միլիարդ դոլարի օգնություն Ուկրաինային։
18:44 - 14 մայիսի, 2024
Բլինքենը Ֆիդանի հետ քննարկել է Պաղեստին Պետության ստեղծումը՝ Իսրայելի համար անվտանգության երաշխիքներով
 |1lurer.am|

Բլինքենը Ֆիդանի հետ քննարկել է Պաղեստին Պետության ստեղծումը՝ Իսրայելի համար անվտանգության երաշխիքներով |1lurer.am|

1lurer.am: ԱՄՆ պետքարտուղար Էնթոնի Բլինքենը հանդիպել է Թուրքիայի գործընկեր Հաքան Ֆիդանի հետ: Այդ մասին հայտնել է ԱՄՆ պետքարտուղարության խոսնակ Մեթյու Միլլերը: Երկու երկրի արտաքին քաղաքական գերատեսչությունների ղեկավարներն հանդիպել են Սաուդյան Արաբիայի Ռիադ քաղաքում՝ Համաշխարհային տնտեսական համաժողովի շրջանակում: «Պետքարտուղար Բլինքենն ու Թուրքիայի արտգործնախարար Ֆիդանը քննարկել են Մերձավոր Արևելքում անհապաղ զինադադարի հասնելու ջանքերը, որը կապահովի պատանդների ազատ արձակումը և կօգնի մեղմելու Գազայում պաղեստինցիների տառապանքը»,- նշել է Միլլերը: Նրա խոսքով՝ պետքարտուղարն ընդգծել է, որ գործարքն ընդունելու՝ ՀԱՄԱՍ-ի մերժումն է պատճառը, որ հակամարտությունը շարունակվում է, և կոչ է արել բոլոր ջանքերը գործադրել պաղեստինյան զինված խմբավորմանը համոզելու ընդունել անհապաղ հրադադարի առաջարկը, որը քննարկման փուլում է: «Պետքարտուղարը և արտաքին գործերի նախարարը նաև քննարկել են տարածաշրջանում տևական խաղաղություն ապահովելու շարունակական ջանքերը, այդ թվում՝ Պաղեստինի Պետության ստեղծումը՝ Իսրայելի համար անվտանգության երաշխիքներով: Պետքարտուղար Բլինքենն ընդգծել է Մերձավոր Արևելքում հակամարտության սրումը կանխարգելելու կարևորությունը»,- ասել է պետքարտուղարության խոսնակը։  
21:04 - 29 ապրիլի, 2024
Ալիևը հայտարարել է, որ Հայաստանի ու Ադրբեջանի ԱԳ նախարարները կհանդիպեն Ալմաթիում |hetq.am|

Ալիևը հայտարարել է, որ Հայաստանի ու Ադրբեջանի ԱԳ նախարարները կհանդիպեն Ալմաթիում |hetq.am|

hetq.am: Հայաստանի և Ադրբեջանի արտաքին գործերի նախարարները մոտ ժամանակներս կհանդիպեն Ալմաթիում։ Այդ մասին հայտարարել է Ադրբեջանի նախագահ Իլհամ Ալիևը՝ ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ, հայտնում է Ադրբեջանի նախագահի մամուլի ծառայությունը։ «Երկրի ղեկավարն ասել է, որ ղազախական կողմի առաջարկին համապատասխան՝ Ադրբեջանի և Հայաստանի ԱԳ նախարարները մոտ ժամանակներս հանդիպում կանցկացնեն Ալմաթիում՝ խաղաղության պայմանագրի շուրջ բանակցությունները շարունակելու համար»,- ասված է ադրբեջանական կողմի հաղորդագրության մեջ։ Ալիևն ընդգծել է, որ Ադրբեջանը կներդնի բոլոր ջանքերը խաղաղության օրակարգը շարունակելու համար՝ նշելով, որ Բաքուն դրա համար ունի ուժեղ քաղաքական կամք: Նա հավելել է, որ իր երկիրը «աջակցում է տարածաշրջանային համագործակցության հարավկովկասյան մոդելի ստեղծմանը՝ առանց տարածաշրջանում բաժանարար գծերի»: Ալիևը որպես դրական քայլ է գնահատել այն փաստը, որ հայ-ադրբեջանական սահմանի սահմանազատման գործընթացից հետո արդեն սկսվել են նաև դրա սահմանագծման աշխատանքները: Ադրբեջանական կողմի փոխանցմամբ՝ Էնթոնի Բլինքենն իր հերթին հայտարարել է, որ ԱՄՆ-ն պատրաստ է հետագայում ևս աջակցել Հայաստանի և Ադրբեջանի միջև հարաբերությունների կարգավորմանը և խաղաղության օրակարգի առաջմղմանը։  
10:47 - 29 ապրիլի, 2024
Բլինքենը հեռախոսազրույց է ունեցել նաև Ալիևի հետ՝ ողջունելով Ալմա-Աթայի հռչակագիրը որպես սահմանազատման հիմք ընդունելու հայտարարությունը

