news.am: Անկարայից ոչ հեռու գտնվող MKE պաշտպանական մեքենաշինական-քիմիական ձեռնարկությանը պատկանող հրթիռների և դրանց համար մարտալիցքերի արտադրության գործարանում հրդեհ է բռնկվել։ Այս մասին հաղորդում է İhlas գործակալությունը։
Գործարանը գտնվում է էլմադաղի շրջանում՝ բնակելի թաղամասերից հեռու գտնվող լեռնոտ տարածքում: Հրդեհից առաջ պայթյուն է լսվել։ TRT Haber-ի փոխանցմամբ միջադեպի հետեւանքով գործարանի 5 աշխատակից է զոհվել։
Փրկարարական ծառայությունների աղբյուրը հայտնել է, որ պայթյունից հետո առնվազն հինգ մարդ փլատակների տակ է, աշխատանքներ են տարվում նրանց փրկելու համար: Այս պահին հրշեջները շարունակում են մարել կրակը:
Միջադեպի պատճառների մասին դեռևս տեղեկություններ չկան: Նախաձեռնվել է քրեական վարույթ, այս պահին նախաքննություն է ընթանում։
comment.count (0)