10:11 - 26 մայիսի, 2023
Ալեքսեյ Օվերչուկը պարզաբանել է` որոնք են Հայաստանի ու Ադրբեջանի միջև առկա չկարգավորված հարցերը |1lurer.am|
1lurer.am: ՌԴ փոխվարչապետ Ալեքսեյ Օվերչուկի խոսքով` Հայաստանի ու Ադրբեջանի միջև հաղորդակցությունների ապաշրջափակման գործընթացում չկարգավորված տեխնիկական հարցեր են մնում:
«Դրանք տեխնիկական, բայց շատ կարևոր դետալներ են: Խոսքը Հայաստանի և Ադրբեջանի միջև սահմանահատման կարգի մասին է` ինչպես է իրականացվելու սահմանային և մաքսային վերահսկողությունը: Մեկ շաբաթից Մոսկվայում հենց այս հարցերն են քննարկվելու»,- ասել է նա:
Հիշեցնենք, որ երեկ՝ մայիսի 25-ին, Մոսկվայում տեղի է ունեցել ՀՀ ՌԴ և Ադրբեջանի ղեկավարների եռակողմ հանդիպումը, որը տևել է 20 րոպե։ Ըստ ՀՀ կառավարության՝ հանդիպմանը քննարկվել են տարածաշրջանային տրանսպորտային և տնտեսական ենթակառուցվածքների ապաշրջափակմանը վերաբերող հարցեր: Պայմանավորվածություն է ձեռք բերվել աշխատանքները շարունակել մեկ շաբաթից՝ երեք երկրների փոխվարչապետների հանդիպման շրջանակում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)