11:25 - 31 հունվարի, 2025
«Դուրս եկեք, սառույց դրեք գլխներիդ, հանգստացեք». Ավինյանը քաշքշուկի պատճառով ընդմիջում հայտարարեց
Երևանի ավագանու արտահերթ նիստի ընթացքում իրավիճակը լարվեց, և Տիգրան Ավինյանն ընդմիջում հայտարարեց:
Ավագանու անդամները սկսեցին տեղից բղավել այն ժամանակ, երբ Ավինյանը նրանց մեղադրեց մեկ տարի շարունակ քաղաքացիներին մանիպուլացնելու և ուղետոմսի գինը 300 դրամ ներկայացնելու մեջ:
Բղավոցներից հետո քաշքշուկ սկսվեց ավագանու անդամների միջև: Քաղաքապետը ներս հրավիրեց Ոստիկանությանը՝ իրավիճակը հանդարտեցնելու համար:
Նա կոչ էր անում ավագանու անդամներին դուրս գալ դահլիճից, հանգստանալ և վերադառնալ. «Դուրս եկեք, սառույց դրեք գլխներիդ, հանգստացեք»:
Այնուհետև քաղաքապետը պնդում էր, որ նիստը չեն շարունակի, մինչ «Մայր Հայաստան» խմբակցությունից Սամվել Հակոբյանը չհեռանա նիստերի դահլիճից վերջինիս մի արտահայտությունից հետո, որը չլսվեց:
Ապա Ավինյանը հրավիրեց Ոստիկանությանը՝ Հակոբյանին դուրս հրավիրելու և իրավիճակը հանդարտեցնելու համար, այնուհետև 15 րոպե ընդմիջում հայտարարեց:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)