10:04 - 17 հունիսի, 2019
Ես բացառում եմ, թե գրոհ կա Գագիկ Ծառուկյանի ուղղությամբ․ Արարատ Միրզոյան |armtimes.com|
armtimes.com։ Ես բացառում եմ, թե գրոհ կա Գագիկ Ծառուկյանի ուղղությամբ, բոլորովին համաձայն չեմ նման կարծիք հայտնողների հետ, ի՞նչ է նշանակում միտում, երբ նույն ձեւ հրավիրում են նախկին նախագահների, վարչապետի եւ այլ պաշտոնատար անձանց։
Այս մասին այսօր ԱԺ-ում լրագրողների հետ զրույցում ասաց ԱԺ նախագահ Արարատ Միրզոյանը՝ անդրադառնալով ԲՀԿ ղեկավար Գագիկ Ծառուկյանին երկրորդ անգամ հարցաքննության հրավիրելուն եւ նույն խմբակցության պատգամավոր Գեւորգ Պետրոսյանի պնդմանը, թե դա «գրոհ» է։
«Ի վերջո օրենքը բոլորի համար է, եւ օրենքի առաջ բոլորը հավասար են։ Եթե որեւէ գործի քննության շրջանակներում իրավապահ մարմինն անհրաժեշտ է համարում հրավիրել՝ տեղեկություններով կիսվելու որեւէ մարդու՝ անկախ զբաղեցրած պաշտոնից, էդ մարդը պարտավոր է գնալ»,-ասաց Միրզոյանը՝ լրագրողներին խնդրելով այս թեման այդքան «չեփել, չէսկալացնել», քանի որ այդքան լուրջ չէ։ ԱԺ նախագահը վստահ է՝ նորմալ կարգավորում կլինի։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)