12:25 - 23 ապրիլի, 2024
Կատարը ողջունել է Հայաստանի և Ադրբեջանի միջև ձեռք բերված համաձայնությունը սահմանազատման վերաբերյալ |1lurer.am|
1lurer.am: Կատարի Պետությունը ողջունել է Հայաստանի և Ադրբեջանի միջև ձեռք բերված համաձայնությունը սահմանազատման վերաբերյալ։
«Կատարի Պետության արտաքին գործերի նախարարությունը հույս է հայտնել, որ նախնական համաձայնագիրը ճանապարհ կհարթի երկու երկրների միջև չլուծված հարցերը երկխոսության և խաղաղ միջոցներով լուծելու համար՝ նպատակ ունենալով ապահովելու երկու երկրների շահերը և երկու ժողովուրդների զարգացման ու բարգավաճման ձգտումները»,- ասված է Կատարի ԱԳՆ հաղորդագրության մեջ:
Ընդգծվել է Կատարի աջակցությունը տարածաշրջանի անվտանգության, կայունության և խաղաղության վերականգնմանն ուղղված միջազգային ջանքերին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)