23:02 - 13 հունվարի, 2025
Լոս Անջելեսի պատմության ամենաավերիչ աղետը՝ 24 զոհ, 16 անհետ կորած, 100 հազար տարհանված |azatutyun.am|
azatutyun.am: 24 զոհ, նվազագույնը 16 անհետ կորածներ. Լոս Անջելեսի պատմության ամենաավերիչ աղետը՝ հրդեհը, մեկ շաբաթ է, ինչ չեզոքացնել չի ստացվում։
Զոհերի ու անհետ կորածների շրջանում հայերի մասին մինչև այս պահը չի հաղորդվել։
Այսօր էլ շրջանում մի քանի հրդեհներ են մոլեգնում։ Ավելի քան 100 հազար մարդ մնում է տարհանված։
Լոս Անջելեսի ոստիկանությունը 3 տասնյակից ավելի մարդու է ձերբակալել, որոնք մոխիրների ավերակների մեջ թալանով էին զբաղված։ Ի դեպ, գտնվել են նաև հրշեջի հագուստով գողության գնացած ճարպիկներ։ Ոստիկանական սահմանափակումները շատերի սրտով չեն։
Ավերիչ հրդեհից ամենաշատը Փալիսայդս և Փասադենա բնակավայրերն են տուժել։ Կալիֆորնիայի իշխանությունները հայտնում են՝ կրակը շուրջ 13 հազար շինություն է կուլ տվել։
Թեպետ հրդեհի օջախները դեռ մարված չեն, Լոս Անջելեսի համեմատաբար ապահով քաղաքներում այսօրվանից վերսկսելու են դասերը։ Բայց, թուլանալու համար դեռ վաղ է։ Ըստ օդերևութաբանների՝ վաղը, մյուս օրը նահանգում ուժգին քամիներ են սպասվում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)