16:10 - 07 հունիսի, 2024
Բաքուն և Աստանան ստորագրել են փաստաթուղթ ռազմական ոլորտում համագործակցության մասին |armenpress.am|
armenpress.am: Ադրբեջանը և Ղազախստանն ստորագրել են ռազմական ոլորտում համագործակցության միջկառավարական փաստաթուղթ։ Այս մասին հայտնել է Ադրբեջանի պաշտպանության նախարարությունը։
Ըստ մամուլի ծառայության տեղեկատվության՝ փաստաթուղթն ստորագրվել է երկու երկրների պաշտպանության նախարարներ Զաքիր Հասանովի և Ադրբեջան ժամանած Ռուսլան Ժակսիլիկովի բանակցությունների արդյունքներով:
Ժակսիլիկովն ադրբեջանցի պաշտոնակցին հրավիրել է դիտարկելու «Բիռլեստիկ-2024» օպերատիվ-մարտավարական հրամանատարաշտաբային զորավարժությունները, որոնք կանցկացվեն հուլիսին Ակտաուում։ Զորավարժություններին կմասնակցեն Ադրբեջանի, Ղազախստանի, Ղրղզստանի, Տաջիկստանի և Ուզբեկստանի զորակազմերը։
«Նախարարների հանդիպմանը հատկապես ընդգծվել է համատեղ վարժանքների անցկացման կարևորությունը երկու երկրների զինվորականների պրոֆեսիոնալիզմի բարձրացման նպատակով», - Պաշտպանության նախարարության հաղորդագրությունից հատված է մեջբերում ՏԱՍՍ-ը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)