Վարչապետ Նիկոլ Փաշինյանը շնորհավորական ուղերձ է հղել Ավստրալիայի Համագործակցության վարչապետ Էնթոնի Ալբանիզին ազգային տոնի՝ Ավստրալիայի օրվա առիթով: Այս մասին հայտնում են ՀՀ վարչապետի աշխատակազմից։
Շնորհավորական ուղերձում նշված է.
«Շնորհավորանքներս և լավագույն բարեմաղթանքներս եմ հղում Ձեզ և Ավստրալիայի բարեկամ ժողովրդին ազգային տոնի՝ Ավստրալիայի օրվա կապակցությամբ:
Գոհունակությամբ եմ արձանագրում մեր երկրների միջև առկա փոխշահավետ համագործակցությունը և մեր ժողովուրդների պատմական ջերմ կապերն ու միջմարդկային փոխանակումները։ Համոզված եմ, որ փոխադարձ հարգանքի, վստահության և ընդհանուր ժողովրդավարական արժեքների վրա հիմնված Հայաստան–Ավստրալիա բարեկամական հարաբերությունները կշարունակեն զարգանալ և խորանալ՝ ներառելով փոխադարձ հետաքրքրություն ներկայացնող նոր ոլորտներ:
Մաղթում եմ Ձեզ քաջառողջություն և նորանոր հաջողություններ, իսկ Ավստրալիայի բարեկամ ժողովրդին՝ բարօրություն և բարգավաճում»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)