Բլինքենը հեռախոսազրույց է ունեցել նաև Ալիևի հետ՝ ողջունելով Ալմա-Աթայի հռչակագիրը որպես սահմանազատման հիմք ընդունելու հայտարարությունը

ԱՄՆ Պետքարտուղար Բլինքենը հեռախոսազրույց է ունեցել նաև Ադրբեջանի նախագահ Իլհամ Ալիևի հետ։  Պետքարտուղարության խոսնակ Մեթյու Միլլերի փոխանցմամբ՝ Բլինքենը «գովաբանել է նախագահ Ալիևին» անցյալ շաբաթվա հայտարարության համար, համաձայն որի Երևանն ու Բաքուն պայմանավորվել են ընդունել 1991թ. Ալմա-Աթայի հռչակագիրը որպես սահմանազատման հիմք, և ընդգծել է դրա կարևորությունը երկու կողմերի համար՝ կայուն և արժանապատիվ խաղաղության հասնելու համար: Պետքարտուղարը Ադրբեջանի նախագահին կոչ է արել պահպանել դինամիկան հայ գործընկերոջ հետ՝ վերահաստատելով այդ ջանքերին աջակցելու ԱՄՆ պատրաստակամությունը։ Բլինքենը ողջունել է նաև ձերբակալված քաղաքական գործիչ Գուբադ Իբադօղլուի խափանման միջոցի փոփոխությունը տնային կալանքի և կոչ է արել նրան լիովին, արագ ազատ արձակել․ «Բլինքենը կրկին կոչ է արել Ադրբեջանին պահպանել միջազգային և մարդու իրավունքների պարտավորությունները և ազատ արձակել Ադրբեջանում անարդարացիորեն ձերբակալվածներին», - նշված է ԱՄՆ Պետքարտուղարության տարածած հաղորդագրության մեջ։ Հիշեցնենք, որ Բլինքենը այսօր հեռախոսազրույց էր ունեցել նաև ՀՀ վարչապետ Նիկոլ Փաշինյանի հետ։
23:08 - 28 ապրիլի, 2024
 Ոսկեպարի, Կիրանցի եւ Բերքաբերի բնակիչների մտահոգությունները հասկանալի են, ամեն ինչ կարվի նրանց լեգիտիմ մտահոգությունները հասցեագրելու համար․ Փաշինյանը՝ Բլինքենի հետ զրույցում

Ոսկեպարի, Կիրանցի եւ Բերքաբերի բնակիչների մտահոգությունները հասկանալի են, ամեն ինչ կարվի նրանց լեգիտիմ մտահոգությունները հասցեագրելու համար․ Փաշինյանը՝ Բլինքենի հետ զրույցում

