19:07 - 06 հունվարի, 2025
Մաղթում եմ, որ Սուրբ Ծննդյան խորհուրդը միավորի մեր ժողովրդին. Վահագն Խաչատուրյան
ՀՀ նախագահ Վահագն Խաչատուրյանը Սուրբ Ծննդյան արթիվ ուղերջ է հղել։
Սիրելի հայրենակիցներ,
Սրտանց շնորհավորում եմ Սուրբ Ծննդյան տոնի առթիվ:
Այս օրը հայոց եկեղեցին նշում է Հիսուս Քրիստոսի Ծնունդն ու Աստվածհայտնությունը, որը խորհրդանշում է հոգևոր վերածնունդ, մաքրագործում և նոր սկիզբ:
Թող այս սրբազան տոնը լցնի մեր տները լույսով, ջերմությամբ և սիրով:
Մաղթում եմ, որ Սուրբ Ծննդյան խորհուրդը միավորի մեր ժողովրդին, ամրապնդի մեր հավատը և ոգեշնչի մեզ՝ միասին կերտելու ավելի պայծառ ապագա:
Թող խաղաղությունը և բարօրությունը տիրեն մեր երկրում և յուրաքանչյուրի օջախում: Աստված պահապան մեր ժողովրդին և պետությանը:
Քրիստոս ծնավ և հայտնեցավ,
Մեզ և ձեզ մեծ ավետիս։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)