11:07 - 30 հոկտեմբերի, 2024
Վրաստանի ԿԸՀ-ն դատախազությանը խնդրել է հետաքննել ընտրակեղծիքների մեղադրանքները |azatutyun.am|
azatutyun.am: Վրաստանի կենտրոնական ընտրական հանձնաժողովը դատախազությանը կոչ է արել հետաքննություն սկսել ընտրակեղծիքների վերաբերյալ մեղադրանքների վերաբերյալ։ ԿԸՀ-ն նշել է, որ պատրաստ են տրամադրել հետաքննության համար անհրաժեշտ տեղեկատվություն։
Հանձնաժողովը հայտարարել է, որ ԿԸՀ-ի վրա քննադատությունների և հարձակումների լայնածավալ քարոզարշավի գնահատումը իր իրավասություններից դուրս է, ուստի խնդրում է դատախազությանը ներգրավվել այդ հարցում։
Նախագահ Սալոմե Զուրաբիշվիլին և ընդդիմադիր կուսակցությունները ավելի վաղ պնդել են, որ մոտ 300 հազար ձայն կեղծվել է իշխող «Վրացական երազանք»-ի օգտին, որը ստացել է ձայների գրեթե 54 տոկոսը: Նախագահը և ընդդիմադիրները չեն ընդունում ընտրությունների արդյունքները։
Միջազգային դիտորդները հայտարարել են, որ ընտրություններն անցել են «անհավասար պայմաններում, ճնշումներով և լարվածությամբ»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)