Տեղի է ունեցել վարչապետ Նիկոլ Փաշինյանի հեռախոսազրույցն ԱՄՆ պետքարտուղար Էնթոնի Բլինքենի հետ: Այս մասին հայտնում է ՀՀ վարչապետի մամուլի քարտուղար Նազելի Բաղդասարյանը։«Զրուցակիցները քննարկել են Հայաստան-ԱՄՆ երկկողմ հարաբերությունների օրակարգին, ս/թ ապրիլի 5-ին Բրյուսելում տեղի ունեցած հանդիպմանը, ինչպես նաեւ Հայաստան-Ադրբեջան խաղաղության գործընթացին վերաբերող հարցեր:Վարչապետ Փաշինյանը գոհունակություն է արտահայտել Հայաստան-ԱՄՆ երկկողմ հարաբերությունների ակտիվացման առիթով:Վարչապետը կարեւորել է նաեւ ս/թ ապրիլի 5-ին Բրյուսելում ձեռքբերված պայմանավորվածությունների ի կատար ածումը՝ ընդգծելով, որ այդ պայմանավորվածություններն արտահայտված են հանդիպմանը հաջորդած մամուլի հաղորդագրության մեջ, եւ հանդիպումը որեւէ գաղտնի օրակարգ չի ունեցել:Վարչապետ Փաշինյանը նաեւ դրական է արտահայտվել Հայաստան-Ադրբեջան պետական սահմանի սահմանազատման գործընթացի վերաբերյալ՝ ընդգծելով, որ Տավուշի մարզի Ոսկեպար, Կիրանց եւ Բերքաբեր գյուղերի բնակիչների մտահոգությունները հասկանալի են, եւ ամեն ինչ կարվի նրանց լեգիտիմ մտահոգությունները հասցեագրելու համար:Զրուցակիցներն ընդգծել են 2022թ. հոկտեմբերի 6-ի Պրահայի քառակողմ հանդիպման ժամանակ ձեռքբերված պայմանավորվածությունների կարեւորությունը Հայաստան-Ադրբեջան խաղաղության գործընթացի համատեքստում:Ալմա-Աթայի հռչակագրի հիման վրա Հայաստանի եւ Ադրբեջանի կողմից միմյանց տարածքային ամբողջականության եւ ինքնիշխանության ճանաչումը, ինչպես նաեւ նույն հռչակագրի հիման վրա սահմանազատման եւ սահմանագծման գործընթացի իրականացումը բացում է Հայաստան-Ադրբեջան խաղաղության պայմանագրի ստորագրման ճանապարհը:Քննարկվել է նաեւ «Խաղաղության խաչմերուկ» նախագիծը: Վարչապետ Փաշինյանը եւս մեկ անգամ ընդգծել է, որ այն արտահայտում է 2023 թ. հուլիսին Բրյուսելում ԵՄ խորհրդի նախագահ Շառլ Միշելի, Ադրբեջանի նախագահ Իլհամ Ալիեւի եւ իր պայմանավորվածություններն առ այն, որ տարածաշրջանային կոմունիկացիաները պետք է բացվեն երկրների ինքնիշխանության եւ իրավազորության հիման վրա, հավասարության եւ փոխադարձության սկզբունքով: Այս պայմանավորվածություններն արտահայտված են նախագահ Միշելի՝ վերոնշյալ հանդիպմանը հաջորդած հայտարարությունում», - նշված է հաղորդագրության մեջ:
20:17 - 28 ապրիլի, 2024
ԱՄՆ-ին մտահոգում է Ուկրաինայի դեմ պատերազմում Չինաստանի կողմից Ռուսաստանին տրվող օգնությունը. Բլինքեն
 |azatutyun.am|

ԱՄՆ-ին մտահոգում է Ուկրաինայի դեմ պատերազմում Չինաստանի կողմից Ռուսաստանին տրվող օգնությունը. Բլինքեն |azatutyun.am|

azatutyun.am: Միացյալ Նահանգների պետական քարտուղար Էնթոնի Բլինքենը մտահոգություն է հայտնել Ուկրաինայի դեմ պատերազմում Չինաստանի կողմից Ռուսաստանի բանակին օգնություն տրամադրելու վերաբերյալ: Նա ասել է, թե դա մոլորակի երկու տնտեսական գերտերությունների՝ Միացյալ Նահանգների և Չինաստանի հարաբերությունների զարգացումը խոչընդոտող հանգամանքներից մեկն է: Այդ մասին Բլինքենը հայտարարել է Պեկինում՝ իր չինացի պաշտոնակից Վան Իի հետ 5,5 ժամ տևած բանակցությունների ընթացքում: «Ես կրկնել եմ, որ մեզ շատ է անհանգստացնում Ուկրաինայի դեմ դաժան պատերազմ սանձազերծած Ռուսաստանին Չինաստանի կողմից օգնություն տրամադրելու հարցը»,- նշել է Բլինքենը: Նրա այցի ընթացքում էական առաջխաղացում չի գրանցվել ոչ Չինաստանի էժան արտահանումների խնդրի, ոչ էլ Թայվանի շուրջ և Հարավչինական ծովում առկա լարվածության թուլացման հարցում: Սակայն Բլինքենն անպատասխան է թողել ռուսներին օգնելու համար Պեկինի նկատմամբ պատժամիջոցներ սահմանելու հնարավորության մասին հարցը: Պեկինում Միացյալ Նահանգների պետական դեպարտամենտի ղեկավար Էնթոնի Բլինքենին ընդունել է նաև Չինաստանի նախագահ Սի Ծինպինը: ԱՄՆ պետքարտուղարի այցը Չինաստան ավարտվել է:
18:17 - 26 ապրիլի, 2024
Բլինքենը հանդիպել է իր չինացի գործընկեր Վան Իի հետ |armenpress.am|

