09:29 - 25 նոյեմբերի, 2024
Սոչիից Անթալիա ուղևորվող ինքնաթիռում հրդեհ է բռնկվել. զոհեր չկան |1lurer.am|
1lurer.am: Ռուսական «Ազիմուտ» ավիաընկերության ինքնաթիռում, Անթալիայի օդանավակայանում վայրէջքի ժամանակ, հրդեհ է բռնկվել, սակայն այն հաջողվել է մարել, հայտնում է HavaSosyalMedya ավիացիոն պորտալը։
«Հրդեհը բռնկվել է Սոչի-Անթալիա չվերթ իրականացնող Sukhoi Superjet 100-95LR ինքնաթիռի վայրէջքի ժամանակ։ Ենթադրաբար, կրակը բռնկվել է շարժիչում»,- ասվում է հաղորդագրության մեջ:
«Ռոսավիացիայի» ներկայացուցիչ Արտյոմ Կորենյակոն իր տելեգրամ ալիքում հայտնել է, որ արտակարգ պատահարի հետևանքով զոհեր չկան: Ինքնաթիռի բոլոր՝ 79 ուղևորները հաջողությամբ տարհանվել են:
«Ռոսավիացիան» հետաքննություն է իրականացնում դեպքի հանգամանքները պարզելու նպատակով:
Թուրքական DHA գործակալությունը տեղեկացնում է, որ օդանավակայանը պատահարից որոշ ժամանակ անց վերսկսել է աշխատանքը սովորական ռեժիմով:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)