Բլինքենը հանդիպել է իր չինացի գործընկեր Վան Իի հետ |armenpress.am|

armenpress.am: Պեկինում կայացել է ԱՄՆ պետքարտուղար Էնթոնի Բլինքենի և նրա Չինաստանի գործընկեր Վան Իի հանդիպումը։ Այս մասին հաղորդում է CNN-ը։ Հանդիպումից առաջ լրագրողների հետ հանդիպման ժամանակ Վան Ին նշել է, որ երկու երկրները պետք է ընտրություն կատարեն «կայուն կերպով առաջ շարժվելու» և «հարաբերությունների անկման վերադառնալու» միջև։ Չինաստանի արտգործնախարարը նաև նշել է, որ Պեկինի և Վաշինգտոնի հարաբերությունները կայունացել են, սակայն «հարաբերություններում բացասական գործոնները դեռ շարունակում են ավելանալ»։ Իր հերթին Բլինքենը հույս է հայտնել, որ կողմերն առաջընթաց կգրանցեն երկու երկրների նախագահների կողմից համաձայնեցված համագործակցության հարցերում, ինչպես նաև կհարթեն առկա տարաձայնությունները, ինչը պահանջում է ակտիվ դիվանագիտություն։ «Դեմ առ դեմ դիվանագիտությանը ոչինչ չի փոխարինի», - Բլինքենի խոսքերն է մեջբերում Reuters-ը։ Փակ դռների հետևում երկու դիվանագետների հանդիպումը կարող է տևել մի քանի ժամ։ ԱՄՆ պետքարտուղարության պաշտոնյաները հանդիպումից առաջ հայտնել են, որ քննարկման թեմաներից մեկը կլինի Չինաստանի աջակցությունը Ռուսաստանին։ Հարավչինական ծովում կողմերը նույնպես տարաձայնություններ ունեն։ Իսկ Բլինքենի՝ Չինաստան ժամանումից ժամեր առաջ ԱՄՆ նախագահ Ջո Բայդենը ստորագրել էր Կոնգրեսի ընդունած օրինագիծը, որով 8 միլիարդ դոլար է տրամադրվում Չինաստանի ռազմական հզորությանը դիմակայելուն և Թայվանին պաշտպանական աջակցությանը։ Բլինքենի այցը վերջինն է ԱՄՆ-ի և Չինաստանի միջև բարձր մակարդակով շփումների շարքում։ Երկու երկրների նախագահներ Ջո Բայդենը և Սի Ծինփինը նոյեմբերին հանդիպել էին Կալիֆորնիայում։
11:37 - 26 ապրիլի, 2024
Ողջունում ենք Ալմա-Աթայի հռչակագրի շուրջ Երևանի և Բաքվի համաձայնության մասին հայտարարությունը․ Բլինկեն |tert.am|

Ողջունում ենք Ալմա-Աթայի հռչակագրի շուրջ Երևանի և Բաքվի համաձայնության մասին հայտարարությունը․ Բլինկեն |tert.am|

tert.am: Վաշինգտոնը ողջունում է 1991 թվականի Ալմա-Աթայի հռչակագրի շուրջ Երևանի և Բաքվի համաձայնության մասին հայտարարությունը, որպես երկու երկրների միջև սահմանների սահմանազատման հիմք։ Այս մասին X-ի իր միկրոբլոգում գրել է ԱՄՆ պետքարտուղար Էնթոնի Բլինկենը։ «Սա կարևոր քայլ է կայուն և արժանապատիվ խաղաղության համաձայնագրի կնքման ուղղությամբ», - հավելել է նա։ Հիշեցնենք, որ երեկ Հայաստանի և Ադրբեջանի սահմանին տեղի է ունեցել Հայաստանի և Ադրբեջանի սահմանազատման պետական հանձնաժողովների 8-րդ հանդիպումը՝ փոխվարչապետներ Մհեր Գրիգորյանի և Շահին Մուստաֆաևի նախագահությամբ: Հանձնաժողովները նշում են, որ պայմանավորվածություն են ձեռք բերել, որ  Ադրբեջանը ստանում է իրեն պատկանող երկուսուկես գյուղ, որովհետև Կըզըլ Հաջըլի գյուղի տարածքն ամբողջությամբ, Աշաղը Ասկիպարա գյուղի տարածքի մի զգալի մասը մինչ այս էլ եղել է Ադրբեջանի տիրապետության ներքո: Իսկ Հայաստանի Հանրապետությունն այս գործընթացում ստանում է սահմանազատման հետ կապված և անվտանգային ռիսկերի նվազեցում։
10:20 - 20 ապրիլի, 2024
Բլինքենը կոչ է արել խուսափել Մերձավոր Արևելքում էսկալացիայից
 |tert.am|

Բլինքենը կոչ է արել խուսափել Մերձավոր Արևելքում էսկալացիայից |tert.am|

tert.am: v class="inner-content__left inner-content__left--770 fl"> ԱՄՆ պետքարտուղար Էնթոնի Բլինքենը Սաուդյան Արաբիայի, Թուրքիայի, Եգիպտոսի և Հորդանանի ԱԳ նախարարների հետ զրույցում ընդգծել է Իսրայելի վրա Իրանի հարձակումից հետո Մերձավոր Արևելքում հետագա էսկալացիայից խուսափելու անհրաժեշտությունը։ «Պետքարտուղար Բլինքենը և Եգիպտոսի արտաքին գործերի նախարարն ընդգծել են էսկալացիայի կանխարգելման և դիվանագիտական ջանքերի համակարգման կարևորությունը», - ասված է ԱՄՆ Պետքարտուղարության հայտարարության մեջ: Նույնը Բլինքենը քննարկել է նաև Սաուդյան Արաբիայի, Թուրքիայի և Հորդանանի արտաքին քաղաքական գերատեսչությունների ղեկավարների հետ։ Ապրիլի 13-ի լույս 14-ի գիշերը Իրանը հարյուրավոր անօդաչու թռչող սարքերով հարձակում է սկսել Իսրայելի ուղղությամբ։ Ավելի ուշ Թեհրանն արձակել է նաեւ բալիստիկ հրթիռներ։ Սա առաջին անգամն է, երբ Իրանը հենց իր տարածքից է գործողություն իրականացնում Իսրայելի դեմ։ Իրանական «Իսլամական հեղափոխության պահապանների կորպուսը» հայտարարել է, որ այս գործողությունը Դամասկոսում իրանական դեսպանական հյուպատոսական բաժնի վրա Իսրայելի հարձակման պատասխանն է։ Իսրայելն անմիջապես հաստատել է, որ իրանական ԱԹՍ-ները շարժվում են իրենց օդային տարածք՝ նշելով, որ սկսել է Սիրիայի եւ Հորդանանի տարածում որսալ դրանք։ Մինչդեռ Իրանը հարեւան երկրներին զգուշացրել է, որ եթե նրանք օդը բացեն Իսրայելի համար, կդառնան թիրախ։ Գիշերվա ընթացքում Իրանը հայտարարել է, որ խոցել է նախանշված մի շարք թիրախներ, իսկ Իսրայելը հավաստիացրել, որ ԱԹՍ-ների ու հրթիռների գերակշիռ մասը խոցվել են օդում։ Իսրայելի տարածքից դուրս իրանական ԱԹՍ-ները եւ հրթիռները խոցելուն աջակցել են ԱՄՆ-ի՝ Մերձավոր Արեւելքում տեղակայված ՀՕՊ ուժերը եւ Հորդանանի ավիացիան։ Ավելի ուշ ԱՄՆ-ն հայտարարել է, որ ինքը Իրանի դեմ հարձակողական գործողությունների չի պատրաստվում մասնակցել, այլ մտադիր է աջակցել Իսրայելի պաշտպանությանը։
09:42 - 15 ապրիլի, 2024
Բլինքենը Մերձավոր Արևելքում առկա իրավիճակը քննարկել է Չինաստանի, Սաուդյան Արաբիայի և Թուրքիայի ԱԳ նախարարների հետ |hetq.am|

Բլինքենը Մերձավոր Արևելքում առկա իրավիճակը քննարկել է Չինաստանի, Սաուդյան Արաբիայի և Թուրքիայի ԱԳ նախարարների հետ |hetq.am|

hetq.am: ԱՄՆ պետքարտուղար Էնթոնի Բլինքենը հեռախոսազրույցներ է ունեցել Թուրքիայի, Չինաստանի և Սաուդյան Արաբիայի արտաքին գործերի նախարարների հետ։ Զրույցի թեման եղել է Մերձավոր Արևելքում իրավիճակի սրումը և Իրանի հնարավոր գործողությունների կանխարգելումը: Այդ մասին ամենօրյա ճեպազրույցի ժամանակ հայտարարել է ԱՄՆ պետքարտուղարության մամուլի ծառայության ղեկավար Մեթյու Միլերը։ «Վերջին 24 ժամվա ընթացքում պետքարտուղար Բլինքենն ակտիվ դիվանագիտական ջանքեր է գործադրել, այդ թվում՝ Թուրքիայի ԱԳ նախարար Հաքան Ֆիդանի, Չինաստանի ԱԳ նախարար Վան Իի, ինչպես նաև Սաուդյան Արաբիայի ԱԳ նախարար Ֆեյսալ բեն Ֆարհան ալ Սաուդի հետ բանակցությունների միջոցով, որպեսզի հստակ հասկացնի, որ Մերձավոր Արևելքում էսկալացիան չի բխում ոչ մեկի շահերից, և որ այդ երկրները պետք է Իրանին կոչ անեն չտանել տարածաշրջանում իրավիճակի էսկալացիայի»,- ասել է նա։ Հիշեցնենք, որ լիբանանյան «Հեզբոլլահը» երեկ երեկոյան հարվածներ է հասցրել երկրի հետ սահմանին գտնվող իսրայելական դիրքերին։ Իսրայել ՊԲ-ն հաստատել է տեղեկությունը՝ նաև նշելով, որ խոցել են պայթուցիկներով լիցքավորված երկու անօդաչու թռչող սարք, որոնք արձակվել են «Հեզբոլլահ»-ի կողմից Իսրայելի հյուսիսում: ԱՄՆ նախագահ Ջո Բայդենն էլ Իրանին հորդորել է չհարձակվել Իսրայելի վրա․ «Մենք կաջակցենք Իսրայելին, կօգնենք, որ Իսրայելը պաշտպանվի։ Իսկ Իրանը հաջողության չի հասնի»։
17:22 - 13 ապրիլի, 2024
ԱՄՆ-ն հաստատակամ է Հայաստանի ժողովրդավարության ամրապնդման և տնտեսական բարգավաճման հարցում․ Էնթոնի Բլինքեն
 |armenpress.am|

ԱՄՆ-ն հաստատակամ է Հայաստանի ժողովրդավարության ամրապնդման և տնտեսական բարգավաճման հարցում․ Էնթոնի Բլինքեն |armenpress.am|

armenpress.am: ԱՄՆ պետքարտուղար Էնթոնի Բլինքենը X-ի իր էջում անդրադարձել է Հայաստանի վարչապետ Նիկոլ Փաշինյանի և Եվրոպական հանձնաժողովի նախագահ Ուրսուլա Ֆոն դեր Լայենի հետ եռակողմ հանդիպմանը։  «ԱՄՆ-ն հաստատակամ է մնում՝ օգնելով Հայաստանին ամրապնդել իր ժողովրդավարությունը և հասնել տնտեսական բարգավաճման և ճկունության՝ տարածաշրջանային ինտեգրման միջոցով։ Հայաստանի և ԵՄ ղեկավարների հետ հանդիպման ժամանակ ես հայտարարեցի մեր հանձնառությունը՝ տրամադրել ավելի քան 65 միլիոն դոլար այս ջանքերի համար»,- գրել է Բլինքենը։ Բրյուսելում կայացել է Հայաստանի վարչապետ Նիկոլ Փաշինյանի, ԱՄՆ պետքարտուղար Էնթոնի Բլինքենի և Եվրոպական հանձնաժողովի նախագահ Ուրսուլա Ֆոն դեր Լայենի եռակողմ հանդիպումը։  Եռակողմ հանդիպման մեկնարկից առաջ ՀՀ վարչապետը, ԱՄՆ պետքարտուղարը, Եվրոպական հանձնաժողովի նախագահը և Արտաքին գործերի ու անվտանգության քաղաքականության հարցերով ԵՄ բարձր ներկայացուցիչ Ժոզեպ Բորելը հանդես եկան մամուլի համար հայտարարություններով։ Վարչապետ Փաշինյանն ավելի վաղ Բրյուսելում հանդիպել էր ԱՄՆ Միջազգային զարգացման գործակալության ղեկավար Սամանթա Փաուերի հետ։
22:48 - 05 ապրիլի, 2024